德發粥品專家

噚日（17-5-2025 Sat）傍晚，老公係要出街食晚飯，但我諗唔到食咩嘢，而且唔想郁，於是佢自己出去，到夜晚，佢問我食唔食粥？我答好。問我食咩粥？我唔食肉喇，就要皮蛋粥算。又問我要唔要腸粉？我唔多想要，但知其實佢自己想食，咁就買啦。佢好耐至返到嚟，就用咗$60.00買咗皮蛋粥同蔥花蝦米腸。碗粥嘅料唔少，味道口感都冇問題。同蔥花蝦米腸嘅料都好夠，但睇見佢被豉油染黑，但都唔鹹。我就係為咗呢樣，至食到尾至影相寫呢篇食評。抵食係2.5分上次食評係2024年8月18日刊登嘅呢篇：https://www.openrice.com/zh/hongkong/review/yeah-%E5%94%94%E6%94%9E%E8%91%97%E6%95%B8%E5%98%85%E7%B2%A5%E8%88%96-e5632139…查看更多

住荃灣嘅街坊，無人未聽過德發呢間粥店！前排搬嚟荃灣後，聽就聽得多，不過就真係未試過。今朝買完餸，就去試下！一早已經好多人。堂食外賣都多人！每個人都係一碗粥on top 再叫多樣腸粉或炒麵。聽講佢哋嘅炸兩出名，所以我就叫左佢哋嘅炸兩，同埋一碗由細食到大嘅皮蛋瘦肉粥。個粥底好滑好香，皮蛋同瘦肉個味都好好，食返細細個，童年時嘅香港粥檔嘅味道！而個炸兩都真係唔錯！入面件油炸鬼炸得幾香好脆，而外面嗰層腸粉好嫩滑，正👍🏻…查看更多

今（18-8-2024 Sun）朝起身後嘔黃膽水，上網check咩事，應該係呢兩日食得太多肥膩嘢，老公又去咗教會，咁我唔去睇醫院繼續瞓先，到老公教會件事完畢後，佢就whatsapp我，我就同佢講件事，我話要食清淡，冇肉嘅嘢，食粥走肉。佢就喺呢喥用$49.00買艇仔粥走肉碎，自己要$12.00嘅炸兩。佢返到嚟，同我講碗粥走咗肉碎，但另外俾多碗細白粥，佢已經問係咪佢嘅至攞。我就諗，因為走咗肉碎，均真啲俾多啲粥補償，唔攞客人著數。我老公幫我食咗魷魚，因為都難消化，我食呢碗粥就有魷魚嘅鹹味，切條豬皮夠腍冇沙，個粥都棉。老公就食咗炸兩，話呢啲至係正常腸粉。抵食係2.7分上次食評係2022年11月21日刊登嘅呢篇：https://www.openrice.com/zh/hongkong/review/yeah-%E5%98%A2%E9%A3%9Fok-%E4%BD%86%E6%9C%8D%E5%8B%99%E5%B0%B1-e4623869…查看更多

啲粥已比以往稀咗好多每次食腸粉，都話冇，然後叫人哋食蒸腸（炸腸$12，即蒸炸腸$22）你個流量咁快，點會唔係即做啊，一睇就知點解🤷‍♂️做個班阿姐又成日冇禮貌，但請人我都明白，起碼食物質素同埋服務都要有水準，所以啲人咪全部走晒去大陸。就算佢哋知道係食味精，化學物料，都情願上去食…起碼我俾一半價錢，服務質素各樣嘢都比香港好好多倍🫠🫠如果同區唔係冇乜選擇嘅話，都唔會諗住佢呢度食，希望佢哋有心做嘅話，都要關注吓…查看更多

原本荃灣有兩間粥店，一間係呢間垃圾粥店隔離街，可惜執左，而家得返呢間垃圾粥店。本身唔舒服，諗住去食碗靚粥，點知無做，唯有去德發。。。坐低叫左碗魚片碎牛粥，唔夠30秒，就放係我臉前，我問阿姐“：呢碗咩？”佢話：“魚片碎牛”,我跟住話：“生喎，點食？呢魚浮係上面仲係生既！”有個4眼男人話：“係甘家，你唔食都要俾錢！”我即刻嬲到呢。。。有得揀一定唔揀佢，而家無得揀，以後唔再幫親。。。我仲會叫埋其他人唔嚟，垃圾…查看更多

