御前大江戶日式料理 (已結業)

好多朋友介紹我呢間御前大江戶，而且呢間名气也非常高! 今次終於決定同朋友去試下佢，仲兩星期前book定位 畀我嘅感覺係絕對超值，因為除左種類多仲有好多海鮮燒。 佢本身入座就會送聖子，鮑魚，蟹蓋飯。佢除咗放題之外仲可以畀你網燒海鮮及其他食物!炸物方面都好出色!好食! 刺身方面亦都唔少選擇，每樣都好新鮮，三文魚好肥美，刺身蝦好大隻。 好少見有放題可以有泰式生蝦刺身食。仲要 咁啱畀我哋遇著一個好好嘅服務員，佢經常幫食物改名同講笑話，好有親切感總括而言呢間放題絕對值得推介同埋我一定會再有下次幫襯網燒大大隻聖子蝦都算巨形級數唔一定去九龍城先有泰式生蝦食刺身肥美燒得唔錯炸野有水準

好耐之前食過御前大江戶，不過呢排見電視係咁賣廣告 話新推出磯燒海鮮，睇到我流哂口水。係嚴重廣告植入下，我又走去試試。當晚book左9點，真係好彩有訂位，全場爆滿，相信walk in都無機會等得到。一坐低比呢個0.03嚇一嚇！哈哈哈哈哈 原來唔係岡本xxx 而係消毒濕紙巾！無論外型大細同包裝都好似。。。哈哈 笑死我。每枱贈送一盆磯燒海鮮拼盆，都好豐富架。海蝦好大隻，肉質好結實；大蜆都好鮮甜，完全唔係雪藏貨。放題都有咁好質素既食材，唔錯唔錯。令我超級有驚喜既係個蟹蓋，充滿蟹膏同蟹子既美味蟹蓋，蟹膏好rich 好香濃 ,用黎撈飯真係一流！！呢個白飯，我見到有唔同既食法。我就用黎撈蟹膏飯；格離枱就加入海鮮 用黎煲粥。一個飯底 大家可以諗出唔同食法，又幾得意喎，哈。其實花左好多時間係磯燒海鮮度，又要睇火，又要定時翻動食物。基本上無咩點過放題紙既野食。不過我好中意食佢係既鹽焗腰果！香脆可口，仲熱辣辣架。好快就過左90分鐘，好趕好趕咁完成左個磯燒放題。因為烤物需時，如果唔限時或者限時多過90分鐘會更加好！

身邊有好多朋友都話呢間磯燒放題正，等左咁耐終於book 到啦，去到都幾誇張，多人到落左3層樓梯，不過一到9:00就好快入得去。每人都有個預訂既set，有鮑魚仔、蟶子、生蠔等既海鮮，一路燒一路彈彈下，好過癮啊！仲可以睇住部pad，不停咁叫你想食既野，話曬都叫做放題啵。海鮮食落去都好新鮮，鮮甜既感覺出到黎，加埋小小醋調下味，簡直係一流。我最喜歡食個個蟶子，真係好鮮甜，大大隻放入口，感覺好滿足。值得一提既係店員們都好細心，不時走過黎同我地講邊樣可以食得，真係好貼心。係燒既同時，我地都叫左d刺生，估唔到佢既刺生都算生鮮啵，不過種類始終無咁多。食到好口渴，就出去攞支野飲，好誇張啊 ，個飲品櫃好大。基本上，你想飲咩都會出現係大雪櫃，仲有甜品雪糕雪條都有好多款，好似張7仔既雪條櫃搬左過黎咁。雪櫃旁有個自助枱，裏面有好多熟食。有炒粉面飯等等，所以說，唔怪得之呢間餐廳可以keep住咁多人黎食，因為佢既磯燒、刺生、小食同服務都同時滿足到你。

My girl and I love Japanese food so much that we always go for all-you-can-eat. This is a totally new experience!So crowded even we arrived at 6pm. Walk in quota was limited. Some of the customers were told not to queue anymore as they would definitely not get seats. Make sure you make a reservation in advance to secure a nice dinner here!We were lucky enough to be the last couple to get the seat. Once sitted, we were served with the seafood platter. There was instructions on how to grill them t

