御花園咖啡室

營業中

休息中

「藍天白雲，椰林樹影，水清沙幼」，每每提到夏天，腦海中就會浮現如斯景象 只是暫時沒有享受陽光與海灘，體驗夏日熱情的計劃；簡單點，去了一趟Cafe Rivoli 紅鶴、樹懶、猴子、巨嘴鳥……標誌性的熱帶動物聚首一堂，太可愛，忍不住大拍特拍 不單是室內佈置花心思，大廚亦設計多款特色冷熱菜餚，不乏椰子、芒果、菠蘿等元素 炎炎夏日，熱得汗流浹背，涼爽沙律、冷盤及前菜成為首要攻下的部分 烤雞蘆薈沙律以蜜糖乳酪汁調味，比一般沙律醬少膩，又有蘆薈粒和香蕉片豐富質感 另有中式前菜可選，特別一提麻辣牛筋，彈牙好嚼而且十分入味，其實味道不太辣 煙醺魚及火腿可謂基本款式，而冰鎮海鮮，如麵包蟹、青口及松葉蟹腳等一一不缺 刺身先來色澤櫻紅的油甘魚，濃鮮微甜；後嚐珍寶帶子，厚身依然嫩腍，清新甜美 另有赤紅蝦、吞拿魚、三文魚和八爪魚等大路款式，更有供應豐盛的雜錦刺身丼 打算取點熱食暖暖胃，此時職員送來半隻略顯金黃的芝士焗龍蝦，每位客人均享一份 芝士汁香潤可口，醬量恰到好處，龍蝦肉不會焗至過乾，仍留有幾分爽彈 蒜蓉孜然燒美國石蠔香氣濃郁，而蠔肉亦不失水份，只是味道甚重，一件起兩件止 想不到竟見重磅燒

老公牛一，選了一間未去過的cafe 慶祝，於是揀了御花園咖啡室的dinner buffet。6點半已去到，人不太多，立刻行一個圈，看看食什麼食物先。首先吃了刺身，珍寶的太子及蝦最正，又大又鮮味，油甘魚及三文魚亦不錯；凍海鮮的松葉蟹腳好鮮味，其他就一般；熱葷及沙律款式都多，味道中規中矩；湯有中西兩款，鱷魚肉煲螺頭，及龍蝦湯，夠火候及夠rich；甜品一定要留肚食，dreyers & movenpick 雪糕一定唔好走雞吖，其他蛋糕都好精緻。還有，記得用openrice coupon，有六折架

嚟到母親節緊係要同我親愛嘅媽媽食餐好嘅慶祝下啦,所以早於4月尾果陣,我就已經開始搵定睇下去邊食Buffet慶祝啦. 最後考慮到地點方便,所以就揀左香港富豪酒店嘅御花園啦.揀好左之後,我就打電話去查詢&Book枱啦,,咁就問佢地有冇做信用卡優惠,職員答話冇,叫我上Openrice訂位就有7折,同埋要親自到餐廳落訂. 我聽完都覺得下,點解安排會咁麻煩？！之後第二日就叫家人幫忙去餐廳落訂,落訂時家人都有再問有冇信用卡有折,職員同樣答冇.到左食自助餐當日,餐廳環境都算唔錯,不過枱與枱之間的距離都好近,感覺有少少迫. 不過正因為枱與枱之間嘅距離好近,咁所以就留意到隔離枱話原來用渣打卡簽帳有65折同埋有任飲汽水,,我地知道左先再問職員佢先表示話有依個信用卡優惠. 其實我唔係在乎個折扣多與少既問題,而係覺得d職員對公司所出的優惠好似唔係好了解咁.食物款式算多選擇,不過冇乜邊樣出色. 剛開始的時候,開蠔師傅先慢慢埋位開蠔,令到大排長龍. 但開左一輪之後就好似冇再開蠔(姐係有段時間冇供應),,到差不多尾聲嘅時候先再繼續有供應生蠔. 好少可食自助餐有供應海南雞飯,所以都想試下,但點知去到攤位想問師傅攞嘅時

冇睇到之前評論，見到7折就訂左。果然中伏。海鮮得蝦、青口、螺，其實唔緊要，中午都預左。但蝦殼難剝開，螺肉牙簽斷都挑唔出，青口我冇食啦，加埋食左兩粒。叫碗麵，湯咸到一個極點，湯底明顯滾左好耐D鹽出晒黎。菠蘿切得樣衰都算，仲要咁唔靚都拎得出手。其他唔評論啦，一個字：普通茶記可能仲好食。唯有 movenpick 最正常😨😨從不打食評、但今次真係令我食到最差既自助餐，好少食到咁難食既，7折大家自己諗諗啦。

