御廷閣西餐廳 (已結業)

一上到一樓轉左就是餐廳,門口有個接待位,但出奇地"令令射射"前面有一家人坐著這吃(根本是坐門口吃飯..) 第一次來,入到去感覺好細,好濟迫。因為位子太近,坐隔離枱的一堆中年叔叔蠻吵耳,像別陌生人一起迫餐。有一個位置不定時放出冷盤(生蠔,翡翠螺,青口...etc)三文魚長期有,真的很快會補上(不用心急去搶Q.Q)熟食中,龍蝦/扇貝/帶子較為多人去碗仔翅蠻多料,可惜有點"希" 即制PANCAKE,有香蕉和芒果味選(但只要皮,自己去包雪糕吃較好吃),另外只吃雪糕泡芙熟食不太多,而且朋友不吃生,所以她不太滿意侍應收碟時,我的叉還在碟上,她拿起了碟,打眼色示意叫我拿走叉子,酒店來說好像不太禮貌

某晚有個朋友話想去尖沙咀食自助餐\,我口快快應承左，但後來心諗:死火啦,又要洗幾百蚊..尖沙咀地方實好貴架嘛..於是我地上網搵下有咩好食啦..於是就搵到這間酒店自助餐\,又幾平喎!於是就去試下...雖然係有d濟逼,多人的話就要坐響出面,但d野食幾好食,又多樣化~三文魚任你食,唔會好似其他酒店咁,幾塊一小碟要你逐碟拎,而且好快會俾人拎哂,又好快補充返一大盆,唔驚唔新鮮!!最正就係有飲品任飲,可以自己沖咖啡奶茶,有好多其他地方飲品都要加錢架..我自己本身除左三文魚都唔鐘意食其他海鮮,但這間餐\廳有好大隻ge蟹供應,又有生蠔,青口,八爪魚,鐘意食ge人一定好岩~侍應服務態度唔錯!會同我地傾偶講笑~但可惜這裡ge甜品就麻麻地,想食甜品ge朋友唔好咁大期望..但總括黎講,這種價錢食咁多好野,真係幾抵!

見d食評咁好咪同d朋友試下~如果去食最好訂定枱,因為閒日都幾多人下.款式好多,最好係佢不停咁出野食,好快...d三文魚好似食極都有,不停補充,仲有生蠔,焗蠔,聖子,炒蜆,凍蝦,椒鹽蝦,蟹,扇貝,魚,壽司,沙律,仲有鐵板燒食物(羊,大蝦..)汽水任飲,甜品,雪糕....寫唔晒添....值得一試~good...侍應生服務唔錯...但唔算大間..環境一般

十一月二十七日在食評中見到咁多人讚佢好，於是就試下啦！真係好滿意呀！D不停出，有生蠔、魚生、龍蝦、石班、蝦、蟹、羊架、焗螺…每位$148，味道也不錯，Service都好，環境普通，下次一定會再去！

未試過黎呢間野食,見報紙成日賣廣告,咁就黎睇下點差法.點知比想像中好勁多.d3文魚我覺得厚左d, 薄番d就差唔多,但係勁多3文魚, 一開始d人跑過黎搶.點知原來d 3文魚係無限咁供應,d人搶完之後都無再搶喇,因為真係太多.d蠔我食唔到個陣味-.- 我食唔慣姐應該~咩海鮮都有,但係好快比心搶哂,哈,串燒好味呀,沙dad汁好味~雞扒唔錯wo!!整pancake個廚c話超過150種食物,岩哂大食人黎食,唔計環境唔計服務,靜係想食又平既,呢到岩哂你!!

