彌敦粥麵家 (已結業)

今日難得早起，就淋住休閑咁嘆個靚靚早餐先去返工，平時都系匆匆忙忙咁求其食D，記得以前坐車返工經過彌敦粥麵都幾多人食咁，今日就係嗰附近落車去食個早餐。餐廳唔大，座位都唔多，再加上系早茶，好多人，位置都比較窄，不過覺得好有人氣。食粥我鐘意加油條，油條放入粥慢慢浸淋，吸收左D粥味，覺得味道好特別，比單食感覺要好好多，之前本嚟系打算只食個凈雲吞，但老闆話先得八粒，八粒邊夠我胃口，不過每粒都有4隻蝦肉，都好爽口彈牙。魚片牛肉粥，牛肉分量比魚片多，兩樣都煮得好嫩滑，粥都煲得好綿，好稠，米全部都化開曬，老火粥生滾魚片同牛肉，好有粥味。

一間吾起眼既彌敦粥麵店，早餐，清淡點。淨雲吞，每顆雲吞裡面4隻大蝦，吃的好爽，湯頭一般般，蘸醋更好吃。牛肉魚片粥，料超級足，魚片比牛肉好吃，魚片超級嫩，直接大口不怕刺，牛肉有筋的部分不好嚼，不過也很嫩。老伯們態度很好，非常有人情味的小店，也是蔡瀾推薦的！

一路系尖沙咀行過嚟，對於路癡嘅我嚟講的確好難搵地方。問咗報紙攤嘅吖叔先知道呢間彌敦粥麺系邊度。 入店嘅時候大概8點幾，人唔算好多...老細幾熱情，要咗三樣野一共75蚊。服務幾好，餐牌上面都好多野食，而且價錢都算公道。~~ 凈雲吞：老細話細份大概有8粒，粒粒都好飽滿。蝦肉好大，好彈牙！！taste  good 生滾魚片粥：食材好足，入面有魚肉、魚皮、蔬菜，不過粥滾得一般~~比較稀。 食粥點可以少咗油炸鬼呢~~！炸得好脆，擺落粥到浸淋佢實在太好味啦..

巖巖感冒好翻，天氣多變，一時熱一時落狗屎。口淡淡，就唔想食飯。落街穩粥食。佐敦西貢街有間街坊都好鐘意嘅彌敦粥麵家，粥粉麵都有，而且價格平，離我屋企近，我同成日同啊媽來食早餐。來到見到檯面依然都人油炸鬼，招牌，平時同媽咪都會要油炸鬼，但是我自己剛剛好翻就費事又熱氣了。叫了個艇仔粥。又有油炸鬼但係又夠食了。粥多過水，花生好脆，粥都系甘棉滑。大碗又抵食。唔夠飽，仲食咗個雲吞，今日D雲吞特別大只，感覺自己有D食唔曬，D皮都好滑又滑，食起身特別爽。環境乾淨，剛好我去得遲唔會好多人。

近期天氣反覆，到了五月，還時不時刮起大風，濕濕悶悶的天氣很容易令人着涼，我也因此病了整整一星期，喉嚨痛得連喝水都要慢慢忍住。可是我沒忍住口，辣麵當早餐，令病情遲遲未好。今天專程到佐敦一間彌敦粥麵家，之前跟爸爸吃過一次，覺得值得推介一下。竟然有點感冒，最好還是吃一些粥品，於是就帶同相機及男友回味一番。由佐敦地鐵站B2出口，地鐵站口直行，到志和街左轉，再行前第三個街口就到，附近就係彌敦道亦有不少酒店，很多外國遊客也都慕名來試試傳統中國口味。進入食店前，一定要看一下旁邊的材料櫃，裏面放着各式配搭粥品的材料，例如皮蛋、田雞、鯇魚、雞件等。最吸引眼球的莫過於一整隻的青邊鮑，在超級市場買也要三四百塊，一間地道小店也有那麼名貴的食材，還真的挺少見。門外也放了一些餐牌，讓食客預先了解，門口的玻璃門上貼著「彌敦粥麵」四個大字，也有很多相關報導。當時大約 6:15，餐廳未算滿座，我們找了個二人卡位。餐廳環境乾淨清靜，店員很快送上熱茶。地道的香港人，每逢到一些老牌港式餐廳，例如茶餐廳、燒味店、茶樓，可以餐牌都不用看，直接說自己想吃的，餐廳就必定有，自由配搭，價錢跟餐牌寫的也不會相差太遠。餐廳兩旁為二至四人卡

