德美壽司 (德民街)

營業中

休息中

呢間係我幫襯左都一段時間嘅日本餐廳，平時都係食佢嘅午市定食，呢個櫻花角切魚生飯，都算係成間餐廳最抵食嘅一樣嘢，佢係將嗰啲魚頭魚尾設成一粒粒然後配上魚生飯俾你。所以其實你會識到好多種唔同嘅魚，同埋佢哋唔同嘅鮮味.其實每次都會嚟呢度食同一樣嘢，但係以佢哋嘅水準，我都深信其他嘢食都一樣咁好食。.分量方面，食完係會覺得飽，睇情況有時佢會冇晒呢一個飯，因為切得唔夠多魚。但我就好好彩每次一開門就去所以就有呢個飯食。如果你唔想排隊或者冇得食你想食嘅嘢就記得早啲去！

同朋友諗住睇演唱會前喺附近食嘢大概六點左右嚟到 差唔多full晒雖然要坐吧枱 但係都好舒服見住廚師整壽司幾年前已經食 食過舊舖同尖沙咀分店仲維持到水準 都好新鮮不過平日set餐會抵啲叫咗雜菜牛肉鍋同雜錦三文魚飯平日唔食新三文魚嘅我都覺得好好食有啲舖頭三文魚好腥 唔肥美呢個就啱啱好而飯底係炊飯 感覺幾特別不過如果我有得揀 會揀壽司飯牛肉鍋入面都幾豐富有粉絲同唔同蔬菜 開頭以為要再點餐加埋大概二百蚊走嘅時候已經要排隊想食就最好預約或者早到

放工覓食記！適逢出左消費券 食返餐好🤣❤️ 聽講過呢間日本野唔錯 特登黎食 不過價錢真係唔平🥲 淨係捨得叫魚生飯🐟 三文魚籽蔥吞拿魚腩蓉飯set $13x 有驚喜！佢地丼飯會用飯素煮飯底 配呢鮮甜既吞拿魚蓉同同樣好甜既三文魚籽真係一流🤤 入口嚇親(›´ω`‹ ) 第一次覺得吞拿魚蓉飯咁好食！唔洗點豉油都已經好夠味😚加埋個蔥令成件事清爽左更有層次感🐟 北海道三色魚生飯set $13x同樣都有飯素底！真係好聰明既做法🫡 不過魚生質素就稍為失望左 尤其係三文魚( ´•̥̥̥ω•̥̥̥` ) 其他都係一般發揮🍤 雜錦天婦羅 $8x全場最抵玩！有 7-8 件～ 每一件都好好食🥹 好脆但係入面又軟糯(*´˘`*)♡ 而且好香口 🍣 鵝肝帶子卷 $8x鵝肝本人存在感可以話強又可以話薄弱🥲 鵝味後勁好出 但係油香就幾乎無(°_°) 就算單食件鵝肝都係唔覺.. 個人鍾意鵝肝既油香味 所以有啲失望～ 而且得 4 件都算有啲貴 食左先記得影🤣Lunch hour 應該會平好多 如果有興趣大推佢地既吞拿魚蓉飯🫶🏻 同埋天婦羅都值得叫！

紅磡呢間分店外面啲燈籠覺得好靚，有啲日本嘅感覺😆入到去坐得好舒服，木系嘅裝修真係好似喺日本咁。我哋星期五夜晚去，大約八點幾，唔需要等位就入到。個魚生刺身飯同埋鰻魚飯都好吸引！鰻魚飯個木盒同埋塊葉，感覺好似好用心，啲飯都好似真係香啲～魚生刺身飯份量好足，非常有驚喜牛舌嘅串燒都幾好！總括都幾推介去食，夜晚價位算係中等，如果中午去食應該更加平。見到個鰻魚飯都覺得好吸引❤️仲有啲蛋絲喺下邊，成個飯個口感都好好食！

今次黎左黃埔分店，個人認為呢間食物質素比較穩定，而且裝修吸引同屋企人黎食晚餐，叫左個特盛壽司，一上枱既時候真係好壯觀我覺得每件壽司都好有水準，海膽新鮮，三文魚籽醃得好食，唔會太咸，帆立貝夠厚身，吞拿魚就算係赤身都有魚香唔腥，三文魚油甘魚都有水準，略嫌小卷份量太多另外都有叫到小食同炒飯，可惜唔記得影相。小食種類有好多，天婦羅、炸物、串燒一一俱全，水準亦有保證。主食方面有麵有飯，今次叫既炒飯亦麵色香味俱全呢個餐廳絕對係會不停encore

