廿一堂

營業中

休息中

一家三口午餐媽：廿一燒豚丼肥肥地燒得幾香，我覺得OK，價錢十分抵食。爸：廿一炭燒鳥丼，略爲幼小，感覺似雞絲，但味道還可！仔（6歲）：鰹魚湯牛肉65℃溫泉玉子讚岐烏冬很好吃😋 停唔到口！烏冬很彈牙！ 七喜很好飲

餐牌大翻新後第一次黎,以前的餐牌非常好,有親子丼同烏冬,但而家嘅餐牌好似早餐咁,份量少而且比較貴。我諗不會有下一次了｡其實加價咪得囉，點解要換餐牌呢？失望！客都少左。其次，點解要落窗簾呢？有靚海景都冇用啦，以前都吾會咁！冇下次！

早餐I 厚切餐肉+炒疍+肉醬茄湯即食麵 $33食物對得住個價錢，但地方寬敞環境寧靜播住少少 lounge music 仲要坐到海景位，超值!餐/疍當然係 pre-cooked，但塊餐肉都幾厚，個麵同杯咖啡普普通通，整體都偏向淡口但味道OK。呢間嘢係賣扮日式丼今朝經過先知佢有賣港式早餐，有啲驚喜.

【廿一堂】日式快餐店。價錢親民，有質數。你以為食壽司丼豚肉丼先係正路，咁你就錯喇！😝😝.筆者最Like 既係...👇🏻👇🏻❇️厚切牛舌丼💰HK 645大塊厚切，好慷慨❗️套餐一飯一湯一甜品。甜品係日式福餅。燒牛舌，本身已好入味，厚切5大塊，再加薑絲，Nice‼️牛舌控，真係可試試🙌🏻.❇️下午茶茶餐💰𝗛𝗞 38厚切餐肉 + 法蘭克福腸，大大份。如果餐肉再煎焦多d ，應該更好。🤤..🏠 廿一堂 Nijuuichi Don📍 荃灣大河道100號海之戀商場地下G02 號鋪

如果不是因為趕車，我不會在鐵路站附近食。真係難食到...是快餐店的設計，但有時要久等才有餐。餐牌是「蕃茄濃湯螺絲粉」，其實是稀釋蕃茄湯。螺絲粉沒有味道，我平時已經食少鹽，仍然覺得螺絲粉好像用清水灼，粉糰一樣。以前食過一次「香煎午餐肉麵」，午餐肉係沒有煎過，好像從罐頭切片出來。最後一次光顧，只係玉子較正常。

間舖喺正地鐵站口，一出就會見到。門面黃色好顯眼，本來以為坐低先order嘢食,點知原來佢哋模式係快餐，喺出邊叫完嘢食先入去搵位坐。一睇個Menu全部嘢食嘅價錢好相宜，試左佢既人氣餐：廿一燒豚丼 $58連野飲豚肉厚實之餘唔會硬，韓燒五花肉既味道，加埋汁，送飯一流！紅色個啲應該係醃蘿蔔，佢酸酸甜甜，連埋肉同飯一齊食，口感豐富。我見佢有薯餅就自己加錢買咗個，佢又炸得好脆，入口即溶🤣🤣如果你好彩仲可以坐窗口位，因為有海景睇！快餐價錢，食物有質素，仲有海景贈送，午飯同下午茶過黎對住個景食都抵🤣

平日放工Hae 食dinner ，去左呢間唔使等位。叫左個牛舌丼同豚肉丼，居然都包野飲（汽水），有個麵豉湯仲有粒糯米糍。六十幾七十零蚊個餐算幾抵有少少似丼丼屋feel 不過丼丼屋d肉薄d有煎香，呢間唔一樣，同埋係平版。環境：唔迫乾淨，d餐具都新淨。有姐姐執枱抹枱食物：牛舌都幾大舊幾厚，overall 都幾焾，d肉既調味連日本飯+汁+洋蔥都幾好味。豚肉就少少肥不過可接愛。粒糯米糍裏面cream 黎，面頭居然係綠色既椰絲….個人唔鐘意椰絲不過都可接受，不過無椰絲會好d, 同個綠茶外觀唔match。服務：唯一唔好係cashier 個𡃁仔係咁掛住㩒電話….人地落緊單佢都㩒兩下先應。雖然唔知佢係炒散part time 定點，但收得人工都唔係咁呀？無人時你㩒都算，落緊order 都一路㩒，問佢野又唔應人skip 左人地個問題

