德國餐廳 (海天晉匯)

營業中

休息中

近排將軍澳都開咗好多新餐廳 今次同朋友去到呢個新商場 見個景幾靚就入左呢間德國餐廳餐廳有個好大既露台 望出去係一大片草地 感覺開揚同舒適 可惜今日露台有event被人包左台 冇機會坐出去 甘荀湯配意大利包 $28首先叫左個甜甜地既甘荀湯 開左個胃先 配個個意大利包烘左幾好食 可以沾湯食Erdinger Dunkel $72 黑啤德國鹹豬手配酸菜及薯仔沙律 $218呢個豬手比想像中出色 上菜嘅時候啲肉已經切好 唔需要自己再慢慢切 皮好脆一啲都唔硬 豬手好香 配埋芥末醬相當開胃 不過酸菜略嫌偏淡香草醬煙肉三文魚意粉 $128意粉煮得岩岩好 唔會太腍或太生 三文魚不過不失 餐廳係寵物友好既 見到露台都有好多狗狗一齊食野 好開心啊

德國餐廳今日同女朋友去完打羽毛球行行吓附近見到一間新開嘅德國餐廳突然之間就好想試吓，入到去果然真係好有德國嘅感覺德國鹹豬手配酸菜及薯仔沙律佢開得個點會少得嘅就係鹹豬手呢，今次試咗佢鹹豬手果然係色香味俱全，份量都超級大超級香腸拼盤另外一樣我最鍾意食嘅就係香腸啦，佢哋嘅德國香腸，有唔同嘅選擇，雞肉腸同豬肉腸都分別有唔同嘅味道好好味德國啤酒白啤酒飲埋杯德國嘅白啤酒絕對係與別不同出色係將軍澳來講竟然可以食到咁出色嘅德國餐廳絕對係難得可見價錢唔貴，而且選擇唔錯，果然係唔錯嘅選擇

New Zealand sirloin steak 紐西蘭西冷扒 🇳🇿🥩 $129西冷扒超級大塊勁吸引😍，牛肉味好濃郁口感又唔太煙銀，配埋唔同種類嘅薯菜，好似有茄子🍆、原個炸薯粒🥔、紅蘿蔔🥕等等嘅健康配菜，好味得來性價比又高，值得推介！German sausage platter 🇩🇪🥔德國香腸拼盤 $119食傳統德國菜點可以香腸拼盤呢🤤，呢款拼盤嘅嘢食超級多元化同豐富，三種香腸都各有特色，口感外皮極除裏面有軟同埋多汁，好juicy 💦，配埋自家製軟滑薯蓉點埋醬汁一齊食好正宗啊Peach black herbal tea 蜜桃紅茶🍑☕️ $38呢個蜜桃茶係T-Go 斯里蘭卡品牌嫁，絕對有品質保證👍🏻，個消化茶可以減低各種肉類同埋德國腸嘅油膩感，而且蜜桃味非常重，配埋主菜一齊食好夾呀✅ 兩款午餐主菜嘅價錢已經包埋飲品🍹、餐湯🥣同埋甜品🍫，真係好抵呀

今日嚟到海天晉呢邊行吓，之前見朋友黎過，周圍環境好靚~ 商場部份舖頭仲裝修緊，未完全開晒，但係一樓都開咗好多間餐廳，覺得呢間環境唔錯所以就試吓💛德國鹹豬手 配酸菜及薯仔沙律 💰218嚟到德國餐廳冇理由唔叫返個德國豬手試吓😏 外皮香脆，肉質香嫩，唔會韌👍🏻 有兩個醬汁配撘: 黃芥末醬 刺激感比較勁，蜂蜜芥末 偏甜 大眾喜愛😋💛香草醬煙肉三文魚意粉 💰128煙三文魚幾香，香草味唔係太出，配埋煙肉同埋菇都唔錯，個意粉可以煮林少少🤏🏻💛餐湯 配意大利麵包 💰28今次嘅餐湯係竹筍湯，雖然主角係個湯，但係個意大利麵包意外地覺得幾好食😋 個湯就清清地，食到啲鮮榨竹筍，感覺幾健康💛黑啤 Erdinger Dunked 💰72好大杯，容易入口，女仔都好啱飲👍🏻💛Orange juice 💰40正常鮮橙汁👌🏻-人均消費: 💰283 (已加一)-總括然而，環境好靚，望到大片草地加橋景，可帶寵物👌🏻 好岩想靜靜地享受下午至黃昏時間🌅-🍽餐廳: 德國餐廳 📍地址: 將軍澳唐俊街28號海天晉滙1樓102號舖

