廸斯麵包餅店

營業中

休息中

有日黎開天盛商場，麵包控見到麵包舖就當然情不自禁走入去睇睇。麵包鋪算大，而且有好多款麵包選擇。我自己本身好鍾意食山x嘅麻糬波波，不過佢地賣得好貴同越嚟越縮水。 呢度都有麻薯波波賣，價錢平得黎大個d。 我要左三個口味，分別係芝士、菠蘿脆皮同芝麻，都只係$10 三個。另外要左個蛋白清蛋糕 $8見佢新鮮出爐，好鬆軟咁。 食落唔會好甜，而且唔會係「空氣包」，鬆軟得黎都夠飽。佢仲有多款麵包、西餅同中式酥餅。細個麵包，就有芝士火腿多士，紅豆菠蘿包，忌廉菠蘿包等等。西餅$7 件， 有三角朱古力蛋糕泡芙，果塔，個裝蛋糕。中式就有皮蛋酥，光酥餅，老婆餅，叉燒酥，同鮑魚酥。另外仲有蛋糕仔， 三文治同戚風蛋糕。