🍣海膽雜錦魚生飯$98🍱跟套餐有湯、燉蛋同沙律，有味飯底加上唔同刺身同大片海膽，再鋪上大量蟹子，刺身鮮甜新鮮。連同脆卜卜蟹子一齊食，實在絕配。🍣壽司10貫$143🍣都係跟套餐有沙律，味噌湯，茶碗蒸蛋。壽司包括吞拿魚，三文魚，帶子，熟蝦，海膽，吞拿魚蓉，三文魚子，魷魚，蟹柳。海膽鮮甜唔腥。🥚溫泉蛋天婦羅$58🍤簿薄脆醬包住流心蛋，外脆內軟，幾得意。🦪 黃金汁焗蠔$38🧀大量芝士洋蔥一齊焗，蠔肉肥美，鮮甜多汁。🏠環境有兩間舖面，門面裝修好有日式風。

性價比高 價錢親民 ！午市套餐免加一的！Lunch set 本身包左沙律 、茶碗蒸、麵豉湯、 主食、 最後仲會有一粒雪糕糯米滋😋😋我喜愛平民餐 滑蛋雞扒飯定食(其實係雞柳)白飯係另上既 而主菜滑蛋有洋葱同埋有啲什菌係入面 醬汁中加左味醂甜甜地好開胃👍食下食下唔覺都食得哂一碗飯其實午市餐牌仲有其他定食都好吸引而質素亦不遜色! 有刺身丼飯，有便當，又有兩食類，好多選擇！價錢亦親民唔會太貴，所以lunch hours 都經常爆滿！

今日咁岩陪朋友去紅磡整野…突然好想食壽司，最後就去左德美到食晚餐。.平時食德美都係食魚生飯，今次就試下食其他啦。.味醂雞泡魚干 $58最愛雞泡魚干，甜甜地又有咬口，真係食極都唔夠壽司拼盤B $298拼盤有呑拿魚，三文魚，池魚，油甘魚，帆立貝，魷魚，甜蝦，海膽，三文魚籽，䓤拖羅茸卷，鐵火卷各一件，壽司不過不失，整體都唔錯。煎鵝肝帶子卷 $82鵝肝配青瓜絲中和油膩，鵝肝同帶子味道新鮮，呢個我鐘意食可以再encore多一碟。海膽軍艦 $88海膽普通唔夠鮮甜，普普通通。

星期五食晏食豪少少，去左呢間親民日式餐廳，價錢其實都唔算特別平，不過都真係幾豐富。彩之刺身便當 $96 刺身，軟殼蟹天婦羅，五味壽司醋飯跟沙律，味噌湯，茶碗蒸蛋以及甜品沙律落左黑醋，好酸，開胃黎講就見仁見智。茶碗蒸同味噌湯正正常常無特別。刺身有三文魚，蝦以及帆立貝，賣相唔錯，味道一般，似放題質素。軟殼蟹天婦羅幾大隻，不過食落唔太脆口。壽司飯裝滿一整格，面層舖滿青瓜絲，蟹柳絲，蛋絲及蟹籽，不過飯質略為硬身，味道都一般。.最後甜品竟然係維記雪米糍，感覺有點港式。的確整體感覺唔算好正宗日式，無論職員態度，沙律前菜，天婦羅配沙律醬都幾港式fusion。

好食指數:🌕🌕🌕🌕🌑Cp值:🌕🌕🌕🌗🌑•鍋燒烏冬• $88邊個話食日本野一定要食壽司架！佢呢間食嘅鍋物都好正！份量大！味道夠！夠熱！烏冬係正宗日本質感😋😋😋啲料好足！整體嘅味 真係會愈食愈想食！好日本濃湯味～唔想食肉 呢個一定係首選！但下次我會叫佢 分開啲天婦羅蝦分開上🤣🤣🤣咁就唔會浸到淋patpat😆😆😆P.s 呢間係德美最傳統 原始餐廳😆所以質量保證 我食過其他分店 真係差咁啲🤫