原來廿一堂咁早開 仲要都有幾多款早餐揀🤗迷你關東煮配鰹魚湯烏冬- 份量超級足嘅早餐 烏冬比得超多 可能放得比較耐 拎到返埋枱嘅時候 已經泡發左啲 關東煮有大根 竹輪 芋絲 冬菇 味道不過不失🙆🏻‍♀️芝麻手羽 厚多士 牛乳炒蛋配日式蕃茄螺絲粉- 另一個份量超級足既早餐 番茄湯偏䶢 早餐嚟講 大重口味 芝麻雞翼炸得好脆 多士睇落烘得唔夠 但食落都脆身 而炒蛋就未夠滑👐🏻跟餐即磨咖啡同奶茶都有茶餐廳水準 算係意外驚喜 好香好滑☕️海之戀呢個商場連呢啲平民餐廳都會有海景睇 可惜今日海景位比人霸晒 不過我地離遠望到都好正😍

返工晚飯就係搵嘢食時間，今日係海之戀搵食，第一次試廿一堂，睇餐牌諗緊食飯定食烏冬好，得No.15 鰹魚湯讚歧烏冬餐配關東煮其他無，咁就外賣試下。烏冬跟餐有關東煮、麵豉湯、玄米茶、大福關東煮有2件冬菇、獅子狗卷、年糕福袋、蒟蒻、豆卜、白蘿蔔。鰹魚湯非常入味，味道又唔會太鹹，加入烏冬食真係好夾抹茶大福煙煙韌韌，內層抹茶忌廉仲凍凍地好似食緊雪糕幾好味$73價錢晚餐唔算街坊價，但性價比相約，套餐有湯、有飲品仲有甜品食到飽肚味道又好都抵食

呢間鋪算係海之戀商場入面既窮人恩物自助形式落單取餐既日式快餐店。除左有飯, 烏冬揀之外, 佢仲有壽喜燒鍋。鋪入面座位唔算多, 但人好多, 所以搵位都要一段時間 (搵位既時侯都見好多人係食壽喜燒鍋)等左十幾分鐘終於有位, 就即刻出去落單。因為唔太餓既關係, 所以就咁揀左飯食。佢一個SET 有野飲有小食其實都真係幾抵, 仲要餐廳出面就係海濱, 食果時有海景睇, 食完又可以出去行下吹海風。飯多汁, 牛肉夠味道但又唔會咸, 牛舌冧身好食。食大福既時候嚇一嚇, 唔知點解粒大福既皮上面有椰絲(個人唔鍾意椰絲) , 但個餡係好味既!一定會再幫襯

位於海之戀地鋪望海邊方向，位置上已經贏哂。第一次食，早餐最推介既係牛乳炒蛋，見每個早餐都係三十幾蚊，又幾抵食喎，每個早餐都有半件厚多士（牛油獨立包裝）、牛乳炒蛋再配沙嗲牛肉麵或腸仔餐肉公仔麵或鰹魚湯烏冬又得，都幾多組合花款。本身對牛乳不太喜歡，所以只食左一啖，真的好重牛乳味，食唔到落去，鐘意食既人，一定非常喜歡，佢又唔係炒到熟哂，7成熟又有蛋汗，所以質素唔錯。腸仔餐肉公仔麵，同自己係屋企整差不多，反而個厚多士有烘底，塗上牛油好正。鰹魚湯烏冬係早餐食又清甜唔油膩，都係幾好既選擇，但係個炸薯餅就唔好食，裏面係好似薯蓉咁，味道怪怪的。沙嗲牛肉麵就油膩左少少，牛肉無根湯底都有沙嗲味，不過唔可以用港式沙嗲牛肉去評價日式餐廳既，其實佢地應該整咖哩湯麵，咁就有番啲日本風味。呢度有一部自助售賣機，都好容易使用，用餐完畢，可以自己送回餐盤，可以有一張receipt下次當$2用。總結，早餐只係一般到唔一般既港式早餐，牛乳炒蛋就牛乳味非常濃郁，價錢相宜，但絕對不是日本餐廳既質素同食物。

