影片
港鐵觀塘站 A2 出口, 步行約5分鐘
繼續閱讀
電話號碼
81182299
開飯介紹
環境雅致，光線充足，予人舒服的感覺。師傅以精湛手藝，炮製各式中菜和點心，如招牌菜之一的黑毛豬叉燒，是和親友及同事飯聚的好選擇。
繼續閱讀
營業時間
今日營業
11:30 - 15:45
18:00 - 22:30
星期一至日
11:30 - 15:45
18:00 - 22:30
以上資料只供參考, 請與餐廳確認詳情
有關獎賞計劃
優惠
65折
[早鳥價]雙黃白蓮蓉月餅(4件禮盒裝)
$238
$368
65折
[早鳥價]流心奶黃月餅 (6件禮盒裝)
$238
$368
72折
[早鳥價] 流心奶黃月餅 (2件禮盒裝)
$98
$138
喺觀塘食餐普通中菜晚飯，結果一啲都唔普通…同”張公館”同系列嘅”張公子”，喺觀塘區可以話係別樹一格。嚟呢度係會有輕奢嘅感覺，無論裝修、服務定係嘢食水平都比同區中菜餐廳嚟得高。特別要留意，呢度嘅切餅費同開瓶費係全免，隔離都喺度搞緊酒局，不過我最近又番早，所以今晚先冇飲酒🥲。不過作為家常便飯，呢度仍然係相當高質。秋霧鹵醉蝦（五隻） $128醉蝦已經夠特別，味道係可以貫穿蝦頭，令人回味，而且呢度用嘅醉蝦又夠大隻爽身，好極。公子牛肋排 $398呢度嘅名菜。表面上唔平，但呢碟牛肋牌相當大碟，大到最後食唔晒😂。牛肋排已經腍到無話可說，燒得好香口，醬汁亦都唔會太濃，不愧係signature。蒜茸炒菜苗 $138特別在今日嘅炒菜苗係”蓮藕苗”，蒜蓉味足，爽口唔硬，當普通菜食亦好夠。金絲銀米蝦球上湯燴炒飯 168相當好食嘅炒飯。本來炒飯已經好香口，再淋上上湯提供複雜性，食埋呢個蝦球會覺得呢度啲蝦真係新鮮。張公子叉燒 $258隱藏大佬。原來呢度嘅叉燒係咁高水平，充滿蜜糖加上焦香又腍身嘅叉燒，一啲瘦肉感都冇，可以想像擺落口嘅滿足感有幾誇張。唔使講咁多，下次拎支酒嚟，一聚。
繼續閱讀
四人晚餐點了五道招牌菜，整體口味均衡，體現粵菜精髓。公子牛肋排（$398） 慢煮火候到位，牛肋骨肉質鬆軟，脂肪與肉筋比例恰好，紅燒汁甜鹹適中。份量足，四人分享足夠。張公子叉燒（$258）選黑毛豬梅頭部位，厚切口感紮實。外層蜜糖焦香，內裡保持肉汁，不過分甜膩，配微酸黃芥末醬更顯層次。鮮腐竹蕃茄浸菜苗（$138）湯底清爽討喜：蕃茄自然酸香突出，腐豆皮吸飽湯汁後軟滑，白菜苗鮮嫩，夏日消暑之選。避風塘茄子（$98）驚喜之選！茄子裹薄漿炸至酥脆，蒜粒、辣椒碎炒得乾香微辣，內裡茄子肉仍軟糯。性價比高，佐酒一流。X.O.醬紅葱滷肉木桶拌飯（$168）木桶保溫效果好，米飯粒分明。滷肉碎肥瘦均勻，X.O.醬的蝦米鹹鮮與紅葱油香融合得當，整體惹味不過鹹，3-4人分食剛好。**總結**：菜品發揮穩定，牛肋排與叉燒體現功底，避風塘茄子有創意。環境雅緻，價格合理，適合家庭或商務聚餐。服務回應及時，上菜節奏適中。#香港美食 #張公子 #觀塘美食 #粵菜推薦 #公子牛肋排 #木桶拌飯 #避風塘茄子 #香港美食日記 #家庭聚餐 #中菜館
繼續閱讀
