御 ‧ 家上海

營業中

休息中

今日中午去咗康城商場嘅家‧上海食午餐，見到佢哋有午市限定套餐，每款$88-$98，包白飯同上海酸辣湯，感覺幾吸引。我揀咗女兒紅醉雞套餐，醉雞上枱時擺盤整齊，雞肉嫩滑，酒香溫和唔會過火，入口微涼，配白飯剛剛好。酸辣湯味道有驚喜，酸辣度適中，唔會太刺喉，湯底帶有胡椒香，內有豆腐絲、木耳、蛋花等，飲落開胃又暖胃。餐廳提供半價加配點心、甜品或飲品，我加咗一客鐵板灌湯生煎包，底部煎得香脆，咬開內裡有肉汁滲出，味道鮮甜。再配杯貴妃楊枝甘露，唔會太甜，芒果味香濃，有柚子粒增添口感，清爽解膩。環境方面，店內坐位舒適，燈光柔和，唔會太嘈吵。午餐時段客人唔算多，可以慢慢坐低食一餐。整體食物水準不俗，價錢合理，服務親切，下次會想試埋其他菜式如鍋塌豆腐或豉汁鳳梨魚柳，再配埋甜品或冷飲，應該都會好滿足。

嘢食OK但價錢真係偏貴！點咗小籠包同紅燒肉，小籠包皮薄汁多，咬落好鮮；紅燒肉肥瘦啱啱好，甜甜地幾惹味。不過一份菜貴過百蚊，食完有啲肉痛。環境雅緻，服務都細心，適合請客或者特別日子嚟。想試正宗上海菜OK啦，但平民食飯就可能要諗諗！

逢星期一至六有一人午餐set，抵食高質，人參烏龍茶好飲有回甘。 我哋點左荔枝鳳梨魚柳，魚柳質素好，唔係啲平價野，食落有咬口，一絲絲魚肉。乾煸四季豆正常好食，又唔會太油。咁啱遇上餐廳一周年，每人送一隻鮑魚，都幾好食😋侍應sell話呢家promo,原價188一罐，呢家加$10多一罐，即係$198兩罐。我同老公有心動過想買返兩罐，因為幾好食，最後諗諗吓，兩人家庭好少河煮鮑魚，仲要一次食6隻……最後放棄左。食完走嘅時候，見到開始有下午茶（星期一至五，2-4:30pm），仲抵。下次如果再平日放價，會黎試吓下午茶。

看見食評說這裏的食物唔錯，於是試咗佢嘅下午茶，但其實價錢都唔平，又要+1服務費。我要了一個擔擔麵配大排$58，再加一個小食四喜烤麩$22。埋單共$88 。 當食物送上時，真覺得豈有此理，雖然是下午茶較平，但總不能用咁少嘅份量給客人，我即刻投訴，佢轉頭就加咗兩小塊給我，但最後這兩塊都沒有吃，整體來說讓客人感到失望 。

康城商場的御家上海用餐，五個人點了七道經典滬菜，總共花費680港元，性價比相當高。小籠包的外皮薄而韌，湯汁鮮美豐富，一口咬下去湯汁四溢。炸豬排金黃酥脆，內裡依然保持多汁，搭配特製醬汁令人回味。醉雞的酒香適中，肉質軟嫩，冷盤的口感與溫度拿捏得恰到好處。涼皮爽滑開胃，配上清脆的青瓜絲和香辣的調味醬，是不錯的開胃菜。煎餃底部煎得金黃酥脆，內餡汁水豐富。炒飯粒粒分明，帶有適度的鑊氣。年糕咬勁十足，調味適中不會太膩。餐廳的裝潢融合現代中式元素，木質屏風與時尚燈飾營造溫馨氣氛。服務人員專業有禮，體現出優質中餐廳的水準。以每人平均136元的價格，能享受到如此豐盛的滬菜盛宴，確實物超所值。整體而言，這頓晚餐無論從菜品質素還是用餐體驗來說都相當令人滿意。

由於家姐住附近，拜完年就來呢間上海菜食開年飯，5人叫了一個四人餐1880食到超級飽之餘仲要打包！食物水準好好！要大讚既係豬脷蠔豉髮菜，同埋甜酸魚，炸得非常好，而且醬汁嘅甜酸好美味🥰係我食過數一數二好食嘅水準真係食到超級飽，個鴨皮好脆，其他前菜都唔錯，非常滿意😍適合一家大細餐聚～多人食先至可以分享到更加唔同嘅嘢食～上海菜嚟講，好過好多間！都覺得意外驚喜，另外我都要讚嘅就係佢哋個茶，出奇地好飲，平時好鍾意飲香片，呢到既香片我非常喜歡！開年飯喺呢度食，無選擇錯