晚上七點去買粥，見執緊野，但一直都24營業，就問下仲有無粥買，點知職員嬸A答我：唔知喎我都呆左下，唯有再問其他人，就話已經無粥買，咁諗住走啦，點知嬸A 行出黎睇唔睇就執起個紙箱撞到我，sorry 聲都無就咁衝返入鋪。之前聽人講侍應轉哂後就差左，起初都唔信，而家自己親身經歷，德發個名俾佢地做衰哂。…查看更多

最近好想食「生滾粥」同「炸兩」，喺 Mee App度揾到哩間；雖然好多食評都話啲staff態度好差，但真係好想食「生滾粥」同「炸兩」，有晒兩樣又有良心嘅，真係無咩揀。『豬膶粥』$27『豬膶豬腰粥』$37➡️熱辣辣咁上，豬膶爽口；友人話豬腰有腥味，但我又唔覺，可能落咗胡椒粉⋯⋯『炒麵』$10➡️ 普通⋯⋯『炸兩』$10『即整炸兩』$20➡️原來『炸兩』係已經整咗，一早放喺度，同係細碟啲（大概係一孖油炸鬼分兩份）；『即整炸兩』係有晒成條油炸鬼，同埋即刻包，所以脆口啲；🌶️佢個辣醬有驚喜，唔係得個鹹，係真有辣味。🖍️整體：味道唔錯，同埋因為人多，啲嘢去得快，好多都係即整，除咗炒麵；至於啲「姐姐」，又無人哋講得咁差，可能心入面已經打咗底，同埋食哩啲舊式餐廳，本來就唔期望有好優質服務；對我嚟講，唔算好就腳，但想食「炸兩」，都會再嚟。📍 德發粥品專家 (荃灣)荃灣四陂坊9B號地舖。好味指數：🌕🌕🌕🌗🌑回味指數：🌕🌕🌕🌗🌑…查看更多

前日 (19-11-2022 Sat) 傍晚,因爸爸唔舒服,我就同老公去買嘢返屋企食啦,我就提議食粥,於是走嚟呢間(https://www.openrice.com/zh/hongkong/r-%E5%BE%B7%E7%99%BC%E9%BE%8D%E7%B2%A5%E9%BA%B5%E5%BA%97-%E8%8D%83%E7%81%A3-%E7%B2%B5%E8%8F%9C-%E5%BB%A3%E6%9D%B1-%E7%B2%A5%E5%93%81-r577310),但開始收舖,於是走嚟呢邊,啊,group返啲客嚟呢喥,亦好多人買外賣,我就要菜乾豬骨粥同$37.00嘅魚腩粥,亞姐話冇菜乾豬骨粥,咁我轉要皮蛋瘦肉粥啦.那邊廂,我老公就自己用$10.00買兩件黃糖糕.齊晒走人,啲粥好熱,返到屋企打開睇,魚腩粥份量多啲.我先食皮蛋瘦肉粥,食材份量均勻,鹹瘦肉唔算好嚡,粥底夠棉.味道:3.5分魚腩粥就有3件大大件嘅魚腩,食落唔會太鯹,肉質亦唔嚡.味道:4分最後試黃糖糕,甜甜地亦有啲彈牙,正常嘅.味道:3分服務:我係俾兩個玻璃盒佢裝,佢係接受嘅,但要我自己拎返個蓋,然後要客人靠欄杆等.OK你有咁嘅規矩,之後我睇見我嗰兩個粥拎出嚟,但冇叫我,好睇𠵱 o家仍要戴口罩(都唔知係好定壞事),啲客同店員喺喥講要咩食,唔係戴住口罩,我嗰兩個粥就全部被加料.我即刻自己行去蓋上蓋,中途另一個男店員行出嚟,佢都冇幫手.我想問,係咪自備食物盒就唔幫客人蓋蓋?咁佢哋自己外賣兜又蓋?因上次嚟食(食評係2022年2月17日刊登嘅呢篇: https://www.openrice.com/zh/hongkong/review/yeah-%E5%A4%9A%E5%BE%97%E9%B9%B9%E7%85%8E%E9%A4%85-e4327024),覺得呢間服務唔錯,點知咁次咁差,係咪人多就係咁?…查看更多