今日去咗觀塘電訊數碼大樓呢間超有氣派嘅中式食府，穿過大拱門，見到中央嗰個超霸氣嘅大石收銀台，侍應全部都好有禮貌，絕對係高級享受🔝！今次試咗幾款必食菜式，每樣都驚喜滿滿！💯 🍤 秋霧滷醉蝦（八隻）$168 一上枱已經仙氣爆燈，乾冰效果好震撼！用花雕酒浸漬嘅大頭蝦，蝦籽多到睇得見！入口酒香濃郁，仲帶少少花椒香，麻麻辣辣非常過癮！蝦肉爽口彈牙，係醉蝦界嘅天花板🥩 公子牛肋排$398 呢份量真係超豪氣！原條牛肋骨，仲幫你預先切好，食起上嚟超方便👏。肉質軟嫩，脂肪分佈均勻，每一啖都充滿濃郁牛味🤤！紅燒醬汁香甜濃厚，完美包裹住啖啖肉，真係食一次就上癮🔥🍞 豔影帶子厚多士（六件）$268 帶子炸到外脆內嫩，咬落去簡直係幸福感爆棚💖！加上檸檬醬汁，微酸微甜非常開胃！每一啖都充滿層次，好適合愛帶子嘅朋友😍🍚 X.O.醬紅蔥滷肉木桶拌飯$168 呢個拌飯真係神級美味💯！XO醬濃郁鮮香，滷肉肥美但唔膩，仲有蝦米、紅蔥、辣椒提味，每一粒飯都吸晒精華，簡直係完美配搭！食到最後都捨不得停口🙌🥢整體感覺：環境高雅，服務貼心，食物質素超高，真心推介俾大家去試試🙌！推薦指數⭐⭐⭐⭐⭐！下次一定要再嚟回味🍽️
繼續閱讀
話說我老豆一直只喜歡中菜，對食物的味道也有一定要求。遇到不好吃的，他會直言不諱。因此，帶他去新店總是有點壓力。今次好放心帶佢會下「張公子」，因為這家餐廳素來以美味著稱。店內環境雅致，散發著古樸的韻味，地方也相當寧靜。菜單上的選擇讓人眼前一亮，許多美食都讓我想試。是晚所選菜式無一令人失望，絕對係節日家人團飯的穩膽之選。秋霧鹵醉蝦 $128冷盤醉蝦使用大頭蝦，以花雕酒醃製，再加入花椒，入口香醇，帶有一絲麻辣感。蝦肉爽口彈牙，特別的是蝦身還有蝦籽，令人驚喜。出場時還有乾冰吐霧效果，視覺上也非常吸引。豔影帶子 $168薄薄的炸粉漿包裹著大粒帶子，口感軟嫩，加上檸檬醬汁，酸甜開胃，讓人回味無窮。公子牛肋排 $398原條牛肋骨份量十足，預先切片非常貼心。肉質軟嫩多汁，牛味濃郁，脂肪分布均勻，入口即化，淋上的紅燒醬汁濃稠帶甜，讓美味度瞬間爆燈，絕對係必食首選！X.O.醬紅蔥滷肉木桶拌飯 $168拌飯用上XO醬，味道非常鮮美，滷肉肥而不膩，咸鮮細膩，入味軟爛且濃郁。再加上鮮美的蝦米、香甜的紅蔥和辣椒，提升了整體的惹味度，配白飯非常合適，每一口都是滋味的滿足。
繼續閱讀
過完母親節，好快又到端午節，中菜通常都是家人飯聚之選，今次就來到位於觀塘的張公子，餐廳面積廣闊，環境開揚寬敞，詩情畫意及書卷氣息兼具的裝潢，散發優雅的東方韻味，餐牌主打融合傳統與創意的粵式美饌，種類繁多，老少皆宜，端午節推出三款頂級端午節靚粽，包括「雙鮑魚西班牙豚肉瑤柱蛋黃粽」、「西班牙豚肉蛋黃粽」及「八寶素粽」，全為自家出品，矜貴足料，絕無防腐劑。艷影蝦球（六件）$168作為餐廳招牌名菜，每個蝦球size都有如拳頭般巨型，炸至外層粉漿金黃酥脆不過厚，包裹著大隻肉厚又鮮味爽彈的原隻蝦肉，酸中帶甜的香芒醬汁，令人胃口大開。公子牛肋排 $398同樣是餐廳招牌菜，牛肋排以醬燒方法長時間烹煮，徹底吸收醬汁精華，鬆軟入味，大件厚肉的牛肋排具有適度的脂肪，肥瘦適中，肉質有如牛腩般軟腍多汁，輕易便離骨。避風塘茄子 $168撒滿爆香了的蒜末、豆豉、紅椒粒和椒鹽粉，呈現港式避風塘正宗口味，鹹香微辣，厚切茄子經過油炸後，口感外酥內軟帶有本身的清甜味。XO醬紅蔥滷肉木桶拌飯 $168以木桶盛載的拌飯份量驚人，深不見底，足夠3-4人享用，滷肉質地軟嫩，飯粒在木桶中與醬汁和配料充分拌勻，粒粒分明且飽吸微辣惹味的醬香。鮮腐竹蕃茄浸菜苗 $138吃完如此豐盛的佳餚後，是時候來一個清淡一點的時蔬，夾雜蔬菜的清新、腐竹的豆香和蕃茄的微酸，清爽開胃無負擔。
繼續閱讀
您可能會有興趣的...