廚十三老壇酸菜魚 (太子集團中心) (已結業)

以前間唔中都會返上深圳食酸菜魚，太二絕對係吸引，無論辣度，酸菜味道，魚的滑度都一流，但疫情關係，無太二香港又有咩選擇呢？好多人話廚十三係太二的取代品，今次試過，完全唔同，不論酸菜，魚的品種，賣相都完全兩回事，唔係話廚十三唔好食，但我會喜歡太二的酸菜多好多，廚十三的酸菜味道太酸🤦🏻‍♀️（菜葉正常）無論麻同辣的程度都仲可以再加，魚肉係比較實同魚味重，同太二用的魚應該係唔同，但整體而言我覺得都算好食，但唔可以話取代品，只可以話佢都係另一款我喜歡的酸菜魚，只佢排喺第二位🤣🤣

今晚阿媽生日，去左食廚十三。三個人叫左個小份酸菜魚+藕片同寬粉，再加個蔥油撈豬肚同脆荀。食物係高質既，個脆荀幾爽，蔥油豬肚係我最愛，而主角酸菜魚亦不令人失望，魚好滑，冇骨，加埋個酸菜汁（定湯？）真係好惹味，係我係HK食過既酸菜魚最好食果間。不過對服務質素就真係唔好有期望，我本身book咗枱，去到，啲侍應全部都係應單字，坐低左餐牌又唔俾，坐左幾分鐘先問到個侍應攞餐牌，擺低一粒字都冇講過，全部侍應都係冷淡應單字，可能就係持住食物好食所以客人會自動回頭啦。我係有帶蛋糕既，去到擺低左俾侍應，我哋食完野之後我問侍應攞個蛋糕，發現佢係冇擺入雪櫃，個蛋糕已經有三成溶左。不過佢冇收切餅費，及食物係冇得輸嘅，服務方面只可以話冇期望冇失望啦！

同朋友4個女仔開開心心想食餐好。本身訂咗樓上嘅喻味曉宇，但朋友話廚十三有人推薦，就就臨時改咗去廚十三，諗住女仔一定岩食酸嘢。小食全部都幾好食，夫妻肺片嘅味道都唔錯好濃味。但一食到酸菜魚大家都靜咗落嚟....唔係因為好好食，而係真係好鬼普通....呢盤酸菜魚嘅味道，剩係得酸味同辣椒味仲有魚嘅腥味。我哋的確每個人都有食開酸菜魚，比較之下呢盤酸菜魚真係極為普通，味道完全冇層次。由於太失望，所以想分享下，食都唔洗太大期望，因為我地冇期望都失望。最後用餐時間40分鐘，嗱嗱臨轉場去咗樓上嘅餐廳，因為最大份酸菜魚加3個小食真係幾唔飽都幾唔滿足。

本人鍾情於酸菜魚 未封關之前 大概兩個禮拜會番內地食一次酸菜魚 內地出名嘅大部分都有食過 心血來潮搵左尖沙咀呢間酸菜魚試一試 見都幾多好評 一黎到見到環境都幾靚 仲有小小海景睇下 有午餐 就叫左168二人酸菜魚餐一試 有米線 白飯 同兩杯酸梅湯飲 感覺幾抵等左一陣就到 湯底飲落唔係好辣 比較淡口 唔知係咪午餐關係 味道一般 鱸魚份量唔多 魚肉無咩味 豆腐仲有少少變咗質嘅味(宿宿地) 湯底唔夠熱導致米線唔太熟 都幾硬 同太二出入都幾大 試一次就夠

拿，呢間我食過好多次❤️我同老公都好鐘意食❤️個炸肉每次必點😍😍👍真係好脆口好好味❤️記得要預約，因為好多人食架❣️每次要大份先夠食，魚有營養仲有咁好味唔怕多食😊每份都帶辣嘅，但係易接受嘅👍叫杯野飲就ok la😁加菜我一般會加粉絲，索左d湯食超級match, 信我會食到停唔到😍😍😍我鐘意加午餐肉，不過提議店家炸過d午餐肉先加落去會更完美❤️😊D魚好薄好滑唔會腥👍湯底味道調得岩岩好👍因為試過銅鑼灣分店（魚厚，湯酸，果次認真差）所以我每次要食呢間只會黎尖沙咀店❤️

Happy Friday又點少得同朋友一齊食晚飯呢，今晚呢個朋友約咗我去食酸菜魚，以前喺大陸就食得多但係香港就第一次食。我朋友book咗8:30，我哋去到嘅時候等咗15分鐘先可以入座，職員竟然話送返我哋每人一杯Free drink，呢間餐廳真係抵讚。我哋行入去的期間，見到隔離左右啲酸菜魚都好大盆，嚇咗一跳。我哋叫咗大份$478，其實價錢係有少少貴嘅，不過味道好好，魚肉非常林滑，完全冇過熟嘅情況出現，煮得啱啱好，如果有機會我會再嚟食多一次。

