御泰坊-泰越菜 (已結業)

無book檯食晚餐怕無位,同朋友六點就急急忙忙去到餐廳門外,碰碰運氣。可能時間尚早,未見人龍,不用等位,順利入座😊。餐廳環境不錯,內裏還有L字型廂座,很特別,座位好有私人空間,方便傾談,但面積就偏細左少少。睇完一輪餐牌,揀好食物😋外貌很吸引♥招牌菜炭燒豬頸肉 👍

每逄下雨天, 心情都會好似天氣一樣, 有點厭厭悶悶的. 不想困在家裡, 決定同屋企人出外用餐透透氣厭厭悶悶最好不過就係食泰國菜, 酸酸辣辣, 應該會開胃一點吧落住大雨當然吾想出去大街上, 此時令我想起APM SHOPPING MALL內一間不錯的泰國菜餐廳, 即刻打去訂位, 不過佢地話訂位FULL晒, 可以WALK IN. 咁我地就襯6PM都未夠就早D過去博一博希望有位啦. 去到6:10好彩有位, 侍應話7:45前要交枱. 咁當然冇問題啦. 打開餐牌, 款式好多, 好多都好有特色, 我地三個人, 最後點了下面哩幾樣餸:整體黎講都吾錯呀! 有水準又多款式, 可以一試再試

Lunch time又四出搵野食，泰國菜我一向都鍾情，就同同事食呢間，地方好舒服，下午茶時間唔多人，可以慢慢食，我點左個海南雞飯，我係非常十分鍾意食海南雞，佢唔會好咸，但又比白切雞滑，我覺得雞皮好滑，皮肉中間夾着薄薄油脂，有雞肉嫩滑又有雞肉香，配上特製薑蓉，海南雞通常用雞脾，所以會個脾都係嫩肉，加埋一碗暖笠笠白飯，飽晒！

又黎食多次呢間King & I 啦，今次同屋企人食，所以都會比較多肉多菜，多甜品！海南雞幾好食，夠滑，夠大隻，好有雞味，３個人ｓｈａｒｅ食岩岩好。越南生牛肉河粉！嘩！一黎就覺得，點解咁細碗既！？之前去過越南同埋係外國生活既我，真係好失望呀，而且味道都唔夠呀，香料落得唔足，湯唔夠熱，不過算啦，我知道係ＨＫ要搵一碗好食既生牛河係幾乎冇可能的，呢度已經算係迎合ＨＫ人既口味，冇計啦！大蝦紙米卷，呢個唔錯，Ｄ蝦夠彈牙，加埋Ｄ汁夠酸，味道中和到岩岩好，幾好食呀！一碟有６舊架，我地等唔切食左２舊先記得影相。青蘋果特飲，呢個睇落好靚，拔，太甜了！真係好似青蘋果＋糖水咁，我頂唔順呀。　＞＜＂芒果汁，呢個好飲好多，係用芒果肉再加芒果汁搞拌而成的，飲落味道比較真，唔會過甜，鐘意食芒果既一定好鐘意飲！呢個好特別，又好好食，係南瓜中間夾住Ｄ　mousse，南瓜食唔食得？梗係食得啦！仲好好食tim，不過大家如果諗住食呢個甜品就之前最好唔好叫咁多野食啦，因為呢個係勁飽肚架！有成１／４個南瓜肉咁多！Chocolate Mousse，因為我老豆鐘意食呀，我個人就麻麻地啦，因為呢Ｄ西式既甜品度度都有得食，冇乜特別ｌｏｒ，

呢間野我之前都黎過，店內裝修ok,坐得舒服闊落。其實佢其他野食麻麻地㗎姐，再黎只係想食下呢隻又索，又可愛，又幾好玩嘅「雞」！嗰晚我地二人叫左一隻「雞」同一碗白飯。上菜嗰陣，侍應搶住話幫我地切開佢先，無俾機會我地影相。所以第一張圖係取自openeyes架，sorry!下面嗰張就係自己影嘅。呢道菜，其實就係將咖哩雞倒入雞型器皿中，並用麵包蓋住黎焗。估計，咁做係為左令菜式好好保留咖哩嘅味道，避免香氣揮發。出黎嘅效果，的確香濃，有微微甜味，辣度適中， 汁亦不稀不杰。而雞件肉質頗嫩，數量多，雞翼尖同薯仔都有埋，足料！另一邊廂，麵包焗得表面香脆，內裏軟熟。貌似印度薄餅，但厚dd咁啦。要插入隻雞度喇！（塊麵包）。由於包質感夠厚，所以可插耐d,索多d咖哩汁入去，咁先入味。入口煙煙韌韌，有口感。不足之處在於咖喱太濃味，到後段有d“漏”，可能落多d椰奶中和下，味道fresh d 會更好。完事後埋單，194元，已全飽。總括，質素只屬尚可，叫做「玩味」搭夠咁啦。性價比唔算好高，但合理。