✨性價比之選✨.海之戀開咗好多唔同嘅食肆，最近嘅一個星期日，我哋就去試下食「廿一燒豚丼」，呢間男朋友之前一個人去食過幾次，食得幾次相信有佢嘅吸引之處，所以我又想試吓😋.當日六點左右去到，目測5成入座率，所以我哋都坐到卡位，座位闊落舒適，整體比人感覺好乾淨💕啱晒講求衛生嘅朋友呀！而餐廳點餐形容同其他丼飯一樣，都係以自助形式點餐.🔻雞肉壽喜湯 - 配白飯、玄米茶 $82（7.5/10）我哋捧完個餐返到座位後，隨即店員就幫我哋加個爐點火有好多唔同種類嘅菜、菇等，仲有腐皮芝士年糕，獅子狗等，配埋壽喜燒湯底幾唔錯😋至於雞肉份量都算多，而且肉質明顯比其他丼飯店嘅邊爐雞嫰滑😻另外想講飯嘅份量都好多.🔻廿一燒豚丼 $68（7/10）正正常常冇咩特別嘅一個豚丼～男朋友成日食呢個，想食豚唔想食牛嘅可以選擇呢碗😋仲配埋個抹茶大福、味增湯，以及一杯百行可樂添～感覺好滿足 .ᐟ .ᐟ如果鍾意我嘅𝐏𝐨𝐬𝐭 (˶ˊᵕˋ˵)希望你可以𝐅𝐨𝐥𝐥𝐨𝐰我以下嘅𝐒𝐨𝐜𝐢𝐚𝐥 𝐌𝐞𝐝𝐢𝐚.🔸𝐈𝐠: 𝐅𝐢𝐛𝐞𝐞𝟑𝐛 @fibee3b.有個位可以自助斟水，個紙杯好迷你可愛下😹忍唔住影低留念P.S. 個玄米茶茶味唔濃.餐牌：.環境：

😋成日都會經過呢間餐廳❤任何時都都見到好多人係咪門口買嘢食🉐️今日終於有機會去試喇。🥳荃灣西有好多餐廳都係喺海邊❤有海景嘅餐廳價錢通常都會高啲😋呢一間餐廳喺荃灣西海之戀商場💜而呢瘦又🈶️海景價錢唔貴👍性價比都算高呢，呢個價錢再加埋呢個食物質素，算係好合理呀❤今次試咗佢個午餐同埋下午茶😋😋🥣午餐：廿一厚切牛舌丼$64⭕️牛舌夠林👍夠juicy😋真的好味道⭕️包嘢飲🧃(我加咗$4飲熱柚子蜜)⭕️送嗰個大福餅真係冇得頂😋質地好軟熟👍好新鮮👍綠茶味好濃，好食到要加錢你都會要食㗎🥣下午茶：午餐肉牛乳炒蛋配蕃茄濃湯螺絲粉 $30⭕️茶餐廳貨色，味道一般 $30⭕️包嘢飲 (奶茶❌，日本餐廳所以冇乜期望，亦都係意料中事)整體環境、食物都可以嘅，都值得一試😋✅佢有一個自動回退慳$2，慳番兩蚊可以下次用㗎👍記得「咁」返張優惠券下次用呀😍環境：⭐️⭐️⭐️⭐️⭐️食物：🌟⭐️⭐️⭐️⭐️💰：$98 / 2 ppl📍：荃灣大河道108號海之戀商場G02號舖

食完一次又一次，廿一堂下午茶嘅「蟹棒65⁰C溫泉玉子贊歧烏冬配番茄湯」真係冇得輸，無論性價比定係食物質素都好優秀，而且配搭甚多，當你唔夠飽可以點多個飯撈番茄湯，好味到震。我今次就加炸手羽，簡單配可樂又得，加錢配巨峰梳打或抹茶特飲亦得，加埋都唔駛50蚊，雖然未可以叫窮人恩物，但一個人想搵個地方食少少嘢坐一陣，又唔想只係去coffee shop飲咖啡咁dry，同樣價錢下廿一堂的確係唔錯嘅選擇。題外話，佢加＄10可以加購配菜嘅醃「大根」真係好好味，如果我叫丼飯嘅話係必加之選。

咁啱經過海之戀見到呢間新開嘅日本店，門口meal有壽喜燒湯底嘅火鍋買單用自助形式比錢，先買飛後拎嘢食價錢平，性價比幾高，雞肉大嚿又滑，牛肉點完蛋汁再烚，而飯可以加$8轉烏冬會再幫襯👍🏻