廚師帽 (已結業)

廚師帽位於觀塘鴻圖道，附近工商廈林立，午餐時間廚師帽是一個不錯的選擇。餐廳非常大，而且座位寬敞，非常舒適。午餐選擇非常多，豐儉由人。個人喜好牛肉漢堡配薯條及沙律。牛肉漢堡份量多，牛肉厚，多汁，配蕃茄蔬菜薯條，十分滿足的午餐。

呢間餐廳喺公司樓下，因為之前覺得有d貴，味道又普通，所以就算幾方便都冇再幫襯今日落雨，唔想行，又見都一年冇食過啦，試下會唔會唔同左？點知價錢果然係平左喎，平均58蚊左右有個餐，包餐湯及熱飲一坐低已經有人派磨菇湯(冇咩味) 燒春雞洋蔥汁配珍珠米 $58半隻燒春雞，洋蔥汁夠味，但唔夠汁，所以叫左加汁忌廉煙肉磨菇意粉 $55呢個比較好食，但同事覺得呢個咸左d，意粉煮得啱啱好，唔會太淋日式叉燒烏冬 $58好清，叉燒ok夠味，但個湯係完全無味嘅不過呢間餐廳有樣野好，所有野都黎得好快，地方夠晒大，所以唔洗等

公司剛由北角搬到觀塘，人生路不熟，終於迷咗路。咁就畀小妹喺鴻圖道搵到呢頂廚師帽。自自製意大利粉以後，就好少喺外邊食意粉；太好食喇，返唔到轉頭。 但餐牌上嘅黑松露忌廉汁蘑菇意粉，又實在太吸引，於是就叫嚟試吓！首先嚟嘅係餐湯，飲唔出係乜嘢但好好味；跟住係凍檸茶少甜，真係一啲都唔甜，仲有五片檸檬。主角終於都出現喇！賣相非常之漂亮，有高級餐廳嘅水準，配料多、味道好；小妹最後連碟底都舔得乾乾淨淨。絕對會有下次！ ！ ！

喱間係朋友推薦既餐廳 話性價比極高 所以今日嚟試吓Lunch Time 有好多選擇呢度環境好大 由於係工廠大廈地下 座位闊落坐得好舒服 兩個人去都 坐座係平時餐廳嘅4人枱👍🏻👍🏻👍🏻今日同朋有一齊叫左個G ）香煎鯖魚柳柚子汁 配飯 $58 送餐湯跟熱檸水餐湯係蘑菇湯 濃度真係唔錯 口感好滑香煎鯖魚柳真係唔錯 魚既油出哂嚟 就咁食飯都好正但係衰係個柚子汁 好唔夾😫😫😫😭😭柚子汁好難食🤢 專登要攞匙羹不開哂D汁😑I) 日式叉燒湯烏冬 $58飲凍奶茶少甜少冰 加$3喱個湯烏冬就普普通通Total: 119 冇加一服務費

又要去觀塘見客，見客前是但搵間食堂食。咁望到間餐廳就比較靚少少，同埋比較多OL去食，就知唔係麻甩佬飯。入到去望到有啲五十幾蚊嘅午餐，全部西餐，都唔算貴，因為附近乾淨少少都差唔多錢，而且鋪頭都算乾淨，所以唔食餐頭飯，經過食呢間都OK。普通甘荀忌廉湯，唔難飲嘅。同事食半隻雞，都好大隻，炸得唔算乾。我試左舊胸肉，都有啲汁，唔算太乾身。我就食漢堡，成個杯咁高，好大個。唔知係咪附近都好多工友，好大份但煎得比較乾。食完真係好飽。整體都係呢個價錢食返呢啲質素，都算乾淨，無乜投訴。

公司在觀塘但很少到廚師帽吃午餐， 今日下午同事突然提議轉下場， 當然好啦反正又可以試下其他餐廳。 餐廳面積寬敞 ， 但燈光比較暗，一如以往點了兩個餐，和風牛肉飯$45， 免治牛肉飯$42， 凍啡少甜$3，茶走跟餐。和風牛肉飯～ 牛肉白烚， 食到有濃烈的雪藏味，成碗飯沒有汁， 要主動叫店員加汁。免治牛肉飯～ 免治牛肉味道唔錯， 起碼甜甜酸酸夠開胃， 不過食落感覺單調， 如果可以加隻太陽蛋就比較好啦！飲品方便～ 茶走沒有奶味， 偏淡的。 凍咖啡味道正常， 不過不失啦！整體是一間食得飽的茶餐廳， 質素水準普通。

今日Lunch唔想行太遠， 去咗附近嘅廚師帽開飯。 餐牌有成十個選擇， 叫咗「牛肉焗飯」。 牛肉係一片片， 唔似平時焗飯食開嘅一舊舊。 個汁有小小似蘑菇汁， 食唔出佢係咩味， 唔鹹唔淡。 整體感覺普通， 同事話佢個日式忌廉汁意粉好好食、下次可以試吓。