朋友聚會，想食泰菜，就諗起這間開業多年，仍然keep到日日full booking 的King & I ， 我們order了....依最好食排列青木瓜沙律配豬肉 青木瓜酸辣爽口，豬肉很惹味，開胃打頭炮確不錯。素菜米紙卷米紙卷口感很得意，包住菜和菇，清清地又有口感。粉絲蝦煲天氣熱，但都忍唔住點了我最愛的粉絲煲，粉絲索晒蝦汁，蝦都唔錯，再大隻少少就完美。辣豬肉生菜包肉碎好香，炒得乾身，包菜食味道很清甜，肉碎份量都唔少，最後和粉絲撈在一起，又幾好食。炭燒沙嗲雞肉串4串上，規定同款，不過不失呀！鮮果西米露椰汁味濃，柚子肉夠鮮甜泰式雪糕上枱時真係嚇一跳，原來係蛋白雪山，仲要點火，嘩！！！不過都幾開心。蛋白實在胃仔容不下，但寶物尋歸底，內藏薑味和紫薯味雪糕各一球，薑味很濃，紫薯雪糕有少少似黑糯米味，為這晚餐劃上完美句號。

同男友出apm行街，之前打電話book御泰坊話full booking，諗住行吓睇吓食咩，行吓行吓見到御泰坊，所以問下可唔可以walk in，又好好彩可以入座。雞絲扎肉湯河：湯底清甜，配料又多，抵食之選。豬朳紙米卷：本來想食炸春卷，但怕喉嚨痛，所以點咗呢個，都幾好食，蔬菜新鮮，感覺健康啲（嘻嘻）。炒雜菜：味道一般，正常炒菜。波蘿蜜桃雞：夏日精選，有驚喜，醬汁唔太酸，夠醒胃。

之前食過一次，覺得係商場入面呢個價錢質素都合理，於是放工就同朋友黎再試下其他菜式。點知😩退步了。柚子沙律：嗌野食既時候，掙扎左好耐，到底試青木瓜沙律好；定係柚子沙律好呢👉🏼👈🏼最後，開胃酸甜既柚子沙律獲勝👏🏼 用一個玻璃罐入住，感覺上滿滿咁裝晒柚子，視覺加分😎 味道方面，就連我依家一路打食評，一路都忘記唔到個種酸😂 外面既柚子沙律，多數會又辣又酸；而呢到既可能因為用罐裝住既關係，撈極啲味道都係太集中係一忽，變到有啲好酸好酸，有啲就帶少少咸同少少辣🙈 所以「人不可貌相」係岩架。芒果軟殻蟹卷我對芒果同軟殻蟹既熱愛程度簡直係爆晒燈🙈既然有咁既好機會，梗係要一碟啦。入口既時候，覺得成件事都好健康😂菜包菜包芒果包軟殻蟹。雖然有汁可以沾，但係本身個卷太乾，想試下佢原有既味道，發現原來係冇味既😐 芒果少少既一舊，包係入面都冇芒果既香味出黎🙈而軟殻蟹就係炸左好耐咁，食落口感覺好油呀。冬蔭功炒飯黎到最後略為完滿既冬蔭功炒飯👏🏼 充滿住香噴噴既冬蔭功香味，連唔識辣既朋友都不停食不停食！呢個推介👍🏼總結：咁岩openrice想打食評既時候，發現原來觀塘都仲有幾多泰國菜食，既然有咁多選擇，希望快啲提升下食物既