御前大江戶日式料理是觀塘區一間很出名的磯燒海鮮放題，起碼要預兩個星期前訂坐，晚市由6:00pm-8:30pm為第一場，第二場由8:45開始地方好大，但仍然每晚人山人海就算訂了位，也要最少十五分鐘前去到再等派位，當天5:40到場，已經排了一長長的人龍等待入座。無他的，因為該店的食物實在太吸引。蟶子好鮮甜，蠔也是啖啖肉生果多新鮮香甜這店環境很大，但每晚都超級多人，可謂人山人海而每位食客有一隻大蟶子，大扇貝，珍寶蠔，大虎蝦，及蟹粥。還可以任食三文魚等日式刺生，水果，甜品，多款的雪糕與飲品給食客選擇。在期間，不時有位親切的女聲提示大家怎樣煮他們的蟹粥為最合適。服員也很幫助講解怎樣燒海鮮為最適宜。難怪這間店成為了觀塘區一間非常出名的燒海鮮店。

餓左成日！！就係等呢餐！！8點幾先開始食真係好肚餓，等位嘅人好多！ 應該唔錯先黎呢排最興嘅磯燒海鮮：有蟶子王，生蠔，蟹蓋，鮑魚，元貝（圖為二人份量）雖然呢個盤唔係任食，但少食多滋味嘛！ 個蟹蓋加埋蛋真係幾滋味！！仲有可以任燒青口、蔬菜！ 枝豆好值得燒下刺身方面，都幾肥美幾鮮味， 最感動係帶子！！ 而家好多放題得條柱.....熟食方面，芝麻雞翼係最愛！ 又脆又juicy! 芝麻味好香冷烏冬、燒牛舌、泰式生蝦都唔錯！ 竟然有泰式生蝦！！少有wo!!甜品唔算多款每人揀左款雪糕黎食，飽晒！300蚊左右一位！ ok啦！算係高質放題

約左幾個好朋友食飯聚舊，見OpenRice好評如潮，好似好正咁，就來試下我地book左8:45-11:15時段，早左20分鐘到樓下。嘩！好多人排隊搭lift啊！好彩早左到啫一出lift嚇了一跳！已經有好多人排緊隊等入場，排到去後樓梯落兩層，好誇張呀！終於到8:45開始入場喇！個場都幾大喎！有好多張枱！一坐低就即刻點菜，用平板電腦點菜，都幾方便！食物種類都幾多，有刺身、壽司、燒物、天婦羅、鍋物、一品鍋等等！刺身居然有象拔蚌同帶子，都係任叫的！出面仲有啲自取熟食、頭盤小食、飲品、甜品、水果等等，種類好多呀！每枱仲有一個磯燒海鮮盤，有蟹蓋、扇貝、鮑魚、蠔、聖子，好好好正呀！開始燒海鮮喇！期間不時有廣播教我地點燒啲海鮮，幾細心喎！當我地燒緊鮑魚的時候，有個侍應哥哥行埋黎教我地點燒，仲好細心地幫我地介開啲鮑魚啲磯燒海產好新鮮好彈牙，刺身都好鮮甜，估唔到放題都可以食到咁靚的食材，太感動喇今晚真係好滿足啊！食物新鮮，種類多，服務好，環境都唔錯！性價比極高！一定會再來！

因見太多的好評慕名而來，早在兩週前booking, 與同事來個Happy Friday.環境：有點迫，要側身行出來，但香港租貴，這點是明白的。但建議最好雙數的人數來，5個人都是4人枱，確實是好唔舒服。冷氣及通風不足，一小時後覺得非常熱及焗，有時仲有大煙。食物: 特定海鮮盤，每人每樣一只。尚算新鮮，但有沙。剌身：唔算新鮮，唔鮮甜。下面鋪冰又沒保鮮紙相隔，放在磯燒爐旁，很快便溶，剌身浸在冰水中，感覺唔好。燒物上枱時已涼，自行再放上爐燒，但overcooked.大致上，自選食物選擇比較小。有些貝類應清理好才能上枱，感覺上不太衛生。