哩間粥店好差！侍應態度惡劣，仲要特登唔找錢，問佢幾時找錢仲要發爛渣😡 第一次見到唔找錢嘅鋪頭！ 個侍應找晒錢俾所有遲過我買野嘅人，偏唔找我錢，真係好差！！！未見到咁差嘅鋪頭同侍應！！！食物普通，啲粥偏鹹，唔係特別好食。簡單黎講就係普通！！真係唔明可來嘅傲氣唔找錢俾客人😡😡😒 如果唔係我一直叫佢找錢，勁有可能趁你唔記得找少錢 甚至 唔找錢😡😡😡如果你鐘意搵氣黎受，就幫襯哩間啦！咁嘅鋪頭，無下次！…查看更多

🙈 小編最近個胃唔多好，中醫師叫食多啲米類食品，依日傍晚揀咗去食粥當晚餐！[ 亂闖試食 ]🥣 鮮魚片粥 😋😋😋😋😋🐠 魚片有匙羹咁大塊，新鮮有魚味，唔會有腥味，亦唔會柴口。粥亦煮得好綿滑！👍🏻🍽 叉燒腸 😋😋😋😋好大份嘅叉燒腸，叉燒量充足，鼓油亦唔會好鹹，送粥食唔錯！😉晚餐 💵 約港幣$50/人💁🏻‍♀️ 食完一碗粥同一碟腸粉，已經相當飽！平時食街外嘢，食到口淡淡嘅朋友，不妨去試下依間粥品。🙆🏻‍♀️ 最後，喜歡嘅話，歡迎follow @foodirectory.hk！…查看更多

今次係荃灣等朋友收工， 就想黎試下宜間粥店， 舊式粥品店越黎越少，宜間鋪裝修簡約，坐得都還算舒服，枱面有唔同調味可以自己任意落，唔駛再問店員拎都幾好😆😆😆豬紅粥（$16）啲粥夠哂熱，粥底棉密，有好多舊豬紅，調味剛剛好，唔會話太咸，宜個價錢算唔錯👍炸兩（$10）腸粉皮都幾滑，食落幾香口，再自己加埋甜醬，麻醬同埋芝麻，非常惹味😋炒面（$10）十蚊一碟炒面，都幾大份，自己一個人凈係食宜碟已經夠飽，再落啲甜醬食，好好味🤤…查看更多

晚市叫左兩碗碎牛粥外賣，足足等左我25分鐘！起初好聲好氣問佢有未，因為驚佢漏單。佢就立刻著晒火咁又鬧返我轉頭。佢：「你有等左幾耐呀？」我「15分鐘喇。」佢：「20號都未有，49號邊有呀？」問題係佢地跟本唔係順number,因為我見住佢地之前叫左48號，而佢講既20號其實重後過我好多。E間鋪我幫襯左好幾年，今次見d樓面唔同晒人，唔知係咪轉左手，手忙腳亂，連我個兩碗碎牛都差左，宜家煮到好杰，唔好食。如果大家唔怕等，又唔怕俾人鬧既，可以繼續幫襯！我就以後都唔會喇！…查看更多

德發粥品專家係一間老派廣東粥舖，生滾粥、熟料粥、油器、糕點、糖水都有。呢一類傳統老店喺香港粥舖真係買少見少絕對有保留嘅價值，而且足料高質夠懷舊仲要24小時營業，以往也是附近一眾夜班醫護人員宵夜之選。碎牛粥碎牛一啲都唔吝嗇抵到爛，食到最後都包你啖啖係肉，粥底味道唔會太鹹。腸粉最喜歡堂食係因為每枱都有芝麻、甜醬、麻醬、辣醬同豉油任你自己加，加到滿晒都得。重點來，咁樣食到飽嘅早餐都只係$24炸，係金拱門都只係買到一個又細又唔飽嘅包炸！…查看更多

