強記飯店

營業中

休息中

我心目中灣仔最強叉燒, ..不過貴左d la不過記住叫淨叉燒飯, 咁淨叉燒飯d叉燒係靚d ga佢整叉燒個汁好好味, 個面仲好有燒過gei蜜煻味我見有人話個叉燒硬, ... 叉燒瘦係會硬d gei, 叫肥叉就會林d....自己選擇la以前我鐘意叉燒平肥瘦燶...依家就唔敢la..燒鴨都幾好, 多汁皮脆個老火湯都ok..不過幾貴奶茶香燶, ok滑la... 算幾好

尋日同個同事出左去食飯, 坦白講師傅真係冇咩興趣, 但見盛意拳拳, 所以就一齊食餐晏啦; 問同事去邊度食? 佢二話不說就話黎呢間, 師傅心諗黎呢度就實係燒味飯喎, 但真係冇咩興趣食燒味, 點算好呢?入到去人唔算多, 坐底睇下有咩好食, 皆因真係唔想食燒味飯, 所以左睇右睇, 最後就柯打左碟雪菜火鴨絲炆米, 而餐飲就要凍檸茶!可能係廚房煮嘅關係, 而唔係燒腊檔, 所以都等得比較耐; 雪菜火鴨絲炆米都幾大碟, 賣相幾靚, 但一食落口發覺米粉似乎炆得過濕, 口感差左, 就味道亦算可以, 火鴨絲就少d, 不過都幾鬆香, 而雪菜唔算太咸, 加上油唔算多, 收貨啦! 總括黎講雪菜火鴨絲炆米比想像中好, 環境地方一般, 服務都係普普通通, 但黎呢d茶餐廳唔通想要帝皇式享受咩? 價錢真係唔平, 三十八蚊一碟, 凍飲加多兩蚊, 抵食一定冇佢份! 難得師傅覺今次轉一轉口味, 不過得到嘅結果係合格; 所以下次黎呢間食店, 始終都係食番燒味穩陣d; 就呢個炆米而言, 今次又真笑唔出喇

平日去開北角站強記飯店多, 今次試一試灣仔分店, 叫同樣的燒味餐: 西洋菜燉生魚蜜棗豬肉, 叉燒, 菜心, 白飯.先說最想喝的燉湯: 同一個湯, 北角水準比較好, 一喝便知, 這裡的湯魚帶腥味, 不夠甜, 而且鱗片混在湯中令我覺得有點嘔心(我很怕魚鱗). 不過如果沒比較, 這個湯還是不錯的.燒味是強記的強項, 可惜這裡的叉燒也比北角店遜色, 叉燒不夠北角的鬆化, 還有些位置烤焦了而硬硬的, 又扣了分. 不過還是一句: ). 不過如果沒比較, 這個叉燒比起一般燒店還是不錯的.油菜不好吃, 今天給的菜有點老而且不鮮甜, 不知跟最近一直下大雨有沒有關係.總括來說, 個人認為北角店水準高出20%左右, 吃慣了一吃就知參差. 以後還是回北角店穩陣.

成日搭車,經都係第一次黎食, 睇下餐牌價錢再貼上去應該係加左價一個人應該叫套餐($52) 會抵食d, 不過今日唔係好胃, 於是散叫, 黎到梗係唔會叫例湯, 叫左陳腎西洋菜豬骨湯($22): 無乜油, 好清甜, 幾夠火侯, 放左成1 0分鐘仲係好熱, 食埋西洋菜, 無渣, 同市面湯包產唔多價, 但一定唔使飲雪野我要瘦叉燒飯一碗($28), 都幾貴! 而一碟上($32), 抵d 豬肉係梅頭好靚, 賣相一流, 配埋密汁再係人間極品, 唔使10 分鐘連飯都食光,胃口也大開, 可能比多碗我都食得晒, 呵呵~~ 我鍾意呢到既瘦叉比再興好好多, 後者瘦叉好干好鞋口, 呢到做到好juicy 呢, (以瘦叉作準)　今次散叫＄50, 而套餐就＄52，會有個雙併燒味，同油菜會抵好多架

