廿一堂

營業中

休息中

呢間新開個時勁多人食，見而家少左人再去食多次。餐廳面積比較大，光線柔和，坐落幾舒服。食物方面，送餐速度快，曰式丼飯比較簡單，又唔差。午市套餐有珍珠飯，有即叫即燒既肉，仲送汽水同大福，份量唔細，都幾滿意啦。如果鍾意有味，需要自己拎醬汁倒落肉度。要彈既係今日食既燒肉韌有一半以上都好韌，直頸咬都咬唔到開，吉野家既肉質素會隱陣同juicy好多。整體唔伏既，但唔好期待係專門店咁，只可以講係日式快餐飯堂，會想試埋魚生飯。

大概六點半鐘，大概是剛下班的時段，餐廳都未開始充滿人。感覺在這地區想吃日本菜，特別是有刺身或壽司的店鋪都很貴，所以這家有$100以下真的很吸引，不然也不會立馬來這家試試。雖然看到熟食、燒物丼還有烏冬，價錢也比較便宜，我還是堅持要吃魚生飯，猶其是在這種炎熱的天氣。店門口可能會有點易搞混亂，因為旁邊是屬於另一家店的。快餐形式，需要在右邊的售票櫃檯點餐付款後，再自己找位子坐下等領餐號碼，最後吃完再把剩下的餐盤放回收處，可以拿到優惠卷，雖然我還是沒有領。角切寶石丼♥♥♥♥ 看起來魚生種類最多的款、日本產的米飯配麵豉湯(還可以選玄米菜茶/汽水)。包括三文魚、章紅魚(?)、金槍魚、八爪魚、飛魚籽、玉子蛋和青瓜。三文魚比例最多，配合微酸的醋飯吃起來不會太油膩，不過不失; 章紅魚很爽口，但沒其他特別味道; (不太肯定這魚的名稱)金槍魚是帶有脂的桃紅色，但沒什麼油脂感;八爪魚最意想不到竟然一點也不韌，還帶點清甜。麵豉湯一貫是沖劑的味道，但是日本菜果然是應該配這個飲才對吧。另外，當然也不可以太期待刀工太厲害，從圖也能看得出不是粒粒直角。不太執著這些細節，只在乎價錢和味道的性價比，這家店是非常好的選擇。

午餐時段係皇后大道中行下行下就俾一個好大既黃色招牌吸引到，一試無妨😃招牌指餐廳係2字樓，上到去都見唔到廿一堂既入口，反而係另一間日式fusion 餐廳（當時唔知兩間餐廳係同一個入口），咁就落地下搵個正門啦。可能係1點幾既關係，大部分人都應該食完飯啦，所以哩到都冇咩人排隊，點餐、搵位、攞餐都好順利😆。哩到係以快餐店形式經營，自己點餐再等叫號碼領餐。午市套餐包左一個主食+麵豉湯/玄米茶/汽水+大福 ，價錢介乎$5x - $9x 之間。1️⃣燒肉丼牛肉好香碳燒味，但可能煮得有點過火，大部分都韌到食唔到，飯底珍珠米大讚👍🏻2️⃣唐揚炸雞丼哩個賣相勁吸引😋😋，炸雞應該真係啱啱炸起，食個陣仲係脆卟卟既。

Lunchtime 冇乜時間於是就近近哋食「廿一堂」排咗差唔多十分鐘叫咗個燒豚丼（$55）配麵豉湯，大福係幾抵個大福有黃豆粉係面中間有好多cream皮又薄，真係好好味不過，燒豚丼d豚肉韌到爆好難咬，又大塊，好似乾柴我以為牛丼d肉會嫩d點知朋友叫咗個燒牛丼同樣係好韌真係唔明點食落肚D飯係用珍珠米整，唔錯但係都無汁撈飯，完全無味geh叫人點食wor最後，唯有用枱面d魚生豉油同七味粉撈下飯總括而言，冇下次！

大家都知係中環食lunch一啲都唔平㗎啦，難得有間日式食堂價錢唔算太貴，而且位置方便，咁當然要試一試。餐廳係採用快餐店形式，先俾錢，再搵位坐等佢叫號碼攞餐。餐廳面積都算幾大。餐廳主打日式丼飯，有魚生飯、咖哩飯、牛丼、壽司或者烏冬等等。如果下午茶時段更加抵，三十幾蚊有個餐。我就點咗個山形拖羅三食，個份量都算係足料，賣相就一般啦。不過食到最尾啲湯都凍曬啦，點整湯飯呢?而我朋友就叫咗個咖哩烏冬，佢就話咖哩味濃，叫我下次可以試下。

中環諗住是但搵d野食，無意中見到依間，店舖好大，下午茶到5:30，去到都冇咩人。👉🏻下午茶set $34有三文魚手卷+迷李烏冬+奶茶3樣野食都好味，烏冬淡淡地，中環離講食日本野算超平！抵食🤩

係中環反工得個一個鐘LUNCH TIME, 等位都用左好多時間, 所以好多時侯都會去食快餐, 咁岩出去食吉野家撞到個同事話呢間野都有牛肉飯, 於是就同左佢去試一試. 如果唔係佢帶我去,都唔知道原來呢間係快餐店咁既日本餐廳. 因為佢個門口好細. 一去到門口就排隊叫野食同比錢, 之後再入去搵位坐, 我地12點左右黎到, 所以都仲有少少位. 但入面其實都好大同已經坐左好多人. 不過我地2個人都算好易就搵到位坐. 之後等叫NUMBER. 叫左個鐵角切和牛配燒魂丼, 個餐包埋一個大福同一杯野飲. 坐底等左5分鐘左右已經可以出去拎餐. 一黎到食左D牛粒, 真係好有肉汁, 食落去都算嫩滑! 個飯仲要有隻蛋同紫菜撈埋黎食, 好好既配搭!真係估唔到$78蚊有呢個質素. 食完1點都未夠...可以周圍行一陣先反反公司!

