得閒飲茶

營業中

休息中

🥟 得獎蝦餃之王（$36）蝦餃隻隻飽滿，皮薄晶瑩通透，餡料足，蝦肉大隻爽口彈牙，驚喜位係中間包有笋粒，正宗嘅蝦餃餡係有笋，估唔到系呢度可以食到🥢 灌湯小籠包（$30）小籠包好飽滿，包皮厚薄適中，唔會一夾就穿，而且湯汁多，一咬落去就爆汁，蘸上有薑絲嘅醋一齊食就更加提升鮮味🖤 黑金流沙包（$36）黑金色流沙包好吸睛，包身好鬆軟，入面包左奶香味濃嘅流沙奶黃餡，一咬落去啲奶黃即刻流晒出嚟🍄‍🟫 野菌素粉果（$26）粉果晶瑩通透，形狀美觀，餡料十足，入面包有粟米，冬菇，紅蘿蔔同芫荽，對於鍾意食清淡嘅朋友係一個唔錯選擇🦞 龍蝦湯鮮竹卷（$33）龍蝦湯配鮮竹卷呢個組合出面好少見，鮮竹卷外皮酥脆好足料，龍蝦湯聞落味道好香但味道唔算好濃🥢 鳳爪排骨飯（$42）鳳爪大隻腍身夠惹味，排骨肉質鬆化又入味，飯粒比較軟綿綿，整個飯份量多🥄 蟲草花木瓜燉豬骨湯（$30）好似飲緊屋企嘅住家湯咁；飲落有瘦肉嘅鮮味，又唔會蓋過蟲草花嘅菇菌香；燉湯好足料，無味精；順帶一提，呢款湯只係每月嘅16-31號先有🍳 3.6牛乳太陽蛋（$26）佢係由燉奶同香橙啫喱組成，燉奶用咗3.6牛乳整成，非常嫩滑奶香味濃，略嫌甜左少少但配上味道

別讓「得閒飲茶」變成空話，畢竟時間不等人天氣凍會令人想睡到日上三竿😴 睡晚了的週末又想「飲茶」，就要到點心店，全日也有點心、蒸飯、腸粉供應，加上不收加一服務費及芥錢，價錢都付在點心上比較有預算。所以太子這邊幾個街口已開了數家不同的點心店，以前吃開的「徐記」不復存在，友人就介紹這家「得閒飲茶」，原來早在2011年已是得獎熱店🥇，十多年過去，仍能屹立於此戰場，靠的是堅持自己做點心，傳統和創新兩邊一直發展。蒸點是我們最多點的點心，一來沒那麼肥膩，二來變化可以很多。牛肉球十分彈牙，難得沒有很重的芫茜味道，加上爽脆的馬蹄粒，口感豐富。排骨肉多骨少，肉嫩味鮮，最好吃是下面的陳村粉，吸收了排骨和醬油的鮮味，而且層層分明，不會糊口蒸飯也很大份量，飯粒剛熟透，不爛也不硬🍚，也是吸收了肉餅的精華——肉餅肥瘦比例剛好，章魚粒如可多些味道會更濃郁🐙。煎炸點心我們試了推介的菜肉包，果真外脆內軟內裡仍留有肉汁和椰菜的甜，能媲美上海餐館的出品。而春風得意腸則是較新潮的點心，炸身包裹在蒸點裡，要保持春卷的脆皮不腍掉，但外層腸粉仍要完整包好實在不易。內餡有少量碎蝦肉外反而有芫茜、粟米、蟹籽，整條卷物對照價錢來說份量略少

📍得閒飲茶平時放假都好鍾意同屋企人去飲茶，一盅兩件😋呢間點心店已經有好幾間分店，主打價錢實惠，亦有期間限定點心，重點係全日都有得食點心！🤩🦐得獎蝦餃之王 $36基本上枱枱都有叫，話到明係得獎之選，點可以唔試呀？😗蝦餃做到皮薄餡多，蝦肉飽滿大大隻，食落爽口；皮薄到晶瑩剔透～果然係實至名歸！🐂沙爹金錢肚 $31每次飲茶都一定會叫金錢肚，炆到好軟腍，沙爹味亦都好足夠，味道同其他酒樓嘅都差唔多～🦑蒜蓉粉絲蒸墨魚仔 $38呢個有驚喜！份量好足😝墨魚仔都好多嚿，鋪滿喺上面，食落爽口～最正嘅係粉絲，吸收曬所有湯汁，唔錯唔錯！🥢灌湯小籠包 $30小籠包皮薄餡靚，蒸完出嚟好靚仔～喺頂部咬開，肉眼可見滿瀉嘅湯汁，有夠juicy🤩飲完之後再食餡料就啱啱好啦～☄️紫薯流沙煎堆仔 $32個賣相幾特別，外層係煙韌軟糯嘅紫薯，味道夠曬香同夠甜；原來內有乾坤！一咬開係流心奶黃，味道相當夾🍤蒜香蝦春卷 $28即叫即炸，上枱時熱辣辣～炸得夠脆同乾身，唔會油淋淋！內餡除咗有蝦肉之外，仲有唔少嘅椰菜絲，增添唔少口感，食落會更加爽脆～🫖茶位 $6/位⭐️好味指數：7.7/10📍 得閒飲茶 (太子)太子運動場道7B號地舖#得閒飲茶

