得勝餐廳

營業中

休息中

在企嶺下新圍進行水上活動，尋找附近可安坐進餐的地方，步行往西徑村很快就到達。村屋茶餐廳，港式風味，餐蛋治、香腸肉丁公仔麪、炒河炒飯、咖啡奶茶鴛鴦...等茶餐廳食品都有，價錢合理，環境亦整潔。

今日去左西貢十四鄉之一既西徑村食早餐，雖然去到果時已經係 11 點幾過左早餐時段，但老闆很好人照做比我，好有人情味。點左腸仔奄列 + 沙嗲牛肉米粉，跟餐仲有多士同飲品都只係 30 蚊，其實都好抵。多士暖暖地之剩好鬆化，而腸仔奄列都整得唔錯，無出現一餅餅又乾既情況出現，不過沙嗲牛肉米粉如果牛肉多一點會更好。另外聽朋友講呢間餐廳啲小菜同炒粉麵飯都唔錯，第時有機會會再黎試下。

《西徑村》內有兩家茶餐廳，一家位於山腳《得勝餐廳》，另一家就是位於半山近村路口的《雅景小館》。以我所知，《得勝餐廳》歷史比較悠久，所以我觔必再介紹一下這服務了整個《十四鄉》多年的《得勝餐廳》。《得勝餐廳》，這名字在《十四鄉》已經響了好多年，住盛時期，分別在《井頭村》及《西徑村》有分店，而且，每一次《官坑村》的《七聖宮古廟》打醮，戲棚旁的小食部，都是由《得勝餐廳》經營。如今，此《得勝餐廳》只餘下《西徑村》這一店，但早、午、晚三個時段，店內的小士多，的確是方便了不少的村民，而且這店近村的大停車場，中午時，也吸引到不少的士大哥來捧場。更有一次，當我同太太在店內用餐時，突然有一架 Audi 跑車駛至來買外賣，而車主及來者，竟然是《王傑》。這一天，我在早餐的時段重來，點上了一個豐富的早晨街坊早餐，有方包、有奄列。奄列的蛋煎得細薄，而香腸也配合地切成了細片，蛋心帶有輕輕的鹽味，味道很自然，而方包則輕輕地帶點牛油，半脆半軟的，既簡單又好。早餐麵是一個煙鴨胸公仔麵，煙鴨胸這一種食品，對茶餐廳經營者來說，是一種很方便的食材，對客人來說，是早餐麵配搭的新意思，老是食午餐肉、火腿、腸仔、五香肉丁，很悶的，咸

而家O既食材係好貴, 但係一個值35蚊O既干炒豬扒意粉, 竟然真係如其名, 豬扒+意粉. 除了意粉份量算合理外, 豬扒有"4大件", 其他配菜一律欠奉!! 如果屋企有豬扒同意粉, 自己炒好過!!!

個日啱啱去西徑村探朋友，然後同友人入咗去食下午茶。餐廳格局舒服，既寬敞又陽光充沛，特別喜歡窗旁位子。食物選擇頗多。經伙記主動熱烈推介下，我地叫左:1) 西多 (可配/不配花生醬) - 軟熟麵包炸至金黃色，絕對沒有一種被過份炸過的味道，超正!2) 星州炒米 - 餐廳招牌菜之一，炒得好入味 (不像有些餐廳，只有色無味)，好有鑊氣，而且不會太油膩。最值得一讚的是炒米的配料 (雞蛋、火腿、芽菜、蝦仁、洋蔥）十分多 (花款+數量)!3) 雞翼 + 薯條 - 香脆雞翼醃得非常入味，不會太鹹，食到停不了口，要再多叫一客。聽說餐廳師父在醃肉方面非常拿手，果然名不虛傳! 雞翼 + 薯條食落去絕對沒有油饐味，所以餐廳在用油方面都應該幾好。4) 凍奶茶 - 香濃茶味，既濃又不澀，very good! 伙記之後亦推介了"茶走"，即以煉奶取代花奶，下次如有機會再去會試下。總括來說，價錢大眾化之餘，食物又色香味俱全，餐廳老闆娘同師父都好友善，所以如果去開西貢，可以試試，餐廳雖然不在西頁市中心，但近巴士及小巴站。

星期日, 留在村子裡, 邊度都冇去. 中午時, 不如大家出去散散步. 一於過隔離西徑村行下. 順便帶她去做訪隔離村間士多仔同茶記. 呢間士多茶記, 其實已經係條村多年. 不過每次過隨離村, 目的都唔係去食野. 咁多年黎, 只是去買過一包薯片咁多多. 今次, 我們二人就是特登過去食野. 不過我只是陪食, 事因伯父在外面買了飯盒回來, 奈何只買了叉燒飯.....沒有齋妹的份兒. 我吃了半盒飯, 便帶她前往西徑村, 睇下有咩啱食. 小店是茶餐廳格局. 而且$30一個飯是非常之經濟抵食, 最最最重要是方便了我們村民, 不用搭車出外, 就有咖啡奶茶, 碟頭飯. 午餐晚餐都可以唔駛自己煮, 又唔駛出馬鞍山或西貢. 最重要, 是價錢, 大眾化.叫了一個茄蛋飯. 說明了我們食素, 姐仔亦懂得幫我們走蔥蒜. 不一會, 靚靚的茄蛋飯到啦. 而且看落去, 是水準不差的, 蕃茄鮮紅, 炒蛋夠滑. 茄蛋飯另一要訣是要夠鮮甜, 落糖的功夫要非常之細心. 這個細心又快又好鑊氣的茄蛋飯. 甜味適中, 完全沒有蓋過蕃茄的鮮味同應有的咸味. 大家不想飲奶茶, 就叫下一杯檸茶大家分. 茶底沖得好好, 極之有茶味. 而且夠哂