在中環上班最重要就是找一些便宜又好吃的餐廳。這次來到廿一堂，試一下算便宜的日式快餐。🍽 鐵火丼份量一點都不馬虎，鋪滿了吞拿魚赤身🥰魚生都算新鮮，這個價位可以接受。最重要的是吞拿魚蓉，份量也算多👍🏻🍽 燒鳥丼既然是燒丼名店，當然要試試招牌的燒鳥丼！鋪上滿滿的照燒雞腿肉，非常適合我這個食雞獸啦🥰另一重點當然不能錯過底下被照燒汁淋滿的珍珠米🤤

中環附近食野一向都好貴，就諗住周圍行下搵下，搵一間平平地餐廳，就搵到呢間日式快餐店。好似其他快餐店咁，在外面睇完餐牌點餐，拎飛入去bar枱取餐。同友人點左溫泉蛋番茄牛肉烏東、咖啡炸雞塊烏東。附送玄米茶、芝士大福。十級驚喜番茄湯濃郁，牛肉份量剛剛好4-5大片，烏東扁身，好好食 而咖哩烏東的咖哩都超好食，咖哩香濃，雞塊新鮮嫩滑，有4大塊左右，炸粉唔多，食一口好多肉汁，加埋玄米茶，配合得岩岩好。估唔到行下行下都有驚驚，埋單每人都係60幾蚊，係中環黎講，算係平民啦。

廿一堂呢間餐廳其實係翠華下面既日式快餐。不過一入到去餐廳, 你係一d "翠華味"都聞唔到。我用自助點餐機揀野食, 基本上如果你諗到想食咩兩分鐘內搞店。(當中有Visa Paywave, 同八達通呢類電子支付平台俾錢)。之後就等叫飛就ok啦 !重點: 今次叫左豚角煮丼 ($68)午餐, 有野飲再加大福做甜品。中環來講呢個價錢真係算係咁。個飯有溫泉蛋同埋秋葵都幾特別。我都幾鐘意。一來隻蛋唔煮得過熟而同時又唔係好水個種感覺。二來秋葵對腸胃好。送飯唔錯。豚角唔太油或肥而且個燒汁整得幾好。食落去亦有灸燒既感覺, 有焦香。所以, 如果平時係中環食開吉X家 (你懂的, 費事幫人賣廣告啦) 食到厭, 可以揀呢間來食。

最近工作忙錄，繁忙過後已發現錯過了午飯時間，已經來到下午茶時間。今次就嚟到呢間”大家樂”裝潢嘅日式快餐店，下午茶嘅選擇都幾多，以中環地段來講，價錢十分經濟。我order 左魚手指、4.3牛乳炒滑蛋、迷你縲絲粉。魚手指炸得啱啱好，外面脆得嚟又唔會太乾，炒蛋都幾滑，縲絲粉正正常常，整體都算係有誠意嘅下午茶，不過如果配菜唔係放係木塊上會好d，雖然放係木塊上會令成個下午茶餐嘅外觀望落好d，不過就感覺無咁衛生，因為木塊好似比較難洗🙈🙈

係中環番工,雖然附近餐廳多,新餐廳又keep住開,但抵食又好味會encore既真係唔多尋日無意中發現依間,初頭企係門口好confused又多人記住右邊先係啊,唔好入錯依間係係門口叫野食,自己搵位,再跟no.去囉野食同自己收盤我下午12點幾去到巳經超多人,好彩我一個人,好易搵位食左個燒豚丼$55包麵豉湯/玄米茶/汽水,仲有一粒大福甜品真係好抵食,味道都唔錯,豬又唔會好硬然後今日同同事講尋日去左食,佢話想今日去,我覺得連食兩日都無問題啊因為佢都幾多choice之餘好多我都岩食今日堂食等左10分鐘,食左個咖哩唐揚烏冬$62, 咖哩好夠味而且唔辣以後lunch唔駛左諗右諗啦

中午黎到中環開會，就係附近快食再返公司做野。路經呢間日式快餐店，睇落都唔錯，有燒䐁肉、燒牛肉同魚生飯。呢度落單基本都係自助形式，落完單都好快可以拎得。 呢度既燒肉係唔錯。呢度鼓勵顧客執碗，自己執盤可有2蚊coupon

諗住食間平平地既餐廳做lunch, 呢間日式快餐店係唔錯既選擇，lunch時間都有唔少人，係要自助搵位同拎餐，有2部自餐購買機都好方便。 我揀左燒牛肉丼，等左好快就有得拎個餐包飲品同大福牛肉燒得幾香口 整體上唔錯

中環食想搵個位坐係度食lunch又唔過100蚊真係唔容易呀🙈 第2次食廿一堂喇 因為佢真係性價比算高！平日放lunch 12:45左右到，都幾多人，不過好在好快就搵到位了。上次食左魚生飯，今次食左燒豚飯 $55包埋野飲同埋甜品草餅！仲要！豚肉係真心有燒過！好impress呀!! overall 係幾好，唯一就係，如果個飯多點汁就更好喇重仲要講！你食完之後去還餐盤的時候，記得拎張$2coupon下次用！哈哈！