廣東燒味餐廳

營業中

休息中

放工7點幾, 諗住買燒味加餸, 想買燒肉同海哲, 埋去佢個金毛收銀阿姐度落單.我: 唔該半斤燒肉, 半斤海哲.收銀: 半斤燒腩仔!! (向廚房大叫)我: 我係要燒肉喎, 唔係燒腩仔.收銀: 無燒肉我諗左陣我: 好啦, 半斤腩仔, 半斤海哲收銀: 考慮清楚?我: 係, 幾多錢? 係唔係要開張單俾我拎俾廚房? (太興係咁運作)我問左第二次, 個金毛收銀阿姐先有回應. 我已從銀包拎出一疊錢預備數俾佢.收銀: 你都未俾錢, 點俾單你呀?我: 咁幾多錢? (你唔講幾錢我點知俾幾多你? 當然我可以自己計, 但你去餐廳食完飯埋單會自己計嗎? 況且, 買燒味, 有時師傅斬多左, 收多幾蚊都好平常, 呢個客人係計唔到既)收銀: $48, 燒腩仔半斤咪$48蚊!! (極唔耐煩,唔友善)我: 仲有半斤海哲呢?收銀: 無海哲.我: 算喇, 我乜都唔買喇.呢個收銀, 明明自己發緊夢, 仲要咁既服務態度, 叫我點幫襯? 而且果個時間雖然係晚市, 但店內並不繁忙, 只坐滿約4成枱.最後我一肚氣咁走左

最記得曾經在不同的廣東燒味分店都見過貼著一幅前美國總統克林頓的照片, 並中英對照寫着「我最喜歡廣東燒味」, 我諗總統先生所講的廣東燒味應該不會是這個「廣東燒味」品牌呱!!!白切雞拼肥叉燒燒味套餐 $44講真, 煮得好味嘅「廣東燒味」分店我都曾經幫襯過, 就算睇回舊評, 我也曾經在三年前在此分店吃過滋味的燒味；怎能相信三年後的今天, 此分店會用雪櫃貨來奉客!? (要知道這並非下午茶特惠餐)要求要肥叉燒, 但廚師只能配給半肥瘦, 叉燒的肉質鬆散, 腍得來有著一種失真的質地, 食得出豬肉是曾經被鬆肉粉過  叉燒的調味太鹹, 目的是要掩蓋沾上過鬆肉粉的怪味。 餐牌上講明要肶加$10, 不過廚師自己配給我一隻雞肶, 是喜訊麼?   憑雞肶外貌已經知道不會是新鮮雞, 再食一啖更加會感覺到雞肶是如何的不新鮮, 肉質繃緊、粗糙、無水份；雞肶肉外圍是室溫溫度, 但是內面近骨部份卻是冷氣般涼溫度, 這不是從雪櫃裏拿出來放涼, 是啥!?只有菜芯煮得腍甜, 食落無渣, 還有菜味...... 唉!  用$44來吃三條肥美菜芯

14-5-2013(二）是日很早便起床，於是坐港鐵來到葵芳吃早餐，隨意選在 廣東燒味餐廳 開餐吧！叫了一客五香肉丁火腿蛋烏冬。三餸麵加牛油麵包再加飲品的早餐只售 $22，烏冬須另加$2，都尚算經濟呢！一上桌，看見賣相頗對辦，份量也很大呢；吃下一口，烏冬夠爽腍，也有彈牙感；太陽蛋的流心程度滿意，加上啖啖肉的五香肉丁，沒有肥膏，很正呢！真的比預期理想很多了。。。變得懶了。。。每天也睡很多、吃很多，越來越投入及喜歡這個角色！只怕將來難抽身再有工作的動力。。。

今日，係蝦餃仔同薯片妹拍拖嘅紀念日，由於家管甚嚴，所以只可相約下午茶……由於今朝早餐太豐盛，倆人都無乜胃口食下午茶，而蝦餃仔就揀咗間十幾年前於尖沙咀頗有名氣嘅～廣東燒味茶餐廳黎個下午茶回味—番入到去，時間係下午未夠五點，入座率約六成，只有一個卡坐(1号枱)，其實入到去唔洗多諗，梗係要兩份燒味茶餐啦蝦餃仔要咗义燒拼油雞生麵跟凍O茶$24，凍飲竟然加$6total$3O薯片妹揀叉燒拼燒鹅米，都係跟凍O茶(燒鹅加$5total$35湯:如白開水囉，蝦餃仔要加大量調味料至夠沬，唔掂，淡而無味嘅雞粉水加油……叉燒:部位唔靚，瘦嘅硬如柴，諗嘅肥到漏，完全只係上咗色嘅豬肉片，蜜汁叉燒???烧鹅:皮唔脆、肉唔香……油雞:係熟嘅，並無生骨，但無油雞香味凍O茶:只有檸檬夠酸味，獨欠茶香……想當年，於尖沙咀廣東道嘅燒味，蝦餃仔認為係—絶，今日一試，失望而歸，嗚乎……

平日見這間店舖午膳時間總係人山人海, 5:00經過好清靜, 買下外賣帶回家吃 。鹽焗雞: 都幾入味, 雞肉彈牙, 但係比較生, 翻蒸味道又差左少少。燒腩仔: 皮脆, 肉瘦, 咸味適中, 肉不是太硬, 唔錯 。兩者不用點醬汁都可以 , 兩樣加埋 $86 , 價錢同其他都差唔多。

下午茶食切雞飯, $18真的很平宜, 味道方面, 雞有雞味, 剛熟, 所以十分滑, 而且雞的分量都多, 點了薑容更美味, 抵食又好味.這間店舖都旺, 晚上時段, 有很多人排隊買燒味返家食.

叉燒: 夠林雞: 彈牙, 有雞味.燒肉: 皮十分脆, 三份一肥, 三份二瘦, 十分可口.值得一贊的是例湯, 好香濃, 有住家feel, 可能是用大量燒豬骨煲, 好味.價錢$23包例湯, 平平平.

寒風颯颯, 令我有食燒味的衝動...特登去上海街一趟, 好像有點兒過份......但是我是真的按捺不住, 腦袋常常浮現出豐滿的燒肉, 惹味的豉椒。燒味套餐$37當造菜心, 特別清甜肥瘦均勻, 不太鹹, 而且每件切得工整。肉味濃, 而且切得件件有皮有肉還要去骨, 啖啖肉就貴得有理。咖喱粉未溶, 牛肉「嗱」到死, 不知所渭飯粒精靈, 軟硬適中燒味貴得有理, 但其他就......

2010年3月28日 ( 6-4 ) ( 廣東燒味 1 ) 晚飯斬料日程：( 新穎茶餐廳 - 有利海鮮漁村 - 鄉誼荼座 - 廣東燒味 - 超級自助壽司 - 凱施餅店 )從西貢乘旅遊巴回到葵芳後，行經廣東燒味餐廳，看到燒腩幾靚，主要是不太肥呢！售價每斤75元，選購了半斤，晚飯作餸，晚上吃時，皮仍覺軟脆香口，肥瘦互間，肥少瘦多，不會膩口，醃得美味好吃。