廣東燒味餐廳 (已結業)

麻甩仔平時放工，求其搵間茶餐廳食，平時去開廣東燒味，啲姐姐服務態度好差其實都預咗，本來叉燒質素叫做OK下。不過今日叫咗個咸魚蒸肉餅，茶餐廳賣相係冇嘅，不過呢個鹹魚蒸肉餅，瘦肉偏瘦，真係唔好食，去其他地方應該會有更好嘅選擇，凍華田夠凍

這裡的午餐不向扺吃。最喜歡每天午餐必有的双併燒味飯選項。今天想吃得清一點。點了肉片湯食，份量全滿，肉也多到吃不完，而一讚的是你看不到湯飯裡面有半滴油。不過味道較淡，可以做很更好呢。46元。

點咗碟燒肉切雞飯$57，熱檸茶$9，侍應話燒味無餐價，飲品另計，好啦，你地可能燒味掂，價錢無問題，跟住一試，食舊燒肉，梅既無肉質，好似攞去煲完湯既豬肉渣咁，再試舊雞，硬夾乾，食到一半我已經食唔落，張枱同用具全部油淋淋，地下濕，部電視長期停留無訊號，同職員反影，跟住又有另一枱客同我一樣食到滿肚火我以後都唔會再去，最後去燒味部同佢地師父講出問題，佢地只係愛理不理，收銀呀姐就即時收錢先，呢間舖真係做唔到回頭客

沒想到在1/3/14油麻地廣東燒味吃了比深井陳記或裕記還要貴的燒鹅，半隻賣$298，一隻差不多要$600元，當時我真儍眼了，既然來了就看看是否有驚喜，味道只能說ok，跟外面燒味檔一個檔次，再加了一個干炒牛河，味道一般，菠蘿生炒骨，排骨粉多沒肉，菜心炒牛肉的牛肉沒肉味，完全失望這個價錢下次就不會再吃了，到埋單時走到櫃台時竟然說還要收加一服務費，茶餐廳我也去過不少的，要收加一服務費就第一次，後面那位吃碟頭飯套餐那個哥仔就不用加一，我就提出質疑，他們是看人收費，看你吃了好幾百塊就多加一收費你也不察覺，這種不光彩的服務收費只會影響我們香港美食之都聲譽。

晨早流流要去油麻地, 經過廟街, 早晚真是大分別, 早上完全無人無鋪開門, 行出一條街, 到永安後門隔離, 竟然有間大大的茶餐廳, 原來係好耐無去了的廣東燒味, 算是一間舊式無翻新既店.早餐D, 沙嗲牛肉麵, 餐肉炒蛋, 牛油方包, 奶茶, $25, 呢種類型既茶餐廳, 起碼收廿七/八以上, 廿五蚊算平了, 不過水準唔多掂.奶茶, 少甜, 竟然加水, 淡到無味, 唉....午餐肉炒蛋, 微微熱過的午餐肉, 無甚好說, 炒蛋就真係不堪入目, 入口乾爭爭, 蛋白蛋黃也未撈暈. 沙嗲牛肉麵, 唯一讚一讚係, 一整條完整的菜心, 軟梗剛好, 其他則….. 牛肉醃過龍, 軟棉棉, 沙嗲味欠奉, 只有鹹味, 麵身梗, 未煮得夠, 但無論如何, 點都好過煮得太淋. 

今日行過油麻地呢頭見過廣東燒味，聽就聽過好多次，入就第一次入。下午茶時段去，入面空位好多，一行三人選了近窗位置坐，但侍應要求轉到卡位。當坐低一陣之後，就不停地逼人落單，短短數分鐘問足兩次。食物方面就叫了乾炒牛河、豬排併薯條同香腸煙肉併薯條。乾炒牛河$28，叫得下午茶就無預分量好多，結果係下午茶分量一般。而質素方面算可以，or完der之後好快就有得食，不過幾油。注重健康的人不適宜叫呢個。豬排併薯條$28豬排好大塊，完全估唔到咁大塊，不過上枱時豬排「用油沖過涼」香腸煙肉併薯條$28香腸煙肉無野好寫吧薯條就兩個夾埋嚟講，太硬。應該係大量炸完放一邊。

是日來到油麻地近佐敦，約見一位朋友，見面後一起工作，之後便到附近的食店共聚下午茶。來到廣東燒味店，便進門而進。見這裡像是新開，雖然是下午茶時間，但顧客頗多，然而還未坐滿。在下與友人分別點選了一個沾多及奶醬多，另各人一杯菜蜜。友人的油沾多在下沒有嚐試，不知道味道如何。而在下的奶醬多，從表面看來烘得金黃，是對辦貨色，內容包括了奶油及花生醬。當在下呷一口多士，多士是脆脆的，但是練奶落得多了一點，它的甜味蓋過了花生醬，使花生醬味道變得薄弱。菜蜜方面，都是一般茶記水準，沒有可以挑剔地方。在下之前為葵芳分店用餐，只是一般而言，而在這分店也沒甚麼期望，只是想試試她的多士做得怎樣，可是多士都是一般貨色，不如走去普通茶記還好。

由11年10月至12月二個半月內我幫襯左此餐廳三次，食物味道同服務OK，但收費就好有問題，特別係大棚人一齊去時要小心計好自己條先好埋單。 件事係咁ge:第一次我o地一行8人去叫左8個晚餐，行去櫃位埋單時見到收銀個女人計到最後再按多20蚊，我就話你計多次，佢再計一次無按最後個20蚊，結果同我計ge一樣。第二次4人去叫4個晚餐冇收錯。第三次6人去叫6個晚餐，埋單時又係o個個女人，今次唔係收多20蚊而係收加一，我問佢宜家有加一咩，佢答係呀，我照俾。事後我覺得奇怪，前二次都冇加一餐牌又冇寫，於是我扮定枱打電話去問，得到ge答覆係任何時間都冇加一，從此決定不再幫襯此餐廳。