彩明海鮮火鍋酒家 (已結業)

樓下間豪宴越來越唔掂，價錢又唔係特別實惠，今次膽粗粗試下間彩明，價錢應該平d卦!?無耐之前食過火鍋都幾好(order乜就真係有乜，除左蝦要催促)，小菜就第一次試有特價小菜($48)，都幾多款選擇，人數夠又可以叫$68隻既醬燒雞叫左8款小菜(部份$58/$68)1. 醬燒雞 (叫做有雞味)2. 魚香茄子煲3. 招牌蜜味牛仔骨(推介，夠味唔柴皮)4. 魚塊煲 (我無食，其他人話一般，多骨)5. 椒絲通菜(唔多夠鑊氣，淡口左少少)6. 咕嚕肉 (軟硬適中)7. 西芹炒雞軟骨8. 鹹蛋黃炒蝦 (卜卜脆)5個白飯+3支汽水+1支啤酒屋村酒樓黎講，基本上味道幾好，服務就普通啦，都係d新移民侍應為主，收貨+1埋單$648

今日係聖誕假期的最後衝刺，因為又有試考，所以叫晒朋友來附近聚呢度打邊鑪真係超CHEAP，又唔洗等位，又無時限，假期都係$108免茶芥加一(平日$98)，真正全包宴，醬料、汽水、熟食、各式蔬菜、菇菇、生根、西瓜、糖水、丁丁烏東自取任食，所以成日都有成班學生仔來慶祝生日自助區都無話周地食物，因為待應都好勤清理，客人又好自律魚頭唔係人人啱食，但真係好新鮮肥牛無話九肥一瘦，脂肪都好均勻，牛肉味叫做一息尚存，梗要將要求微調啦同枱個個大讚滑牛好食好滑，我覺得滑牛咁滑係因為同梳打粉FRIEND 左生蠔、生蝦都有得食，中規中矩，肉係實淨魚蛋、魚片馬馬虎虎，實的的、粉雷雷；不過墨魚丸同魚餃又得番來左好多次，都知佢的衰野，食物紙上的食物總有缺貨，或者八個人俾兩粒魚蛋，投訴都無用，不過好在你再叫佢好快又再俾你，衰野好快你又唔記得，算左數咁多年來，待應愈換愈好，俾足反應俾你，即叫即去做，加水都叫自動自覺

星期日同屋企人飲下午茶，去到一間極難食的酒樓可能因下午茶平面且多人等，好多點心都做定灼唐生菜:菜又老又硬、起晒渣肉絲炒麵:最難食的粉麵，麵底硬、唔脆、肉絲乾献唔咸唔淡總之難食蛋撻仔:凍冰冰又太甜

一行9人去打邊爐唔想貴、唔想時間限住哂可以試下呢間埋單價$98蚊位吸引左我同我D朋友來試試混醬就少左DD料就幾多選擇呢個價位竟然有蠔、雞子、白鱔、蝦都算係咁啦整體來說D料都新鮮但D丸就認真強差人意而且叫丸數量俾超多，叫魚就俾好少呢樣真係要改善仲有糖水，雪糕任裝不過10點左右就唔肯再REFILL番D糖水..搞到冇得食...不過總的來說係超抵食的

係門口帶位姊姊問打邊爐定食小菜，見打邊爐太多人，於是乎就食小菜。座低睇個菜牌，嘩！好多都想食，最終點：1/ 家鄉煎煮魚咀 -- 唔多得，係用炸魚雲再用薑蔥回鑊，完全無半煎煮feel2/ 沙拉骨 -- 肉瘦中帶小肥，唔太乾，味度可以3/ 乾扁四季豆 -- 有少許過咸，鑊氣夠見餐牌另有多款小菜，都係38蚊一碟，好過去大家樂，會再去。

肥牛...肥瘦均勻, 鮮牛肉...又滑. 任食蝦....很新鮮,bar枱有蔬菜,出前一丁,鮮雞蛋,孰食有幾味....炒飯,庶水,汽水,雪糕,西瓜...任食醤油不需另外收費. 小食與甜品任吃任食任飲火鍋全包.冇限時間$98都幾底呀

一行二人book咗6:00p.m. 第一轉貪佢d野新鮮. 食物方面: 肥牛就肥瘦均勻, 鮮牛肉又滑. 蝦都新鮮,設有bar枱有蔬菜,出前一丁,孰食有幾味,炒飯,糖水,庶水,汽水,雪糕,西瓜...任食任飲. 醤油不需另外收費,不收加一 . 好抵食...氣氛好好因為九成人都打邊爐. 服務算唔錯因為好旺. 價錢假日$108全包.