黎左咁多年, 食左咁多次, 但係次次黎親呢度都淨係會獨孤一味, 尋日又再黎呢度食飯, 感覺依舊!午膳時間人山人海, 一條友都唔易搵到位, 幸好師傅夠運, 唔使等已經有位, 坐底唔使睇立即叫左個叉燒煎蛋飯加凍檸茶!咁多年黎師傅黎親呢間食店唔係食叉燒煎蛋飯就係食叉燒飯, 皆因呢度叉燒夠靚, 淨係一入門口就已經比d叉燒吸引住啦; 而今次叉燒依舊夠靚, 燒得夠香加上肉身唔乾, 夠鬆夠腍, 仲要夠晒蜜汁份最好, 唔好太甜, 真係冇得頂; 一雙太陽蛋, 煎得香, 淨食又得送飯又得, 真係非常之正呀! 凍檸茶夠凍夠茶味, 唔會太甜, 好味!總括黎講叉燒質素簡直係一絕, 其他食物係點師傅就唔知喇, 不過淨係叉燒呢樣野就已經值得再黎, 環境地方一般, 招呼服務都係一般, 價錢係偏貴, 三十四蚊碟叉燒煎蛋飯唔算抵食, 不過咁好味就咩都抵番晒啦, 所以師傅咁耐以黎都係獨孤呢味! 下次一定會再黎!

只有兩樣東西會令我再來這裡，一是叉蛋飯，二是燉湯，是晚就兩樣都想吃。十一時許，人客可不少，有兩部大電視，大家也在用電視撈飯。本想喝山斑魚，剛售罄，要陳腎西豬骨湯呢，更早時間已賣清，結果在還供應的幾款選擇中，要了北菇豬肉燉雞腳。湯燉得清澈，香味十足，幾夠火侯。喝起來是醇和清甜，連雞腳及北菇也很好吃，加一點醬油，也全部吃清，22蚊一碗，在沒有湯水的日子，是甘露。叉燒靚，叉蛋飯自然正，這裡是一例。叉燒件件是脢頭，不用是半肥廋，吃起來也很軟腍，有蜜味又夠香。叉開雙蛋，和著蛋黃及叉燒，吃一口熱飯，滿足。連凍飲一杯，埋單62蚊，絕不便宜。都好少在茶記要收32蚊一碟叉蛋飯咁貴的了。

新春期間，很多時都無啖好食，平時去慣的幾間茶檔都收爐。掛滿及打正馳名燒味旗號，在沒太多選擇下，好不情願的入了去，落單後才發覺單面印了初一至三要收加一服務費，自從97以後，都未試過這情景。叉燒炒蛋飯-蛋炒得唔夠滑，亦打得唔夠均勻，黃白分明。叉燒不夠蜜味，但入口幾鬆軟，最後竟然飯是最好食，粒粒爽口又有咬口，飯味香噴噴。茄牛治-沒有煎過的鹹牛肉那會好食。反之沒有期望的奶茶，出奇的好，有濃香茶味外，入口亦沒有苦澀，幾香滑。

叉燒燒鵝飯($30)及燒肉飯套餐(連餐飲$34)的賣相都不錯，分量亦算不少，食落則覺一般，相對上前者好一些：叉燒肥瘦及蜜味剛好，只嫌未夠腍，燒鵝亦不夠肥；燒肉就偏瘦，而且奇怪的水準參差，當中一些是頗脆皮，但是部分皮不脆之外，肉質咬落比較實。反而杯奶茶的茶味香濃，更令人滿意。

有個阿叔d態度超衰, 亂寫銀碼仲想話人, d燒味又普通到不得了, d雞好瘦, 冇肉既, 又收得貴, 唔會再去喇!!

今次要來試試強記的燒味. 但因上次喝的燉湯太好味, 故今次是叫是一個燉湯套餐. 套餐有燉湯任擇一款, 雙拼燒味, 一碗白飯及一碟油菜. 原本是$47 的, 但我叫的雙拼因為有雞, 故加多$3, 合共齊頭$50.我叫的例湯是竹笙金蕈火腿燉雞湯. 盅內有一大隻雞翅, 兩三條小的金華火腿. 味道跟預期一樣很好味, 雖然味精重手了一點點. 雙拼燒味我要了瘦叉燒及切雞. 叉燒不靭, 味道也香. 雞也是新鮮肉滑. 這個價錢很抵食. 油菜是白菜仔, 很淋而且無味, 口感欠佳. 喜歡較乾及硬身飯的會喜歡這裡的白飯.其中一位友人叫了燒肉, 評價不比雞或叉燒好. 皮燒得不很脆.