原來黄埔德美壽司，除咗刺身之外，都仲有好多嘢食。玉子，係必食嘅，賣相好靚，口感好實淨嘅，一口一舊，剛剛好。三文魚沙律，味道都唔錯，配埋蕃茄食，好Fresh。牛油果軟殼蟹壽司，好味。唔需要加豉油，牛油果嘅質地，配埋軟殼蟹嘅脆口，食落唔會太油膩，牛油果都幾大塊，包咗半舊壽司。喜歡食牛油果嘅我，食得好滿足。燒銀雪魚，比我預期中好食，燒得好入味，銀雪魚肉質好滑，配埋沙律醬一齊食，好match。配菜嘅薯蓉都不錯。燒豆腐，雖然得四舊，但都幾大舊，外皮煎到黄金色，但裡面嘅豆腐仲保持到好滑。配埋醬汁都唔錯。炸雞軟骨，ok啦，同出面嘅炸雞軟骨差唔多。另外仲食咗海鮮炒烏冬，賣相一般，所以冇影相，但食落，我覺得海鮮炒烏冬都最好味。烏冬好有咬口，感覺似稻庭烏冬。同埋炒得好入味。海鮮都好足料。下次再食，一定要補影返相。

一點幾去到，等咗大概10分鐘有位。嗌完嘢食，好快就有一碗熱辣辣嘅茶杯蒸蛋麵鼓湯同沙律。碗蛋真係超級熱，食嘅時候要小心。碗蛋都幾香蛋味，但係如果落啲高湯，碗蛋會好食啲。沙律菜落咗黑醋汁，酸酸甜甜幾好食。個軟殼蟹應該係即叫即炸，好好味好脆，舊蟹膏好掂。啲刺身一般，冇乜味。個飯上面啲蛋蟹柳青瓜蟹子冇特別。重點係個飯！！真係超級難食！！！🤢🤢🤢浸味勁似我細個去百佳，買嗰啲好cheap嘅壽司飯！！！啲酸醋溝得好難食！！啲飯擺一啖落口都唔想再食⋯⋯最後重有一粒雪米滋送～整體性價比都ok~ $96有咁多野食係希望個飯可以改善下

重點在最後 - 題外話 : 擺設式取號機 食物方面, 價錢同質素成正比。無特別推薦, 因為整體上都好食 及 抵食。唯一係 鰻魚飯$118 分量多, 只係汁很少仲食左: 蟹籽沙津 , 都幾多醬~ 甜蛋~牛油果軟殼蟹卷, 好食~  等等~ 下次可以試下吞拿魚, 好多人叫餐廳沒有設用餐時間限制,  而店員亦無動作對於久座既客人, 即刻對呢間餐廳加分(隔離對台, 由我坐底叫野食開始, 已經食飽係度飲酒飲酒, 到我埋單,佢地先埋單, 勁! )

呢日想食日本菜，之前食過呢間魚生飯不錯，就決定同朋友二訪 🔸刺身👍🏻鯛魚同八爪魚都賣哂，我地一行5個人刺身拼盤每款唔夠分，最後散叫左四款刺身鱆紅魚、帆立貝、油甘魚同三文魚腩，每款有5-6件都厚切又新鮮好滿足☺️ 🔸大蔥雞肉串👍🏻每串有3塊雞肉2條大蔥，雞肉厚肉嫩滑唔會燒到乾柴，咬落有肉汁同焦香味，醬汁調味恰到好處😋🔸野菜牛肉火鍋有豆腐、金菇、蛋、冬菇、娃娃菜、牛肉，湯底清甜，冬天食鍋物暖笠笠🔸蕎麥冷麵 冷麵中規中矩，冷麵汁如果更濃味份量更多🔸燒原隻茄子 對於重口味嘅我比較失望，食唔出燒過嘅感覺似清蒸，上面有木魚絲味道清淡 🔸海鮮炒飯 用石鍋上冬天食唔會好快就凍，炒飯粒粒分明飽肚之選餐廳有幾間分店，食物不俗定價合理。

德美壽司🍣大家應該不陌生, 平民價錢、性價比高的日式餐廳壽司、便當、小食選擇多, 午市套餐份量都比較多, 沙律、茶碗蒸、六件壽司拼兩件蛋、迷你牛肉烏冬壽司正正常常, 茶碗蒸很滑很好味