御品·千之味 (深水埗) (已結業)

好想食壽司，行經深水埗嘅時候見到有呢間日本菜餐廳，有好多人等緊外賣，味道應該唔錯，就入去買外賣返屋企同屋企人一齊食，三文魚忌廉芝士卷（8件）$78Cream cheese份量好足夠，所以入口會好creamy好濃郁，配埋三文魚同蟹子，食落好滿足。迷你魚生飯餐 （套餐）有幾款魚生飯揀，我就揀咗$118嘅迷你火灸三文魚腩丼。雖然話係迷你魚生飯，但其實飯嘅份量都唔少。有兩片火灸三文魚腩，食落油脂感好重，有驚喜。另外仲有刺身5件、火灸壽司5件同埋飲品。刺身有三文魚2件、北寄貝1件、赤蝦1隻、帶子1片。質素唔錯。火炙壽司就分別有三文魚腩、三文魚、鰻魚、左口魚邊、熟蝦各1件，食落惹味，我最鍾意就係左口魚邊。飲品可以自己去雪櫃嗰度拎，我就揀咗解茶。花之卷(2件）+$20叫左套餐可以加$20要唔同嘅小食，我就揀左兩件花之卷。每件都有兩三片三文魚包住，只係$10一件好抵食。火灸壽司冷麵（套餐）$85同迷你魚生飯餐一樣有火炙壽司5件同埋飲品。另外就有一個冷麵。冷麵有青瓜、蟹柳同埋蟹子，另外有胡麻醬可以自己決定加幾多落去，撈埋好好食。

深水埗好多超抵嘅美食, 呢間壽司店有好多刺身、壽司、卷物揀, 亦有一系列壽司拼盤供選擇, 而且價錢親民!刺身夠新鮮, 飯粒濕潤不鬆散~ 三文魚腩刺身 - 油脂分佈平均, 厚切好肥美, 很滋味😋特大赤蝦刺身 - 肉質肥厚, 鮮甜又爽口推介火炙壽司系列👍🏻! 🍣火炙壽司拼盤一共8件, 全部壽司都火炙過🔥, 有啲壽司上面舖上芝士, 再用火炙燒至微焦溶, 夠晒惹味🤤! ꕀ 火炙芝士三文魚壽司 - 三文魚炙烤後帶着溫潤嘅焦香, 美味充斥在口中~ꕀ 火炙三文魚壽司 - 滲出魚油ꕀ 火炙左口魚邊壽司 - 好滑嫩, 幾乎入口即溶

晏晝去開深水埗買嘢，順便買埋壽司返屋企食，落完單等十分鐘左右就拎得迷你魚生飯餐(套餐)$128迷你厚切鰻魚飯同火炙壽司5件🍣仲有刺身，夠晒抵食，刺身有三文魚、帶子、甜蝦同北寄貝😍鰻魚厚切肥美又冇骨👍🏻火炙壽司面仲有半溶芝士，炙後更好味😋壽司餐(10件)$93有9款唔同壽司🍣，有油甘魚、白身魚、赤蝦、吞拿魚、蟹籽、熟蝦、玉子、鰻魚同三文魚兩件，當中我最愛係赤蝦，大隻又鮮甜、白身魚魚肉雪白，肉質清爽，整體壽司唔錯！我哋仲追加咗沙律＆螺肉 $8炸餃子(3件)$20吉烈炸蝦(3件)$20玉子壽司(2件) $15火炙左口魚邊壽司 (2件)$28

是日外賣壽司，QR code落單好方便！叫左一個火炙盛盒 $284 (共25件)👉🏻火炙三文魚腩(5件)一d都唔薄身，油脂豐富！👉🏻火炙芝士三文魚(5件)微熔嘅芝士好好味！👉🏻火炙芝士鰻魚(5件)燒過的鰻魚肉質結實，正！👉🏻火炙左口魚邊(5件)呢個真係超級推介！！！肥美爽口，令人回味！👉🏻火炙芝士熟蝦(5件)大大件，口感爽！整體黎講，呢間外賣壽司一d都唔hea！會再encore！！！