前日喺牛頭角做完嘢，唔知食乜好，行行吓比我搵到呢間餐廳。入去餐廳都好大，好多位坐得好舒服。雖然lunch Time嘅時候好多人等位，但等左一陣間就已經有位啦👍🏼。餐牌都算多嘢揀，起碼有十個選擇。每個餐都包一個餐湯(餐湯就冇得選擇得一款，就係忌廉湯，個湯就唔係好掂啦，好淡冇乜味道）及一杯飲品。今次我揀咗鮮茄焗豬扒飯，豬扒都夠淋，味道算OK，份量都OK，男士都夠食。$50幾蚊一個餐都算係咁啦！唯一唔好嘅就係佢哋網絡好差，坐到餐廳好入嘅位置完全收唔到。

這間又是觀塘的下午飯堂，平時食飯時間都排滿人，好多人等位。我同同事一行八人黎到呢到食飯，因為撞正1點幾，所以都等左大概15分鐘先有位。呢到地方好大，好多位。而且餐廳的午餐選項好多，大概有a到h甘，一定有一款簡到。不過我就因為食素，有點選擇困難，大概我只可以點一個磨菇意粉，再走雞肉。午餐的份量大，且十分飽肚，但因為我不太肚餓，所以也吃剩一半。不過作為素食人士，這家店真的不太合我，始終沒有什麼選項。我想，下次我大概不會再來了。

每天食早餐都喜歡這間廚師帽﹐早餐有17款的選擇﹐而每天1款有半個月不會重複的。而早餐西多士都有﹐真的要讚﹐因為很多茶餐廳早餐不會提供西多士的﹐西多士厚厚的﹐一點都不馬虎。醒神早餐﹐有點像麥當勞的早晨全餐﹐還多一件烟肉﹐而品質方面當然比麥當勞好喇！加上這裡座位又多又寛闊﹐坐得很舒服。

今日黎左觀塘附近工作，搵朋友一齊食個LUNCH!今次食呢間叫做廚師帽，未夠1點鐘已經人潮滿滿啦.. 而且成間餐廳好大間~雖然中午時份好多人，不過都唔洗等好耐就有位坐了..MENU上面都有唔少GE選擇GA~而我今次就揀左E餐E. 香煎龍脷柳黑松露忌廉汁配日式珍珠米飯 $58份量好大份，如果胃口細的話多數都會食唔哂! 塊龍脷柳都好大塊，煎得岩岩好!個汁都有淡淡的黑松露味，不錯! 不過如果D汁可以再多D就好了!如果係附近返工，呢間餐廳都係一個不錯的選擇呀~一來佢地方夠大，即使要等都唔需要等太耐就有位，而且一落完單就好快可以上菜!效率都不錯喔!! 當然，價錢都係另一個重要GE因素啦!XD

今日見有d時間，就唸住揾間餐廳坐底，嘆反個豐富既早餐途經呢間廚師帽，門外見到好有心機寫晒早餐午餐有d咩食，就決定試一試佢呢度環境都幾寬敞，設有好多卡位，而且座位都有好多，唔洗搭台同人迫早餐都有3頁紙，實在太多選擇喇最後揀左個五香肉丁太陽蛋米粉，而家唔係間間茶餐廳都會有五香肉丁食架喇，呢度d五香肉丁都算多，個人認為五香肉丁係有dd肥膏連住先好食，如果剩得肉既話，就好似食緊瘦肉甘檸檬水有4片檸檬而家早餐叫個粉麵餐雙拼，$27都算係平喇同埋呢度送餐都幾快，叫完唔夠5分鐘就來齊晒食物同飲品

朝早黎觀塘食早餐，叫左個五香肉丁麵，啲麵真係用出前一丁，仲有包味粉俾你自己落。好味道。成間餐廳好大，好多位，不過就係冷氣大左啲，食慢少少啲麵都凍左，不過性價比夠晒高

一大班人又冇book位 首選係廚師帽。因為地方夠哂大一定有位😂 叫左個明太子蘑菇忌廉意粉 賣相好吸引 但食落就好普通 料唔係太多..叫做可以填飽個肚咁囉整體黎講，50幾蚊有野飲有湯有主食 算係咁

食過幾次廚師帽，覺得地方夠大坐得夠舒服，於是都會keep住黎。門口有隻廚師公仔好得意!佢地ge位置夠大夠闊落，坐都坐得夠哂舒服! 另外門口都設有張梳化，可以比等位GE人有得坐下，唔洗企係到!Menu都算多選擇今次我就揀左E)龍利柳野菌汁配飯 $58個飯就大大碟，龍利柳煎得不過不失啦! 但係野菌汁味道唔算太濃。飯有D硬同凍，有小小失望。總括黎講都算不過不失啦，服務算唔錯，D野食又好快上枱。黎呢到食貪佢夠大坐得夠舒服! 食物方面仲有好大GE進步空間。