御 ‧ 家上海

未寫過食評但都要寫一次。今日打風，你係做唔到現場買外賣嘅就唔好接啦。佢話等半個鐘，我30分鐘後到，再一直等，見佢keep住出外賣平台嘅外賣，出到去E53，我張E39都未出，一個現場買嘅外賣單都冇出過。全部都係有張外賣平台單跟住。你同外賣平台有service pledge係你嘅事，但係你如果唔可以公平出餐嘅話咁你就直接話櫃檯外賣唔俾落單啦。佢話佢係一齊炒喎，keep住有客入有客出有外賣平台自取單拎走，就係一張櫃檯買嘅外賣都冇出過。係我前面買外賣果個客人一樣都係拎唔到。一句講晒，錢就收咗，你咪慢慢等囉。仲有，櫃檯呀姐態度勁差，我買果陣講明要「午市限定套餐」，佢聽唔明，我話有酸辣湯果個set，佢話「哦～！即係特別餐！你話特別餐呀嘛小姐」大佬我跟你個menu講又唔岩，咩野係特別餐？邊度寫住係特別餐？總次佢打風覺得你地有得買野食就係恩賜你地，經理同staff都覺得自己高高在上咁。唔講以為唔洗俾錢。最後update, 12:56買，1:59終於拎到…查看更多

有水準上海菜-御 ‧ 家上海見呢間晚市都幾多人，就諗住嚟試下，坐低咗之後，店員話今日做緊推廣，試食鮑魚😂味道都唔錯！幾款小菜都好出色，臭豆腐細細件好惹味、小籠包夠晒皮薄、蔥油餅唔錯幾好食😀好香脆，可惜甜品豆腐花唔好食，唔夠滑同埋唔知點解唔係白色(印象中冇寫黑豆)，仲要吹咗幾次都未嚟，最後等咗成20分鐘先到🫣Overall 都唔錯，係最後甜品等咗好耐，如果想食就要早d order 定啦…查看更多

今日黃昏一個人嚟到THE LOHAS商場嘅「御・家上海」享受一頓靜靜地嘅晚餐。雖然係獨自前來，但反而多咗一份自在同安靜，感覺寫意。先來一碗「上海酸辣湯」，酸辣平衡得宜，唔會過酸或過辣，內裡配料充足，暖胃又開胃。主菜選咗「鵝松鳳梨魚柳」，魚柳炸得香脆不油膩，鳳梨嘅甜味配搭鵝松非常夾，成道菜帶少少南洋風味，意外地討好。再加一份「滷心煙蛋」，兩隻切開上枱，滷得入味，蛋黃呈半溶狀態，口感非常滿足。餐廳環境高雅、整潔，座位舒適，侍應有禮，服務亦到位。即使一個人用餐，亦不覺孤單，反而享受其中的寧靜與自在。總結：呢頓飯價錢雖不便宜（約 $232），但食物質素高，加上氣氛悠閒，對於偶爾想靜靜咁犒賞自己，實在係不錯嘅選擇。一個人食飯，都可以過得好好。💛🍽️…查看更多

太離譜，間餐廳之前都食過，諗住集團式應該都正正常常，點知今次叫呢一碟$98嘅荔枝鳳梨魚柳，細碟到好似前菜咁，或者形容為人地食剩嘅貼似啲，隔離枱叫嘅前菜都大碟過呢碟魚柳，魚得嗰幾舊，仲要勁細舊，又唔係特別好食，啲魚肉好乾又鞋，荔枝就得兩粒，性價比極低！個炒飯就正常，但係叫得「人氣 招牌十景揚州炒飯」，食落其實冇咩特別，冇咩料，飯就好多…PS：唔知係咪因為有$300減$100 coupon，所以質素直線下降。…查看更多

嘢食OK但價錢真係偏貴！點咗小籠包同紅燒肉，小籠包皮薄汁多，咬落好鮮；紅燒肉肥瘦啱啱好，甜甜地幾惹味。不過一份菜貴過百蚊，食完有啲肉痛。環境雅緻，服務都細心，適合請客或者特別日子嚟。想試正宗上海菜OK啦，但平民食飯就可能要諗諗！…查看更多