廿一堂

營業中

休息中

平日間野好多人，今日見有位，就試下新野。叫左個燒金菇牛肉卷咖喱烏冬，唔夠3分鐘就有得食，相反朋友叫左個番茄海鮮湯烏冬，等左10分鐘都未叫，d number 又過曬，出去問員工，答案係：其實一早出左但係唔知點解tun左落去(即係唔知噏乜)個金菇牛肉卷，一咬開就有一陣臭味，於是夾開d牛肉，發覺原來個金菇頭(即係種菇平時有d泥嘅部分) 係無處理過嘅 之後食舊秋葵，又係無切個頭嘅朋友個番茄海鮮湯烏冬就不過不失。跟餐送大福，舊大福跟一般人對大福的認知不一樣，有d似雪米糍但雪糕換左做忌廉…好唔好食…你話呢?

2個人5:56pm 入去，仲趕得切食下午茶$39牛肉烏冬＋熱檸水，好食。烏冬口感超好!!! 之後叫左二個dinner. 一個係魚生飯，一個係牛肉飯～魚生飯一般，魚好簿，不過海膽好食牛肉飯，好好食，juicy~Overall, 3樣野，3杯野飯，1個miso soup，1粒大福，Total $208。幾抵，好滿足～

係一月份，中環新開左間日式燒丼專門店，本身以為又係貴嘢，點知一睇餐牌以為自己睇錯價錢😂😂 不但唔係好貴，仲唔洗加一，仲包埋嘢飲同甜品🤤 開係中環地段，我真係冇眼花嗎？店入面仲包左間甜品同麵包店，款式都幾吸引。-廿一燒牛丼($55) 冇叫嘢飲，叫左麵鼓湯😌 牛丼飯嘅份量都幾多，同吉野家差不多！牛肉燒過之後油脂味超香，而且唔好以為平啲牛就一定唔好，依到個啲牛肉味比想像中濃，份量都唔算少，計計埋埋都有10幾塊😛 燒汁甜甜哋，略嫌未夠多，唔夠送飯😗 甜品係大福❤️ 表面有啲黃豆粉，入面係忌廉，味道一般啦。大福口感係偏黏身，成舊係夾唔起😂 都係鐘意有返啲煙韌嘅感覺！-用餐嘅位置都幾大，放飯時間都仲有啲位剩！順帶一提，餐廳嘅職員幾有禮貌，🍔食完走嘅時候，職員微笑講左句”食完喇？”😺 🍔表示抵贊！

新年期間，想採個好意頭，有「魚」又有「米」，結果今天到訪了中環的曰式丼飯店-廿一堂。餐廳有唔少座位，而且兩旁還有另外兩店售賣日式旦糕和麵包。餐點的選擇以曰式丼飯為主，有魚生飯、咖喱飯、壽司、牛/豚丼或烏冬等，價錢由$55-$128，定價吸引。這餐廳是自助曰式快餐的營運模式。客人先在櫃檯點餐付款，再取傳呼機回座位等候。山形拖羅三食$128這丼飯的配料份量十足！完完全全蓋滿飯面，而且堆疊起來猶如小山，大滿足。配料色彩繽紛富光澤，包括有魷魚、蟹肉、拖羅茸、三文魚、三文魚籽等等。每一款刺身都頗為鮮美。魷魚又爽又黏口；蟹肉一絲絲的、啖啖肉，味道鮮甜；拖羅茸口感滑溜，魚味十足；三文魚肉質肥美，魚脂甘香；三文魚籽大大粒，充滿魚油，味道咸香。吃到尾聲，再嚐第二款吃法，加添魚湯拌飯。雖然魚湯味道唔算濃郁，但拌湯吃比較無咁單調。咖啡是港式即磨咖啡，味道濃香，口感奶滑。豐富的山形拖羅三食味道不錯，份量十足，性價比唔錯

中環返工當然要泥try下新開嘅廿一堂，一點放即刻跑出泥，去到都等左一陣先有位，即刻同同事去落單，落完單等左半粒鐘，趕到嘔~~魚生飯就好快，5min就有。。。叫烏冬餐嘅就真係等。。寂寞到夜深。。終於有野食，個唐揚雞咖哩烏冬都唔錯，唐揚雞好足份量，新鮮炸起的，咖哩烏冬湯底正常，隨餐送大福都ok, $62 其實都算抵，只係真係唔好喺趕時間嘅時候去食