這間酒家,我地已經黎過打邊爐幾次, 因為價錢平d野食都可以接受又任食不過今次令到我地真係好失望d竹蔗水過左十年都無人加d魷魚同墨魚又有異味最慘係d九肚魚有嚴重臭味友人食左一啖即該吐返出黎, 忍唔住去廁所漱口成個碗都有嚴重臭味我地同個我諗係經理既人講, 佢一句道歉說話都無講我地要求成個鍋換左佢, 好彩佢都肯換我諗真係唔會再幫襯!~~

行過呢度見佢地任食火鍋$98全包都幾底﹐所以就試試。雖然環境都幾大o下﹐但臺擺得好埋﹐差唔多臺貼臺﹐所以多人時有d逼。各種食物質素唔算差﹐調味運醬都有好多選擇。熟食有炒粉麵飯﹐壽包﹐饅頭。糖水有紅豆沙﹐蕃薯糖水﹐西米露同3種雀巢雪糕。最唔好既就係無論你畫要幾多蝦﹐佢地都唔會送來。直至同d waiter 投訴先會比你。

星期日晨早book定位, 一行14人去打邊爐, 落單後好耐都冇野來, 一來到, 嘩....嚇一跳...寫明14人份量, 比得果2人份量來....丸類得4粒, 其他東西都係....仲要係落10樣, 來得5樣....我地已經7:00 就去食, 點都唔會缺貨掛...!!! 好...再落一次, 如是者又係20min先來, 份量也是得4~5人份量....把幾火即時叫部長來.....佢一見到都話搞錯, 咁小...跟住話跟進下, 叫我地再填過, 再過20min 佢就真係攞住多人份量既料來喇, 不過又係冇呢樣冇果樣, 連虾都冇....我地就發佢皮4, 話咁早來, 乜都冇, 仲要10幾人等, 有冇搞錯, 跟住佢先死死氣去攞d 虾來....貴既野係唔會比你既, 除非你追佢, 如生蠔, 虾果d...我地食左3個鐘, 有一半時間係煲水...所以奉勸大家, 去到冇野食就要發佢地難, 唔係就等天光啦....

前排去完ocean park勁肚餓於是諗都唔諗黎左呢道食野我地到果陣時都差唔多9點幾..食到打烊都冇人吹我地走哈哈呀姐仲好熱情成日幫我地加水又問我地夠唔夠野食d野食就不過不失,叫得最多應該係肥牛同雲吞老實講肥牛就唔係咁好食,都幾un....不過呢個價錢都冇冇要求雲吞都幾好食,其他果d鮮牛肉都好而且果d手打墨魚丸又真係幾唔錯.雪糕果個薄荷朱古力幾好食會再去食

有時唔想煮飯就去呢間度打bino....雖然有時夏天打bino係誇張左.....但係佢d野食都幾好食....選擇又多....又好味....又唔貴....真係幾抵......真係幾鍾意係佢度打bino如果唔覺得係誇張ge話....我會多d去食野tim

我常在平日收工後回家到這酒樓用膳, 一般去到都9點幾. 在這一帶酒樓都會好早收, 雖然間間都寫明收12點, 但由於生易淡靜都會在11點30就收檔.但眼見這間一日比百早趕客.就上個星期, 我和朋友是叫小菜而另一枱是打火煱, 在10點半就問last order , 這都沒什麼, 不過打火煱的那一枱在10點入來, 剛叫了第一輪就比人問last order而且5分鐘就要你結埋數. 燈也關掉主要的, 電視也關了.原因是全部的樓面職員都入了一間房, 自己打火煱唱k 娛樂. 請問做這一間的老板是否接受伙記這樣營業.

見老公有興緻打邊爐, 便帶佢去我以前同同事去開的呢間(其實我淨係識呢間, 嘻~). 佢係跟人數執食物俾你的, d嘢食雖然全部都係common嘢(如老公仔的白菜仔, 肥牛, 花枝片, 菇類, 雲吞, 餃子……), 但勝在人流多, 食物新鮮, 而我最愛的墨魚丸都唔係用大量麵粉充出嚟!我地叫左胡椒豬肚湯底, 哈哈2個都唔食內臟但又鍾意佢的味, 好, 下次同老公去飲茶時叫呢個湯嚟飲先~!最尾齊齊食有朱古力碎的朱古力雪糕作壓軸嘉賓! Very好味我也忍不住吃了數球…….死喇!星期六、日$98包哂所有嘢, 百事七喜, 熱食, 唔同醬料, 糖水, 雪糕, 生果, 加一, 算係咁啦!

上個禮拜想食火煱，去了屋企附近呢間酒家。地方幾大的，星日的晚上，任吃火煱，連埋汽水加一，每位$98。食物選擇都算多，但質素就普普通通，同埋有些比較貴的食物都沒有了。醬油自己倒，還有一些小食與甜品任吃。都是做街坊生意，不應要求太多吧。