食咁多間千之味，心入面都有嗰評分🌝 如果你係買外賣我都會強烈推薦你去啲有堂食嘅分店💁🏻‍♀️ 因為我自己食過之後覺得食物質素夠有保證😳係唔同分店食咗咁多餐，想叫嗰所有嘢都稱得上高質同外賣都要好食，真係有啲困難，所以我仲為自己試緊嗰最佳配搭🥰 必食推介🤩     ⁃    親子花卷(2件) $ 58 - 三色花之戀食過幾次，3款入面我覺得親子花卷最好，所以今次我就單叫💁🏻‍♀️    ⁃    火炙芝士帶子(2件) $ 42 - 個配搭做得好好☺️值得再食😏    ⁃    劍魚腩壽司(2件) $ 28 - 外面有啲難食到💁🏻‍♀️ 可以一試    ⁃    火炙芝士三文魚(2件) $ 25 - 佢火炙芝士系列十分邪惡試新嘢😈未係到食過卷物、小食同腐皮，今次就叫    ⁃    三文魚忌廉芝士卷(4件) $ 48     ⁃    辣味三文魚卷(4件) $ 48    ⁃    蟹柳玉子燒(4件) $ 38    ⁃    腐皮壽司(2件) $ 12整體不太吸引，但可以一試👍🏻

深水埗呢間人氣壽司店經常坐滿食客，襯住未到晚市，幫襯下先疫情關係，外賣返屋企食．安心又放心原來$300以上已經有送貨服務。下次足不出戶都可以食到正野。見到抗疫餐都好抵食，仲要跟埋飲品。「親子丼」大大片厚切三文魚 + 晶瑩通透嘅三文魚籽，配珍珠米，加埋豉油 Wasabi 仲好味「火炙壽司餐」「壽司餐」壽司 件件新鮮，甜蝦大大隻好鮮甜...樣樣都好味「黃瓜小卷．蟹柳小卷」店員好貼心．仲有喺外賣盒旁邊放著冰袋，返到屋企依然保持溫度👍🏻

我朋友最近搬屋搬到長沙灣深水埗附近，搬屋忙到不得了，我幫手買外賣，發現附近有間外賣十分之不錯，外賣仲有8折呀，平靚仔，店鋪叫@御品.千之味 ， 有堂食，但我買上去朋友屋企食。尤其真心好味的皇牌：千之味壽司盛盒， 有齊各種壽司，例如三文魚🍣 帶子、鰻魚、芝士帶子、花之戀、刺身蝦🦐 等等， 新鮮度十足，食完一件又想再食的感覺！除刺身壽司外， 原來有炸物天婦羅蝦，炸得剛好外脆內軟，確香口！🍤御品.千之味 深水埗荔枝角道390C號利聯益大廈地舖

禁堂食第一晚大家食左咩呀？ 因為晏左收工，我就去千之味到買壽司返屋企同謙謙食，電視伴壽司就係我地的晚餐。千之味外賣套餐都唔錯喎，我叫左自選迷你魚生飯餐兩set 🔽🔽🔽🔽🔽🔽🔽🔯 刺身 ～ 包括 三文魚2件、北寄貝2件、 甜蝦1隻和帶子一片🔯 迷你三文魚粒粒海膽飯🔯 火灸壽司5件 ～ 三文魚腩、三文魚、鰻魚、熟蝦和左口魚邊🧃 烏龍茶🔯 刺身 ～ 包括 三文魚2件、北寄貝2件、 甜蝦1隻和帶子一片⚛ 迷你角切魚生飯 ⚛ 壽司拼盤5件 ～ 三文魚、白身魚、北寄貝、吞拿魚沙律和芥辣八爪魚🧃 解茶另外我仲加左 三文魚刺身、花之戀、沙律及螺肉。呢一個set 餐有齊我和謙謙最愛的刺身，壽司，丼飯 我覺得幾抵食， 刺身亦鮮甜新鮮， 帶子，三文魚令我食唔停口 😊。