曾經認為銅鑼灣富豪的自助餐只是一般，但近年多次到訪，發覺食物質素與款式是一次比一次好，看得出的誠意。 雖然並非任食，每位都會送上波士頓龍蝦半隻，所以質素會更加好，肉質爽彈甜美。 另外，更有燒大頭蝦，蝦殼燒得香脆可口，如果有杯啤酒相伴就一流。 酒煮車厘子配奧地利布甸班戟 餐廳每晚都有特製堂弄甜品，而今晚是酒煮車厘子配奧地利布甸班戟，甜美可口，真的不錯。 海鮮 除了龍蝦鉗可以啖啖肉外，更常見的長腳蟹爪、凍蝦、麵包蟹及翡翠螺，麵包蟹近年成了Buffet的新寵，每每在自助餐中偶上，加埋其他幾款，又可以做個併盤 。 刺身 有吞拿魚、甜蝦、三文魚、希靈魚及北寄貝，最啱來個刺身盛合，蘸點些少醬油來提鮮，效果不錯。 熱葷 基本上以中式為主，好多款都似宴會菜。 蟹籽芝士龍蝦伊麵 伊麵蘸滿了龍蝦汁好惹味，柔韌可口，個人幾鐘意。 花膠北菇扒時菜 花膠滑溜又養顏，對女士及老人家最啱，難怪每次一出就比人圍攻。 慢煮原隻鮑魚和牛丼 龍蝦、花膠之後係鮑魚同和牛，都是回本的亮點，不過可以的話，

踏入5月，只因想食蟹，隨便搵左間做緊7折既酒店buffet,好唔好彩有事遲左8點先到，9點半就清場，所以盡快掃埋啲蟹尾，然後竟然發覺冇咩其他想食，8點半過啲已經火焰蛋糕，之後壽司師傅就唔見左，熱盤係比較常見既食物，所以實有剩但亦唔熱衷拎，甜品雪糕亦被掃蕩無幾，還好每台有龍蝦同開邊蝦半隻，不然也不知點算，雪糕同職員講都有refill，冇飲品既情況下，兩個人1000左右離場，呢間其實冇野唔得，而且我遲到係輸蝕啲，不過冇乜事我未必再來。

本人已經無食酒店BUFFET好多年~ 一直都提唔起興趣去食, 因為母親節, 我屋企女大皇又好仲意食BUFFET,就提前一個星期同佢去癲下啦~ 去咗銅鑼灣富豪酒店御花園度食, 哩間BUFFET係朋友口中已經傳咗好多次話好正, 一直都心思思想試,海鮮類主打龍蝦,長腳蟹, (凍海鮮我真係好一般, 不過試咗一隻腳, 係鮮甜既)重點: 佢有BBQ既越南大頭蝦, 熱既~ 正丫~ D膏好多~ 大閘蟹咁多~ 正到反哂眼~刺身不過不失啦~ 都算係新鮮, 第二重點就係甜品啦~ 佢有自家製既拿破輪蛋糕, 火焰雪山, 仲有一個好出色既冧酒櫻桃面包布甸,雪糕有6種MOVENPICK揀, 其實我食甜品都回本架啦~

我算是Twinings的粉絲, 看到銅鑼灣富豪酒店的御花園咖啡室推出「鮮味薈萃Twinings茶香自助晚餐」, 即時去品嚐一下, 以茶入饌的在一系列獨創甜品, 熱葷雖沒有Twinings, 但同樣不失威. buffet line之外, 每位顧客均可獲得一客黑蒜麻油燒11吋大頭蝦及半邊美國緬因州龍蝦. 大頭蝦確是不得了!!! 彈牙爽口, 蝦頭內的橙黃色的蝦膏更是滋味! 由於Twinings都在甜品內, 所以今次會先說甜品. 伯爵茶桃子梳乎厘是必吃的啊~ 佛手柑的味道就是那麼討好, 甜度亦適中, 梳乎厘的空氣感不錯, 雖然要相機食先, 但都不宜待太久才吃. 大吉嶺茶牛奶朱古力條, 茶味突出, 完美表現茶與朱古力並存的平衡, 慕絲部份好香滑. 單從外表, 只能估計是士多啤梨芝士餅, 但不會那麼簡單吧! 吃一口, 有清香菊花味及怡人薄荷味, 是用了Twinings的菊花薄荷茶入饌, 不得不說, very impressive!! 平常喝茶, 選擇洋甘菊的機率比較少, 因為味道不是我最愛, 但以洋甘菊來做甜品, 原來也不錯, 就如洋甘菊香料蘋果餅, 兩者挺夾. 還有伯爵茶千層蛋

很多年前也試過呢間酒店，當時食物已經一般。事隔多年以為會有改善，怎知員工和食物質素還有待改善。今期的推廣是每人一份大蝦和半份龍蝦，蝦的竟然不新鮮，重點還要是差不多吃飽才送上，沒有意思了！另外，在燒肉枱上面放了些烤椒和番茄，問廚師要，他的回答令人真氣憤「小姐，呢D是裝飾」，這是什麼態度！？你沒有寫明這是裝飾，我怎知放在食物枱上面的食物是不能吃！就算是用來裝飾，員工態度要否這樣！點品方面：有個Waffle 機，不知道是不夠人手還是真賣點，竟然是自己烤。人人烤3分鐘排到都已經收工。

