心甜 (已結業)

在吃過簡單的晚飯後我和老婆仔在公園坐著聊天享受二人的浪漫同時期待著下一餐甜品由於老婆仔突然很想吃蘋果金寶所以來到了心甜坐下後馬上點了45元的蘋果金寶配雲尼拿雪糕在看到推介餐單上有好像很吸引的綠茶心太軟便加了這個48元的綠茶心太軟配Rum酒提子雪糕依然維持高水準的蘋果金寶配雲尼拿雪糕吃下第一口已經覺得是幸福的感覺雖然吃著吃著出現了輕微蘋果的酸味不過這更好因為最近老婆仔都愛吃酸味而且雲尼拿雪糕也是相當能帶出蘋果金寶的味道這果然是最佳的配搭至於綠茶心太軟配Rum酒提子雪糕就相對較失色綠茶心太軟切開後也沒有流出所以與較出名吃綠茶心太軟的餐廳相比實在有點距離而且Rum酒提子雪糕的酒味相當濃當我們混合一起吃時所有綠茶味也被酒味覆蓋所以若果再選吃綠茶心太軟時, 還是選淡味的雲尼拿雪糕較好還好每當吃到蘋果金寶的酸味還是Rum酒提子雪糕的酒味時看一看老婆仔吃得滿足的表情就自然變甜了

呢間「心甜」已經食過唔只一次… 都分別介紹咗好多朋友去試…同幾位朋友仔打完邊邊, 呢晚又黎甜一甜啦~今次 order 咗 4 個甜品:- 綠茶心太軟 配 朱古力雪糕- 芒果芝士凍餅 配 Rum酒提子雪糕- 士多啤梨窩夫 配 雲尼拿雪糕- 榴槤芭菲落完單, 就一邊吹水一邊等食…5 分鐘左右, 就陸續有野上枱啦!!!綠茶心太軟 配 朱古力雪糕: 綠茶味香而濃郁, 流出黎既綠茶溶岩更香濃, 外脆內熱, 正!!芒果芝士凍餅 配 Rum酒提子雪糕: 芒果味唔特出, 只係食到好輕微既芝士味, 有D失望!!士多啤梨窩夫 配 雲尼拿雪糕: 窩夫好香, 暖暖的, 可惜外皮烘得唔夠脆, 有D失色!! 雲尼拿雪糕好特出, 見到滿佈雲尼拿籽, 又香又濃, 好味!!榴槤芭菲: 聞到憂憂既榴槤香味, 唔算濃, 仲以為會無咩味, 點知一入口…….正呀!! 又香又濃郁既榴槤味, 半芭菲半雪糕既口感, 真係食到唔想停口!!!!!!真係超級大滿足呢!!! 繼續~繼續~ 繼續研究多D新甜品, 我仲會再黎!!!!

情人節晚上食飽飯想食糖水，係大圍行嚟行去都冇晒蕃薯糖水，最後行到呢間，睇睇餐牌，都係冇蕃薯，28蚊一碗木瓜雪耳糖水，諗住咁貴應該有好嘢，又唔想再行就試下，俾錢後等左十分鐘，包好了，嘩！一睇細碗到哩。。。28蚊成本應該可以整10碗，行番上車食，味道冇特別，只係南北杏放得不少，有啲苦，最差係天寒地凍，碗糖水竟然只係暖暖地，完全係冇誠意之作。

好多時行過都排曬長龍，今次喺食晚飯時間前嚟，終於唔使等啦！我Order左芒果斑蘭窩夫配朱古力雪糕芒果非常非常甜，好正！食完窩夫再食芒果可以refresh一下個味蕾熱辣辣的斑蘭窩夫雖然未可以做到外脆內軟，但已經算係高質素啦配埋movenpick的朱古力味雪糕，真係絕對好食食嗰陣口被朱古力味覆蓋左，食完口中會有淡淡的斑蘭味㗎愛人叫左心太軟配士多啤梨味雪糕Present得好靚，令人賞心悅目心太軟食落比較甜同好重奶味，重到有D蘇食埋酸酸的雪糕，咁就會好D啦好多焗的甜品都係即整的，要有耐性咁去等啦最欣賞係佢地D材料唔係用平野一定會再幫襯㗎！

今晚一班女子兵團去完大圍田心警署對面打冷, 在附近周圍搵糖水, 可能人生路不熟, 完全搵唔到喎.....電話真方便, 即刻上網search, 原來大圍都有好幾間糖水店, 但大部份都要出番去火車站附近, 咁唯有坐小巴出去啦. 眾多間中揀了心甜, 幸好去到無人龍, 可能我哋多人(7位), 所以都要等15-20mins先有位. 等候期間朋友已經話:"吓, 又係呢啲新潮甜品呀....無傳統糖水??", 我話:"上網睇附近間間都係食新潮甜品喎.....無計啦....見餐牌都有幾款中式糖水呀.....", 所以就試這間啦.  侍應帶我們7人上了樓上, 嘩....樓底好矮呀好多橫樑貼住小心頂頭, 店舖都好細心用厚墊包實橫樑怕撞到, 但真係好矮囉, 我哋要彎來彎去烏低身行烏低身"zip"入位, 但我最後都要中頭奬 >_<   打開餐牌, 有幾位朋友選擇較中式甜品, 椰青燉奶, 芒果涼粉, 其他朋友選擇心太軟, 香蕉斑蘭waffle. - 芒果涼粉 (有2位朋友叫): 大家異口同聲話酸酸地係咪變壞咗呢.....發現係有粒半透明既東西酸酸地, 經大家試後就認為係益力多QQ, 不是變壞.  

