得閒飲茶

營業中

休息中

//🇭🇰得閒飲茶🍵//主打傳統同特色點心呢度嘅點心抵食夾大件😍仲有好多唔同款式嘅點心全日仲唔收加一服務費唔怪得知除咗朝早之外夜晚都好多人嚟食🥢推薦✅🔆蝦餃蝦餃外皮薄透，入邊好多粒蝦。蝦肉好新鮮彈牙🔆金錢肚醃得好入味 沙嗲香濃 好容易咬開🔆叉燒腸粉腸粉的皮薄滑，叉燒的味道香甜，加啲甜豉油超好食🔆鳳爪排骨飯兩粒充滿荷葉味，粒粒分明嘅米。鳳爪的口感軟滑入味，排骨肉質鮮嫩🔆鵪鶉蛋燒賣呢款燒賣用鵪鶉蛋裝飾，入面係豬肉餡料，鵪鶉蛋增加左層次感🔆 3.6牛乳太陽蛋‼️大推‼️牛奶味超香濃，入口勁滑😍😍其他點心較為普通😂但整體都好值得嚟食

#得͎閒͎飲͎茶͎唔知有冇人同我一樣 天氣轉涼🍂就想去飲夜茶食個熱辣辣點心呢😛平日夜晚嚟到太子分店 幾乎滿座點心即叫即做 等左陣就新鮮上枱🤤☆彡得獎蝦餃之王 $36招牌得獎菜必點～皮薄通透 蝦肉彈牙大隻🦐份量仲好足有4粒！☆彡黑金流沙包 $36即叫即蒸 有流沙😍😍☆彡灌湯京滬小籠包 $30皮厚薄一般 但鮮肉汁滿滿🤤☆彡千島醬脆皮蘿蔔糕 $33本身都怕會炸到好油淋淋 但食落外酥脆內軟配上千島醬同木魚絲 每一啖都似食緊章魚燒 好特別😆 大推！☆彡紫薯流沙煎堆仔 $32真係好大大粒 紫薯外皮煙韌香脆 咬開超流沙 又唔會太漏～*茶位 $6/位呢度嘅點心的確大件夾抵食 味道又唔錯除左傳統點心 都好適合鍾意試唔同創意點心嘅朋友～難怪平日夜晚都咁多人過嚟「得閒飲茶👋🏻」😆📍得閒飲茶 (太子)太子運動場道7B號地舖@letsyumcha

作為一個熱愛飲茶文化嘅寶寶，今次同朋友來左呢間點心店。呢度嘅老闆有多年做點心嘅經驗，拎過唔同嘅美食獎項，真係功架十足呀！呢度主打傳統同創意特色點心，而且每半個月有三款燉湯任你揀，今次想提升下免疫力嘅我就揀左雞湯，真係超濃味！ 其他點心都唔錯，口感上好感受到個種「傳統」嘅感覺。如果有朋友係外國來，不妨可以同佢地試下。而家仲有特別活動，完成任務即送你芒果布甸一碗添～/得獎蝦餃之王$36//懷舊香菇燒賣$32//山竹牛肉球$25//沙嗲金錢肚$31//家鄉蒸蘿蔔糕$20//瑪卡燉竹絲雞湯$36/

一盅兩件，之前就同大家介紹過，主打新派創意點心既新派酒樓 一 得閒飲茶位於太子既本店 @letsyumcha而今次再黎到得閒飲茶太子本店，就同大家介紹下佢其他點心🌟馬拉糕 $30口感鬆軟，食得出帶蔗糖香氣🤤👍🏻🌟 蜜汁叉燒包 $22叉燒包雖然細細個，但叉燒餡亦比得相當足👍🏻🌟灌湯小籠包 $30小籠包一咬開，滿滿既肉汁🤤👍🏻🌟金針雲耳蒸雞飯 $47雞肉肉質軟腍，蒸飯底用荷葉包，特別軟熟之餘帶荷葉香👍🏻🌟京蔥香煎菜肉包 $26外皮煎得金黃，肉餡帶京蔥香氣🤤👍🏻🌟千島醬脆皮蘿蔔糕 $33外皮炸得金黃酥脆，搭配千島醬、木魚絲、蘿蔔糕，一脆一軟幾得意🤤👍🏻👍🏻📍得閒飲茶地址：太子運動場道7B號地舖#太子 #飲茶 #得閒飲茶 #馬拉糕 #留港消費 #蝦餃之王 #新派點心 #創意點心 #食在太子 #覓食太子 #為食關注組 #太子食乜好 #灌湯小籠包 #蜜汁叉燒包 #得獎蝦餃之王 #香港美食地圖 #新派創意點心 #京蔥香煎菜肉包 #金針雲耳蒸雞飯 #千島醬脆皮蘿蔔糕 #2011美食之最大賞 #九十後行到邊食到邊#HKIG #HKIGER #HONGKONGFOODIE

