彩逸軒酒家

今日一行4人差唔多1pm去食，唔使等位。屋邨酒樓，我認為食物質素唔錯，係預期之上，而且價錢便宜，好高性價比。今日試咗佢哋嘅叉燒酥，鮮蝦腐皮卷，口水雞，蟲草鮮蝦菜苗餃。叉燒酥一份有6件（已切半），外皮酥脆帶有甜味，雖然叉燒份量唔多，但整體口感同味道平衡，我認為好食，值得一試。鮮蝦腐皮卷，同樣炸得好香脆，呢個餡份量好足好飽滿好食，配有喼汁，可以解膩。口水雞好香口好好食，有雞味唔會好辣，不過比較重口味同鹹，要share食。蟲草鮮蝦菜苗餃，大大粒，皮薄餡靚，菜同蝦嘅比例幾好，味道有蝦鮮味同菜苗嘅清甜，必點！見有人投訴服務態度差，我覺得還好，其實都冇乜服務台🤣攞完位開完茶交點心紙，全程都好順利。都係個句，屋邨酒樓，建議食嘅人唔好抱咁高expectation。…查看更多

今日一行4人差唔多1pm去食，唔使等位。屋邨酒樓，我認為食物質素唔錯，係預期之上，而且價錢便宜，好高性價比。今日試咗佢哋嘅叉燒酥，鮮蝦腐皮卷，口水雞，蟲草鮮蝦菜苗餃。叉燒酥一份有6件(已切半)，外皮酥脆帶有甜味，雖然叉燒份量唔多，但整體口感同味道平衡，我認為好食，值得一試。鮮蝦腐皮卷，同樣炸得好香脆，呢個餡份量好足好飽滿好食，配有喼汁，可以解膩。口水雞好香口好好食，有雞味唔會好辣，不過比較重口味同鹹，要share食。蟲草鮮蝦菜苗餃，大大粒，皮薄餡靚，菜同蝦嘅比例幾好，味道有蝦鮮味同菜苗嘅清甜，必點！見有人投訴服務態度差，我覺得還好，其實都冇乜服務😂攞完位開完茶交點心紙，全程都好順利。都係個句，屋邨酒樓，建議食嘅人唔好抱咁高expectation。…查看更多

今日又到飲食沙漠：兆康站做嘢。本來同拍檔諗住食麥記。但突然見到有人排隊，於是去睇吓發生咩事。原來呢度有間酒樓嘅，仲啱啱兩點有下午茶時間。拍檔同我好少飲茶，但喺呢個飲食沙漠之地；冇嘢選擇之下都入去睇睇。間酒樓叫做彩逸軒，下午茶時間大中小點19.8!我哋叫咗一個叉燒飯；四個點心。包括：蒸牛肉、粉果、鴨腳扎同埋韭菜豬紅。估唔到下午茶時間全場滿座；有啲公公婆婆表演國技,食物質素可以，樓面服務亦佳，唯獨收銀，黑口黑面， 多謝都冇句。埋單兩個人$136。…查看更多

唔好再問點解港人唔留港消費，來到呢啲地方，寜願留番係屋企。沖壺水都成半個鐘 成班職員 愛理不理 應咗你又唔理 都唔知憑咩收服務費如果想食氣食飽 呢間首選 齋叫壺茶 食氣都飽 咁嘅態度 真係無下次重要嘅嘢要講多幾次 來到呢啲地方，寜願留番係屋企。沖壺水都成半個鐘 成班職員 愛理不理 應咗你又唔理 如果想食氣食飽 呢間首選 真係唔好來重要嘅嘢要講多幾次 來到呢啲地方，寜願留番係屋企。沖壺水都成半個鐘 成班職員 愛理不理 應咗你又唔理 如果想食氣食飽 呢間首選 真係唔好來…查看更多

食物質素可以 價錢亦都唔貴 侍應服務真的要改善本來都唔想寫。幾年冇去呢間酒樓今日經過諗住再去 坐完 個幾鐘頭車上去洗手間 唔知做乜嘢佢哋將個廁所門上鎖見到有老人家話想去廁所 佢哋話入邊冇燈  但係打開個門見到有燈就去廁所 佢見到我咁後生就話我咁後生唔應該去酒樓廁所，佢話叫我去商場廁所四年冇去兆康 完全唔知道廁所喺邊商場嗰個 後面老人家都等得好耐個女侍應仲繼續講話我後生遙遙 唔應該去廁所 我都費事理佢跟住去完廁所用梘液洗手 佢原來冇鹼液個喎算我用火酒只抹手 出到去食嘢 樓面冇幾多waiter舉起手諗住俾份order form個經理 大堂經理當見唔到我特登起身行去俾佢話要落單 食物嚟到 唔差喎 可以禾亦都唔貴喎 所有嘢加埋 只係啲服務差 侍應不知所謂 最過分就係唔俾人去廁所如果係冇得揀嘅情況底下幾年食一次。 算啦冇所謂下次再嚟可能已經一年後…查看更多

