張三

營業中

休息中

呢個係我第一次寫食評，多多指教!成日周圍食，都好少會紀錄低，但今次真係唔寫唔得平時去西營盤食野都唔平得去邊，但今次發現左間新開既餐廳坐得舒服又唔嘈，野食又好食又抵唔講咁多，比d相大家睇下先意粉既軟硬度好適中，而家醬汁唔濃唔稀岩岩好有時好怕遇到d汁好稀又或者一撻撻既意粉，而呢間就真係控制得好好好好！意大利飯，我好怕d飯太軟又或者一pat野，但呢間飯粒有咬口，而家粒粒飯都有汁但又唔會太淋，簡直一流！同埋每次試新餐廳我都會試佢地既檸檬茶，呢間既檸檬茶茶底好易入口，我飲完一杯再叫多左杯 傾開先發現係一家人開，個waitress好有禮貌同好nice，個樣有d似哈姆太郎 (離題)裝修都OK，水泥+鏡既style，個menu都幾靚總括幾抵啦，離地鐵5分鐘左右，出面有電單車泊位，正！

朋友生日，平日只去九龍食飯，今晚佢提議去佢屋企附近間新餐廳食。起初以為佢懶到咁，唔出九龍都算，仲要係屋企附近食生日飯，上openrice睇又未有人review，不過壽星女話點就點啦入到鋪頭，人流唔多，但氣氛唔錯，大家講野靜靜地又有音樂的確幾岩一班朋友傾計食飯，食落仲估唔到咁有驚喜，決定要上黎介紹返！我地四個人點左：意式雜菜湯南瓜忌廉湯 香蒜欖油虎蝦意粉法國燒春雞all day breakfast朱古力心太軟黎左兩個湯先，其中一個fd搶飲頭啖南瓜忌廉湯後，誇張到大大聲話好好味飲落就明佢點解咁誇，唔係杰撻撻似糊仔嘅忌廉湯，幼滑之餘，南瓜味仲要岩岩好，飲完個湯當堂有返d期待。之後上嘅係壽星女強烈推介嘅香蒜欖油虎蝦意粉，我地三個一試，即刻餓鬼爭食，相都無影就好快清碟。佢唔係出面食開軟淋淋油立立嘅意粉，係爽口乾身嘅香蒜意粉，而虎蝦亦唔係普通貨色，一個簡單嘅意粉就睇得出煮嘅人好有誠意之後叫左個all day breakfast，四個人share邊傾計邊食，其實係為左等壓軸嘅法國燒春雞。初頭坐openkitchen附近，見大廚係焗爐拎隻雞出黎，以為即刻食得，估唔到佢仲拎隻雞去炸一炸外皮先上碟。一放低