之前睇大眾點評見過有間餐廳夜晚都可以嘆茶食點心，仲要拎左2024 必吃榜，點都要黎會一會佢！未到之前，小編以為幫襯啲客會係有返咁上下年紀🤭點知鋪頭大部分客都係廿幾三十幾歲😃 仲有一班外國人係度Re-u, 環境幾啱大家圍埋吹水，唔似酒樓咁嘈👍🏻見到點心紙有啲創新特別嘅點心，當然試吓啦！千島醬脆皮蘿蔔糕個配搭好有章魚小丸子feel, 咬落有驚喜！名副其實好脆皮，入面蘿蔔糕好夠熱，入口即化，好鮮明對比嘅口感，好好食😋春風得意腸做法參照左炸兩，柔嫩嘅腸粉包住一層薄薄脆脆嘅脆片，餡料有爽口彈牙蝦仁，甜脆粟米，清爽椰菜，最後仲灑咗一啲蟹籽喺面，成件事好豐富灌湯京滬小籠包熱辣辣上枱，皮薄足料多汁！ 加啲醋提鮮，幾好👍🏻懷舊鵪鶉燒賣呢個真係買少見少，好少酒樓有賣！ 加左少少肥豬肉， 啲肉唔死實， 鮮蝦爽口，鵪鶉蛋蛋香濃，咁難得見到一定要試XO醬菜苗餃XO 醬簡直係靈魂，令到平平無奇嘅菜苗餃增鮮唔少原籠鳳爪排骨飯呢個超推！小編一向比較鍾意食麵唔鍾意食飯，但竟然覺得呢個飯好好食， 同酒樓用不鏽鋼兜蒸飯完全兩回事。鋪咗一塊荷葉係蒸籠，一黎乾淨衛生好多，二黎荷葉香逼哂入啲飯度，又令到啲米受熱更均勻，蒸出黎啲米

喺太子酒吧街附近，朋友介紹咗一間得獎嘅點心店，舖頭主打傳統同創新點心，加上老闆擁有30多年經驗，點心有質素保證黑金流沙包 $36流沙包外皮柔軟，內裡的流沙餡香濃滑順，而且即叫即蒸，熱辣辣，甜而不膩，食多粒都唔會太漏春風得意腸 $42腸粉皮口感滑順，內餡香脆，加上中間的蝦滑爽口彈牙，口感十足，表面上的蟹籽更增添鮮味原籠香菇章魚飯 $42米飯粒粒分明，用上荷葉墊底，令米飯充滿荷葉香氣，另外香菇和章魚的味道融合得很好，都幾惹味蒜香蝦春卷 $28春卷外脆內嫩，蝦肉鮮甜，蒜香味濃郁，非常香脆，讓人忍不住一口接一口香脆鮮奶卷 $35外層酥脆，內裡充滿奶香，吃起來口感輕盈，甜度適中，適合飯後享用。📌得閒飲茶 (太子)地址：太子運動場道7B號地舖

「得閒飲茶」原來唔單止係口號😂太子有間「得閒飲茶」真係飲茶架👍🏻👍🏻太子一向都比人感覺係酒吧街其實都有好多唔同種類嘅嘢食今次已經係二訪🥶決定幫佢寫個食評先🍴藥膳雞腳 $36個人認為必食！ ⭐️5-6隻雞腳炆得淋又入味 次次碗湯都一定要飲晒😋暖胃🍴蒜蓉粉絲蒸墨魚仔 $38呢個辣辣地 粉絲仲要索晒啲汁 好惹味🍴千島醬脆皮蘿蔔糕 $33加咗千島醬同木魚碎 甜甜酸酸我當佢係甜品咁食🤣就算凍咗個皮都勁脆朋友話熱辣辣仲正🍴 XO醬菜苗餃 $32作為菜苗餃粉絲既我 基本上食親點心 都一定會嗌不過今次呢個餃皮比較厚身 餡料味道唔太突出 普通左D🍴原籠蒜蓉蒸蝦飯 $54本身鐘意食蝦既我，上次見到隔籬枱個叔叔食得好滋味🙈今次決定叫黎試下點知，蝦既新鮮程度同肉質都係一般上次個肉餅飯仲好食 😩 🍴龍蝦湯鮮竹卷 $33俾佢「龍蝦湯」三個字吸引咗🤭鮮竹卷味道就正常，個人覺得個味就比較淡啲但朋友話支持 因為出面少見🤭兩個人 六樣野 味道唔錯 好滿足茶錢每位 $6 仲要冇加一 推介！