早幾天經過，新開時店員推薦一及四號午餐，今天終於一試，叫了當紅推薦和牛丼，門口排隊比較多人，不過所指和牛丼的牛過火，飯又生，完全未熟，有一份餐無左隻蛋，至於叫餐號取餐，次序不依次序叫，亂叫一通，有一個餐，d飯食了不到一半，d飯太生未熟，完全吾食得，我圯一行多人，全部都係生飯，基本上不是日本米關係，完全未熟，人手多，但好亂，叫號亂，檯又無人淸理，大福個皮好濕，食品樣子與店內相片相差一段距離，不會再試，

中環午市新選擇!呢間係一間有日本料理既快餐店，除了一般快餐丼或定食，佢仲有壽司、魚生食...門面貼有午市餐牌，價錢在HKD$55-HKD$100左右，中環黎講算抵食。店舖都算大，午市時間坐滿人要自己搵位等位，不過買野食就唔駛排，拎野食就要等耐d~叫number自己出去拎我點了廿一炭燒鳥丼，配玄米茶 HKD$57，不需要加一服務費個飯幾好，有好多雞，有野飲又有個大福甜品～

中環lunch揾食週圍都好多人，見到這間剛開張，當然立刻去試試。這個以快餐型式經營，先付錢買票後取食物，全是日式套餐，套餐有各款配魚生、有配飯或烏冬的熟食，套餐包指定飲品，有些還有跟小甜點，價錢可參考以下照片。我們點了炸蝦炸蠔咖哩飯和燒豚肉飯，炸蝦和蠔層粉很厚，不好吃，咖哩就不錯，豚肉比較實，難啜著，醬汁不夠，兩款都很一般，不會再試。我想下次有機會再去的話，只會嘗試其他的烏冬或魚生套餐。🤨

路經中環見到新開張的廿一堂左面是麵包部，右邊是日式餐飲部中間放了一隻公仔場內有自助點餐機，但暫時仲未用得要係返傳統counter落單外賣亦暫時未能提供落單後搵個位置坐低等叫號就出去拎野食可能岩岩新開加上下午茶時段所以人流唔算多店家好貼心咁係單邊位既牆身都裝左 USB 可以俾人充電今次我叫了角切寶石丼係中環黎講$79 連飲品既刺身丼真係無咩選擇刺身包括三文魚、八爪魚、希靈魚、吞拿魚、蟹子和青瓜配上芥辣和豉油味道都唔錯店家提供的飲筒可以伸到好長對於懶人一族確實好方便

朋友提議話嚟呢間新開嘅日本餐廳食lunch餐廳設計係喺門口點餐 裡面攞可以坐低食近門口位置有得買啲麵包蛋糕  睇個樣都幾靚另一邊就係點餐嘅地方放lunch時間 多人到迫哂出門口 眼見有啲人仲以為只有外賣無堂食添..食物選擇都算多 有壽司/丼飯/烏冬等等價錢中等唔算貴 壽司同魚生飯都唔使點等反而個咖哩烏冬就等咗10-15分鐘..賣相都同menu差好遠魚生飯份量比較細魚生尚算新鮮 味道同元x差唔多啦呢個價錢都可以接受咖哩烏冬個湯味道普通略嫌太稀而且薯仔仲係爽口 明顯未煮夠仲要等咗成15分鐘.整體食物質素普通但勝在地方大 坐得舒服

When one thinks of fast food Japanese, one thinks of Yoshinoya. But there is a new one in town. 廿一堂 (English name: Nijuuichi Don) is a lot like many fast food places like Cafe de Coral, Fairwood, etc. You order and pay at the cashier. Sit and wait for your number to be called to pick up and eat away. The only difference is this place serves Japanese donburi and even sushi. All this brought to you by ... Tsui Wah.Menu is in English and Chinese. There is no 10% service charge and everything is in

新開張不久，望入去除左麵包部比較光猛外，內裡皆較暗，唔知真以為佢唔做生意。自助點餐機還未開放，只可到收銀處購買...行入去內部，內裡地方寬敞，裝修不錯，牆身有USB位可供手機充電，環境整潔。買飛後就入去搵位坐，等叫號碼，之後出去取餐，與一般快餐店無異。今次點了一個下午茶餐，魚柳炒蛋多士配蕃茄螺絲粉+玄米茶，還有一個角切寶石丼和海之味。下午茶餐38蚊這價錢性價比還可以，魚柳一般水準，炒蛋好香，蕃茄螺絲粉湯底既蕃茄味不太夠。角切寶石丼的魚生略嫌不夠新鮮，山葵夠香，但死症在於個白飯死實，這真的讓人好失望！走時在門口買左個海之味麵包，溫度欠奉，唔知放左係度幾耐，吞拿魚夠多，墨魚汁包尚算鬆軟，都可以接受。但總體而言，食物質素仍有待改善！