彩匯皇宮

營業中

休息中

非常不愉快的經歷，等待時間長，店員服務惡劣。當時酒樓得幾張檯，首先出左兩隻乳鴿，之後就等左成40分鐘先有第二個餸，催左個侍應佢話得一個師傅😂問我哋係咪好肚餓，態度極差新開就嚟執笠，食物質素都差，菜是苦的，響螺與圖片不符，一次就夠，唔會再幫襯

母親節預咗使錢，只係使得順唔順氣，值唔值得。但係此店餐牌明碼實價寫明的價錢，到店長/經理手下單變咗海洋價，我就覺得有搵水魚的感覺！ 話說我哋嗌餐，因為啲餐真係唔啱食，都係正價餐牌決定散叫。上湯焗龍蝦上寫明改芝士+30，下單時唔叫團餐，個店長話改芝士要加$50！離晒譜。仲要個經理比面色我睇！食到成肚氣。香港地今時今日經濟已經唔好，飲食業多得這些害群之馬，令一些仲想支持香港飲食業嘅人只有失望。食物方面真係麻麻，豆腐冇味，龍蝦唔新鮮！通菜又黑又老！要唔要食自己諗。