店名： 得閒飲茶地址： 旺角太子運動場道7b地下1. 香茜牛肉腸 $27腸身好滑，厚薄啱啱好，皮薄嫩滑有咬口，牛肉包餡，腸身飽滿，入口好滿足，配埋芫茜冇得輸2. 得獎蝦餃之王（4隻） $36實至名歸，份量十足，蝦仁又多又大隻，彈牙得黎又有咬口。蝦餃皮厚度適中，晶凝通透，煙煙韌韌，蒸完之後好有蝦味，一個字，掂👍👍👍3. 蟲草花棉花雞 $33雞球大嚿，肉質嫩滑，配埋蟲草花好入味。晶凝通透嘅魚肚好滑，魚肚好厚身好入味，推薦大家要試下4. 原籠牛仔骨蒸飯 $46牛仔骨厚身，唔係薄薄嘅一片，咬落口好滑好彈牙好入味。呢款牛仔骨同平時喺茶樓食嘅唔同，唔會太鹹唔會太辣，微甜，配埋個荷葉蒸飯好香，散發出陣陣嘅荷葉味。5. 3.6牛乳太陽蛋 $26個人極度推介呢個甜品，賣相得意，好似隻太陽蛋咁，打卡一流。燉蛋好滑好重牛乳味，好似食緊北海道牛乳布甸咁，要一啖都有有好濃厚嘅牛奶味衝擊你味蕾😋😋6. 荼位 6/位總價$180#hkfoodblogger #香港美食 #hkfoodie #hongkongfood #halook #蝦碌情侶

呢一間得閒飲茶已經食咗有四五年嘅時間佢嘅點心都係保持一貫嘅出色個人認為佢嘅棉花雞 好好食 雞件夠滑 花膠亦都夠大塊另外佢嘅蝦餃同燒賣亦都都係皮薄餡靚另外佢蘿蔔糕 蘿蔔有咬口唔粉呢一間平時星期六係一定要排隊嘅不過我自己就習慣，平日飲夜茶超級舒服，抵食好食

用八達通收咗客人錢，跟住話你有問題收唔到錢，叫你去八達通嗰度攞番錢，但係八達通話已經過咗數，咁即係呢間嘢好大程度上對客人不友善，好可能係個別員工嘅問題，但做老闆嘅都有責任檢討一吓，因為聽佢哋嘅員工講情況唔係第一次

平日星期一中午12點前嚟到，等左大概十分鐘就入得。店內一半係本地人，一半係遊客。可能由於時間尚早，未算好多人，所以唔駛同其他食客搭枱。首先打頭陣嘅係得獎蝦餃之王$36/4隻餐廳講明蝦餃得過獎，所以嚟得呢度十枱有十枱都會點佢😏。蝦餃飽滿大隻，餃皮唔算好厚，依然透到入面嘅橙色蝦仁；內餡有兩隻大蝦，食落唔會過份地爽，有番少少蝦肉彈牙口感；由於無筍同豬肉嘅關係，食落味道有少少單調、同埋對我嚟講有少許鹹。沙嗲金錢肚$31我自己好中意食金錢肚，但可惜而家部份酒樓嫌製作麻煩而取消呢款點心😫。金錢肚切到大件，炆到好軟淋，沙嗲醬亦無過份杰。千島醬脆皮蘿蔔糕$33餐牌其中一款圖片放大又有手指公嘅點心，炸衣唔厚，可惜蘿蔔糕太軟、無口感，加上千島醬味太濃，完全食唔到蘿蔔糕嘅味。一款主要食千島醬、又油膩嘅軟淋淋炸物，我地兩個都唔中意😥。蒜香蝦春卷$28呢款春卷色彩繽紛，雖然內餡有甘筍同紫椰菜，但唔食呢D菜嘅朋友都表示無問題😏。春卷香脆，蒜香唔會太濃，但略嫌唔係每件都有蝦仁。原籠牛仔骨蒸飯$46呢個蒸飯好大盤!! 夠哂兩個人食。😯牛仔骨用鬆肉粉拿過，所以預左唔會有牛味，但勝在多肉唔會得D骨，又夠淋；至於個醬汁，我