記得年多前同友人來吃過一些粥麵，覺得小店，真係比足心機比足料。年多後行過附近，見有D餓，就決定食碗粥。今次要了最basic 的皮蛋瘦肉粥。呢道的粥不是好大碗，但是好足料。個粥底不会水汪汪，但又不会太杰，都算"綿"。但係今次就見到有幾多米粒粘埋一齊，食落口感冇咁好。至於個粥底本身是冇味道， 但因为個瘦肉都幾咸 ，所以攪埋就剛剛好。

我成日都會幫襯呢間粥麵店，d粥 同 餛飩麵都好好食。最愛係佢地既薑蔥魚皮 同 灼凌魚球，真係好正 鮮味十足。但係食過一次魚蛋河就有 d失望，唔知點解佢地要落麻油。D魚蛋又唔係特別好食，都係餛飩麵 現場包好食 D.

及第粥$35 （6.5/10）前排見到fb話依間粥店好好食 我又係及第粥既粉絲 個日就腳就去左食當我既lunch 正常粥鋪大小既碗但當然價錢貴成十幾蚊 佢有啲粥料我覺得真係一流 例如豬潤同豬肉丸 但係竟然無豬腸 竟然無豬腸 竟然無豬腸!!!粥底一食會覺得究竟係咪味精味？但食落就知係材料鮮味 粥底都幾稀 但大部分粒粒分明 不過都會見到有啲係痴埋一齊 但食落無咩野既 豬肚淡但帶點內臟味 豬肉偏咸但質地幾好 吾會嚡或者淋 所以我連埋豬肚一齊食 有一舊疑似豬肺既野 有內臟味 同埋成舊野好淡 豬潤熟晒吾會有血 好爽 好鮮 我prefer依隻多過維記個隻 豬肉丸係用豬肉碎整出泥 而吾係平時及第粥見到牛丸feel既豬肉丸 正!整體泥講 頗貴既粥 但試一次ok既 因為豬潤同豬肉丸真係不錯!!!

因為成日要在附近開會，所以都會在這間奇貌不揚的粥麵店幫襯說實在的，這間餐廳的粥麵每一款都出色，就是冇人流，客路多是旅遊車車來的客人，menu有日文，印度文.....真的好奇怪,但這條本來就是遊客多，沒什麼香港人，所以旁邊那間很好味的餐廳都是員工多過客人真心不想這間平民老字號餐廳消失，我在這裡的最愛是 "豬手撈麵"$40 有三隻大豬手，豬手很入味而且起晒膠！而且很juicy！！而且麵都沒帶簡水味！而他們的粥都很綿呢，綿綿的白粥配上冷了仍胞的油炸鬼，都很美味！這裡環境就是懷舊的老香港，沒有出色的設計，座位間隔有一排都很奇怪，但職員都很和藹。

今天微雨氣温冷，怕胖的我只喝了一杯咖啡丶食了一件西餅作為午餐，這確實不夠補充能量。與小親親行街買嘢就揾嗰地方加油。突然發現一家不起眼丶門關上，主打粥麵的食店。我的視線被門旁的大雪柜吸引了，它有着70年代特式，讓途人可見到各式各樣新鮮食材。當中有隻像少年人拳頭大的鮑魚，數十條強壯的田雞腿，半透明的魚片，鮮豬潤及鮮豬腰等等。不再睇，行動最實際，下定決心食粥先。店內物品有着舊的感覺，但牆壁掛着《彌敦粥麵家》的報導就舊得有味道。雞粥: 肉厚帶點酒香，皮滑如紙，無肥油感。大潤魚片粥: 鮮豬潤脆，魚片鮮甜，材料質地在此可見一班。加上一碟粥品的好拍檔丶油條(油炸鬼)，完滿！