Nestled in the vibrant locale of The Lohas, Modern Imperial Shanghai 家上海 offers a delightful escape into the rich culinary traditions of Shanghai. With an extensive menu that promises to tantalize your taste buds, this restaurant is a must-visit for food enthusiasts.1. Ginseng Oolong Tea 人蔘烏龍茶 ($13.0/pax)Start your meal with the refreshing Ginseng Oolong Tea. This aromatic tea, infused with the subtle sweetness of ginseng, is the perfect palate cleanser. Its delicate flavor and soothing properti

過完聖誕，好快就到中國人另一個最受歡迎既節日“春節”。大家最好就一早訂定位食團年飯，今次就介紹一間不論環境、地點同食物質素都有保證既中菜館。係將軍澳The LOHAS 早幾個月就開了一間“御•家上海”，是在同集團中級別最高的。鄰近地鐵站之餘，環境坐得好舒服，大檯園檯小檯都有，三幾位可以，一家十人都得無問題。四喜烤麩醬油味好重，而且質地軟熟，味道好正宗。老上海醬油拌螺肉花螺是煮至入味再起肉，煙煙韌韌的口感，微微地好惹味，佐酒一流。蜜汁脆鱔蜜味重，鱔身粗，咬落脆口，灑上芝麻多了香氣，我鍾意。脆香醬茶鴨配荷葉包好乾身，鴨肉味濃郁，油份又不覺多，配上荷葉包食啱啱好。鹹肉翡翠炒山藥以鐵棍山藥吸收了鹹肉的鹹香味，食落有點爽口，很有趣的配搭。瑤柱菜螃蟹質地嫩滑，加入蠶豆增色之餘，令口感更佳。椒鹽小黃魚（兩條）炸得好乾身，魚味突出，又毫無腥味，連皮食是正常不過。揚州紅蚊鴨四寶以濃油赤醬的方式處理，有鴨肉、鴨腸、鴨紅及鴨腎，煮得恰好，鴨腸及鴨肉毫不覺老，鴨腎又爽彈，正。家鄉咸雞豬蹄炆冬瓜全晚最喜歡的一道菜，以長時間炆煮豬蹄，令骨膠原融入湯汁之中，冬瓜吸收了雞汁及豬油的香味，美味到一個點，建議把湯汁拌白飯

呢間嘢都新開咗一段時間但係我最近先有機會去試試咗佢個下午茶入到去覺得佢個環境好靚好grand佢個茶仲可以有幾隻可以揀我嗌咗兩個下午茶餐嗌咗一個排骨菜飯加四喜烤麩$78估唔到佢個排骨菜飯都幾多啲菜飯我食唔曬四喜烤麩就係特色嘢都幾好味招牌十景揚州炒飯加女兒紅醉雞$78佢個揚州炒飯有好多好大嘅蝦金黃色的炒飯炒得粒粒分明女兒紅醉雞就整得好精緻好入味佢真係幾大份結果我都係食唔曬一分錢一分貨野食幾好味有機會可再試下其他款

午飯時間已過，肚餓又懶得自煮，便來一個上海式下午茶。食肆人流不多，下午茶也可以選有景觀的座位，用餐之時亦可欣賞溜冰。既然有下午茶套餐供應，便點了兩款套餐，有主食亦有點心，絕對合乎經濟原則。小排骨是冷盤，有點出乎意料之外，排骨炆得很腍但肉有點柴，幸好大部份小排骨都有骨連筋增加嚼勁。炒年糕有勁度是喜歡的口感，薺菜像切碎了的雪菜，味帶微咸為年糕提鮮不少。小籠包是正常水準之作，最出色之處是熱烘烘上枱和豐富的肉汁。擔擔麵不錯，湯頭的花生香味濃郁，榨菜粒及肉糜為軟綿的麵條增添更佳口感。閨蜜愛吃小黃魚而小黃魚的確酥脆可口又不油，魚肉也鮮嫩是不錯的小食。津白的水準不過不失，上湯有咸肉的咸香味，如果上湯熱一點，味道必定更好。下午茶套餐加配可選甜品或飲品，檸檬薏米水清酸微甜，感覺沒太多負擔。

同老人家慶祝生日，一行八人食得滿足。雖然係食午餐，但我哋就好似晚宴一樣，全部都係嗌小菜。老人家早食飯，所以我哋11:30am一開門已經到餐廳。由於之前已經訂咗枱，所以服務員都好快已經帶我哋去預留咗嘅大圓枱。叫咗總共10樣嘢，大致上都好味嘅，唯獨是個炒菜預先同服務員講可唔可以煮得腍啲，方便老人家食，但出嚟嘅效果都仲係好硬。最出色係個雞，皮脆，肉滑，好香濃嘅煙燻味👍🏻。原本個客戶體驗都好好，幫我哋嗰幾個服務員都好周到，寬容有禮，但去到差不多食完之際，有一位應該係比較高級嘅女服務員（因為只有佢着米色西裝褸，所以直覺佢係比較高級）行埋嚟，用一個好不願意嘅眼神同埋語氣，問我哋究竟訂咗幾多個壽桃包？同埋我哋啲嘢食完未？首先壽桃包唔係我哋訂嘅，係之前留枱嘅時候餐廳知道我哋係慶祝生日，主動話送俾我哋，所以我哋根本唔知佢送幾多個。第二我哋食完未其實望吓張枱應該知道，佢最差嘅就係佢嘅tone and manner，原本一家人同老人家做生日開開心心，俾佢一句咁樣嘅說話破壞晒😤。反而其他着黑衫，應該係比較junior嘅服務員都見到呢個情況，之後都過嚟同我哋講唔好意思。