之前聽過網頁介紹，於是便和女友去食下。老實講，很多酒店自助餐都未必有生蠔食，這裏有生蠔任食，而且補充很快，算幾好的，不過生蠔就一般啦。當日為平日，但很多人，座位幾迫的，如果論舒適度就一般啦。其他食物的補充都很快，不時有特別的美食，不過就一班人立刻出去搶啦。

日期：2007年9月29日人物：七位俊男美女有芝士焗蠔，椒鹽炒蝦，冬陰公煮的蜆同埋響螺，豉椒炒蟶子，garlic 蒸龍蝦，碗仔翅，炸雞翼，粉絲蒸扇貝，芝士焗扇貝，當然有其他凍食，蝦，蟹，蠔，sushi，同三文魚刺身．另外都有熟食架，味道都唔錯，時間係由6:30開始去到9:15，但去到7:45時，d野食好似失哂踪咁，唔再refill，7:45pm 一出親d食物都引黎好多起哄架．朋友有食到個扒羊架，整得好好味呀，又唔”蘇”喎，個汁正．．．Sushiｄ飯好硬，甜品就有pancake，cheese cake，類似黑森林既cake，jelly cup，都係唔多好味，一般．木瓜雪耳糖水，碗仔翅，靈芝猴頭菇湯，美味．其實仲有好多野都食唔到，例如串燒，一ｄ我地攞唔到既食物，refill係好快，不過係refillｄ新食物，同ｄ人玩緊爭飯碗食咁．

星期日去了粵海吃dinner buffet，因為聽過的評語都不錯。去到當然要四周看看有什麼吃，見到生蠔、三文魚刺身、青口、凍蟹等(以上的都是不斷refill)。以這個價已算有交代，仲有酒店會不定時提供一些貴價些的食物，如：鮑魚仔、羊架、扇貝、焗蠔、賴尿蝦等食物，個人來說，其實已經超出預期。不過，我吃自助餐最期待的甜品就較少，不過都係算期之內，這個價錢有這樣多的熟食選擇，你還能要求太多嗎?不過，很久沒試過要搶食物，雖然食物是會不斷refill，但好多人都好像怕某些食物不會再refill 似的，取得連一隻碟也不夠載，好誇張。如果大家食自助餐係想食甜品或會食埋環境的話，這處絕不適合你；但如果係想大拆一餐，這處真係大件夾抵食--超值!

之前睇過Openrice ge食評好似唔錯咁...今日就同D fd去試下啦整體黎講都算唔錯嫁啦不過我覺得D野食好似款式少左D同埋大部份都係平價貨...黃金焗生蠔比較小...不過waiter收野收幾快..服務幾好!

$85.5(已+1),我感覺良好. 我是今日去吃的,即食完即打評但之前見到樓下話有優惠卷, 我打左去間餐廰,服務員話係東方,蘋果,等有落廣告. 聽完,我就興沖沖買左份東方, 但揾唔到, 唔知係米冇再落優惠卷呢?(若還有,煩請留評通知, 我為求找平食)若果要係e間選午or晚, 我都係會選午,因平了, 而個人又食唔到咁多. 午雖然食物款式小左, 但都有焗豪+三文魚, 其他樓下都有提的, 我感覺ok. 不過介紹大家不妨整杯,檸檬可樂, cool, 真係爽透心.

我成日同阿媽0黎呢間幫襯,因為真係好抵食。有報紙coupon嘅話,加埋一每位都只係$75倒。雖然平過$75嘅lunch buffet大有人在,但如果要喺酒店食lunch buffet,而且仲有咁多款食物不停供應嘅話,就絕無僅有。嗰度嘅三文魚同壽司係會不停供應,所以第一,二輪拎唔到嘅仲有大把機會,不過就略嫌壽司款式不多,來來去去得3,4款。其實個甜品區都幾ok,雖然算不上有大酒店水準,但味道過得去,有成7,8款,蛋糕,果撻等,仲有即叫即整嘅鮮果pancake。雖然話就話有檔'高檔車仔麫',但就無咩人叫野食,因為真係普通嘅車仔麪0黎咋,最多都係試過嗰檔嘅鐵板燒餃子,其實只係用鐵板煎三隻急凍餃,所以無再去高檔車仔麫拎野食。反而啲熱盆幾鍾意,有時有酸酸辣辣嘅蜆,炆牛尾好入味,金沙骨都唔錯,有一次去仲有三文魚忌廉湯,好好味。但必食兼首推嘅當然係黃金焗生蠔’,真係勁好味,隻蠔上方面有一啲相信係茸蓉嘅漿,焗過之後,隻蠔勁香勁多鮮甜汁,我每都會食3,4隻。不過順帶一提,焗蠔大概會buffet嘅中段時間出,而且一出就必喺定半分鐘之內一掃而空。不過,餐廳又會好好咁不停供應,但係自己都要識做,間唔中出去熱盆