以前有得返大陸，都會食下酸菜魚，仲要好多間可以慢慢揀😆。但係要喺香港搵好食嘅酸菜魚一啲都唔易🥺，唔係啲魚有太多骨就係個湯太酸，好彩‼️依家酸菜魚真係好好食😋🔻酸菜魚🔻酸菜魚嘅重點我會放喺酸菜，因為有時配菜係比主角更好食😋。湯底麻香小小辣🌶，佢嘅酸菜係少少咸帶酸，唔錯👍🏻。另外加咗啲萵筍同寬粉，萵筍好爽脆，寬粉煙韌，吸晒啲湯底精華，正👍🏻酸菜同魚嘅比例幾好，我認為魚既分量都幾多，加多一兩個餸，兩個人就好夠食👍🏻‼️如果唔食得辣就最好第一時間夾起啲辣椒同山椒‼️，如果唔係就會越食越辣😆。

尖沙咀呢間有得望住維景 有feel~酸菜魚大陸就多，喺香港都好少食，咁難得香港開咗好多間酸菜魚就試吓疫情關係餐廳俾咗個口罩套注重衛生四個人嗌左個土豪版酸菜魚，仲叫左啲配料有豆卜寬粉金菇酸菜魚個湯夠酸 唔酸嘅酸菜魚好似冇靈魂啲魚冇乜骨大大塊食落好方便。叫咗小辣唔太辣又過癮😆仲叫咗上上籤同酥炸肉。有蓮藕鵪鶉蛋萵筍椰菜花。酥炸肉有得點辣粉食 好刺激好過癮 啲肉炸到脆卜卜一條條好容易夾。仲嗌左個甜品叫雨露均沾。係紅糖糍粑 又係炸到脆卜卜熱辣辣外脆內軟 10分滿足的一餐

一直都係酸菜魚fans今次晚餐Book咗枱等唔係好耐不過上菜就好慢真係幾好食不過貴細份都要338味道 同埋啲魚都好入味唔會過酸. 辣得好出色有少少麻麻辣辣嘅感覺加咗個午餐肉厚切嚟嘅都有六七片3x 蚊環境唔大但係都好舒適大部分都係卡位嚟嘅辣度唔會話去到你食唔到所以啱啱好好正細份都夠兩個人食既啦

因為宜家封左關 所以基本上都返唔到大陸食酸菜魚聽朋友介紹呢一間風味十足 同返大陸食冇分別今日就一於嚟試吓佢啦我哋嗌左一個二人份嘅酸菜魚本身仲諗住二人分會唔夠點知魚竟然仲多個酸菜 食極都仲有我哋仲叫咗啲小食我本身從來都唔識皮蛋但見呢度個皮蛋好似幾靚咁就一於叫黎試吓皮蛋有少少辣 用來做錢財十分之開胃仲叫咗一個清炒萵筍新鮮嘅萵筍 煮得啱啱好食落爽脆清甜啱啱好可以中和一下酸菜魚嘅辣呢度嘅酸菜魚可以加唔同嘅配料我哋加咗寬粉 呢樣野同酸菜魚真係超級夾

平時放假都會去深圳食下四川野不過而家冇得返去😖唯有要但係香港揾好嘢食好耐冇食酸菜魚！上網係咁搵邊間好食就是說呢間都幾有人氣既廚13食下！我哋兩個女仔叫左個細嘅酸菜魚加左幾樣配菜（加咗午餐肉同埋寛粉）磅酸菜魚嚟到嚇親我哋！因為大到佔左成張枱甘濟，同埋份量都好似好多😂😂都唔知食唔食得晒寬粉其實係好似薯粉嘅，超索酸菜味，好好味👍🏼👍🏼👍🏼我哋都叫咗個（老虎椒愛鬆花蛋），即係尖椒皮蛋😂😂😂😂呢個都好好味，呢個開胃菜超正！再嚟我哋叫咗個（正經的雞被撕），即係手撕雞😂😂😂嚇死我啦，啲芫荽多啲雞！好彩朋友食芫荽，全部俾晒佢食！個手撕雞係勁入味，辣辣地，食極唔停手😂😂喺香港都可以食到咁正宗嘅酸菜魚，真係好🤭🤭

