德美壽司

營業中

休息中

經常都會嚟呢度食佢嘅午餐套餐，一嚟價格相宜，二來選擇好多。今次就揀咗壽司加牛肉烏冬嘅套餐。個套餐包括凱撒沙律，都幾得意，日本餐廳會食到西式嘅沙律，個沙律同埋麵豉湯都係正正常常，都唔差。牛肉烏冬嘅份量適中，牛肉都幾多，烏冬好煙韌，幾好食。壽司嘅質素都絕對唔差，入邊我最鍾意嘅係大蝦壽司，蝦肉好有咬口，唔會霉。食完個餐仲會有甜品，我嗰日食到嘅甜品係類似椰汁糕嘅嘢

德美聽講係日本過江龍係香港開左一段時間已經有幾間分店終於可以試一試喇😄推薦：4.5/5🍴德美海膽魚生飯$172魚生新鮮 份量足 海膽甜 好滿足既魚生飯😋🍴大蝦天婦羅吞拿魚蓉卷 $85卷物好大件 天婦羅好脆 好食😋🍴鰻魚朴葉飯 $100我唔知咩係朴葉 當係荷葉d friend啦朋友話食到葉味 不過我唔係好食到😅😅可能驚蓋過清幽既葉味 所以果飯都幾清 唔係好多鰻魚汁撈飯果種～果鰻魚盒太搶眼太特別喇令我對佢好大期望 但整體黎講算係正常發揮 變左有點失望🍴燒拖羅腩皮 $77未食過哩樣菜式 幾特別 煙煙韌韌 拖羅腩唔會太油太肥嘅感覺 幾得意 可以一試～👍🏻整體分數唔錯，好食，性價比唔錯餐廳既service亦都好好，友善又有禮貌😄 食得好開心😊

Lunch set 好抵食，有壽司/便當/刺身丼/定食/鍋物。今日揀咗德美慕之內便當🍱，我揀咗豬軟骨同海鮮雜菜餅，豬軟骨煮到好淋好好食🤤🤤🤤，海鮮雜菜餅好大份食唔哂，便當仲有埋幾件刺身（兩款每樣兩片）好似係會轉款、厚燒玉子🧈同埋小食（辣味螺肉）。佢本身lunch set有跟埋沙律🥗，茶碗蒸，麵豉湯同埋甜品，今日甜品係芒果奶凍。以前沙律🥗會有兩片三文魚或者帶子今次去就無左，唔知係今日無定係改左🤔🤔🤔掛住食唔記得影其他，淨係影咗個便當

我間唔中都鍾意去德美壽司食日本嘢🍙🍤🍥🍣每次去到尖沙咀厚福街諗唔到食咩咁都會去食德美壽司 因為依家就算要排隊都唔使太耐價錢合理 質素亦都非常之OK😎😎佢嘅刺身丼飯有好多唔同種類嘅刺身 賣相都好繽紛顏色好靚😆有三文魚、油甘魚、蝦、蟹子、帶子、玉子、海膽、三文魚子、蟹柳，非常豐富❤️不過舊海膽就都係一般啦 唔會話好鮮甜😂但係都唔係難食嘅😂 始終如果以呢一個價錢來講都唔會話超高要求 我覺得已經合格😋

朋友請食飯，說帶我試日本食物，訂了尖沙嘴的德美日本料理點了三文魚sashimi，十分肥美。日本甜蛋也很出色，份量多。燒牛舌味道不錯，肉質偏淋。最後點了壽司set,有9款壽司，份量夠多，也很新鮮。

有啲日本嘅感覺，坐得舒服，裝修都係日本咁。我哋夜晚去，大約七點幾，唔需要等位就入到。鰻魚飯都好好食！用木盒裝同埋塊葉，感覺好似好日本道地餐廳咁，啲飯都好似真係香啲。另外，魚生刺身好新鮮，總結好推介去食，中午去食會更優惠。