四個人往這店吃，聽友人說到這兒吃必需訂位，否則是沒可能吃到的，價錢不算差。午市的自助餐還不錯，由十二點至二點半，有各式各樣的食物，壽司、三文魚、沙律、海鮮、肉類、雪糕、飲料等，什麼都充足的，能夠令人吃得飽飽的。不過味道方面就不夠好，海鮮吃下去有點兒洗不乾淨的感覺，其他都很好。我覺得服務在這店來說是很好的，這店就細了少許，但有點兒覺得自己能脫離吵鬧的城市中，若果愛安靜的人，這店是很好的選擇。

星期一的自助晚餐. 講真, 以學生一名的我, $15x這個價錢對於我, 真得很貴的一餐。所以我死食爛食, 應該食左平時的兩個晚餐。 我覺得這一餐ok, 有三文魚、生蠔、芝士焗蠔、粉絲蒸帶子, 仲有d生食珍珠螺, 蝦, 青口, 只嘗了生螺肉, 食唔慣, 怕怕。(焗蠔,粉絲蒸帶子珍珠螺, 蝦, 青口等係輪流上,不斷加.)其他熟食雞&豬扒、辣炒螺、蒸石斑魚、烤龍蝦、羊架、烤牛柳。芝士cake、泰式綠葉糕點。仲有其他不同款式食物, 我只點了我認為ok的出來。 $15x食這些食物我覺得可以。等我再有錢, 我應會再去一去這裡食自助餐。起麻食左唔會話唔抵。

以我少出街食飯既人黎講，呢度既自助餐我單係2006 年就食左5 次，可想而之有幾吸引!!呢度可以食好耐，由六點幾食到九點幾，食左好多round! 難得既係佢隔一陣就有新菜式出場，唔怕好快就試過曬所有野!! 而且場地唔大，唔會話好嘈.以$13x 蚊既價錢，竟然好多野都有得食，有魚生，好多款壽司，生蠔，青口，好多選擇既salad bar，重有好少自助餐會食到既凍瀨尿蝦! 熱菜式亦多鑼鑼. 有蒸魚，炒蜆，炒蟹，雞...總之一晚轉好多次款!有幾樣野係令我回味無窮既. 首先，佢個三文魚忌廉湯勁好飲，啖啖三文魚肉，絕無偷工減料；其次，佢有一款凍食係將1/4一個芒果(連皮)，中間挖一個孔stuff左d 吞拿魚肉落去，上面再鋪番芒果肉，我唔知重有無呢個甜品；第三，佢有個專人燒烤區，定時定候會燒瀨尿蝦，羊扒，牛扒等等，但要排隊，但燒得好好味!!佢既甜品唔算突出，無大酒店般整d好靚既甜品，只得糯米磁，涼粉，雪糕，等等比較簡單既甜品．但佢有專人整pancake，個size好大，任意加水果同醬汁，飯後食通常都要同人share個pancake. 雖然佢甜品唔突出，但係salad bar, 生食，熱食等等其他方面

個人之見，我沒有想過會到這間酒店吃自助餐，因為有親友生日才有機會試試。餐廳內沒有無敵的海景、沒有新式的裝修、地方細小，有幾張枱放於入口外的角落。食物枱的範圍雖然細，但分了多層而能容納更多的食物，而食物種類跟一般的自助餐一樣多。食物味道平均都好，廚師還不時換款，想不到在這間普通的餐廳都會有這樣的服務！另外這間餐廳有提供免費氣水任飲，是比較少有的。個人推介有是日海鮮及鐵板燒食物。而最重要的，就是價錢，這次的自助餐是我試過的最便宜，真的非常抵食！這間餐廳的確令我另眼相看！這裡有非吸煙區。以下有相片：http://www.fotop.net/fanshu/Royal_Court