今日母親大人生日又唔想走咁遠近近地去咗彩逸軒食晚飯龍蝦孖寶 $368上湯焗澳洲龍蝦伊麵(1隻)1隻都大隻，龍蝦肥美多肉但上湯淡味，伊麵好淡上湯浸時蔬果皮蒸大連鮑魚仔（6隻） $188普普通通，唔太鮮味，得豉油味😂鮑魚偏細，但勝在唔韌晚飯優惠三寶 $348清蒸沙巴龍躉 火喉剛剛好，食落勁滑👍🏻讚賞豉油雞半隻好食呀👏🏻🤩雞勁滑，搶住食白灼蝦份量偏少，食落唔爽口，又無味不推薦茶芥$13 一個，2歲小朋友都計🥲酸菜2碟 $24總結：5大人2小朋友，埋單$1157，價錢還過得去。味道普通，叫做有海鮮囉，如非必要，無下次😂…查看更多

一直都有幫襯，每隔幾星期都有去下。質數不算特別，就是一般酒樓，也不算太差。但上星期，他們的處事實在令人無言。上星期十幾人去食飯，叫了十二個小菜，其中一個是全隻香妃鷄，落單不久，侍應阿姐說冇晒鷄，會否考慮轉燒鴨，我覺得冇乜所謂，不過怕鴨太大隻就轉了半隻鴨。之後沒什麼特別，直到食完埋單...當找數我們check單時，看到帳單上顯示了全隻鷄188元，反而沒有鴨，我以為酒樓忘了改單，所以提一提，但令人驚訝的事發生了，有位阿姐行過嚟同我講，兩者價錢一樣，不用改了。我打過突，之後說兩者價錢怎會一樣，一個全隻，一個半隻，就算有鷄鴨之分也不應一樣？阿姐的回覆是，這裡的燒鴨是沒有堂食的只有外賣，只是見鷄賣晒，才突別提供鴨給我們，所以價錢要跟返全隻鷄收188 ...我完全不能理解這是什麼邏輯，先不說這樣做合不合理，但就算你要這樣做，不是應該預先通知客人嗎？為何食完埋單才說。奈何當我們爭拗了很久，阿姐依然只是輕描淡寫地說價錢沒錯，係咁計㗎啦，我放棄了，我不想為了幾十蚊再浪費心神時間，在公眾地方大吵大鬧，所以我結帳離開。當我行出門口，看看燒味部的價錢時，燒鴨一隻也只是108，我們食半隻竟要俾188...，而且當再看全隻香妃鷄的價錢，也只是148，為何收我188呢？實在難以置信...一間酒樓食物和服務很重要，但不老實肯定是死罪，各位找數時還是查查單，說不定有更多的驚喜！ …查看更多

原來呢間酒樓下午至晚上有兩餸飯賣，我就買咗個兩餸飯外賣🥡餐廳唔係有好多送俾你揀，好似得四至五樣，我就揀咗個豆角同埋炸雞翼，豆角同飯嘅份量好大🤣我剩返好多，不過雞翼都幾好味…查看更多

有個鄰居推薦我哋嚟呢度飲茶，話呢度嘅點心好食啲，不過我嚟到發個都係一半，唔算好好食，我估屯門嘅酒樓都係比較低質素。低質素來講呢間算唔錯，唔係定難食，不過亦唔算好好食，中規中矩，叫做唔會吐返出嚟。覺得啲點心阿姐有幾個特別好禮貌，都唔錯，其他都係一般般啦！實物來講，覺得比較污糟，雞紮疊起爛咗，燒賣反轉晒，都唔知點解可以咁😵‍💫😵‍💫😵‍💫，春卷好多油，好恐怖😵‍💫😵‍💫整體來講中等，唔算極難食，不過真係唔好食😵‍💫…查看更多

今日趁住放假，約咗2位住屯門既2位叔叔飲茶，近近地就揀咗2位叔叔樓下商場既彩逸軒飲茶落到去見到人山人海，諗住都要等一段時間，點知等咗20分鐘左右就有位👏👏👏坐低後就緊係揀野食啦，見到好多特色野，即刻叫黎試下，芋頭馬拉糕，柴色既😍，食落口又唔差喎...其他點心都唔錯👍👍價錢都係大眾化價錢...最好既就係D野食出到黎仲係熱辣辣既，應該係即叫即蒸...時間上又唔係等好耐岩哂我同2位叔叔慢慢食，慢慢傾...下次黎試下夜晚先，見到D餐牌好吸引🤤🤤…查看更多