歡樂組長同貓貓同事一齊收工慶祝早收工大家都想食日式餐廳我就提議去德美，然後佢哋話一定book唔到估唔到竟然有位我哋叫左好多野食兩位有要求人士就話普普通通不過大家一致認為油廿魚腩壽司好好味其他呢，我就覺得免治雞肉棒幾好食佢哋就話過甜😂我覺得雞軟骨伴碟嘅炸粉絲物體幾好食佢哋嫌棄碟雞軟骨太少，但用咁大個碟同埋炸粉絲物體冇味😂😂（我唔記得影相添）仲有個牛肉鍋佢哋話啲牛肉有雪味，我又唔覺😂😂😂我又唔記得影相😂仲有個天婦羅溫泉蛋我覺得唔錯佢哋又覺得溫泉蛋嗰個熟度唔啱總括嚟講我好想試吓佢哋覺得好味嘅日式餐廳😂

夜晚同兩個朋友聚聚，考慮食什麼的問題又考驗到自己了，今次又去開尖沙咀就試一試老是常出現的德美壽司，其實我沒有看到餐牌就選了這間因為常常在朋友story看到這家壽司，本身以為是一家比較花船的日本料理，怎知道是一家價格非比尋常的日本料理，連最基礎的三文魚壽司也要$29兩件，拖羅壽司竟然要$100/1件，可能係新鮮貨掛，但這個價錢在外都食到幾件了，所以最後普普通通叫了魚生飯，及一些鍋物就算，魚生飯170幾蚊，質素沒有特別好，就只是一般的魚生飯。而鍋物料理也是普普通通… 最失望是廣島蠔石鍋飯，就隨便在鍋上放一些急凍蠔而已，味道欠佳， 腥味逼人。最後比較好的竟然會送甜品，服務也算好，如果不介意價格，就當是試一試也無妨。

訂咗20:00兩位，訂位期間店員有講明用餐時間90分鐘19:24到咗，隨即安排入座，當時仲諗住唔錯喎早到可以早入入座時店員有提到last order(聽唔清)及用餐時間90分鐘成餐飯都已覺得餐廳非常趕急，好似唔夠碟用咁，侍應不停想收餐具，仲有成塊拖羅喺碟上面，佢都伸隻手去攞，要喝止佢先冇被攞走但呢個都算啦，佢無心之失一時睇唔到👌🏼20:20左右，店員過嚟話last order，問有冇嘢加，我哋話冇20:34店員攞張單俾我哋埋，20:36埋咗單20:40-20:43左右，店員催我哋走我當刻已表達不滿，我話「你成餐飯已經不停催，我哋係有90分鐘用餐時間，依家只係75分鐘」店員就話「因為你哋冇加單，同埋出面有人等緊位」講咗幾次唔好意思但仍然堅持趕客我哋隨即離開（安心出行寫21:00，係進入下一間餐廳嘅時間）出到去搭𨋢時，門口一個人都冇，唔知「等緊位嘅人」喺邊從來未遇過咁惡劣嘅服務，永久blacklist唔會再去

晚飯限時90分鐘,定座時沒有提醒顧客,席間因有朋友遲到,服務員已面面露不悅差不多每30分鐘催迫通知客人落單、截單、埋單！！！一肚子氣,草草食完就埋單轉戰另一間店舖繼續晚膳！！！

平時都幾鍾意食日本菜而且都食得唔少，今日就黎試下呢間鋪既壽司如何。環境衛生好麻麻，一眼望去好似好乾淨但坐落去就會feel到有D地方好油膩，但暫時未睇到有蟲。嗌左幾樣食物，個三文魚茶漬飯OK既，三文魚唔係好大塊不過都預左，飯配茶有種獨特味道同口感，幾新鮮。刺身盛合有好多野，蝦、帶子同三文魚等各種魚類。特別係帶子十分鮮甜妹妹美味，蝦正正常常冇乜味，各種魚類雖然類似，但口感能、嫩滑，而且有些魚類的肉比較多油脂，口感較佳。總括講個盛合係唔錯既。而生蠔份量同size好大，幾乎大過成個手掌，食落去好大好滿足。有種海味同鮮味。總體唔錯，只係好搞好環境衛生。