今天與老婆仔的週年紀念慶祝日也是吃甜品的一天由於剛剛才吃完上一餐甜品所以我們都先到處逛逛期間不小心嚇到老婆仔把她嚇得哭了, 真是非常內疚但同時也打開心扉說了很多心底話讓我們在這紀念日更認識了對方心打開了過後,更要吃甜品讓甜蜜流入心裡我們選擇了吃這間心甜同樣是一直牽著手點了45元的蘋果金寶配雪糕(雲尼拿)在等待的時間繼續說心底話彼此再加深了解我比較少吃蘋果金寶這類型的甜品是一個新嘗試不過伴隨著老婆仔吃的東西都是美味的而這個蘋果金寶也很香裡面有很多材料吃起來除了甜之外也很有口感再配合雪糕球一起吃, 軟中有硬,是很適合的配搭與普通的蘋果批完全是不同級別表面是大顆的碎粒可以逐粒吃底層則是充滿配料的一團很喜歡這層次感的變化雖然這已經是我們今天吃的第5個雪糕球但配合蘋果金寶吃, 完全不覺得膩正如我們的愛也不會膩一樣而且份量十分多45元來說相當抵食物好吃固然重要更重要的還是看到老婆仔滿足的眼神這間店的店名就代表著我跟老婆仔的狀況而且是多得漏出來的甜

Tiramisu口味雪糕超好味,藍莓芝士蛋糕又好好味,好多野都好想食,但可惜食飽左飯先去,搞到食唔到好多款甜品,仲有佢果個芒果芝士蛋糕又係好好食,心太軟又唔會好甜,個味岩岩好,但我覺得最正就係個Tiramisu口味雪糕,因為第二d甜品店係唔會有依個咁特別既口味雪糕,我自己就好鐘意食Tiramisu既,仲有好簡雜既!!!!但佢既Tiramisu口味雪糕真係值得一讚~

十月七日 (星期日)吃過屋子，甜品留待下次與朋友們一起再嚐沿著去程的路途，再次行到這家招牌搶眼的甜品店附近甜品店的選擇不少，不過印象中似乎有食友曾來過此店，一於試試這家吧!打開餐牌，甜品款式不少，可謂應有盡有心太軟,梳乎厘,燉蛋及窩夫也有供應就從中選了兩款法式脆糖燉蛋質地幼滑，不過味道偏甜且蛋味不太濃面層的焦糖則做得不俗，薄身而平均，焦糖味也濃而不燶份量比平時的多，表現算不錯香蕉斑蘭窩夫配Movenpick雲呢拿雪糕近來我倆總經常吃窩夫，上次在澳門金滿堂吃過的綠茶窩夫，今次再接再厲又點了一客窩夫窩夫即叫即焗，送上來時仍然熱烘烘的切開一件件時，感到質地較為硬窩夫內十分足料，甚少空氣在中間，吃起來質地較實味道方面，香蕉與斑蘭味道挺匹配，唯斑蘭味不夠可以做得更香濃一點無論如何，也要一讚店方的甜品賣相，甚有心思的窩夫伴上一球Movenpick雲呢拿雪糕及幾片香蕉肉雲呢拿雪糕中，也喜歡吃Movenpick這個品牌，吃到粒粒雲呢拿籽，味道則略偏甜(不過就是靠這種甜，你才可分辨出它是來算Movenpick感受得到這甜品店有心有力的，加油!

平時去開甜品鋪一定會食我最愛的心太軟,今日都不例外呢間甜品鋪都算旺,夜晚d"木台"放到通街都係,我等左大約10分鐘先有位,我坐座立即叫左個心太軟,等左大約15分鐘就有啦,個心太軟一到,超香不過我食第一啖己經覺得,我等位10分鐘+等上甜品15分 總共等左25分鐘,完全唔值......個心太軟面d皮比較硬唔好食,整穿左d皮之後亦不見有朱古力流出,裡面的朱古力醬少得可憐...朱古力醬亦太甜完全唔好食好差我食過最差的心太軟,我亦不會再有下次

係咁多甜品鋪中,呢一間算幾特別,特別在佢地d甜品一係就好食,一係就難食,無中間的我之前食個一個心太軟,可以講我食過最差的心太軟,佢裡內d朱古力一d都唔流,而且份量少,仲要過甜.....我之前都有想過唔再黎,結果都係比多一次機會佢今次我叫左個法式焗蛋(熱)呢個就真係似樣啦!一黎到己經超香,外表給引人,上面的蕉糖加埋蛋好好食,d蛋食落好滑,呢個就值90分啦,下一次再試第2樣希望唔好令我失望

