廚十三老壇酸菜魚 (譽發廣場) (已結業)

雖然香港越來越多食酸菜魚既舖頭，但整得好味既無幾間，廚十三總算係有大陸既酸菜魚風味，整得幾好味晏就去食，有八十幾蚊既套餐，好抵食，不過都係揀個細份既酸菜魚同朋友share，只想食魚，唔想食飯

廚十三一向好鍾意食四川嘢，聽講呢間餐廳同大陸嗰間太二味道好相似，咁即係好正宗好好食~ 正呀午餐嚟食真係好抵食，有個午市套餐$cxxx午市套餐份量其實同佢正式嘅酸菜魚有啲唔同，會少啲魚，但自己覺得兩個人食都可以接受，都好大份，最重要係好抵食🙈酸菜魚配飯/米線，飯會一碗另上，米線的話會放埋入酸菜魚底部。小辣味道剛好，因辣椒放得耐成碟魚會更辣，自己覺得啱啱好。熱辣辣成大盤放上枱，花瓣令碟魚好靚，食落魚唔腥，好滑。湯香濃不會過酸，底部更有蓮藕、金菇、薯粉，好豐富。

一直都有幫襯廚十三酸菜魚，不過晚市啲價錢就貴左啲，最小份酸菜魚都要300幾，午市套餐100有找，weekend都有午市套餐提供，真是抵食！午市套餐包埋一份酸菜魚，飯或者米線同埋飲品。酸菜魚都勁多配料，有酸菜，藕片，金菇同豆腐。魚肉好幼滑，預先做過處理，已經好惹味，同埋的魚肉好少骨，好食。酸菜都算他家特色，話比魚肉好食，喺唔錯，不會太酸，好脆口，不過就少左啲，得幾啖。如果鐘意食啲酸菜，可以加多一份配料。啲湯飲落好酸辣，應該落左個高湯一齊煲，強烈推薦揀米線，啲米線吸收個湯味，勁好味。

早前與友人慶祝生日選擇此餐廳3人叫左一個豪華版既酸菜魚 再加左一d配菜但份量比較小 魚一般滑 但酸菜過多魚既份量較小 加左寬粉只係岩岩夠飽酸菜魚湯既味不太夠濃烈對喜歡食酸菜魚既我地有d失望

今晚同兩個朋友黎食酸菜魚，本身我就超鍾意食酸菜魚既今次就叫左酸菜魚，小食上上簽，同埋糍粑酸菜魚本身已經有好多配料但我地都加左青荀片，藕片，午餐肉同埋寬粉個湯底非常吸引，麻酸辣度岩岩好，每食一啖都想飲埋個湯d魚就正正常常，都ok滑的另外一定要講個糍粑，呢野簡直係出色之作，外脆內軟，岩岩炸好內面仲係熱辣辣好煙韌，加埋糖漿，口感彈彈甜甜十分好味

.今日朋友聚會黎到彌敦道食酸菜魚實在太喜歡食酸菜魚而今次呢間太另人喜出望外因為係好好食😋🍲老壇酸菜魚 土豪份$(598)出色 有好多芽菜 同魚片 味道正 夠酸😍我哋加咗腐竹同埋兩份寬粉 係略嫌寬粉兩份嘅份量都唔係話太多🤪不過四個人絕對夠食💁🏻‍♀️🍜十三凉粉($48)夠香但係唔夠辣 如果下次叫嘅話會叫佢多辣😎但味道係OK的🍘雨露均沾($58)其實又係炸麻糬之類嘅朋友 炸得幾好 配埋紅糖汁👍🏼 正