呢間廚十三老壇酸菜魚薄有名氣，有幾位朋友都話黎食過，其中有內地朋友對此讚不絕口，今日一試，絕對有驚喜，拍得住內地嘅水準。餐廳環境唔錯，裝潢新幾淨，光鮮明亮，座位亦夠寬敞，位與位之間有足夠空間，絕對唔會有果種枱貼枱嘅焗束感覺。餐牌某一啲菜式改左較奇特嘅名稱，不開心的黑木耳 ($58) & 刀拍前男友 (手拍青瓜) ($58):辣度可自由選配， 前者酸酸辣辣，清爽開胃；後者爽甜多汁，味道香麻，食少少開胃前菜都唔錯。酥炸無臉男 ($88): 其實即係炸豬肉，呢個名我都唔太明白，豬肉條有一層薄薄嘅炸粉，幾香酥，但要加埋左邊嘅辣椒粉先至更加辛香惹味。正經的雞被撕 ($108): 其實即係麻辣手撕雞，辣醬除左加左大量花椒，幾辛麻之外，仲加左了麻油，多左一份麻油香，手撕雞幾香滑入味，唔錯。招牌老壇酸菜魚 ($478/大份): 另外可加唔同配菜，例如金針菇、豆腐、土豆片、青荀片、豆卜、寬粉、米線等等，每款$28元。湯底加左大量酸菜、花椒、泡椒，中辣嘅辣度相對溫和，唔算辣，重口味之人建議揀選大辣，湯底幾香口惹味，酸菜味道突出。大部份魚片都係魚腩位置，除左啖啖肉之外，仲非常少骨，食起上黎好方便。魚肉非常鮮

好友約食飯…叫我睇睇有乜東心水…齊齊去嘆番餐…!!...靈機一動! 炎炎夏日…食酸菜魚不就好嗎??...開胃醒神…!!...隨便網上都一堆介紹…<廚十三老壇酸菜魚>名子著實特別…又說”班底”有名…好評眾多…不作多想…就訂座吧~星期一晚…...都係要求90分鐘用餐時間…但話若果客吾多…可以坐耐D…尖沙咀哩間分店較近期開…裝潢各樣都新淨企理….用色格調都走時尚年輕路線 (包括一眾服務生都屬年青一輩, 髮”色”新潮)…坐位寛敞舒服…又有景觀…但因疫情關係…將卡座與卡座間o既隔板….”臨時加建”升高左…阻擋了視線呢!!...餐牌都簡簡單…彩印A3雙面兩大版…不用多心…來個兩人份酸菜魚($338)…配菜有10多款選擇…都係$28份…揀左午餐肉…同夠嗦味o既腐竹…好快啊!…大大盤酸菜魚送來了……見到面層o既花椒、紅椒足以口水流…除左主角酸菜、魚片…仲加有豆卜 、芽菜、蓮藕片…額外加o既午餐肉同腐竹…都已一起放進…再灑上菊花瓣同芝麻…材料十足…快快起動啊~~鱸魚片好滑溜啊~~  咸、度就是剛好呢~ 麻辣已夠搶! (註:嗜辣o既朋友可以要求加辣的呀!)… 酸菜芽菜o既份量可以多一點更好

一直都好想食酸菜魚，見到廣告有呢一間非常之唔錯，評價好好，就book位試試！見到有咁多間分店，諗住尖沙咀可以食完行海旁就揀咗尖沙咀。一上到去見到個環境都幾靚，仲見到海添！睇咗個餐牌一陣，見啲菜名都好得意。🤣🤣當然我哋就揀咗最出名嘅酸菜魚啦。侍應建議我哋揀小辣，因為佢哋嘅辣都做得幾出色。👍🏻我哋仲揀咗唔少配菜：木薯粉、木耳、蓮藕片等等。😌一上菜我哋就覺得好驚喜，酸菜魚嘅份量好多。魚又非常之滑同鮮味，加埋個湯真係好正！我哋三個人，食到好飽！真係好抵食！👍🏻👍🏻仲叫咗一個小食，蔥油撈豬肚。因為唔係好算食得辣，我哋揀番個清淡啲嘅小菜平衡返。蔥油味好香！飲品方面，我哋叫咗酸梅湯，食到咁飽，好彩揀咗開胃嘅酸梅湯，又清熱！😆

夏天又到，成日都熱到無乜胃口🥵，所以諗住去食下酸野，開開胃🤤朋友介紹有間酸菜魚唔錯，又多分店，所以揀咗尖沙咀間試試！一上到去都幾闊落下，窗口位仲見到海添，氣氛幾唔錯！😆😆我地叫咗個主角酸菜魚同埋一啲配菜，因為唔係好食得辣，揀咗個小辣。上菜覺得好有驚喜，好大盤！🤪 啲魚好新鮮好滑，去哂骨，啱哂啲怕魚骨嘅人呀真係！啲配菜吸哂啲酸辣味，好惹味！又唔會太辣，啱啱好，酸酸地，個湯都好鮮！食辣都怕有少少熱氣，我地叫咗三杯酸梅湯解熱🤣加埋個酸菜魚真係絕配！另外叫咗個小食，個餐牌好得意，啲菜名好特別！最後揀咗個萵筍，平時好少喺餐廳見到有萵筍食，呢個涼拌萵筍做得好出色，有麻油嘅香味。平衡返酸菜魚嘅辣清清地！