放題新玩法，以磯燒海鮮為主題，心動不如行動！• 御前大江戶日式料理• 地址：觀塘觀塘道亞太中心8樓全層店員細心地介紹燒烤方法，2 – 4 人共用一個燒烤爐，於燒烤時可加入稀釋了的清酒，可避免海鮮燒乾之餘，同時能令提升鮮味。再加上餐牌上列明每款食物既磯燒時間及步驟！每位客人可享用特選海鮮拼盤一份，包含原隻帆立貝、大蟶子、蟹味噌甲羅燒。同時任食海鮮包括有青口、大蜆、刀貝和海蝦等。所有海鮮都是每日新鮮直送，質素甚高而且非常生猛，絕對值回票價有餘呢！其他熟食刺食等都有水準，特別是冷烏冬,焗蠔,甜蝦刺身...

觀塘食店非常多，要食邊種菜式都有，喜歡食放題的我，當然搵間食放題，去到亞太中心，果度成座大廈都是食店，望下廣告牌諗下食邊間，忽然聽到有人說：行快d啦！遲左就無位，勁多人排隊！ 邊間？多人一定有返甘上下好食，跟住佢地上去睇下，一出𨋢！嘩！真的排長龍，原來是御前大江戶日式料理。詢問下，我們沒有訂位，只可排沒有訂位的隊，碰碰運氣，九點開始，有訂位的排隊入去，最後只剩下少數位，我們都入到去食，但我後面的人就冇位了。店舖入門左邊是自助區，有熟食、甜品和飲品磯燒海鮮：每人贈送一次性海鮮有：特大蟶子、美國珍寶蠔、活鮑魚、大虎蝦、大元貝。（以上海鮮可以加錢添加）另外有其他海鮮任食，有海蝦、青口、翡翠螺、魷魚、刀貝和黃金貝⋯等，記得燒各種海鮮前，要參照枱上的餐牌，會寫明各種海鮮需要燒的時間，令食客品嚐到美味的海鮮料理。刺身拼盤：當然有我至愛的三文魚、非常新鮮又肥美！大大隻甜蝦，鮮甜無比，又有爽口的天然赤身！焦糖芝士三文魚壽司：多種壽司中，我最愛這款，焦糖甜，芝士惹味，加埋三文魚的鮮味，令人回味無窮👍 時令海鮮湯飯：是送給我們的，放在爐上煲熱，加入所有材料，就成了一碗鮮味十足的湯飯！意大利奶凍：非常香滑，

有訂檯，8:45pm 去到，排隊等入座排到去後樓梯落2層樓，真係好勁。9點多D坐低，好快送上一盤每枱一份既海鮮。有鮑魚、聖子、生蠔、扇貝、甲羅蟹蓋。算新鮮，諗住呢檔野好似真係唔錯，點知事實並非如此。                        之後睇 Tablet 落 order, 菜式選擇唔多，款式係非常普通，質素係非常非常普通，最差係D炸物、串燒，只係微暖。呢D都唔緊要，最慘係 order 咗無送嚟，再追話 sold out. 之後開咪話差不多 last order, 嘩！你玩哂啦。        

