必勝客 (已結業)

上次寫了食評未被登出，唯有再試一次，希望今次編輯平安收到。一般來說，必勝客都是外賣之選，而這間分店更是不設堂座。和舊同學來買外賣，另一個同學告知我們上網訂購有雞翼送，早知就不需勞師動眾來自取食物。那個新的滋脆批仍是沒甚麼特別，我還是比較喜歡食雞翼同意粉。一班舊同學聚頭不外乎為了開局同睇波，尤其是旗開得勝就更加是賞心樂事，食物因此倒是其次。

(20/9/06)在公司網上訂購,唔知係咪從呢間來呢。Anyway,要贊贊是,一click提交訂單,係即刻有人打來confirm,無需令你擔心,有無人,幾時處理order。當務要試這三文魚批,非常好食,尤其條邊,大家都贊口不絕,不過食完一片,已半飽。蒜蓉包、菠菜雞皇意粉、意式焗豬扒焗飯、意式千層肉醬闊麵、辣味雞翼,相信大家也食過,質素不過不失啦。挪威三文魚意粉銀包,意粉茄汁夠酸,有少許海鮮,呢碟如果即食會更好食。法式田螺伴焗薯蓉,田螺比想像大隻,所以OK。瑞士雞翼(滿$130送),比辣味雞翼好味。好鍾意之前的食評說「意式」行頭,「港式」埋尾。仲晒!

P Hut 貨色，眾所周知：「意式」行頭，「港式」埋尾。會偶爾陪老外堂食cripsy thins，只是因為老外貪那個「熱辣辣脆卜卜」...Spaghetti House o係老外界味道被淪為「不合格」之列。（後按：其實最正就入南丫島食，但唔會下下都走入去咁解）另外一個情況，就是一大班人柴娃娃gathering 先食；始終，係港人最易access 到，易分，較多人o岩食，都幾快到，而又唔使煩既外賣送遞服務。但係，外送又幾新鮮熱辣，可想而知。食P Hut，都係為聯誼而已...「三文魚去o左邊」，關我乜事。

般含道0既聖士提反里3號享順閣樓下有間pizza hut,專做外賣,資料如下:電話: 2857 3831