心粥館

我今日15：30食咗個下午茶帆立貝xx湯米線和凍檸茶，我覺得杯凍檸茶好難飲，無茶未，我只見到好多檸檬，個米線啲湯完全無魚湯未，好像飲水，但係間餐廳唔係旺，樓面得兩個人，食物都咁嘅水準，唔怪知咁靜，連樓面都係得兩個，少到咁，不如唔好請人啦，是否還想cut人，貼招聘紙呃人啊…查看更多

一碗$35既牛肉粥外賣竟然用一個白飯外賣碗仔裝住？？？我開頭仲以為係裝麵豉湯添！份量少得可憐！我立即同職員反映，而佢地表示公司特登轉左隻細碗做外賣粥，連職員都拎返碗粥入廚房問有無用錯碗！$35比得一小碗粥，呃錢到爆！連其他顧客見到都表示眼突！打開碗牛肉粥只有牛肉片三塊仔！味道非常一般！甘既質數收$35一碗直頭離鋪！食完仲係見肚餓，所以大家幫親前諗清楚，可能食完會仲係有空肚既感覺，迫你叫多幾樣野食！…查看更多

今晚要趕住去睇演唱會，晚餐只可以係置富都會選擇。來到見到門口有10幾人等緊位，拿張飛等等啦！好彩都係等了15min左右就有位，不過就坐得迫少少。開始以為只有米線吃，原來這間係心粥館同魚米嘅合拼，選擇多元化一些。滷肉豬扒撈淮山麵，豬扒係半煎炸的，外面少少脆，口感不錯，唔會太大雪味，不過麵嘅份量多少少就好啦。滷肉椒鹽春魚飯，多春魚炸得好香脆，椒鹽味唔太膿，滷肉有點似肉燥，只有瘦肉，啱曬唔喜歡肥豬肉的我，餸飯一流，不過飯就少少偏硬。如過睇演唱會前搵地方醫肚，可以多一個選擇了!…查看更多

Ordered a rice soup with century egg and fishBroth had a good flavour and with the rice made a nice meal.The century egg and fish complimented it really well and for $51 proved to be good value.Added vegetables to the meal - the vegetables tasted a bit off and was a bit bitter…查看更多

今日返工嚟開紅磡 其實紅磡都幾多好野食 可惜今日有啲趕時間 所以喺置富都會食就算 一上電梯就見到心粥館 就即刻入咗去可能近火車站 所以比較多大陸客 請嘅店員都要識流利嘅普通話 所以啲店員普遍都有鄉音 有啲難聽到佢地講咩😅餐牌選擇多 有飯類 湯飯 粥 同麵都有 我見到有啲湯飯配原條魚 都嚇咗嚇 不過要Lun骨就唔太啱我啲啲趕時間嘅打工仔🤧我嗌咗個果醋豬軟骨菜飯 配熱檸水 果醋豬軟骨份量都幾多 又好林 又幾入味 菜飯都幾特別 其實就咁食已經有啲咸😛 但整體幾好食 下次一定會再去心粥館 食完就好心足了🐷…查看更多

同朋友黎食番個早餐，坐低個環境好唔乾淨，有幾張枱都冇執好同抹枱，有啲唔衞生。服務都比較差，冇人理，態度都好麻麻。叫左碗沙嗲牛肉面，點知勁細碗，牛肉只有兩舊，好失望，完全唔值。湯底可以用冇味黎形容，完全唔合格。熱好立克係淡到一個點，雖然啲粉已經溶哂，都可以咁淡，可想而知佢係幾少粉。其實好立克粉都好平姐，洗唔洗咁啊？好彩豬扒都算幾淋幾好食，否則依餐真係會勁失望。整體真係份量細而唔好食，完全唔值依個價。…查看更多

今天淋了雨，所以lunch想食熱騰騰比較暖胃的東西。紅磡都會這間心粥館都光顧過好多次。Lunch menu都有好多選擇，最鍾意食果醋豬軟骨菜飯配上一杯冬瓜茶。今次和同事一人叫左一碗泡飯。我叫左皮蛋芫茜魚片湯泡飯，碗泡飯超大碗，勁多皮蛋，魚片也很鮮美，特別是魚湯，很鮮甜。我已經很努力食，都只是食得一半，另一半浪費了🙄️份泡飯越食越大份，泡發了😂。同事叫嘅酸辣蠔仔鮮菇泡飯，蠔仔都多，酸菜也多。湯底好夠味，酸酸辣辣好開胃。但我同事都係食得一半。我覺得我地兩個小鳥胃以後來食，都係share一份算了🤦🏼‍♀️，免得浪費。Lunch set跟餐飲品都特別，不像一般茶餐廳來來去去都是奶茶檸茶咖啡。我特別喜歡他們的冬瓜茶，以前去喝不管是熱的凍的都好濃味，但是這次我的這杯熱冬瓜茶稍淡了很多。同事那杯水蜜桃卻很濃味，聞著就很水蜜桃。…查看更多

我對呢間野印象最深就係早晚既湯底唔同，夜晚會稀d,米線質地比較粗，唔滑。但特別方面係有成條魚食，都唔錯，例如黃瓜魚！另外d粥好綿好好飲，先肉丸粥係我至愛，另外仲有海鮮粥，都好甜啊！果然食粥店！…查看更多