將軍澳真係一個福地嚟㗎嘢食越來越多 越來越多大餐廳進駐今次去到呢個德國餐廳-點都要食豬手啦叫咗個鹹蛋黃豬手外皮脆卜卜 但係豬手來講佢算係比較瘦所以食完之後冇乜罪疚感配菜份量相當多最鍾意就係嗰個豬菜超級開胃另外配搭薯仔沙律 真係大滿足-墨西哥牛油果醬 莎莎醬脆片牛油果醬真係天衣無縫越食越多越食越開胃份量都多 適合一班fd happy hours嚟食大家飲下啤酒送下小食-香草煙肉三文魚意粉煙三文魚份量多意粉其實可以夠3人份量真係性價比極高-羅馬生菜包牛小扒真係極度難得有呢個菜式未食過未嘗試過呢一樣菜式對於我要減肥但係唔食肉又唔得嘅大食女真係啱晒！一口牛嘅感覺再配上爽脆嘅羅馬生菜感覺健康咗🤣-環境都幾大同幾靚 仲有得喺室外帶狗狗食仲望住過海添

將軍澳海天晉滙ocean popwalk 一上電梯就見到 遠望有綠草地同埋海景餐廳門口有㗎大啤酒車車非常吸睛呢度好闊落坐得都幾舒服 鍾意呢個地方嘅室內設計胡桃木色再配襯深綠色 好似去咗外國pub依家德國10月節 餐廳都掛咗幾個氣球同埋旗幟我哋兩個食嘅嘢唔多 呢度嘅♥︎ 招牌德國豬手$218配上兩隻芥末醬汁 一隻蜜糖芥末味 一隻淨芥末味 豬手配左薯蓉佢就用咗薯仔粒 更加有口感 仲有配上酸菜 令到食肉感覺冇咁膩 絕配呀覺得個豬手已經幫你切好咗 一塊脆皮一舊肉 叫埋杯 ♥︎ 1664德國啤酒 🇩🇪 $72最後叫個 ♥︎ movenpick 朱古力雪糕 $30幸福啊 ! 又多一個好地方可以食德國菜~

朋友住將軍澳，於是入去探下佢。我地都想食豬手，於是去左呢個德國餐廳。.▪️鹹蛋黃豬手比一般傳統豬手更特別，有鹹黃味更惹味，推介！咬落外皮好脆身，肉質有嚼勁，份量都幾多。仲有份量澎湃的酸菜，非常開胃呢。.▪️墨西哥脆片配牛油果醬+莎莎醬脆片份量也不少，好惹味，做餐前開胃菜最啱！牛油果醬好出色，好creamy 又新鮮，同脆片係perfect match!莎莎醬就蕃茄味濃，同樣都好正。.羅馬生菜包牛小扒喺西餐廳比較少見，我地兩個女生想食牛扒又唔想食太大塊，食呢個剛剛好！牛扒熟度剛好，牛味濃郁又帶嚼勁。配埋新鮮又爽口的生菜，好解膩。.▪️香草煙肉三文魚意粉呢個CP值高！煙三文魚份量也不少，飽肚之選！意粉軟硬度適中。

最近朋友在網上看到一間很吸引的餐廳，成功吸引了我的注意😂。該餐廳名為德國餐廳，而當天我和朋友是在將軍澳吃的。我相當滿意這間餐廳，首先這間餐廳的環境相當有氣氛，而且能夠選擇在室外進餐。接下來我想推介一下餐廳的美食。首先我想推介的便是餐廳的招牌菜，德國鹹豬手配薯條。我想我喜歡該餐廳的鹹豬手，首先豬手表皮相當脆卜卜，而且豬手的肉也很鮮嫩，能夠吃得出是新鮮滾熱辣的。而薯條也炸得很酥脆，我很快便把盤的薯條清光了😂😂而另一樣我想推介的便是炸魚薯條，我相當喜歡該餐廳的炸魚條，在炸的表皮內有啖啖的魚肉，而且魚肉嘅口感相當良好，加上魚肉和薯條也是熱辣辣的。絕對令我很滿意，誠意推薦大家來這間餐廳享用一下美食。

🌕Hello我係Moon🌕好耐都冇食過德國菜啦，一諗起德國菜唔知道大家會諗起咩嘢食，我就一定會食佢嘅豬手！今次嚟到將軍澳依度食德國菜，😍環境真係唔錯㗎，😊而且依度嘅豬手係餐牌上睇落好吸引，所以我同朋友都決定要食呢個豬手，🥰食豬手之餘仲食埋一個意粉🍝豬手外脆內軟，😌外皮脆卜卜真係好好食，食落口仲有啲膠原蛋白嘅感覺，🙂佢嘅份量都幾多，兩個人或者三個人分享都可以！其實佢旁邊仲有兩隻醬，🤪可以點少少醬食都得，🥰又或者原汁原味食更加好！另外依度嘅意粉份量都唔錯，🤣份量可以分享！我依個意粉係香草醬煙肉三文魚意粉，😎三文魚大大片！🥳每一條意粉都掛上香草醬，所以都好入味啊！鍾意食香草醬意粉嘅朋友一定要試吓啦！😋🌕最後MoonMoon真係好滿意依間餐廳嘅豬手，有機會真係要再嚟食下🌕