先前已吃了晚餐, 倍友人來到這裡, 只叫了一盅燉湯.九時許, 本想要盅行氣活血的燉湯. 雖然菜單上寫著很多種湯, 但全部都售罄... 唯一還有的就是"此湯鮮美"的北菇雞腳湯, 那就唯有要這種啦.本著"有沒有搞錯.. 還不是很夜便款款湯都賣完"的心情去嘗這湯, 意想不到足料及香濃的味道令我少許的怒氣立即驅散! 二十元一碗, 十分抵! 以後有機會的話會回來再嘗其他的口味.友人叫的分別是一碟燒味飯及一份雙拼燒味飯的套餐. 套餐的那一碟燒味略嫌份量小了些. 不過朋友們都説味道不差.

同個波友打完乒乓波成十點幾，兩條友又累又鬼咁肚餓，都唔諗住話去搵ｄ好野食，是但去附近搵間舖頭填飽個肚為上策。強記在灣仔屹立了冇幾十年都有十幾年，口碑一向都唔錯，燒味尤其出名。正因如此，亦因為太夜唔想話叫餸食飯，所以我只係叫一碟切雞燒肉飯雙拼，多汁多彊溶，整多杯凍奶茶。朋友就只係要牛什粉同凍奶茶。一陣，大大碟既雙拼飯送到，果然係好多汁同埋好多彊溶，淨係彊溶送飯都掂。切雞好鮮味，嫩滑，仲有好多油；燒肉皮脆，肥瘦適中。估唔到凍奶茶都幾濃幾滑，有水準！如果講食燒味，在我心目強記在灣仔都算係數一數二。也有問波友既牛什粉如何，得到既答案亦是正面的。當然，在這老字號既食店，一班老臣子侍應既服務唔會做得太完美，但我覺得他們都算是交足功課，起碼唔係偷懶呀！

又做到九點幾突然好想食燒味飯行左一陣見到呢間傳統feel既飯店坐低見到原來有燉湯喎於是即刻叫左一個套餐叉油雞雙併北菇豬燉雞腳油菜加白飯本來想叫生魚湯不過太夜無晒伙計叔叔既態度就無謂深究喇出街最鐘意飲例湯齋飲湯就覺得味精重手左少少不過食埋d料又幾ok喎一盎有成七八隻北菇同兩隻雞腳抵佢賣廿蚊一盎架個餐牌度十幾款湯幾乎款款既介紹都有一句「此湯鮮美」究竟點樣先為之鮮美呢?真係拍得左老夫子既「耐人尋味」…燒味都幾好不算大碟但係油雞好夠味好爽好食成日都咁夜先收工又要一個人食飯同返屋企唔知幾時可以handle得好d好好咁調理下自己既生活??

強記的燒味很出名，這是事實，吃過很多次，他們的燒味次次都很好味。另外有很多款小菜選擇，樣樣都很大碟，除了稍為多油之外，味道很不錯，間中吃也無妨。服務一般，個個侍應就像「老臣子」般，木口木面。總括來說，吃得過。

3/8 （Wed）Lunch3個人，同事們分別叫0左切雞鵝同油雞鵝飯，我就叫0左燒肉切雞飯；強記燒肉好係人都知，燒肉Ｄ皮勁脆，皮邊有少少肥肉，恰到好處，塊塊咬落去都係「卜」一聲斷開。而切雞亦一d都唔失禮，雞皮上0既毛孔有一珠珠雞油滲出黎⋯色澤晶瑩，眼前所見果種嫩黃色，絕對唔係街邊$10幾蚊盒0既叉雞鵝鴨燻蹄海哲大拼盤貨仔可以媲美。切雞﹣淨係睇都感覺到好濃0既黃油雞味，皮同肉之間有層0者喱狀精華（我自己覺得係），加少少脂肪⋯食落真係∼$33蚊碟飯咪就係咁解囉！落單果位哥哥，唔知係咪工作壓力大，講野大聲到震同有少少躁狂，我都係0黎食餐飯遮⋯