不錯的刀削麵配搭😋好多時趕時間都唔知食咩好，係忙碌的日子同埋凍的日子裏面梗係要食返D又飽又好食嘅野，今日黎到心粥館依到食野，果然正值食飯時間，依到人流特別多😓不過等位等得快，唔使幾耐就有位坐😇見到依到有刀削麵食，鐘意試新野的本尊當然就要叫一份試下😎，49蚊有包野飲，而且仲有平時好難飲到的特飲，比如水蜜桃汁，柑桔蜜，銀菊蜜依D，感覺價錢都算合理💰見到個麵之後，覺得個份量唔多夠，但係食落先知，原來暗藏玄機，食完又真係幾飽下😬刀削麵幾滑，口感唔錯，牛腩都唔算太淋或者太硬，食落都算唔錯，不過就欠缺左牛腩味🤔等餐的時間就耐左少少，如果得一個鐘頭食飯，食個陣時可能就要食快少少🏃但係總括來說，依間係都會都係一間唔錯的餐廳，得閒約左朋友黎都會，可以黎依間一試🙆🏻‍♂️…查看更多

在尖沙咀看完了 比比鳥 和Sa姐的 "原諒他77次" ，見 還有一點時間 ，又有一點肚餓 ，便在搭隧道巴士前 ，來了 這間心粥店 ，吃碗粉麵。 我叫了一碗 冬菇 魚蛋 魚片 魚湯 米線。其實都是一般大路貨色， 但是貪它 是連鎖店，出品 快靚正， 和品質有一定保證。其實一如所料， 沒有驚喜，也沒有失望。 湯底是大路的魚湯 ，魚片也挻爽口， 我喜歡吃鮮冬菇 ，它相對其他配料健康，又有ㄧ陣鮮菇香味， 又有口感， 很好。 對於不揀飲擇食的我來說， 這個價錢配這個質數 ， 又不用等位 ，是 絕對 可以接受的。…查看更多

叫咗兩個菜 一個係黃花魚湯飯 另一個係冬瓜什錦湯飯 水吧有自助水杯任人斟 侍應好好會主動推介 原本想叫蒸魚 但冇大眼雞 結果都係叫湯飯首先嚟到係冬瓜什錦湯飯 冬瓜汁滲滿曬係個湯裏面 你會食到清得嚟但好有味嘅湯 牛丸彈牙冬瓜夠醒神至於黃花魚湯飯 條魚夠曬新鮮 配合埋湯飯 簡直一絕…查看更多

下午放館知道呢間野又慢又多人，所以今日都1點10分先坐底，落單時間係1點19分，我叫了一碗比目魚米線，凍檸茶，我1點40分催單話未到，佢話等等，等到2點，我真係火爆了，我2話不說去收銀台話有缶9攪錯，差不多10個字都出唔到碗麵，下午飯市有幾耐時間食吖，等你碗麵都10個字! 轉身就走。個收銀說唔好意思催了2次，我永遠黑名單呢間不知所為嘅店…查看更多

今日放學去左食個宵夜，每次黎到呢間鋪頭，都會忍唔住叫雲吞水餃麵呢個雲吞水餃麵嘅雲吞非常之爽口，好大粒啲蝦都好爽，豬肉多過蝦肉，大約係2:1而粒水餃就加左木耳，食落都好爽😋啲面就冇咩味，唔算彈牙，填肚仍可接受湯底偏甜…查看更多

今晚去紅館睇演唱會, 來不及吃飯了, 決定找間粥麵店.   於是在置富都會商場逛逛, 找到 "心粥館".    門外不乏等位的客人, 相信不錯吧!店內裝修比一般粥麵家優雅,  乾淨, 光猛, 有卡座, 也有方桌. 店員服務尚可.餐牌內印了彩色食品照片, 介紹清晰.我叫了 "荔灣艇仔粥 + 炒麵" 套餐 @41-   (包熱飲) 價錢扺食.    有魚片, 花生,  少許碎牛肉, 粥底很綿, 米香味十足, 不算細碗, 胡椒粉好香, 可加Ｄ. 配炒麵一碟,  麵很幼,  略彈牙, 有少旦香,  不太油, 份量 夠. '蘿蔔牛腩撈麵  + 迷你水餃'  @ $ 47-  (包熱飲)迷水餃,   皮薄也頗滑, 一碗有3個, 內餡豐富, 湯底好味道.牛腩煮得夠火喉, 入口軟熟而且好入味, 牛筋食落太軟身, 欠左一種有咬口既感覺.加一碟油菜, 只加 8-熱飲選了檸檬茶, 也不錯.中肯的感覺, 此店設有多款套餐組合, 使客人選擇食品更容易.  價錢佷大眾化.  食品質數和價錢合比例.…查看更多

呢幾日個胃都唔多舒服,所以要食得清淡d,食粥就最唔傷胃喇。呢間心粥館同魚米係相連嘅,所以2間舖嘅野食都叫得,選擇都幾多,當然我都係叫左粥食。叫左肉丸粥,鯇魚腩粥,齋腸粉同鹹肉糉,共$99。先黎左個糉,味道正常,如預期中冇料,有一粒咸蛋黃同一舊肥豬肉。之後黎個腸粉好硬,好明顯係買現成嘅返黎蒸下就算。講返2碗粥,冇味精係好,但係好似連鹽都冇落,d粥同d材料嘅味好分開,真係說不出嘅古怪味道。最後要提嘅係呢度service真係好差,除左個收銀,其他侍應成日全部唔見人,走晒去後場,然後舖面仲要聽到傾計講笑聲。我入左去坐左好耐都冇人理,店裡面好幾張枱都冇人清理…我仲聽到後面枱客話個阿姐扮睇唔到佢叫落order…呢d真係扣晒分。…查看更多