🍴精選刺身盛盒C (65件) $688依款刺身盛盒有5款刺身每一款都好新鮮 色澤均勻😍最重要係每一款都係超厚切🤤🤤口感非常滿足😝😝🍴千之味壽司盛盒D (48件) $478除返開每件都係10蚊左右🤣但每件都係誠意推介 用料非常新鮮個Set有三文魚 帶子 甜蝦 墨魚 玉子 腐皮 吞拿魚 辣味三文魚卷同花之戀壽司岩晒要求多多既朋友 一次過滿足佢地既願望😽私心介紹帶子同三文魚因為每一件都系厚切 厚切 厚切‼️‼️‼️口感豐富到不得了 必試👍🏻👍🏻🍴特大三文魚蟹籽沙律(胡麻醬) $116依個沙律絕對係派對之選 King Size份量😧😧底層鋪滿青瓜絲 蟹籽同蟹柳絲表面既三文魚絕對五吝嗇 保證每一啖都可以食到三文魚🤤而且仲有兩大兜胡麻醬 撈埋一齊食好夾😎

發現一間抵食小店千之味刺身壽司專門店深水埗荔枝角道390號地下C鋪價錢貼地，叫餐好抵食叫左兩個餐同一客芝麻雞翼 芝麻雞翼即炸好香口，肉嫩JUICY，我一個人食哂兩隻三文魚粒粒海膽丼配刺身+汽水三文魚2件、北寄貝2件、甜蝦1隻、帶子1片加28就有螺肉同雙色刺身 ~ 赤蝦2隻、甘蝦2隻迷你三文魚粒粒海膽丼配壽司拼盤5件+汽水壽司拼盤5件有三文魚、油甘魚、墨魚、赤貝、赤蝦各1件加28 就有螺肉同赤蝦2隻粒粒三文魚好足料，佈滿飯面食材新鮮，海膽未有腥臭味個人最欣賞北奇貝夠哂爽口，赤蝦同樣有水準，好彈牙埋單唔需要 $300 ，已經食到好飽飽

今日同大家介紹呢間深水埗嘅💛小店--千の味，相信好多人都唔陌生，店舖唔算大，而且區內不論外賣同堂食都好受歡迎，想黎支持下嘅朋友可能要早少少或者考慮下其他分店啦😜野食方面，雖然叫做係刺身壽司專門店，但係係除咗刺身壽司都仲有好多野揀架😁我地今次就試咗佢個魚生飯餐同照燒雞扒飯😋魚生飯我地揀咗➡️”迷你吞拿魚蓉丼"，雖然話迷你，但其實都有正常丼飯大少，吞拿魚都有滿滿一層係面，見到都流口水😆刺身拼盤(三文魚兩件，北寄貝兩件，甜蝦一隻，帶子一片)都比一般放題水準好，都好新鮮加埋火炙壽司5件(三文魚腩，三文魚，鰻魚，左口魚邊，熟蝦)都真係非常抵食😍😍值得一提嘅係"火炙左口魚邊"，入口即溶嘅口感，真係好值得一試👍🏻👍🏻而➡️”照燒雞扒飯"味道都好唔錯，雞扒同飯係分開上，雞扒大大塊，外皮燒到好脆，但雞肉仲係好嫩😋😋除咗兩個主食，我地仲叫咗個➡️”蟹柳玉子燒"，不過重點唔係蟹柳係上面滿滿嘅蟹籽，加埋下面仲係好嫩滑嘅蛋卷真心正😝🔸魚生飯餐 - 迷你吞拿魚蓉丼 ($118)🔹照燒雞扒飯 ($55)🔸蟹柳玉子燒 ($38)