今日早上我就非常想要食粥，但係人生地不熟的，所以最尾都係隔離屋嘅叔伯帶我去咗彌敦粥面，去到見到咁都人我真係覺得十分震驚。等咗一陣喇，終於我的艇仔粥都被拿上檯面喇。天氣凍凍地，呢種時候食翻一碗熱辣辣嘅艇仔粥真係好舒服吖！艇仔粥的配料都是很豐富的，比如話什麼朱紅、花生米、魚片、油條什麼的都好多，絕對唔會孤寒。粥煮得是非常足火候的，粥米都被熬得很粘稠的，米可能是比較不同的，熬出來的粥入口感覺更加的棉稠。因為我早餐特別喜歡食油條，所以又另外點了一份，油條很脆脆的，都被我泡進去了粥裡面，價錢平民，真是不錯。

做完gym，唔知食乜做早餐好，於是就係附近周圍行下，睇下附近有咩好野食，點知又真係見到間唔錯噶食麵噶鋪頭，於是就行左入去試下啦 牛腩撈麵，好好食吖，撈麵上面淋左啲腩汁落去，撈到啲麵好入味，再加埋牛腩煲得啱啱好，唔會好難咬 白灼腰肝，豬腰好脆，咬落去好爽口，豬肝又好嫩，而且兩樣都好入味，份量又夠曬大份 生滾牛肉粥，煲得啲粥好軟好爛，牛肉好嫩不過有啲少，再加幾舊油炸鬼一齊食啱啱好 炒飯，個人覺得味道有啲鹹，不過仲係好大份，食到我好飽吖

今日中午去咗彌敦附近，所以中午就決定去彌敦度食野。彌敦的白灼腰肝真的不是我喜歡的，不過我本來就不吃肝的，但是聞起來就是一股腥味，入口很爛，不能接受。即使朋友話呢個腰肝原汁原味，很脆嫩。我都係生生性性食個生滾牛肉粥喇。粥是熬得很爛的小米，牛肉卻很是嫩滑，用料豐富，喝粥總少不了油條的，油條也是老闆自己做的，很新鮮熱辣。牛肉麵的麺真的是很有嚼頭的，牛腩也煮的很好吃，一口一啖，很開心。豬腳系咁嘅天時食真係好岩吖，超級入味，分量也是岩岩夠，唔會浪費。環境雖然有點亂，不過服務真心不錯，很周到。

一間充滿我童年回憶既店鋪。以前逢weekend得閒爸B、媽咪就會帶我黎哩道食早餐，自從搬走佐之後就好少過黎喇，今日終於拉到媽咪過黎回味下喇雖然店面唔大，地方都唔大，開左好耐喇，但係依舊保持陳而不舊既味道。食家蔡瀾先生，係TVB節目蔡瀾嘆世界都介紹過，國內美食指南都推薦，係一間不算大既餐廳，以賣粥面為主。我每次黎必點牛肉粥同油炸鬼，對呢度既油炸鬼毫無免疫力啊！是不是太誇張？但係我眞係好鬼鐘意食咯，配上我最愛既牛肉粥，眞系好吃的不要不要的食材好新鮮，所以味道不重，但係都唔會淡，滿口都係食材既原味，食落去好舒服，早上食D清淡既眞系很不错。重點係，咁多年口味依然無變，始終如一！媽咪就中意重口味D，每次必點牛腩撈麵同豬手，媽咪係無肉不歡的，你睇下D豬手大大只，一啖咬落去幸福感滿滿，肉綿皮膠，女人就係要好好咁補充一下膠原蛋白睇見個牛腩撈麵都流曬口水囖，啖啖肉，加上香濃既牛腩汁撈勻D面，真係聞着香吃着更香下次要拉埋爸B過黎一齊食先得，咁樣先可以點更多款式食

The place is a very traditional looking old style eatery. Perhaps due to its close proximity to several hotels in the area, you can find quite a large number of tourists enjoying their congee. As they specialise in congee, you can find a large selection of congee available. They also serve rice dumplings and noodles as well, though I did not try those.Generous ingredients! The whole bowl was filled with lots of pork slices and century eggs. I find the texture and taste just nice for my taste bud