大圍近來愈開愈多甜品鋪，有些離火車站較遠，所以和朋友選擇了較近的心甜。可惜，質素很差很差，下次情願行遠少少。芒果窩夫配朱古力雪糕，雪糕熔得出奇地快，相信時雪櫃溫度不足，窩夫？還是叫格仔餅吧，其硬無比，相信時完成品放置太久的成果，而且三者分開擺放，食材完全沒關係一樣，豪不美觀。椰皇鮮奶燉蛋白，味道還可以，但本人選擇熱食，甜品完全不熱，只是微暖，完全影響嫩品，再好味也大大扣分。總結：大圍甜品鋪有太多選擇了，其實只要走多兩步，便會有更多更好的選擇，總不需要選擇這些 ”時間關係，完成品已經預先準備好" 的甜品吧。

食完飯醒起之前團購左2張半價現金券來試下先未入去已經閒到好香waffle味布置簡單叫左個芒果Pandan Waffle($45)加多一球雪糕($10)因為唔知揀雲尼拿定朱古力好, 嘻嘻(雪糕係採用movenpick ga!!!)Yeah來啦!好香呀, 雖然好似綠到有少少誇張但食落好好味我覺得配雲尼拿好食d, 但同伴就鍾意朱古力多d好彩2個都叫晒哈哈不過d芒果就顯得有少少唔夾因為佢係室溫~_~即係有少少暖...如果雪過應該會好好多!食完抬頭望一望坐滿晒人好彩我地快一步!!嘻嘻

因為住在附近,平時星期六日拍拖食飯後,都會走來幫親食甜品, 但是最近2次開始差了,比剛開張時差, 昨晚晚飯後行去食甜品, 我點了心太軟, 但是好似實心的, 沒有朱古力汁汁流出來 男朋友點了窩夫,都不好吃, 好實同好硬 其實對上一次來的時候,我又是點心太軟, 我記得都是好似不太"流心",沒有"汁汁",希望會改進

身為大圍人的我經常發掘大圍的新食店..「心甜」在大半年前已經營業..一直都很喜歡它的風格, 我覺得它是大圍區內較正宗的西式甜品這天, 男友突然很想吃心甜的窩夫, 於是我們又來光顧可能是平日的關係, 10點多店內尚有些空位倘若是星期六日必定要排隊今次, 他選了草莓窩夫, 而我就選了焦糖燉蛋食物來的速度亦相當快法式焦糖燉蛋 $30賣相很不錯可是這次吃有一點失望..可能是我的要求太高吧!先輕輕敲打玻璃面, 十分清脆, 燒得很好!可是第一口吃下去有點失望, 焦糖面不是熱的燉蛋仍能做到一貫的嫩滑、蛋香味濃郁, 蛋的溫度很好, 夠凍然而這次不夠好的是沒有ICE FIRE這種冷熱相容的感覺..焦糖燉蛋的焦糖最重要是香脆而暖熱, 與冰凍、嫩滑的燉蛋一同刺激味蕾也許這次是預次弄好, 放久了點; 或是火槍燒的時間不夠吧!草莓窩夫 配MOVENPICK tiramisu雪糕$40 不得不讚的是店家的大方, 開店至今一直選用MOVENPICK雪糕今次還有新的TIRAMISU味相較同區的「五代同糖」, 雖說用pappagallo雪糕, 但雪糕淡味且易溶, 一直懷疑是牛奶公司的>~<說回正題吧!我

本身野算去食五代同糖，行行下發現新既甜品店，對於我地幾個咁有好奇心既人梗係唔洗諗咁多食左先講啦入到去見到價錢都幾抵，當然係對比附近果D甜品店^^見到朱古力心太軟，我都即時心都軟，點返個食下先點知原來仲會跟多個Movenpick雪糕，即時抵上加抵而且食落仲唔會太甜，D朱古力係慢慢流出黎的因為我試過食過1D流得勁快，所以我覺得呢個幾好，我D朋友都覺得OK。第二個係班蘭班CAKE，未黎之前我地大家都諗住會係成個綠色不過可惜出到黎就好似圖片咁，而且食落味道同普通班CAKE分別不大呢個下次我地應該唔會再叫。第三個係石板街既CAKE，實際既名我唔記得左啦不過呢個都係四個之中最好食既，食落有果仁又有棉花糖，所以有軟有硬既感覺真係堅正，又唔會太甜，下次一定再食最後一個係藍莓CAKE，呢個我個人就唔多喜好不過我朋友就覺得不過不失啦，無咩驚喜，下次都係試其他新野喜歡食藍莓既朋友可以試下。最後我提提大家，如果係心甜用FB打卡，每人可以平返2蚊架計落真係抵過大圍附近其他既甜品店好多，起碼唔係糖水加生果先啦