「得閒飲茶」唔單止係一句口頭禪，更係香港人生活嘅節奏。最近試咗一間主打高質點心餐廳，質素令人驚喜。餐廳堅持蒸點心「即叫即蒸」，上枱時熱氣騰騰。🦐得獎蝦餃之王皮薄透光，摺紋工整，一咬開就見飽滿嘅鮮蝦餡，爽彈鮮甜，蝦味濃郁。🥟灌湯小籠包亦係亮點，湯汁豐盈，肉餡鬆化，記得用匙羹接住湯汁，小心燙口！ 🌟黑金流沙包外型吸睛，竹炭包皮鬆軟，一撕開鹹蛋黃流沙澎湃湧出，香甜帶微鹹，食完唔會膩。🥬XO醬菜苗餃以微辣XO醬提味，菜苗清新爽脆，惹味得嚟唔會蓋過食材原味。 🦐韭黃鮮蝦腸腸粉皮滑溜透薄，蝦肉大隻彈牙，韭黃香氣點綴得恰到好處。🌟餐廳點心即製，熱度與新鮮度滿分，食物真材實料，間中想慰勞自己或同朋友慢嘆一餐，呢度係穩陣之選。

呢間點心專門店定價親民，茶位只係6蚊無加一，性價比極高。店內點心即叫即蒸，選擇又多。甜品方面實在太吸引，次次都忍唔住試吓佢哋嘅「邪惡甜品」。無論係傳統定創新款式，每一道甜品都充滿驚喜。好似香脆鮮奶卷，外層脆卜卜，內裡滲出濃郁奶香，真係令人驚喜！至於主食，原籠荷葉蒸飯係必點之選。米飯吸收荷葉嘅清香，口感軟糯，再配上濃郁香口嘅牛仔骨，簡直係完美嘅味蕾享受！配搭一碟白灼菜心，清新爽口，完美搭配。最後嚟一個3.6牛乳太陽蛋，濃濃奶香滲透每一口布丁，滑溜溜嘅質感令人意猶未盡。整體而言，呢間餐廳唔單止菜式豐富、味道出眾，更帶俾人地道又愉快嘅用餐體驗！溫馨提示：周末飲茶高峰時段要預留番充足時間等位

行主教山水庫，經過運動場得閒飲茶，之前食過，覺得點心可以，小店預咗快餐食點心，環境比較擠，差不多滿座，入到去一位男侍應招呼我哋坐7號二人枱，斜對正開門位，心諗好快完成午餐，但人出人入，食正風口位，落完單見到裏便剛有人離坐，同侍應講想轉枱被拒絕，算啦，都好快食完！但真係每分鐘都有人開門一次， 食風位，分分鐘都被風兜口兜面吹到正，當有人起身埋單經過要走，就要褪一次位，真係食到由背脊骨落！食完埋單，我覺得這個三剎位不應該讓顧客坐，同侍應反映，卻被搶白一番！之前一次坐了角落卡位，坐了一會，佢哋話員工準備開飯，要我們轉枱，還可以接受！這次員工的態度好差，貼錢買難受，附近仲有得揀，得閒也不會再嚟！😤

