影片
呢日經過九龍灣富臨中心，發現咗一間新茶記，唔算好多人，環境簡簡單單，但竟然係一個意外驚喜！點咗佢哋嘅 炸雞髀配薯條下午茶套餐，只需 $40 包一杯凍飲，價錢真係非常抵食！隻雞髀炸得金黃香脆，外皮夠脆，入面肉質又唔會乾，啖啖肉仲嫩滑多汁，真係炸得岩岩好，唔會過火。而薯條係用新鮮油炸，無嗰種舊油嘅味道，熱辣辣又夠脆口，配埋茄汁食一流。地方雖然係偏少少，喺富臨中心冇乜人流，但如果喺附近上班或者經過，呢度絕對值得一試。以呢個價錢嚟講，份量大又質素高，真係無得輸。唯一可惜係人流唔多，環境靜中帶啲冷清，希望多啲人可以支持下咁高 CP 值嘅小店，唔好錯過呢個好味嘅下午茶！
繼續閱讀