本身已經full booking, 但抱住可以有walk in 心態去等位，初初要等十幾張枱，原來好快到我地因時間關係，我地已經係門口睇定menu, 入去即叫野食:豬肉生菜包: lee 個寫到明辣但無諗過會幾重手，底下豬肉碎索左個汁更加辣，雖然我辣到流鼻水，但覺得好惹味素菜米紙卷: 有埋個酸辣醬，一碟有八舊，入面包左粉絲，冬菇，蘿蔔，雲耳，首先食原味，都唔錯好有咬口，之後點醬，效果更好，令人開胃菠蘿雞肉炒飯: 用鐵鍋上，粉量唔細ga, 鍾意入面有菠蘿，提子乾，腰果有得咬下，同埋可以解辣今次雖然第一次黎，但整體樣樣好食，同埋上菜快手

難得同舊同事聚會，點都要食好少少既，係星期五晚七點幾，等位都係等左20分鐘到，算好架啦。一行四人睇左個MENU 十分鐘，諗黎諗去都唔知揀咩好，最後廢事諗，叫個4人餐算。首先上既係南瓜粟米湯，個湯既香又CREAMY，不過有D似罐頭湯。之後黎既就係呢個拼盤啦。蝦餅唔太大件，都幾脆口,味道唔錯既。雞翼有4隻，但係佢地幫我地斬開一半，方便我地食，呢方面值得一讚。 至於個蟹籽扎肉米紙卷個皮好煙韌同幾爽口。菠蘿雞粒炒飯無咩特別，食泰國菜10次有7次都食呢個炒飯架啦。蒜茸炒雜菜，好多菇，我的至愛。鹽焗海魚好大條，雖然鹹左少少，但係賣相算唔錯。海南雞雞肉很嫩滑。以下呢個香茅檸檬葉炒大蝦完全唔覺有檸檬或者香茅味，仲有點兒過鹹。不過如果用黎送飯既都應該OK既。最令人失望既應該就係個甜品，食泰國菜，以為套餐包既甜品差極都有件椰汁榚呀，點知原來係蛋榚，完全唔ARM FEEL都算啦，仲要係可以用難食兩個字黎形容。其實OVERALL黎講今餐飯算OK既，不過如果可以將個湯轉做泰式飲品同埋俾樣泰式少少既甜品就更加好啦。

見到成200幾個好評，以為實好正，但個人覺得九龍城既泰國餐廳仲好食，價錢亦會便d一入到去侍應帶左我地去類似包箱既卡位，唔好以為包箱好正，又窄又迫，差唔多係大脾貼大脾坐，隻腳都伸唔直😭睇menu見價錢都比出面貴少少，不過係商場入面既餐廳係真係貴d既，我都認兩個人叫成6碟野真係顛左d😅個醬幾濃味，而且都幾結身，亦都有洋蔥個d調味，味道唔錯超推介!!軟殼蟹炸得好香，芒果好甜，塊米紙唔會乾爭爭，而且唔會一咬就散👍牛肉好冧，但咖哩汁可以多番d，同埋如果咁既價錢可以包埋個飯就好啦，因為加多個飯都要$15有d貴唔差，但唔夠其他泰國餐廳好食，爭少少本來食完都飽飽地，突然見到侍應拎住個類似雪山好大個物體經過，即刻拎個甜品menu睇下，見$52又唔係好貴可以試下，順便再叫個芒果糯米飯，但就係呢一刻開始中伏...一上枱侍應就淋d橙酒上去再點火，外型好吸引，一食落去，哇！出面層蛋白好麻麻，再加埋d橙酒真係好似藥水，感覺好似食緊番簡泡，而且呢層蛋白好多，食左一半都忍唔住筆走d，真係好難食食到入面有兩球雪糕，係薑汁奶同紫薯味，反而雪糕真係幾好味而且幾特別食完頭先個喳番簡泡真係好後悔叫左呢個芒果糯米飯，因為真係好頂

