御記糖水專門店

營業中

休息中

今日同朋友食完飯，之後就食糖水，黎到呢間食中式糖水嘅。之前一直都係食西式糖水例如焦糖燉蛋，今次就試試中式野。本身以為入面多數係中年人，點知入到去有好多後生仔女，我諗中式甜品都未被淘汰啊我叫咗呢個鮮奶燉蛋白（凍嘅），然後我朋友就叫咗一碗熱嘅芝麻糊。我果個唔會太甜，而且都幾滑！而我朋友果個就熱熱地幾好飲，而且要讚下就係我地點完 然後我朋友要去廁所 但佢地店內面冇所以要去第2度去，店員即刻話幫佢叫遲d先上，都幾貼心，咁就唔會等到凍哂。

食飽飽晚飯之後，跟住搵咗間糖水食，經過呢間店鋪嘅門口就被去中式糖水餐牌吸引注了！最重要係價錢都唔貴，於是我哋就入咗去幫襯！我嗌左一碗自家製嘅芝麻糊同埋杞子圓肉燉雪梨！佢哋嘅芝麻糊係生磨嘅，雖然就唔係話十分之滑啊但係就食得出係自己制！價錢只係＄20 ,分量就滿滿嘅！另外杞子圓肉燉雪梨，味道清甜，飲落去覺得十分之滋潤同埋健康，尤其適合秋天同埋冬天飲啦！香港食中式糖水而又用心做嘅糖水鋪買少見少，聽聞呢度嘅老細係90後，雖然呢度啲糖水仲有進步嘅空間，但係我都好佩服佢哋用心製作！加油努力！香港嘅將來就靠曬你地啦！

小弟一向少食糖水，朋友推薦用心制作的糖水鋪決定一試，叫了紫米露加湯丸同擂沙湯丸，係食咁耐糖水以來食完可以由心讚賞完全唔覺太甜嘅紫米露，可以睇得出老闆係制作方面所下嘅努力同苦心，同埋最緊要價錢公道，埋單才發現與老闆年紀相若，大家都係80後，知道佢亦發現坊間嘅糖水鋪係味道上都偏甜得來亦會太膩，所以自己出來賣自己所制作嘅糖水，希望大家年輕人都食得開心。

When the weather gets cooler, it's always great to have a warm Chinese dessert. After dinner boyfriend and I walked by 御記糖水專門店. A small shop selling traditional Chinese desserts. It's not very big but there was a steady stream of customers.Menu is in Chinese only. There is no 10% service charge and it is cash only.Boyfriend ordered a coconut milk with purple sweet potato dessert ($22). At first we were confused as we wondered where the purple sweet potato was.Then upon digging in, we saw they ju

平時最怕食到啲得個死甜嘅甜品，今次試咗伊間新糖水鋪，感覺唔錯，甜度適中，而且整體啲糖水嘅水準都幾好。杏仁蛋白茶味道唔錯，絕對唔係藥水味，不過啲蛋白再多啲會更開心（貪心的小狗）椰汁紫薯露有驚喜，啲紫薯蓉幾好味，仲以為會係一粒粒嘅紫薯。糖不甩細細粒易入口，配料分量恰到好處，唔會太多砂糖。整體而言，會再encore!!

今日約咗朋友食飯，有啲唔係咁飽，見天氣咁凍，就周圍行吓見到間糖水舖都幾光猛又幾乾淨，又有返咁上下人流，就決定去試一試。一入到鋪頭，就發現有兩位年紀相若嘅員工，後來同佢地傾下傾下，先發現原來佢哋兩個都係80後嘅老闆。由於我本人好欣賞80後出嚟創業嘅年輕人，就更加有好感。我叫左一個原燉盅燉雪梨，老闆話佢燉足三個鐘，食落覺得好滋潤，又足料燉雪梨， 好味！食完成身暖哂。仲知道老闆係用3.6牛乳做甜品，下次一定返嚟試！

一直期待的傳統糖水小店，沒太多花巧款色，也沒其他糖水點的缺點——太甜，值得一讚！雖然店鋪較細，但一般來說食完就走，所以沒所謂，而且價錢合理，甜品真材實料，希望水準能維持！

我兩公婆都鐘意食糖水，人地話松*糖水好味，其實都覺得松*麻麻地，自從呢一間開張我地就成日去，每次去都坐滿曬人，最喜歡係核桃露同杏仁茶，味道超級浓，前兩日我見冇乜人就去買左個杏仁茶食，覺得冇乜杏仁味。今日經過買左一個杏仁茶同核桃露，我老公食左一啖話核桃露味道超淡，我個杏仁茶似溝多左水都係冇味道

原本想搵第二間糖水，點知唔多熟路，就隨便搵左間入到去都仲有位（可能時間尚早），過多陣就開始排隊，入到去，每張枱都有一張餐牌，十分方便大家去睇，價錢都好公道，叫左鮮奶燉蛋白同埋涼粉＋綠豆沙，埋單40零蚊，講返燉蛋白，食落去都幾滑，鮮奶味濃，而涼粉＋綠豆沙整體黎講都算唔錯，但後來睇返食評，好似大家都推薦芝麻糊，可能下次黎去試返呢個啦！

懷舊糖水店買少見少，好似芝麻糊真係好考功夫，御記的芝麻糊絕對食得出老闆的心機，經開個頭一定要去試下仲有合桃糊同蛋白燉奶都好味，食完即刻覺得好養顔。不得不提係好味背後原來此小店臥虎藏龍，師傅廿幾年煮糖水經驗仲係出自有名氣的糖水店

今日放工約左朋友happy Firday, 竟然班友遲到low。 好嬲之下謂有揾間糖水鋪打等順便食下糖水下吓d火，起openrice 到揾到價錢便宜而且係新開的既糖水鋪就間左lit 間去坐，隨便擇左碗豆腐花黎食，但真係無諗過一食落去既第一口，已經滑到落去我喉嚨頂嗱，真係好滑，無得輸。 可以講话今次係我現家食過最滑既頭腐花，無得輸。食完之後咩火都消曬， 可以係話因鍋得福。下次一定會再黎。 

見屋企附近有新糖水店開張就同幾個住附近既街坊朋友去試試，佢地既鮮奶燉蛋白超級滑滑建議叫熱的因為真係會滑好多，聽到後面枱啲人話好食到講唔到野(個鮮奶燉蛋白)，我地仲叫左其他糖水紫薯露超綿滑，咋喳好足料，湯丸(同出面啲好唔同，口感好好)全部都好好味，隔天放工經過已經忍唔住要再去食佢個鮮奶燉蛋白，同2位80後老闆傾計後發現佢地原來都好有理想，希望為80後爭返口氣做d成績💪💪💪加油啦，我最支持街坊小店

放工食完飯仲未飽、就想係長沙灣搵間中式糖水食。 睇完openrice見有間野新開就黎試下、新裝修地方乾淨夠光猛。睇餐牌寫住生磨、一試之後果然係堅野 ！ 芝麻糊好滑而且唔會太甜、下次會再黎幫襯

同朋友經過見到有間新開既糖水舖就黎試下，menu寫住生磨芝麻糊，生磨合桃糊，今次就試下生磨芝麻糊先啦……真係好滑同埋好濃芝麻味，同老闆吹下水先知原來佢地係用石磨既……唔怪得之同出面既唔同啦……朋友就叫左個楊枝金露，比左好多芒果，好食……埋單都係4x蚊，真係平靚正，下次要試下其他野先得……