13-2-2022  (Sun)朝同老公買餸前食早餐,我唔想食熱氣嘢喇,老公話食粥,但唔好去德發龍(https://www.openrice.com/zh/hongkong/r-%E5%BE%B7%E7%99%BC%E9%BE%8D%E7%B2%A5%E9%BA%B5%E5%BA%97-%E8%8D%83%E7%81%A3-%E7%B2%B5%E8%8F%9C-%E5%BB%A3%E6%9D%B1-%E7%B2%A5%E5%93%81-r577310)喇,啲亞姐態度喧差.啊,咁去滿粥(https://www.openrice.com/zh/hongkong/r-%E6%BB%BF%E7%B2%A5-%E8%8D%83%E7%81%A3-%E6%B8%AF%E5%BC%8F-%E7%B2%A5%E5%93%81-r168554)啦,但當經過呢間時,見到有大大個嘅扁圓餅,唔知咩嚟,老公話咁行返嚟試吓囉.佢見到好似重有位.咁我哋行返嚟啦,我哋要咗:1. $8.00嘅鹹煎餅呢個暖暖地,我掰開食,味道同牛脷酥一樣,唔鹹,好好食,咁啱我想食牛脷酥但唔想咁熱氣嘅人.味道:5分2. $18.00嘅魚片豬紅粥魚片係鮮鯇魚片,佢同豬紅嘅味道口感都正常.味道:4分3. $18.00嘅蔥花蝦米腸呢個正常冇問題.味道:3分4. $37.00嘅豬膶粥?呢個好耐至到,無他嘅,豬膶一定要熟透.端上嚟時睇到好熱同好多,老公一食就讚好食.我唔食喇,不過老公食到最後,佢叫我試啖粥,我食一啖,好濃嘅豬膶味,真係有好多豬膶.味道:5分價錢:一共收$71.00,menu上我只睇到魚片豬紅粥$18.00,各式油器$8.00,蔥花蝦米腸$18.00,豬膶粥$37.00(但啲字矇咗).o衣o家咁計, 豬膶粥可能係$27.00.服務:三個樓面,兩個後生仔,一個大少少嘅亞姐,雖然好忙,但個個態度都好好,一入去,後生仔就提客人嘟安心出行同用酒精搓手液搓晒兩隻手.而我真係唔知嗰個係咩名,就出去問佢係咩嘢?佢答鹹煎餅.然後由落單到催單,佢哋雖然忙到唔會回頭望住客人,但都好有禮貌咁回應客人.而由於好多人買外賣,我亦聽到個亞姐叫人排隊.其他:見到廚房內有兩個員工年紀都唔細,個老闆真係好好人.聽到個男仔同外賣客講隔離德發龍(https://www.openrice.com/zh/hongkong/r-%E5%BE%B7%E7%99%BC%E9%BE%8D%E7%B2%A5%E9%BA%B5%E5%BA%97-%E8%8D%83%E7%81%A3-%E7%B2%B5%E8%8F%9C-%E5%BB%A3%E6%9D%B1-%E7%B2%A5%E5%93%81-r577310)好同樣嘅賣,係分店啲嚟,應該少啲人.好心分店啲亞姐嘅服務態度好啲啦.上次食評係2018年1月22日刊登嘅呢篇: https://www.openrice.com/zh/hongkong/review/%E7%89%9B%E8%84%B7%E9%85%A5-%E6%B2%B9%E8%86%A9%E9%85%A5-e2960803…查看更多

氣溫急跌，連續兩日都路過這點，德發真係有幾十年歷史，從小吃到大，他們有兩間店舖，舊店裝修簡陋，但喜歡入去圓枱迫迫吓那種老街坊感覺，和隔離較新的店比較，感覺始終不同，但其實一樣，因為很多時都見到他們將那些食物從廚房拎出來行過新店處理。吃碗白粥，目的只是䁔身，炸両依度真係冇得輸⋯⋯唔使廿蚊，路過䁔䁔身的不二之選。翌日，今次過了隔離新店，其實都唔新，已有多年，只不過一般客戶都會用新店和舊店之分。原打算到店買一條油炸鬼和牛脷酥回家給家人吃，看見牆上的餐牌寫著炸両可改為炸両牛脷酥，有趣喎！於是又見凍凍哋，嚟過碎牛粥配炸両牛酥，碎牛粥一向是隱定之作，無需多作介紹⋯⋯炸両牛脷酥$20~一口咬落，和炸両相距太大，由於牛脷酥頗腍，和油炸鬼嘅脆口相差太大，有點失望⋯⋯…查看更多