同一個泰港混血兒既同學食飯，佢就拍版推介我試呢間佢既家鄉菜。食之前已經好期待，連一個泰國朋友都覺得呢間好食咁佢既野食就應該好地道果然不出我所料，真係好食到好多人排隊等位。同學當然順理成章幫我叫埋野食，野食一黎到就已經聞到好多泰國香草獨有既味道先有相中右邊既香辣海蝦炒飯，雖然海蝦得兩隻係面（而且個人認為冇咩鮮味，應該唔係用新鮮海蝦），但勝在夠多飯，一個飯兩個人食就最岩～炒飯用左碎蛋、蔥粒、brazil等，食唔出係邊種香草令佢有泰式冬蔭功既辣味，好嗆口！食唔到辣既朋友唔好勉強，炒出黎既飯一粒粒分明，證明師傳既炒飯功架～左邊既係海鮮炒面，估唔到佢加入左芥蘭吸多餘既油分，令整個炒面唔會變左油面～雖然賣相就差左少少，但我欣賞佢個魷魚爽口彈牙，仲有炒面既味道係香辣，而呢種辣好特別，吞入喉嚨先會覺得嗆口，睇黎泰國菜都避唔到「辣」字

友人推介好吃，與家人4人來吃，4百多元吃得飽飽的有book位，等了3個字就入得環境舒適，乾淨，裝修幾靚，牆畫幾得意蝦餅夠脆好好味雞糯米飯好開胃，輔泰式香料，雞脆脆地椰青味道ok，4十幾好似偏貴馬拉盞炒通菜夠晒香香芒軟殼蟹米紙卷味道好特別，芒果配軟殼蟹同塊皮感覺係好清新，推介一試!夠$400仲送左碟春卷 4個人飽到不得了

久久沒有吃泰菜,今得見有機會到訪觀塘,除了行行APM,還想試試九東第一的他--御泰坊,嚐嚐新派泰國菜看了餐牌好耐,終於決定散叫,因為套餐那些太普通了,食家推介多數要散叫先有炭燒豬頸肉係本店名菜看樣子是看不出來的,先從邊邊的的微焦看得出應該是整塊燒焗,然後切開, 裡面的肉細嫰得很,口感細膩軟稔, 肉香四溢, ...豬肉還會有肉汁啊?看見色澤不均,應該是非全熟, 但吃下去毫無異感,想必是從非吃餿豬隻取件, 所以有如此質素燒牛肉沙律用上了不少的檸檬汁及魚露,卻又相當杰身, 應該是下了蜂蜜,牛肉條切得厚身, 加上大概相等的青瓜, 當中酸甜帶辛辣,爽口中帶定軟稔,牛肉味雖不濃但份量十足,非常開胃而且口感豐富有點失色的南瓜海鮮,海鮮當中有青口, 魷魚, 蝦等,但都是雪藏貨, 有口感卻無海鮮應有的味道,南瓜生水, 應該是採用較便宜的中國南瓜,又扣了點分,不過整體調味合格,咸香的芝士夾雜甜美的南瓜汁,為它挽回了點分數

是日，與小姐和蝸阿牛到APM睇早場《回憶中的瑪妮》，然後，到御泰坊吃頓飯，靜待二點場次的《五個孩子的校長》。仍未到十一點半，店員正在準備開門營業。三個睜著惺忪睡眼，頻打呵欠的中女，呆站門口閒聊。不久，一男侍應從遠處看見我們，走了出來，請我們入座。 四人座的梳化椅墊卡位，私隱度高，又頗舒適的。點菜一事，交由小姐全權處理。小姐只飲水，小妹要來了一杯以香蕉、士多啤梨、紅桑子、橙汁和糖漿攪拌而成的紅粉菲菲且冰感十足的香蕉果葩。果葩入口蠻清爽輕盈的，果味濃郁，且不太甜膩。孤陋寡聞且毫無冒險精神的蝸阿牛表示未試過越南滴漏咖啡，想試又怕苦且難飲。在我們多番勸說下，最後，要來了一杯香醇甜美的越式咖啡。軟殼蟹紙米卷中規中矩，一客八件，煙韌柔軟且清新的米紙包著生菜、粉絲和炸軟殼蟹，以取平衡之道，蘸上酸香有致的黃醬汁同吃，好吃不在話下。只是，稍嫌炸軟殼蟹未夠香脆可口。沙嗲豬肉串入口確有炭燒的感覺，也可吃出惹味泰式沙嗲醬汁的味道。可是，肉質明顯燒得較為乾且嚡，肉汁頓失，小妹不懂欣賞也﹗炸蝦餅集鮮爽彈於一口，口感嚼勁甚佳，伴酸甜醬同吃，食味一流﹗伴碟的炸蝦片，也教人吃得津津有味。再來一客飽肚的幼身炒米粉，味道普