御八築地 (已結業)

今日去左呢間餐廳食野，其實已經食過呢間餐廳好幾次，坦白講上水日本菜餐廳唔算好多，佢cp值同味道都算唔錯，所以如果想食日本菜都會食返呢間。三文魚刺身一如以往新鮮，但之前有次切得比較薄身，今次又厚身返，希望繼續保持水準，厚身口感正好多！另外帶子刺身都新鮮好味😋天婦羅蝦好味～❤️三文魚軟殼蟹卷😵老實講呢個三文魚冇三文魚刺身咁新鮮...入面舊炸物又林哂，呢個下次唔會再叫黎食...之前食過火龍卷我覺得好食過呢個🙈另外，平時呢間餐廳都幾多人排隊，要等好一陣先入到去，今次咁岩只需等三張枱，等左十五分鐘就入到去了😍

築地每逢星期六日 假期 冇工人嘅時候築地差唔多係我嘅飯堂原因係呢度d壽司大件及低食絕對可以滿足到一日所需同埋最緊要係新鮮我想推薦下幾樣嘢係我常日食嘅冷盤❄️❄️❄️就蟹籽沙律🥗🥗🥗呢度d 蟹籽真係勁多撈暈都可以清晰見到d蟹籽唔知大家鍾唔鍾意食蟹籽呢？我自己就係好鍾意食蟹籽嘅 因為係個口度一粒粒 卜卜脆 好過癮我係鍾意勁多沙律醬 勁多蟹籽🦀🦀🦀今次都叫左火焰三文魚🍣🍣🍣唸住小寶貝可以食今次叫左4舊但大家應該見到有6舊多左2舊 係因為小寶貝佢電下d 員工 電到人地暈陀陀 d員工請小寶貝食嘅大家可以見到其實呢度d 員工都好開心😍😍😍另外我地仲叫左其他啦 🐙🐙🐙有甜蝦等就唔一一介紹啦🦐🦐🦐🦞🦞🦞

開業多年 都keep住一定水準由於星期六 日繁忙時間要齊人先入得大家記得要預好時間今晚都多人 不過2/3人客多4人齊人等候時間約十五分鐘唔算好耐今晚叫左三文魚壽司 主打勁長三文魚少失望 份量好似細左但依然😋冇以往咁厚身吞拿魚 😋芥末八爪魚🐙 😋甜蝦好飽滿想食火炙壽司🍣 可惜今日全部都冇叫左個月見牛肉石頭鍋飯師傅依然重手 油膩左啲蟹籽沙律🥗 新鮮量多醬因應要求另上雞軟骨 粒粒香脆可口真心好食過連鎖店店員親切 會主動添茶不過太忙漏咗單追加冇入機 不過好彩 否則可能食唔哂😂

平時好小係上水到食壽司，但今次同屋企人一齊去就唔去咁遠啦，食下呢間次次6:00就要開始排隊嘅御八築地 。嗌咗佢推介嘅超長三文魚壽司，比平時喺元氣食嗰啲真係長好多，同埋厚身好多，價錢都唔算係特別貴，所以覺得好驚喜👍🏼👍🏼👏🏻👏🏻👏🏻

上水搵壽司舖唔係好多， 又要好食大大件就仲難搵添，依間築地喺上水都好多年， 因為佢款式多所以我都幾鍾意黎呢間日本店海膽壽司幾新鮮， 同埋啲三文魚都大大件 個元貝都好鮮甜刺身拖羅甜蝦拼盤 都是新鮮甜美的。我個人覺得如果店主可以裝修一下會更加好， 因為畢竟開業好多年。💡 職員服務態度好好💡 環境衛生都想ok

上水食日本野既餐廳坦白講唔算太多，所以築地可以算係數一數二，不過平時walk in 去我諗至少等30-45mins 或以上，所以我今次係叫外賣自取，而且外賣自取仲平啲添😂😂不過不得不推介佢個火龍卷，差唔多次次去食我都必叫，因為入面真係好脆，都算係我食過咁多間日本餐廳做火龍卷做得最好味既一間，至於其他野，例如刺身，蟹籽青瓜沙律個啲就正常貨色拉。整體黎講都野食方便都中規中矩，有時都會有啲驚喜，價錢就合理，出菜時間都快既，由打電話到叫我地去拎都係40mins 左右，service 都好好，又有禮貌👍

今日又黎上水食日本菜 當然去返我嘅老地方築地啦 我就已經食過無數次但係啲朋友呢未食過所以就嚟食啦😊😊😊呢間舖頭開1145hrs 我哋三個就最早去到所以就唔需要等位✌🏻之前都講過呢間舖頭細細地 但係食物質素就非常之高 加上lunch時間價錢好優惠先俾大家睇吓個餐牌先咁我哋一共叫咗三樣嘢食炸蝦天婦羅拉麵 HK$54 拉麵都係主要豬骨湯底 香濃 唔油不過天婦羅蝦得兩件 如果多番少少就仲抵食蒜香肥牛拉麵 HK$54 佢個拉麵湯底都係豬骨 啲肥牛就好多基本上成碗都係汁燒鰻魚飯 HK$57 鰻魚就有半條左右 咬落去都好新鮮好似細咗一嚿嚿俾我 所以食落去都好方便同埋每一個餐都會跟一啲小食嘅或者係麵豉湯如果唔想夜晚食咁貴可以試吓晏晝