有3間分店既人氣點心小店, 蝦餃更加係餐廳既得獎作品, 當日同屋企人叫咗幾款點心, 全部都非常高質.而且價錢大眾化, 地點又方便.🍽️ 得獎蝦餃之王 $36蝦餃皮做得夠薄, 所以外表晶瑩通透, 入面既蝦肉亦夠大粒, 咬落仲會食到小小汁, 而且亦都夠哂大粒.🍽️ 龍蝦湯鮮竹卷 $33鮮竹卷本身非常足料, 即使浸係湯當中, 外層仍然能夠保持小小酥脆, 而龍蝦湯味道濃郁, 令鮮竹卷鮮味更提升.🍽️千島醬脆皮蘿蔔糕 $33蘿蔔糕炸至外脆內軟, 面頭配搭大量千島醬同木魚絲, 非常惹味.🍽️ 灌湯小籠包 $30小籠包十分飽滿, 咬開每一粒都爆哂汁, 而且包皮厚薄中適, 唔會一夾就穿, 內裡肉汁亦好鮮甜.🍽️ 蒜香蝦春卷 $28春卷新鮮炸起熱辣辣, 外層亦十分香脆乾身, 唔會太過油膩, 入面包住咗鮮蝦、椰菜等, 令口感更爽脆.🍽️ 咸水角 $22角皮口感煙靭, 又唔會太厚, 內裡肉餡亦充滿咸香 .

媽媽朋友慶祝她生日，請她吃午飯，我也一起吃。經過得閒飲茶見門口貼了各種特色食物，例如紫薯流心煎堆，見到店鋪名字特別，忍不住進去幫襯。點心色香味俱全，點心份量也恰當，我們三個女人都覺得很滿意。我欣賞廚師將點心特色化，有XO醬菜苗餃、加了蟹籽皮滑外貌似壽司的炸兩。而且香片很香口，整體來說，享用了美味可口的午餐。正

一出太子地鐵站就可以食熱辣辣新鮮蒸出嚟嘅點心🥧🌟蒜蓉粉絲蒸墨魚仔🐙呢個都幾特別喎 新鮮爽口嘅墨魚仔嘅下面有惹味可口嘅粉絲🌟XO醬菜苗餃 好大粒 一咬落口又豐富嘅菜苗 仲有鮮蝦🦐最上面有XO醬調味🥟🌟龍蝦湯鮮竹卷 脆卜卜嘅腐竹卷 配合濃味嘅龍蝦湯 鮮甜可口 🧡🌟千島醬脆皮蘿蔔糕 呢個都好好特別原來係炸嘅蘿蔔糕 🥕軟腍腍食得出有蘿蔔絲嘅蘿蔔糕出邊有一層炸嘅皮🤗然後配上千島醬感覺好新穎無平時嘅蘿蔔糕咁千篇一律🥳鍾意食新派野嘅人，一定要試吓最後叫埋熱辣辣蒸出嚟嘅🌟章魚肉餅飯 都幾大份 兩個人share一定夠章魚好爽口 再加埋有口感嘅肉餅加啲豉油 兩個輕鬆食晒👋🏻👋🏻

見餐廳名好得意，就同friend嚟咗試下。整體唔可以話太大驚喜，但係的確會一樣都唔錯， 叫咗幾樣嘢食都唔會話伏，賣相靚靚仔仔 (個人好唔鍾意見到啲點心蒸到爛曬淋曬，呢度完全唔會)最推薦糕類點心，棗皇糕同黃金糕都覺得好好食， 好煙韌 (不過要趁熱如果凍咗嘅話會太煙韌 難咬)人均6、70蚊都食得飽，性價比唔錯 不過喎嗰日平日嚟都要等一等位，唔知係咁啱嗰日多人定點， 趕時間嘅話可能要留意下整體唔錯，會列入個人嘅回訪名單上

太子一間細細間嘅點心舖味道好好😋幫襯幾次了最緊要係除了傳統點心佢有好幾款得意點心款式幾適合帶外國朋友品嚐比較有印象係蘿蔔糕有柴魚絲係上邊 無諗到幾好食仲有個牛乳太陽蛋布甸好好味豆沙老鼠仔真係好cute忍唔住影相留念都叫了好多人推薦嘅春風得意腸坦白講覺得麻麻地入邊唔係炸得好好 唔夠脆反而有啲油膩蝦腸反而仲好味（雖然都係唔夠滑）😅PS：但係真係好多人排隊，要提早去攞號碼，同埋唔好預可以做好耐，大家個半鐘職員就會趕人走