御・家上海喺康城開分店啦！一直以黎，不論係家上海，定係御・家上海，品牌都係品質嘅保證，係性價比高既選擇，繼進駐大圍圍方後，又一新店開幕了！淮揚菜既前菜總係令人不失望— 「蜜汁脆鳝」、「四喜烤麩」皆係我嘅心頭好～而我認為當晚嘅MVP係「家鄉鹹雞豬蹄炆冬瓜」，豬蹄顏色粉嫩，係滿滿嘅骨膠原，冬瓜炆得既腍又入味，湯底濃郁～「招牌糯米炒青蟹」都挺有驚喜，米飯粒粒分明，糯米飯既部分盡收青蟹既精華假如係熟客嘅話，便知道「鐵板灌湯生煎包」乃係名物，脆底、皮薄餡靚！最滾動既係可以橫掃甜品餐牌，「貴妃楊枝甘露」、「夠薑湯丸」、「酒釀丸子」、「高力豆沙香蕉」、「流沙奶黃千層酥」，人多就是可以多點，整個餐牌有多達8款，特別推薦「原桶黑豆腐花」，而呢個最好提早點啊～

二人晚飯不用等太久，就去了這食店了。店裡環境空間夠大，感覺不錯。店員招呼挺禮貌的，雖然客多，算是隨叫隨應。我們依餐牌好介紹，要了三個所謂經典的必點菜，第一道是煙燻脆皮雞(半隻)，上台看下去色澤金黄靚靓，有煙燻香味，但一口咬下皮脆肉嫩，但舌頭上就不好受了，感覺太重手，實在太鹹，中伏了！ 第二道菜是脆煎灌湯小籠包(五件)，放在熱辣辣鐵板上，味道鮮美，很不錯。最後那個菜是上海粗炒，入口不夠熱，輸了！ 我們這晚餐失望了，感覺沒下次了！

早前去食下午茶，諗住在限期前用左張現金優惠券，成張優惠券都冇寫套餐不適用，只寫限堂食及週一至週四適用，亦都寫明於午市或下午茶消費每滿300可使用100現金券，叫左4個下午茶套餐，但埋單的時候，職員卻說優惠券不適用於套餐！大家看看哪句寫了套餐不適用？向職員反映時，還非常厚面皮地說：「明白的！知道的！」像機械人一樣重複又重複地說這兩句話！敷衍了事，並沒有真正為顧客解決問題！請大家真的要慎用！食物方面個上海粗炒偏鹹，回家要飲很多水。

一直都好喜歡去御•家上海食飯, 早排同一班朋友出嚟聚餐, 順便試下佢地新出嘅夏日菜式!✨️老上海醬油拌螺肉花螺味道鮮美, 肉質爽彈, 配上特色醬油, 惹味又開胃✨️蜜汁脆鱔每嚟一次都必點嘅前菜之一, 香甜脆口, 忍唔住一條接一條咁食✨️賽螃蟹食上海菜點少得賽螃蟹, 口感滑嫩, 鮮甜細嫩✨️脆香樟茶鴨樟茶鴨由多款香料製作而成, 絕對係心機菜, 鴨肉呈棕黃色, 香氣濃郁, 味道帶點鹹香，皮脆肉腍，相當吸引, 配搭刈包同食, 滋味滿足✨️揚州紅炆鴨四寶鴨四寶分別有鴨肉、鴨腸、鴨紅、鴨腎, 香味突出, 濃郁入味, 回味悠長✨️鹹肉翡翠炒山藥就咁睇以為係炒年糕?其實係山藥嚟! 鹹肉鹹香惹味配上爽脆山藥, 食落口感豐富, 餸飯一流✨️雪菜三鮮炒大豆芽食左咁多肉, 緊要食番d菜, 入口爽脆鮮嫩, 清一清味蕾✨️椒鹽小黃魚小黃魚一d都唔小, 外層炸得金黃, 食落酥脆可口, 肉質鮮嫩, 椒鹽味道剛好, 完全唔搶鮮✨️濃雞汁蘿蔔蘿蔔鮮甜軟腍入味, 多汁無渣✨️荔枝蝦球新鮮炸出嚟, 外脆內彈✨️家鄉鹹雞豬蹄炆冬瓜所有鮮味落入冬瓜件入面, 冬瓜軟身多汁, 消暑又好味✨️鐵板灌湯生煎招牌菜之一嘅鐵板灌湯生煎, 每次都會點! 一上枱發出