之前我已經介紹過呢間日本餐廳㗎喇不過之前一路食開都係壽司冇叫過熟食所以我都叫咗少少熟食試吓去到等咗20分鐘先有位 因為呢間舖頭次次未開門已經有人排隊今次我就叫咗 鹽燒鯖魚 鐵板牛油帶子 泡菜豚肉石頭鍋飯 鐵板牛舌 三文魚刺身三文魚壽司 火龍卷❤️❤️❤️今次真係嗌到成個放題咁啲熟食比我想像中好食好多 個泡菜豚肉石頭鍋飯真係好大碗 其實就咁嗌呢個已經好飽而且味道亦都好好食 鐵板牛舌整得好入味係個鐵板牛油帶子爭少少 啲牛油味唔夠重佢同啲帶子混合唔到一體🥲🥲🥲總括黎講 佢所有食物我都好滿意😋😋😋

我本身住附近 加上自己真係好鍾意食壽司所以成日都會御八築地食嘢呢間日本舖頭其實都已經開咗好耐我喺中學嗰陣時已經成日食當時讀緊書冇乜錢係要儲夠錢先可以嚟食對於我來講呢度都係一個回憶呢度間舖頭面積唔係好大 但係坐落都舒服嘅同埋嗰度啲店員播啲歌都好啱我聽佢啲卷物壽司可以唔使八件八件咁叫可以四件四件咁叫 我會推薦卷物嘅啲卷物件件都好出色同埋佢哋啲三文魚壽司係超長$30蚊一碟其實真係好抵食 仲要係好新鮮呢度仲有其他熟悉例如烏冬拉麵等等有啲朋友仔唔食生野其實呢度都係一個好嘅選擇有熟有生 仼君選擇兩個人最後埋單都係三百幾蚊❤️❤️❤️如果大家想試吓嘅可以試咗午餐先午餐平少少㗎

玉子壽司舊玉子凍冰冰，衰過食雪條，不知所謂！店舖環境陰暗擠迫，豚肉拉麵啲豬肉唔好食。三文魚刺身唔新鮮，剩係得火龍卷一樣食得下，其他食物可以不理！仲要收加一服務費，離晒大譜！垃L圾！

<<Daily 豬仔尋食記🐖>>作為北區友，由細到大都會同屋企人去上水築地食嘢，可以話能夠開到10幾年有佢嘅原因，刺身個啲佢就唔係幾岀色嫁喇，但啲特別卷就真係值得試下，所以今次好想同大家推介一下幾款築地必食嘅嘢！首先，必叫嘅就一定係佢嘅火龍卷，差唔多每枱都會叫一碟！顧名思義其實即係炸蝦卷 ，不過佢呢個會係上面加大量嘅蟹籽，滿！到！瀉！🤭次次都會將剩左嘅蟹子加埋入其他飯到！好正！中間再夾住一條炸得十分之香脆嘅大蝦 🍤🍤就好似一條火龍咁！🤣🤣即係可以話佢係築地嘅招牌菜，次次黎到會二話不說點左先，每都覺得好好味🥳🥳😋第二樣係佢嘅月見牛肉石頭鍋飯 雖然我唔知咩叫月見 但係佢呢個石頭鍋飯 足料 肉多飯多汁多 （唔鍾意太鹹嘅朋友可以叫佢少汁）重點係佢仲有飯焦🤣小小飯焦真係好香口，加上呢個係普通嘅牛肉飯嘅高級版本，成個飯都好豐富🤪😋絕對值得一試再試！最後我會推薦大家試一試佢嘅香芒蟹肉pizza ，🍕呢個真係聽到都覺得好特別，唔係度度到有，就咁聽個名可能你會覺得幾樣野未必好夾，但係我同你講佢係最好食嘅Pizza ，係好意想不到咁配搭！芒果嘅酸甜 配上🧀芝士嘅濃郁口感 然

疫情後經常性網上叫外賣，今日突然想食壽司刺身，於是搵到御八築地，俾多$15運費送埋上門，岩晒我呢啲懶人。有我最愛嘅劍魚腩刺身 $77/4塊肉質柔軟，入口即溶兩個人食四塊都差唔多，再多會覺得膩築地壽司盤 $284有三文魚、吞拿魚、章紅魚、劍魚腩、八爪魚、北寄貝、甘蝦、蟹子、帶子、海膽、仲有四件卷物其實都幾豐富，不過略嫌貴咗少少，感覺上去一田買平好多，我不過佢都算新鮮，同埋送埋上門，我搭車出一田來回都$40啦日式滑蛋豬扒飯$53見咁平，梗係買返個試吓啦。不過有少少失望，因為佢都幾細盒下。但係佢幾好食，兩個仔都好鍾意。希望御八下次份量再多啲啦，北區人好多人撐你㗎。

之前都聽過御八築地係上水都幾出名，好多人排隊。今次經過見唔洗排就試左啦，一入到去發覺都係好多人😂好迫。當然叫左人氣食品超長三文魚壽司，果然，真係好長好薄，味道就一般，驚喜唔大。另外鰻魚壽司，蟹䰵沙律，赤貝，金龍卷，都不過不失。反而豬軟骨炒飯幾好味，豬軟骨好入味，飯都炒得好香👍🏼

嚟開呢頭交收，朋友仔話呢間幾抵食順便醫肚又試下一入去，店員好主動咁要客人量體溫，噴消毒酒精，衛生做得唔錯叫左個 刺身餐，$75先嚟碗味噌湯，飲完之後先嚟刺身有三文魚，立魚，白玉豚，甜蝦，北己貝，魷魚，帆立貝各樣2件，其實份量好足。呢個價位超值啦三文魚好厚切，都鮮甜既

經理服務態度好差，要求座位安排不妥當，明明滿場空蕩蕩，但死要安排和人迫一張枱！非常不高興！價錢比同區貴，食物非常難食！完全唔係網上面所講咁高評價！真心失望永無下次！