垃圾服務+垃圾員工=嘔血食物係好大件，但講唔上好食。員工見你企響張吉枱隔離都當你透明，唔叫都唔過黎鋪枱布比餐具。比錢果時仲好笑！放低張點心卡，佢計完數就好大聲呼叫：「182！」我比200蚊佢，全程輕力。但佢好大力咁掉番找續落張玻璃枱上面，我幾驚張枱爛⋯⋯（我一路坐響收銀隔離，冇聽到或見到佢地咁樣對其他客）我雖然第一次幫襯，都唔洗咁既態度既。真係食完都背脊骨落⋯⋯響呢度由細住到大，換左幾間酒樓，完全冇進步過。如果用同樣價錢，大把酒樓好過佢。所以可一不可再，永不光顧！…查看更多

以前兆康商場內這間<金海>酒樓，一直都是長老們星期日的指定飯堂，所以當酒樓唔知裝修定執笠時，長老們都空虛了好一段日子，所以在原址發現這間新開的<彩逸軒>時，大家立刻很踴躍地說要來試試。之前不用訂位walk in來就隨便坐，但晚上來到時居然勁多人幫襯，要排隊好一會才安排到坐位。坐下後發現侍應都熟口熟面，他們說老闆仍是同一個，但改左名裝修完之後就突然多左很多客人，酒樓內裡的裝潢是華麗左，光線亦充足左，但碗筷仍是不太乾淨，不過我們都巳習慣了，會用熱水勁捽一輪才使用。菜式味道和款式方面，都很有親切的感覺，這裡的燉湯是我們必點的，<五指毛桃螺頭燉唐排>很鮮甜，我們會連湯料都一併清理掉，尤其是豬肉和雞腳，甚至是螺頭都煲到好淋軟，小朋友們特別愛吃。<薑葱美國桶蠔>我最喜歡反而是配角的大葱，爆得十分香口，<脆皮燒鵝皇>，我們點了半隻，皮脆肉嫩又入味， <龍躉兩味>，<翡翠炒球>，龍肉肥厚爽甜又無骨，亦難得有很多菜蔬伴碟， <蒜茸粉絲蒸頭腩>很惹味，只是比較多骨。埋單價錢$835不太貴，菜式亦很有家常便飯的味道，不太濃味而且亦加入了很多菜蔬，長老們都很滿意，會繼續多多幫襯。…查看更多

屋企人過時過節都係食開某幾間酒樓，已經食到厭，今年想搞搞想意思，去其他地方。可能親戚有朋友介紹左呢間酒樓唔錯，咁地點都就到大家，唔隔攝，無所謂，一於試下。第一次幫襯，又無人想諗，咪叫圍餐食囉，雖然碟碟都好大碟，但滾水淥腳咁係咁上菜，都食唔切，好趕時間咁，可能趕住做下一輪啦！明明張枱都無位，仲想上個海皇翅響我地面前入碗，後面有張枱，我地提議侍應響果度入碗，侍應比返面色我地睇，厭三厭四咁。食物賣相唔差，但大部分都好似無味道咁，係咪應該話佢淡口呢？基本上蔬菜，魚，薑汁千層糕嘅味道比較突出。…查看更多

兆康苑商場開了間新洒樓，都很新及光猛，我們叫左籠仔蒸冬菇滑雞飯，好大個籠呀，好香喎，雞肉夠滑，夠淋，冬菇厚身，飯夠乾身。有d葱粒帶出鮮味。竟然有臘腸卷食，有三個呀，細細個細細條臘腸，好香的，唔會好月巴，包好白的呀！夠幼細又軟身，好味道！！另外，叫左南乳炆豬手，等了好耐，初初仲以為係漏了單，諗住走了，豬手先嚟，好香呀，用個砵裝住，有三件豬手，都炆到好淋，好入味喎，夠晒淋身，好骨膠原的感覺，有花生也是好淋的！！…查看更多

今年重陽提早往拜祭先人，回程當中必経兆康。以前的街坊酒樓其實也不錯，勝在親切可自取食品，現在新開業的也可以。下午茶點了4個點心九十幾蚊，其中燒鵝米必叫之選，其他特價點心如燒賣也不錯。員工也親切，有笑容，吾嫌我攞呢樣個樣麻煩。都推薦給大家。…查看更多