📍太子得獎點心店 — 得閒飲茶🫖🏆𝙒𝙝𝙖𝙩 𝙙𝙞𝙙 𝙄 𝙚𝙖𝙩 ??? (´ε｀ )🦐得獎蝦餃之王 $36餐廳講到明蝦餃拎過獎🥇差唔多每一檯客人都有叫🤣蝦餃飽滿大隻，皮薄餡靚，蝦肉大大隻而且好Q彈，好食😋✨黑金流沙包 $36黑金色外貌好靚，好啱打卡🤭最緊要係裡面有金黃色嘅流心奶皇餡，鹹蛋黃味同奶皇嘅香味好出，必試🥹🥢香茜牛肉腸 $27飲茶一定要食腸粉😆呢度嘅腸粉都厚身同埋幾足料，牛肉餡塞滿成條腸粉，而且腸粉皮厚薄適中，不錯～👍🏼🥖香脆鮮奶卷 $35外皮炸到金黃色，好香脆，入面嘅鮮奶餡有濃厚嘅奶香味，甜而不膩，好正🤤🥧千島醬脆皮蘿蔔糕 $33呢個算係幾有創意嘅點心，喺出面餐廳都冇見過～😳平時真係好少食炸嘅蘿蔔糕，配埋千島醬嘅組合就更特別！再加埋啲木魚喺邊，竟然有啲似食緊日式嘅章魚燒🫣可以一試🫶🏼✰⋆�｡:ﾟ･*☽:ﾟ･⋆�｡✰⋆�｡:ﾟ･*☽:ﾟ･⋆�｡✰⋆�｡:ﾟ･*☽天氣轉涼就好想食熱辣辣嘅點心😋🥢咁啱經過太子就同屋企人去咗間點心舖飲茶🫖款式好多，有各種傳統點心，亦都有特色創意點心，仲要唔使加一😆連滋補燉湯同埋甜品都有！🤤而且啲點心係即叫即蒸，可以食到新鮮出爐嘅點心真係好幸福！🥺另外

朋友剛從外國讀完書回來，所以晚餐我們來吃中式點心😝👉🏻千島醬脆皮蘿蔔糕 $33蘿蔔糕新鮮炸起，外脆內軟，配上千島醬，挺惹味的👍🏻👉🏻蒜蓉粉絲蒸墨魚仔 $38墨魚仔口感軟硬適中，不會過老，可惜蒜蓉不夠。👉🏻黑金流沙包 $36趁熱吃的時候挺流心，但是放了一會，天氣比較涼，凍了後麵包的質感頗硬，宜趁熱吃。👉🏻3.6牛乳太陽蛋 $26很普通的牛奶布甸，上面橙色的”蛋黃”，是有甜味的啫喱😂，沒有什麼特別。👉🏻醬皇蒸鳳爪 $25👉🏻陳村粉蒸排骨 $27👉🏻香菇燒賣 $32👉🏻得獎蝦餃之王 $36其他點心中規中矩啦。

💠💠得閒飲茶💠💠點心主打即叫即蒸，而且價錢大眾化🫶🏻，當日試咗得獎蝦餃之王（$36）、陳村粉蒸排骨（$27）、沙嗲金錢肚（$31）、蒜蓉粉絲蒸墨魚仔（$38）、黑金流沙包（$36）、春風得意腸（$42）同香脆鮮奶卷（$35），整體質素都唔錯🙌🏿，最impressive係：春風得意腸係用脆米網包裹蝦肉、粟米、椰菜油炸後再用腸粉皮包覆，腸粉皮透薄絲滑，蝦肉咬落彈牙，口感有層次得黎又唔會感覺油膩👍🏿；蒜蓉粉絲蒸墨魚仔好食❤️，蒜蓉粉絲一向同蒸海鮮最夾😛，配搭墨魚仔係坊間相對少見啲，墨魚仔幾新鮮，粉絲夠軟身吸滿晒蒜蓉香同墨魚仔嘅鮮，值得一試🤝🏻；黑金流沙包都好出色，外皮鬆軟，內餡係鹹蛋黃同流沙奶香嘅結合，順滑綿密；香脆鮮奶卷奶香好濃郁🙌🏿𖤥 得閒飲茶𖤥🗺️ 太子運動場道7B號地舖

//🇭🇰得閒飲茶🍵//主打傳統同特色點心呢度嘅點心抵食夾大件😍仲有好多唔同款式嘅點心全日仲唔收加一服務費唔怪得知除咗朝早之外夜晚都好多人嚟食🥢推薦✅🔆蝦餃蝦餃外皮薄透，入邊好多粒蝦。蝦肉好新鮮彈牙🔆金錢肚醃得好入味 沙嗲香濃 好容易咬開🔆叉燒腸粉腸粉的皮薄滑，叉燒的味道香甜，加啲甜豉油超好食🔆鳳爪排骨飯兩粒充滿荷葉味，粒粒分明嘅米。鳳爪的口感軟滑入味，排骨肉質鮮嫩🔆鵪鶉蛋燒賣呢款燒賣用鵪鶉蛋裝飾，入面係豬肉餡料，鵪鶉蛋增加左層次感🔆 3.6牛乳太陽蛋‼️大推‼️牛奶味超香濃，入口勁滑😍😍其他點心較為普通😂但整體都好值得嚟食