今日中午嚟到油麻地搵嘢食～我一直都係12味酸菜魚的fans 今次第一次試老壇酸菜魚～Lunch set$88一人酸菜魚套餐 包一罐汽水 價錢比12味稍為貴少少 菜單都比較單一 主要食酸菜魚為主 可以揀配米線或者白飯等咗大約10分鐘就上枱啦～一上枱都幾大兜喎 魚唔算好多大約有10片左右 配菜有金菇粉絲蓮藕片豆腐酸菜 配菜方面可以另外加錢再追加 我覺得啲魚彈性比較好 魚味濃 湯底唔會話太咸搶咗鮮味 配菜全部都新鮮 唔會煮得太耐 蔬菜好爽脆加埋一 $100內 算係不過不失 如果可以多少少魚片會比較飽肚抵食。整體裝修都幾簡潔 尚算乾淨

午餐諗爆頭都諗唔到去邊到食，竟然路過見到廚十三老壇酸菜魚有午餐優惠，而且酸菜魚也是本人喜歡的食物，所以就入去試下。Order了一個午餐set，$168有一盆酸菜魚，包兩個飯or米線同埋兩杯飲品，再另外叫了老虎椒愛鬆花蛋及棒棒雞。 酸菜魚 + 米線，由於唔係好食得辣，所以只點了最低既辣度，呢個辣度好適合我這些人士，唔太辣，但又嚐到酸菜魚的惹味，至於d魚好滑，肉質很不錯。米線方面，好喜出望外，係我喜歡的米線質地，軟硬度好適中，當堂想了解下佢地究竟係用邊個牌子的米線。老虎椒愛鬆花蛋，呢個就好一般，唔係流心皮蛋，而且d皮蛋亦都比較硬。牙簽牛肉，呢個係用牙簽粒粒牛肉串住黎食，食得方便，味道亦都唔錯，唯獨係價錢比較貴，$75細細碟。 整體來說，係一間值得再三幫襯的食店，尤其是午餐，好食好抵好經濟實惠。

今次同兩個朋友食晚飯，喺油麻地第一時間諗到酸菜魚，所以就去咗呢間。因為我哋都大食🤪所以叫咗一個大酸菜魚，另外仲叫咗啲配菜，個人認為寬粉最緊要！一定要叫，因為好入味。味道方面，個人認為幾正宗，辣到啱啱好，酸菜又唔會太酸。所以我哋一開始都會飲佢啲湯底，推介！不過如果減緊肥就唔好飲太多😛始終多油。啲魚肉都好嫩滑，有鮮味。份量方面，魚嘅份量都剛好，唔會話唔夠食。啲配料都啱啱好。整體評分唔錯，如果間唔中去開附近，都可以試吓，但如果成日食嘅話，相信會有啲濟，適可而止！整體來講都係推介！

朋友常吃的一間酸菜魚店，聽佢地講就講得多，一於去試一試。原以為這些店舖要提早BOOKING，但唔洗排隊就入到去啦。開心😃鍾意食辣的我們仨💃🏻💃🏻💃🏻，都覺得中辣唔夠辣🌶 但魚新鮮和肉質滑🐟 適合香港人的口味。老壇酸菜魚 （大份）（$450）配料：1.必加寬粉（+28）2.必加土豆片（+28）嘩！ 一上菜就擔心三個人食唔食得哂，勁大碟，而且魚的份量亦好多。內有芽菜、酸菜等配料。必叫的碗料寬粉配上湯底，吸入湯的精華，好味道😋😋土豆片切得夠薄且爽口。

一心聽人介紹食廚十三酸菜魚，今天終於一試。下午2點幾去到，無咩人，環境都幾舒服。嗌咗個酸菜魚午餐，一個酸菜魚二人份量，另外仲叫咗皮蛋小食，同埋糍粑。先講酸菜魚，本身已經配左兩碗白飯。本身我哋唔食得辣，所以酸菜魚叫咗微辣。佢個酸菜魚入面有好多配料，有酸菜，豆腐，蘿蔔，金菇等等。所以都好夠飽。皮蛋小食，味道唔錯，不過好重嘅蒜蓉味，食完好口渴，不過不失啦。至於糍粑都不錯，略嫌入面唔夠煙韌，但整體都唔錯。總體來說，酸菜魚是值得推介的。

