德國熱狗 x 然茶 (已結業)

今日着咗九個鐘頭保護衣工作無飲無食，放咗工就去附近睇吓有咩食，咁啱記得附近有間熱狗🌭️店成日想去，今日就去試吓你啦～成日話越簡單嘅嘢就越難整。今日叫咗隻芝士狗+炸洋蔥圈同冬瓜茶。芝士狗～好簡單的酸瓜醬，茄汁及溶芝士，配上芝士腸，包有烘過，本身包上邊有芝麻，烘過後有陣隱隱的芝麻香味，睇到店主的細心，用心製作簡簡單單已經好好味。炸洋蔥圈(+$5)揸得金黃色啱啱好唔會有過火嘅情況，不過個炸漿厚咗DDD，失色咗少少，都OK嘅調味唔錯。ps~食咗一件先記得未影相🤣冬瓜茶(+$5)正常發揮～整體來講係好味嘅，會再幫襯，雖然有啲山旮旯😅。Ps~注意由於係即叫即做要預番少少時間大概5至6分鐘戴返頭盔先，我覺得好唔好食≠你覺得好唔好食，好唔好食因人而異。

呢間想試好耐，知道佢喺光輝圍開左分店，但去到附近成日比嘉寶吸引走左，終於有機會買外賣試下🌭【夏惠姨】 $42 (8.5/10)匈牙利辣肉腸配菠蘿煙肉，仲有熱溶芝士同茄汁沙律醬，我係為左佢個腸先叫，佢成個熱狗好好食，菠蘿煙肉又比得夠多，同個包一齊食真係超正🌭【日耳曼經典】 $42 (8.2/10)法蘭克福腸配德國酸菜、甜酸瓜粒，仲有茄汁黃芥辣，見到個熱狗特登鋪到一半酸瓜粒一半酸菜，食落酸酸地好開胃，我自己幾鍾意🍟【薯條】(7.5/10)＋🥤【可樂】 （配餐＋$14）薯條偏淋同碎，同出面食到嘅分別唔大，可樂就唔講啦😂🦑【魷魚圈】(7.7/10) ＋ 🥃然茶 【荔枝烏龍】(9.0/10) （配餐＋$26）個茶勁好飲，夠濃唔會太甜，好飲過平時嘅荔枝烏龍，魷魚圈有4件，唔會太厚粉，不過唔夠脆#sorriso_葵興 #sorriso_新蒲崗 #sorriso_元朗 #sorriso_秦石 #sorriso_尖沙咀 #sorriso_何文田 #sorriso_香港仔 #sorriso_新界 #sorriso_九龍 #sorriso_港島

想試好耐，終於有機會喇🥰不過餐廳開晌一個非常唔起眼既地方，附近返工先知道佢既存在，希望做得住🥺大狗大有肉醬同芝士同一條大腸🤤🤤肉醬唔會好膩，非常滿足呀。是狗但即係你話俾職員知道唔食乜野就得，佢地就會整俾你。我呢個有煙肉，煎蛋，肉醬，芝士同一條腸。

因為係兩間舖係同一個舖位，所以除咗熱狗之外仲有台式飲品咖！間舖裡面坐嘅位唔多，但呢啲天氣坐係出面食涼涼地仲c服( ´▽｀)🍴日耳曼經典 $42有無人覺得舖頭攞呢張紙包住好QQ😜但同時又好窩心，就咁包住拎起佢就唔會整污糟隻手～好鐘意佢唔係用一般嘅熱狗包，佢用呢隻硬少少挺身啲，有口感啲得黎又唔會食兩下成個包已經變淋曬 :3 條腸超級大條，又咁食一個已經好飽了！🍴亞美尼堅 $65雖然我唔知呢個名點解，但係！this is super hugeeeeeee！啲醬多到好似唔洗錢咁，而且係爆曬出嚟嘅醬下面，其實係有兩條腸！係兩條腸嘅熱狗，仲要脆皮咖！而且入面仲要有煙肉！！多料得嚟新鮮熱辣辣整好，超級好食🌭🍴大薯條 (加$14升級套餐 再加$5 套餐仲有飲品咖～)新鮮炸好，外脆內軟～～～而且仲有落鹽，如果有埋黑椒就perfecto！🍴魚手指 (加$14升級套餐 再加$5 套餐仲有飲品咖～)呢個絕對有驚喜！一樣都係新鮮炸好，間野樣樣都係新鮮炸好真係好正！脆得嚟裡面仲有少少辣辣地，但又唔會蓋過本身啲魚手指味，好好食🌶️

12-11-2021 (Fri)放假無所事事,差唔多lunch time搵嘢食,原本想去瓜破菓子店(https://www.openrice.com/zh/hongkong/r-%E7%93%9C%E7%A0%B4%E8%8F%93%E5%AD%90%E5%BA%97-%E8%91%B5%E6%B6%8C-%E6%97%A5%E6%9C%AC%E8%8F%9C-%E9%BA%B5%E5%8C%85%E5%BA%97-r573003),然後再去一意燉湯買燉湯晚飯飲,但原來瓜破菓子店主打甜品,似乎唔適合當lunch,於是再搵附近嘅,search到食熱狗嘅呢間,咁不如嚟食啦.我行橫過青山道嘅行人隧道一出就望見佢,由於時間尚早,所以冇客,咁我入去詳細睇完menu,就決定要$42.00嘅日耳曼經典熱狗,加$14.00要細薯條,再加$9.00要芝士奶蓋四季茶,咦?!咁咪咗佢哋嗰句”飲杯茶,食隻狗”?由於即叫即整,所以等好耐,等咗9分鐘至有.熱狗都幾長吓,材料係法蘭克福腸,德國酸菜,甜酸瓜粒,自家製茄汁同芥辣.包身有烘脆;德國酸菜,甜酸瓜粒味道都唔太強烈;法蘭克福腸一樣係正常嘅淡淡地.味道:4分細薯

近年黎 葵興多左好多好西食 唔再係得工業大廈！🤩 今次呢間小店係光輝圍 雖然唔算最近地鐵站 不過其實附近都有好多車坐 都幾方便架🤩 呢間小店啲裝修好靚 好岩用黎影相打卡😻 . 《然茶》$42 呢一杯野飲係店主推薦比我既 大家如果諗唔到飲咩既話 都可以叫返杯鋪頭主打既水果茶飲下😋💓 平時我係其他鋪頭 叫親水果茶都一定會叫少糖！！好怕好甜😭 但係呢到既水果茶 係我飲過 最最最fresh 最有茶味既！！😲😲😲 我今次冇叫少糖 但係出奇地 一啲都唔會死甜 茶味好出好香濃！再加埋淡淡既水果味 好解渴好好飲😍 一問之下 原來店主用左四季春做茶底😋 其實叫得水果茶 都係想飲啲fresh啲既野 唔知點解坊間咁多手搖鋪頭都做唔到！！但呢間真係好好飲 好岩唔中意飲甜野既你地！！💓 . 《抺茶鮮奶》$32 第二杯野飲都係店主推介 因為心大心細既我全部野都好想試😂！ 唔知大家知唔知 小編👧🏻曾經係Starbxxks 到打過工 自己都沖過好多Matcha latte 😂 呢間野仲沖得好飲過我自己😧 都係一樣 冇叫少糖但就完全唔會覺得好甜好辛苦 反而入口好順滑 好香抺茶味🍵😍 覺得超越左Starbxxks 既水準