以前想食正宗德國菜第一時間就會諗起「德國餐廳」，估唔到將軍澳開左間新分店，當然要試試🤣懷緬一下昔日嘅美味😁餐廳門口有好大架啤酒車做招徠，入面設有露天座位遠望將軍澳海濱公園，菜式方面有多款德國傳統菜，但大家要留意番新店暫時有部分菜式未能提供～我地叫左兩個main course:▪️ 德國鹹豬手配酸菜及薯仔沙律 👉🏻$218必試招牌菜😍，豬外皮香脆又唔會太油膩，咬落去脆卜卜，豬手肉質軟腍唔肥，醃得夠咸香，點埋蜜糖🍯芥末醬食一流，配菜有醒胃嘅酸菜同薯仔沙律，兩個人不知不覺就會KO一大碟▪️ 墨西哥香蔥芝士薄餅👉🏻$88香蔥薄餅餅皮夠厚夠實，烘到熱熱地配cream cheese食認真唔錯，想加餡料可以加配三文魚/風乾火腿(另加$25)，我就建議大家試下夾鹹豬手肉做餡，好食又夾味🤣

野食難食到嘔 豬扒好似食紙巾咁完全無汁 咬到咬唔到嗌完野食又溜單 催又話做緊等左45分鐘先話無單唔會再試 千….其…..唔…..好…..食…..伏硬……………………………..

個餐廳感覺唔錯嘅，裝修餐廳感覺企理，所以入去一試。佢set lunch都有十多個選擇，選擇都算多，有部份可以配飯意粉或薯菜。首先介紹吓個德國香腸拼盤，入面有四條腸，配薯菜。嗰四條腸都幾好食，但係薯菜就比較少，沒有Offer茄汁，薯條被腸仔啲汁整到淋哂，加兩片翠玉瓜和兩片紅蘿蔔，味道OK嘅，算不過不失。另外叫咗個紐西蘭西冷扒，呢碟真係超唔掂，首先佢唔會問你要幾多成熟，都冇所謂，切落去唔係全熟都感覺OK嘅，點知一食落口就知中伏！佢嘅堅韌程度，簡直跳出你想像，望落去件扒，好似一啲肥料都冇，完全錯晒，而且一啲香料或鹽或胡椒味都冇，有嘅係好重好重好重嘅雪味！究竟我食咗啲乜？呢碟餸唔係失望咁簡單，直頭係有啲嬲！好啦再嗌左個特色烤乳豬，＄198真心唔值，佢size 好似一隻大雞髀咁，個面係脆嘅，入面肥膏偏多，味道可以，好過件牛扒嘅，值唔值見仁見智啦⋯⋯

晚上來到海天晉這邊食飯，之前經過見到有德國餐廳想試一試，怎知完全中伏！太失望啦，叫左個4人餐，等左30分鐘先來左個薄餅，同超市買個返屋企用焗爐加熱無分別，再等左10分鐘來左4杯飲品，個coke zero係飲過最特別最特別嘅coke zero！試問下大家有無飲過漂白水可樂？！漂白水可樂！係無錯漂白水可樂！餐廳根本就唔夠人手，雖然侍應有禮貌係這麼講sorry，唉都無用啦，個廚房都唔知做咩！不知所謂！你不如唔好做啦，直接超市買啲返來加熱算啦！真係食過最最差！重點個所謂最出名的豬手！德國豬手！咩味都唔！係無味！最後買單要$663！真係好嘢！終於知道什麼係中伏！德國餐廳中伏！好彩唔係二戰！差啲無命哈哈哈哈哈

同朋友經過食lunch, 朋友叫了蔥油雞脾飯，我叫豬扒薯菜。食物到了，我以為自己去了茶記。當然茶記會好食啲同平D。薯仔白拾，啲瓜有顯汁🤣🤣。最搞笑餐飲叫latte, 女服務員不懂什麼來的，總之這裡沒有專門水吧，是旦一個人走入去就沖嘢比你飲😂。咁我咪叫杯普通咖啡囉。點知，原來佢哋D咖啡係配淡奶嘅。真係估唔到😰😰😰😰😰😰。這餐廳竟然咁多分店。不知所謂的假德國餐廳。連香港茶餐廳西餐都不如啦。

來到這個新開嘅商場 試吓呢間德國餐廳門外餐牌廣告十分吸引所以決定一試我們六人先叫了一客巴馬火腿 ， 一個湯，一份德國腸， 一份青口 ， 一客意粉及一碟乳豬伴飯。火腿份量可以 味道不過不失。個湯唔熱 唔知是否係凍飲 待應比較新叫取碗 他放低左就離開 ，意粉味道一般，德國腸味道不錯但份量太小。青口細隻味道可以的， 但係應該可以煮得creamy D最後好彩有叫乳豬伴飯。味道十分之好味 這個價錢低食。 唔好抱有太大希望入去吃德國餐 咁也可試試