呢間餐廳我由2018開始就成日去食～ 今次決定寫下平時自己必食嘅食物！食物：海膽花之戀2件＄58我唔係好食海膽因為驚腥，但呢個一啲都唔腥。海膽好大舊喺上面，食得好滿足😍😍鰻魚忌廉芝士卷 8 件 $98呢個係我每次去都一定一定要嗌嘅一款，忌廉芝士同鰻魚有幾match相信大家都知😎入口仲有暖暖口感，令兩樣嘢融合得更好😍海膽壽司2件 $48 一樣係唔腥，海膽大舊到成日跌出嚟😂😂火炙海膽壽司2件 $53個人認為比起普通海膽，火炙海膽壽司更好食👍🏻三文魚剌身 5件 $58好大塊亦好厚身👍🏻👍🏻每一次堂食亦有試唔同嘅款式同沙律，so far認為最好食嘅沙律係三文魚蟹子沙律；必試壽司係火炙左口魚、帶子、芝士三文魚等等。希望遲啲會出一個更全面嘅食評！‼️‼️成日食當然做埋會員啦，會員仲享有折扣嫁，詳情記得睇返每間分店嘅資料！‼️外賣滿三百蚊就送貨，最好提早一日嗌定啦😍😍‼️學生餐、午餐定食都超級抵，必試！！——————————👭🏻人數：/💵人均：$150⏱到達時間：1930⏳等候時間：10mins——————————

嗰日喺深水埗整完牌費好肚餓要搵食 行遠少少搵到間超抵食日本野🍣🍱一個人就咁叫左個角切魚生飯以前食過其他平價魚生飯都係得好少魚生點知呢間都幾多🤤最驚喜係有好多三文魚子 同埋魚生算做幾新鮮雖然係角切但唔似D頭頭尾尾粒粒都幾大粒有三文魚, 吞拿魚, 帶子, 劍魚腩, 三文魚子, 蛋, 大頭蝦刺身份量亦一D都唔少一個女仔食真係好飽😋埋單只係$45 仲送罐裝/紙包飲品😱自己去雪櫃揀如果多個人一齊食就可以+$28追加多個小食share極懷疑佢係咪做緊蝕本生意😂呢D良心店鋪一定要多多支持💪💪💪推薦大家一定要去試下!!

行完玩具街好鬼攰，決定買外賣番屋企就算了✨千之味刺身壽司專門店✨ @sushi93885690 ▶️深水埗店地址：深水埗（地鐵站c2出口)荔枝角道390號地下C鋪✅價錢大衆化，夠親民必點👍🏻抗疫餐，超級抵食🌈三文魚粒粒海膽丼 + 刺身 配汽水 $78刺身 : 三文魚2件、北寄貝2件、甜蝦1隻、帶子1片$28 加配螺肉同雙色刺身 ~ 赤蝦2隻、甘蝦2隻🌈迷你三文魚粒粒海膽丼 + 壽司拼盤5件 配汽水$118 壽司🍣拼盤5件 : 三文魚、油甘魚、墨魚、赤貝、赤蝦$28 加配螺肉同赤蝦2隻❤️三文魚刺身鋪滿成碗飯，海膽好鮮甜，三文魚好新鮮刺身好新鮮好鮮甜，好有水準，赤蝦超正。壽司一樣係好新鮮，5件5種不同滋味！😋🌈芝麻雞翼 $38芝麻雞翼好香好脆，肉質好嫩港九新界有多間分店，十分方便🛒買滿$300 起就外送全港，日後食外賣就多個選擇啦!

食壽司就梗係要揀間好食又安心嘅壽司舖啦我自己呢就好鍾意食千之味嘅壽司啦💛💛今次就買外賣返去同屋企人食我揀咗壽司、刺身丼、仲有沙律😋😋我自己就最鍾意食佢嘅火炙左口魚邊同油甘魚壽司🍣左口魚邊燒過之後油脂感提升左令到成件壽司嘅層次都升華咗😋😋而油甘魚一直都係我嘅最愛非常新鮮無帶根同冇腥味我都好鐘意叫軟殼蟹反卷軟殼蟹脆卜卜夾埋蛋黃醬食好好味今次我叫咗三文魚粒粒海膽丼🍱一個套餐就包埋沙律螺肉同飲品加$28小食包括餃子同辣味雞翼各兩件海膽食落去冇腥味同埋有少少甘甘地三文魚粒粒都好多每一啖飯都可以食到三文魚加埋小食份量好足夠蟹子沙律配胡麻醬🥗滿滿嘅蟹子加埋青瓜絲一齊食好爽脆酸酸美味好開胃整體黎講壽司質素唔錯而且價錢相當合理堂食外賣都keep到水準