今日下午去中央圖書館找資料做功課，完咗周圍行下，老公提議食自助餐，好呀，這裏環境舒適。雖然未到六點半，但服務員非常好人，讓我們可以坐下，休息下，看看書等待晚餐自助餐，室內環境舒服。海鮮冷盤有龍蝦鉗，凍蝦，長蟹腳，麵包蟹， 翡翠螺。熱食特別嘅有羊架，鑊仔牛柳，西班牙燒豬....豉油皇中蝦，大大隻好爽口。"每人有半隻龍蝦。不同種類嘅芝士。沙律菜應有盡有，有我最鍾意嘅火箭菜。甜品嘅一角另外每人有一隻蒜蓉燒大頭蝦，正呀!也有我最喜歡的海南雞飯。

大家也愛高貴的HighTea嗎？車媽媽挺喜歡跟好友悠閒嘆茶，從而對西茶加深了認識和興趣，而Twinings更是除了立X茶包以外我最早認識的西茶品牌。 而Regal Hongkong Hotel內的御花園咖啡室 Cafe Rivoli近期推出了*鮮味薈萃Twinings茶香自助晚餐*，即是有茶香滿盈甜品和我大愛的海鮮，又真係冇理由唔吃喎！多年沒到訪御花園已忘記了環境是如何那便重新認識吧！高樓底配上彩畫圓頂和璀璨燈樹，營造出愜意的用餐環境！先用甜蜜生果揭幕！新鮮菠蘿、葡萄和西瓜已教我滿足，因為三款也是我喜愛的！旁邊還有朱古力噴泉！ 自製窩夫機附設計時裝置很貼心，只須放入窩夫混合物較好時間，便可享用熱騰騰的窩夫了！還有即焗的伯爵茶桃子茶焗梳乎厘，大家記得看準出爐時間喔！ 中式甜品有豆腐花和蕃薯糖水，睇落豆腐花都很嫩滑喎！ 到這夜的女主角茶香甜品，用上不同的茶入饌炮製出多款茶香甜品。 先由經典的Tiramisu帶領各位靚茶小主出場！第一件看中的是我Favorite大吉嶺茶牛奶朱古力條，車媽媽大力推介大家要試喔！伯爵茶千層蛋糕口感非常了得，喜歡吃千層蛋糕的朋友必愛之。 還有洋甘菊香料蘋果蛋糕

早在幾年前，曾經造訪過一次，水準真的慘不忍睹，事隔多年，如不是聽聞已換了大廚，根本不會故地重遊。 餐廳的裝潢變化不大，感覺上座位似乎多了。 可能將近新年及情人節，的確注入了不少新元素。 爐端燒 近近加插的食物，有即烤的牛脷、牛柳粒、豬肉及蝦，夾有京蔥，令味道更香，用來佐酒一流。 紙火鍋 每兩位送上一份，講真，又好少人會一個人去食Buffet，紙火鍋是鰹魚湯底，有半開波士頓龍蝦、元貝、花膠、鮑魚與及和牛片一碟，份量十足，吃得出的新鮮。 Seafood Station 至於海鮮，則有龍蝦鉗、麵包蟹、黃金螺、鱈場蟹爪、蝴蝶蜆、熟蝦及青口，回想起幾年前，的確進步得多了，至少蝴蝶蜆很少機會食到。 刺身 有三文魚、鱲魚、吞拿魚、八爪魚、希靈魚及蟹柳，都是大路一點的刺身。 湯 龍蝦湯 很濃稠的質感，香氣十足，不自覺地多喝了兩碗。 蟲草花杞子燉螺頭雞湯 中湯亦很受大家歡迎，而且好滋潤，色清幽香，不錯。 熱葷 換了大廚，果然食物水準亦提高了。 清蒸石斑 火喉啱啱

成個場入座足一半，卻給我們二人位，後來的相同人數都係比4人位。可能我地經xxxxgo即日訂位，又早到咗半個鐘到，但都唔使咁對我地，有無位多應該早知，有位都唔安排得好啲比人客邊個會再黎幫襯坐得唔舒服已經無晒癮，雖然係有七折，但每位都要差不多500，衰過坐茶餐廳囉食物種類少，竟然無龍蝦食，之前係尖東富豪食過啲龍蝦好好味，以為呢度都有點知呢度得啲無肉嘅龍蝦蚶，翡翠螺無味，魚生無味，黑松露蒸蛋無味，龍蝦湯無味，張枱又細侍應又唔收碟，食過一次都唔會有第二次喇。