平時都係一朝早去飲茶，呢間小店位於太子地鐵站旁邊，開到成夜晚11點，主打傳統同特色創意點心，全部即叫即蒸且價錢親民，平日晚上到訪都Full House，經開附近嘅可以一試。點心分為蒸、煎、炸、灼，仲有蒸飯、燉湯、甜品同飲品。必點之選有鵪鶉蛋燒賣，皮夠薄，肉質彈牙，層次分明，口感豐富。醬皇蒸鳳爪幾入味，骨肉分離，淡淡香氣，油光色澤。潮州粉粿有三大粒，外皮煙韌，餡料飽滿。家鄉鹹水角外層酥脆，食落唔油膩。蜜汁叉燒包鮮嫩多汁，黑金流心包唔會好甜，而且兩款嘅皮都唔厚。最後以椰香黃金糕作結，口感煙韌且有彈性，大大塊性價比高。

本來想食點心放題，奈何好多都係要兩位，由於我邀請唔到朋友同我去，今日落完大角咀蒸腳，我周圍search搵一間好食嘅點心舖，自私食😂 search到太子有間叫得閒飲茶嘅點心專門店，係即叫即蒸，望吓啲相片都好吸引，有個叫做春風得意腸，我之前喺第二間酒樓食過，見其他點心賣相都唔錯，咁就去嗰度試吓先。我叫醬皇蒸鳳爪，香西牛肉腸，春風得意腸，千島醬蘿蔔糕，蟲草花魚翅餃，黑椒牛仔骨蒸籠仔飯，沙爹金錢肚，紫薯流心煎堆仔，陳村粉蒸排骨，3.6太陽布甸，總括嚟講我全部都鍾意食，唯一係個千島醬蘿蔔糕比較漏，春風得意腸，得豉油點如果可以加多一兩款醬汁點會更加吸引，牛仔骨蒸飯，牛仔骨好腍，啲汁撈埋啲飯好好食，而最驚喜係個紫薯流心煎堆仔，嚟到熱辣辣，咬落去外脆內軟，咸蛋王心流晒出嚟，小心辣嘴，之後我忍唔住叫多一份，即係一次過食咗六個😂有有時間一定會再嚟😌

點心控嘅我今日夜晚突然點心隱發作，於是去左《得閒飲茶》度飲茶，皆因呢度由早至晚都有點心供應。✨️《得獎蝦餃之王》$36蝦餃就食得多，但好味嘅蝦餃就5係度度都可以食到。呢度蝦餃拎過獎，皮薄餡薄，蝦肉Q彈，名不虚傳。✨️《懷舊香菇燒賣》$32有蝦、有豬肉又有蟹子，餡料十足。再加上有香菇香噴噴，超級好味。✨️《藥膳雞腳》$36大大碗，藥材味香濃。雞腳皮都㷛到好軟腍，容易食用。✨️《白灼菜心》$25我落order時同店員講呢樣菜要少油，店員答道菜係冇落油嘅。正呀！我最怕食到 d 菜油淋琳、很咸。呢度菜用熱湯煮熟，不太油膩。✨️《3.6牛乳太陽蛋》$26燉蛋白上有隻整到啫喱狀嘅蛋黃，非常滑溜，真係好好味。✨️《姬松茸燉排骨》$36很多姬松茸，真係好足料。味道香濃，熱辣辣上枱，飲完覺得好舒服、好緩胃。茶($6) 免加一📍太仔 運動塲道7B地下

1. 得獎蝦餃之王（4隻） $36蝦餃，份量十足，好多粒大隻嘅蝦仁，又嫩又彈牙好好味。蝦餃皮厚度適中，晶凝通透，煙煙韌韌，蒸完之後好有蝦味。2. 蟲草花棉花雞 $33一上枱就覺得好靚，好啱打卡。雞球好大嚿好滑，配埋蟲草花好好味。晶凝通透嘅魚肚好滑好靚，魚肚好厚身好入味（充滿蟲草花同雞嘅香味）。3. 香茜牛肉腸 $27牛肉腸腸身好滑，厚薄啱啱好滑得嚟有咬口。爆餡嘅牛肉好滑好入味，配埋芫荽好香。4. 3.6牛乳太陽蛋 $26個人極度推介呢個菜式，超鍾意食呢個。賣相好得意，好似隻蛋咁，好啱打卡，我就係俾佢個賣相吸引，所以先點。燉蛋好滑好重牛乳味，好似食緊北海道牛乳布甸咁5. 原籠牛仔骨蒸飯 $46牛仔骨有一定嘅厚度，咬落去好滑好彈牙好入味。呢款牛仔骨同平時喺茶樓食嘅唔同，唔會太鹹唔會太辣，微甜，配埋個荷葉蒸飯好香，散發出陣陣嘅荷葉味。6. 荼位 6/位總價$180