呢間壽司我見有分店，價位係中價位。個menu好豐富。壽司拼盤，冇乜大特別，正正常常咁，冇乜驚喜。三文魚腩刺身，真係好肥美好正。都係腩位最好食😋生蠔有驚喜，Size有一隻手掌咁大。口感偏向清新，上面加左魚籽，不過我就鍾意乜都冇咁先可以食到蠔嘅鮮味。冷烏冬純粹係我想食😂正正常常，冇乜特別。軟殼蟹用黎送烏冬😅炸得唔老，正常野。呢餐人均消費$300，唔平，比較有驚喜都係生蠔，其他都係啲正常野，我自己好大機會都唔會「回購」。

🐿喺尖沙咀放工之後，臨時想過去德美食日本嘢。當時七點左右，因為冇得Openrice攞位，唯有親身走過去～同行兩個人食咗接近$800但係由於質素已經大不如前所以覺得唔抵食⋯⋯《炸雞軟骨》價錢：$43好食指數：4/5感受：叫做都算出色，上到枱仲係外皮脆，但係唔會油淋淋《燒牛舌》價錢：$43好食指數：4/5感受：個人幾鍾意食，燒得啱啱好，牛味出😋《韓式泡菜豬肉鍋》價錢：$73好食指數：2/5感受：突然好想食泡菜豬肉，但係泡菜味唔夠，同埋豬肉味突出，怪怪的《伊佐木刺身》價錢：$2XX 實際數目唔記得咗好食指數：4/5感受：第一啖食落去有驚喜，不過冇上次嘅秋刀魚咁出色🤣所以比4分《鮟鱇魚肝》價錢：$92好食指數：4/5感受：第一次食，都擔心口感會唔鍾意～不過食落去除咗有少少腥，但係加埋酸青瓜之後，就變得好好食～係會想再試嘅😌《地雞大蔥串》價錢：$35好食指數：2/5感受：唔好食😅好一般《三文魚親子卷》價錢：$67好食指數：？/5感受：因為我好飽冇食到，男朋友食晒😂俾唔到comment💛總結：質素大不如前，可能會一段時間唔會再去🤷🏻‍♀️

Lunch Set -壽司十貫 $142套餐包左壽司十件🍣、沙律🥗、味噌湯、茶碗蒸同甜品🍨壽司十貫有海膽軍艦、三文魚子軍艦、吞拿魚蓉軍艦、熟蝦🍤、帆立貝、三文魚🍣、墨魚、吞拿魚、油甘魚、章紅魚同兩舊玉子印象較為深刻既壽司︰三文魚子軍艦 – 爆汁、唔腥、夠新鮮✅海膽軍艦 – 足料、無臭味😍三文魚 – 厚肉、肉質嫩👌🏻其他款式不過不失🫢魚生質地較為瘦削雖然入口軟滑、無腥味但亦稱唔上好好食、好驚艷😢沙律 - 正常發揮、沙律菜新鮮🥙味噌湯 – 幾好👌🏻味道唔會過鹹，仲有爽口海帶茶碗蒸 – 唔錯🥳蛋十分嫩滑，味道鮮甜💯甜品 – 維記雪米糍😹整體而言，德美出左名好多年📝好多人都話好食一直想試但無機會試但今次一試質素未如預期🤔即使賣相十分吸引🤩仍有少少失望Lunch set包左好多野一定夠飽🤰🏻魚生無想像中豐腴、好食係我心中性價比下降💸唔知熟食會唔會出色啲暫時唔會想再試🫣

平時去尖沙咀食日本嘢一定係諗起德美，因為佢啲嘢食都keep到水準👍🏻👍🏻牡丹蝦壽司（$65），食落去都算新鮮，另外個蝦頭可以揀炸咗佢或者係做湯個蝦頭我揀咗炸，成個食咗鰻魚壽司（$39）如果佢啲肉再好啲同埋多汁啲就好啦，魷魚壽司（$30）佢係切做一條條咁樣，食落去一般般洋風三文魚壽司（$34）好有驚喜，食落去好Juicy，花之戀壽司（$43）好大舊，包住壽司嘅三文魚都好厚切，加埋上面滿滿嘅蟹子，食落去好滿足