邪惡指數: 🐽🐽🐽🐽好食指數: 🙆🏻‍♀️🙆🏻‍♀️一心好想食酸菜魚，所以特登嚟咗呢間專食酸菜魚嘅廚十三：⭕️ 酸菜魚雖然一上枱係好大盆幾興奮，但係食落冇特別囉，唔太感受到點解係佢嘅招牌菜。啲魚都算滑嘅，有少少骨同埋少少魚腥。配料有少少金菇，、酸菜同埋薯粉。薯粉係嗰種粗糙偏厚身嘅，所以都非常煙韌。overall 冇乜驚喜得來係我會覺得幾失望，個湯偏油又唔算特別香，配料又唔算多。⭕️夫妻肺片都係正正常常，不過不失。❌酥炸無臉男 - 呢個其實係一個酥炸肉條，諗住會好香口。一上枱已經見到佢炸得油淋淋，一啲都唔吸引，識落成口油之外佢啲肉仲偏肥，呢個食淨勁多🙅🏻‍♀️⭕️ 糍粑 - 我每次都一定會叫你一個甜品😆 算係呢餐最好食嗰樣嘢，質感煙煙韌韌，唔會炸得個面好油。成餐淨係得呢一樣野係食晒，其他都食剩好多😕

同朋友報名上堂，學下野增值自己！完咗梗係覓食啦，突然酸辣癮發作🌶🌶，立即搵搵有咩好食，上網見評價都唔差，即管一試！😋去到鋪頭時間應該尚早唔使等，坐低見到人家食一大兜酸菜魚，已經覺得好吸引👀，二話不說小辣唔該，加了少少配菜，仲叫咗兩個小食！一般川味鋪頭，都會有香濃嘅味道，但呢間舖頭係冇乜味嘅，心知不妙，但姑且比一次機會！主菜來了， 大大兜酸菜魚捧上枱🐟🐟，賣相及配料都好足，但味道就認真麻麻，要香味唔夠香，要酸味唔夠酸，只食到鹹味，只能說是可以填飽個肚！另外叫了兩個小食，手撕雞及油爆豬肚，兩個小食一樣味，鹹味十足，只好叫服務員提供辣醬，吊吊味！總結：鹹鹹鹹！仲要貴得來唔好食，唔會再有下次！

天口咁熱好想食啲又酸又辣嘅嘢平衡吓，途經一間叫做「廚十三」酸菜魚，口碑又好似唔錯，於是同屋企人上去試下。我哋一行四位女士，叫咗一份大份中辣酸菜魚（侍應話大份包括左大概三條魚）。我哋另外再加咗幾項配菜，包括有午餐肉，寬粉，蓮藕片，同埋金菇。魚身好滑冇腥味，份量都好足夠，但係唔覺有三條魚咁多。可能我哋一家人都比較食得辣，所以中立對我哋來講都係好小兒科，反而酸菜同埋酸味好出色！讓小編嘅媽媽忍唔住叫多兩碗白飯，以酸菜及湯汁拌飯！👍🏼👍🏼👍🏼👍🏼👍🏼大讚位：1. 侍應們十分有愛，服務態度極佳，每每看見桌上茶水見底就會好快奉上新嘅茶水。2. 茶水係蕎麥茶，十分之香口，芳香撲鼻，係小編最愛嘅茶水之一。3. 呢度係一間令我賓至如歸嘅餐廳，強烈推介比身邊嘅家人朋友同埋大家❤️

週一下午到油麻地參加會議，會議結束6點半，👛三個姐妹臨時起意聚餐，朋友建議話廚十三好好食，😋酸菜魚聽來都不錯，好大一盆酸菜魚，食慾大增，食得好過癮，小辣程度口剛好，麻香辣滿嘴留香，平時晚上不怎麼食澱粉質的姐妹👭每個人都食咗一碗飯，很開心飽足的晚餐。