同事介紹, 得知呢間放題出名食物質素好, 而且晚晚都幾乎爆滿, 所以我提早幾日book定位, 帶家人一齊去試試。每晚分為兩個時段, 第一個時段結束後, 餐廳會全面再整理一下, 再款待第二批客人。今晚我同家人都選擇第二輪時間, 晚上九點正入座, 店內座位都幾多幾密, 但唔算好迫, 空間可以接受, 而每張檯都放上一個磯燒爐, 幾款磯燒既調味品。呢度係以平底電腦落Order, 而野飲、沙律、部分熟食、甜品都係自行到出面吧檯拎。野飲款式都以罐裝為主, 至於紙包熱飲亦有提供呢度既食物款式眾多, 種類包括有刺身、壽司、手卷、沙律、燒物、天婦羅炸物、磯燒海鮮、磯燒蔬菜等等...特色壽司每件都細細粒, 一啖一件Order左既野食未到, 當然分秒必爭出去睇下有咩熟食, 最後拎左野飲同少少熟食返位試熟食既賣相、味道一d都唔馬虎, 魷魚唔會太硬咬唔開等左一陣, 待應已經為每一檯送上呢算磯燒海鮮, 份量以人頭計, 呢盤海鮮只限一次性送上, 如果想追加order就要額外收費當我地等個爐熱既時候, 見到旁邊有個指示notice, 標明每款海鮮既磯燒黃金時間, 正當打算將海鮮夾上爐面時, 就聽到一把似係周星馳聲音既

見近期磯燒放題興起就放工約埋同事一齊黎潮聖下。上到黎已經見到長長隊龍，好彩我地事前已book定枱，唔洗等好耐就入得。一坐底就見到碟上有包好得意嘅濕紙巾，哈哈。冇錯！佢表面係一個0.03但其實佢只係一個濕紙巾。好喇！講完呢個就要講下重頭戲，坐底冇耐店員就拎左盤海鮮俾我地，全部都好新鮮！我地急不及待放啲聖子、鮑魚上去燒，燒到咁上下店員會走過黎提示我地邊啲海鮮已熟食得，讚！海鮮食落鮮甜，啖啖肉超好味！另外我地都嗌左啲刺身熟食。刺身好新鮮，三文魚肥厚，其他貝類刺身都超好味！佢地嘅熟食都冇令人失望，特別係雞翼。對於雞翼迷嘅我表示滿意！食到咁上下店員送上一個龍蝦粥，個粥超鮮甜！讚！最後最後不禁要讚下飲品同甜品。飲品種類多，有我最愛嘅有汽利賓納。去到見到雪糕櫃不禁嘩左聲，啲款多不在話下，仲有好多好少放題會出現嘅雪糕都有。食到最後2個人表示滿意飽住走。

一星期前订的，起初订六位，后来追加到10位，接电话的十分有礼貌，仲话可自帶酒水 超正，买了三公升的清酒。十位人整晚大吃大喝！醉了～～下次一定会再来。后会有期啦～拜拜😊

久仰大名既磯燒海鮮放題，終於book到啦，實在太令人期待啦，韓燒就食得多，磯燒放題，仲要專門食海鮮，就真係未試過。晚市時間剛開始，已經人山人海，餐廳以大江戶日式裝修，主要以木為主，感覺自然舒適。雖然全店滿座，非常熱鬧，但店員都非常有禮，我地第一次黎，對於食物方面有唔明白既地方店員都耐心回答。自助吧分為前菜部、甜品部同飲品部。選擇眾多，而且多元化，非常貼心。飲品仲唔係普通汽水綠茶咁普遍，其中荔枝紅茶同蕃石榴汁都好好飲。值得一讚既係，生果食得出係新鮮處理，而且冇浸糖水，新鮮鮮甜。一開始店員送上是日精選拼盤，嘩，第一眼覺得改錯名囉，應該叫巨型海鮮拼盤，件件都份量十足。大蝦鮮甜爽口，一剝殼就流出鮮濃既蝦汁，juicy juicy!大生蠔燒熟後仍然係大生蠔，絲毫無縮水，海水味濃，一入口蠔汁四濺，非常鮮味，正！ 本身對鮑魚一向無興趣，覺得會又硬又淡，但今次有驚喜，燒鮑魚原來都好軟熟，而且有淡淡既鮑魚鮮味，又香又甜。大花甲，大青口，大螺肉...全部都好巨型呀！我終於知道點解全部海鮮就咁燒都咁鮮甜好味，原因只有一個，就係新鮮！呢轉甲殼類海產，入口全部都爆汁架，真係好食都不得了呀！除左磯燒，仲有另一種煮