御勝牛 (勝利道) (已結業)

何文田的勝利道食肆林立，午膳時間整條街都經常站滿人，尤其是學生哥， 今日來到這間毫不起眼的小店「御勝牛」，竟然有大的發現。 小店主要食和牛，老闆會整隻和牛購入，所以成本較低，客人便能以平民價錢食到優質的和牛。 在等候食物的過程中，老闆更和我們閒談，他說他在日本住了30年， 以前是做導遊的，十年前意識到導遊行業日漸式微，所以決定轉行做餐廳生意。《勝牛和牛丼》$88老闆話今日食的和牛是大脾位置，其實客人每次來食，都會食到不同部位，所以口感次次不一樣，能帶給客人新鮮感。和牛切成粒狀，入口軟腍多汁，充滿肉香和脂油的香味。飯是珍珠飯，配上肉汁、香蔥和芝麻，嘩！真是食到停不了口。《宮崎葡萄豚肉烏冬》$68除了和牛，這個葡萄豚肉也是皇牌之一，豚肉切成薄片，每一片上面都帶些少肥肉，爽口彈牙，豬肉味濃。烏冬除了麵身好食之外，湯底也十分重要，老闆話這湯底是雞湯，絕對真材實料。麵豉湯味道濃郁能以這價錢食到優質的食物，真是食客的福氣。

其實都每日呢午餐同晚餐都食佢呀 最鍾意係佢安格斯牛 你都試下啦！ 老闆娘同老闆態度好！ 招呼好 佢哋煮嘢食我幫你！ 有時候我都會試下佢嘅 勝牛！ 仲有佢嘅宮崎葡萄豬 都好好吃！ 下午茶 佢嘅 竹炭麵包 配和牛 都好好味 麵豉湯都係認真製作！ 得閒可以試下

朋友介紹何文田勝利道最近開左間專食日本和牛小店，專賣和牛丼飯、烏冬等，餐廳相信係主打外賣既小店，堂食座位只有幾個，但黎買外賣既人就絡繹不絕。 餐牌選擇唔多，主打和牛，另外都有豬肉。另外餐廳又標明食品都會用全港獨有日本直送既黑蒜汁，都算幾有特色。店員介紹返佢地係由日本直送全牛，所以每次黎到都會食到牛既唔同部位。今日就係用胸腹肉。勝牛和牛丼（$88)連麵豉湯和牛切成肉粒，屬於比一口size 再細少少，方便餸飯。牛肉既油脂比例唔錯，油香濃郁。宮崎葡萄豚肉丼（$68)連麵豉湯豚肉厚切，份量都唔少，而且調味適中，加埋醬汁令人好想繼續食整體黎講，呢間小店既性價比唔錯，幾十蚊就食到和牛既丼飯！抵！