康年餐廳

營業中

休息中

逛街久了，去金魚街看竉物，肚子餓了就到鄰近的茶餐廳坐下來吃點東西。.菠蘿油 ($11)分數: (8.5/10)剛好坐下來就看到菠蘿包剛出爐，立即點了菠蘿油。熱辣辣的菠蘿包表皮鬆脆，麵包鬆軟，夾著中間冷冰冰的牛油。入口就能感受到熱呼呼的菠蘿包，再咬就感受到另一個冷溫的口感，很滿足。.瑞士雞翼撈出前一丁餐 ($43)分數: (8/10)瑞士汁夠多，鹹鹹甜甜的，能伴匀每一條麵，令麵條夠味。瑞士雞翼煮得很入味，而且熟度剛好，肉質不會很老。旁邊還伴有有幾條菜心，感覺健康一點點。.凍奶茶 (跟餐+$3轉凍飲)分數: (7.5/10)要看一間茶餐廳是否高質，必須要點它的奶茶。這奶茶茶味濃，亦夠奶滑，不會太甜，味道剛好！

剛外賣干炒牛扒烏冬及炒貴叼，干炒牛扒烏冬ok，但炒貴叼係無味的，不是味淡，是忘記落調味(可能係鹽)。自己加了辣醬但還是吃不下．．希望大廚以後小心D.......

細細個爸爸成日帶我黎食，通常爸爸會飲奶茶，我就會食蛋撻或者奶黃墨西哥❤️今日黎開里頭，帶埋係菠蘿包迷嘅朋友~點左瑞士雞翼撈天使麵餐、叉燒雞脾飯餐、鮮油多同菠蘿包(食量驚人)先上菠蘿包，皮脆內軟，係上佳嘅菠蘿包，當然都係奶皇墨西哥為最佳🤤之後就黎鮮油多，多士採用薄多士，脆度足又唔會乾慷慨地俾左兩片鮮油，讚鮮油多要趁熱食，牛油融哂就唔好食了呷番啖茶記必點凍檸茶，認真嘅，去左咁多國家，香港茶記嘅凍檸茶係世界第一好飲🤤好快雞翼天使麵就上枱里啲茶記食物果然不能扮健康，之前試過撈丁正，撈天使麵真係不行😂但瑞士雞翼依然好入味，甜甜咸咸的朋友嘅叉燒雞脾飯，叉燒超級軟淋，又唔太肥，驚喜🤩雞脾我就冇試啦，但朋友話竟然唔油，佢都覺得好神奇，好掂個飯~食完買番幾個包孝敬爸爸媽媽

某天夜晚餓底在旺角，正想回家之際經過這間康年餐廳，見到門口仍有菠蘿包雞尾包等麵包賣，口痕痕，買左件拿破崙做宵夜，一吃愛上！😍食左N年美心的拿破崙，這件拿破崙不太相同，中層沒有落cream，比較乾身，糖亦落得非常輕手，整體很輕盈鬆脆，滲透出淡淡的合桃香氣，已經想定下次經過再要encore！🤤P.S. 如果閣下是喜歡有奶香的拿破崙，那這家的拿破崙就未必啱你口味了，可能會覺得佢太乾，不過餓底相信各有愛好者，咁啱餓底又幾鍾意，啱口味！

整證件撞岩放飯時間，呢個金融中心得一間茶記，入去叫左個麻辣肥牛米線，無麻味同埋少辣果隻，同落辣椒油無乜分別，米線又淋到一patpat ,唔洗咬都斷開果隻，真心唔好食，肥牛係肥牛碎，夾都難夾。。。失望😞係杯凍華田飲得落，比其他茶記足本。不過我見佢d包類好似幾香幾好食咁，不過我無叫因為唔算太肚餓。

係附近上堂，lunch時間撰左太子既康年餐廳🍴好失望😞叫左四個餐，除左牛肉炒烏冬ok之外，其他食物真係强差人意海南雞飯-雞肉好「鞋」無雞味咖哩牛腩飯-唔可以稱得上係牛腩，只可以話係瘦牛肉，好干，一啲脂肪組織都無！！而且無咖哩味，得少少辣味 （侍應仲要上錯左去隔離枱擺左5分鐘，先話上錯再送黎我地枱）白汁海鮮焗飯-魚肉有少少腥之外，其實飛炒飯係幾香牛肉炒烏冬-幾有鍋氣，味道夠，係4樣野之中最好食既一碟

原來菠蘿包出名。晚上8點半也有出爐麵包菠蘿包$6，好抵。麵包質素不錯。下次試下酥皮蛋撻不過，我要菠蘿油，貴啲我記起多年前食撈丁不錯。今日去食，瑞士汁太甜。雞翼為何無一part?

講到三點三，我就最 enjoy, 有天在旺角太子附近，到了出名菠蘿油的康年，見到新鮮出爐的蛋撻，當然先來一個，熱騰騰香噴噴，皮鬆蛋滑，無得輸🉐️。然後 order 咗個雞翼撈公仔麵，個賣相已經告訴你...........「正」，雞翼色水夠瑞士汁樣，重點是全翼上，有雞翼尖，有咬口，仲要配條菜，夠健康，麵不太霖，keep 到彈力，整個就是神級組合，無得頂👍至於飲品，因為天氣熱，來個凍lemon tea, 茶底不用多説........super😋✅至於價錢，真正good price 💯

食了多年此茶餐廳，服務態度差已是眾所就知，現在食物質素大不如前，沙嗲牛肉湯麵無沙嗲，雞蛋有殻。羅宋湯通粉好似隔夜的味道。菠蘿包完全附近的金X無得比。服務態度越來越差，見到國內顧客更加不在話下，完全沒有香港人的禮貌。真的不會再去了。

行經太子，突然有一股香味撲來，係有新鮮蛋撻出爐，被吸引獨自坐下，來個下午茶吧！熱奶茶+蛋撻，是我下午茶首選。熱騰騰的蛋撻送上，心急的我一大啖食就知蛋撻有幾熱，非常燙口，要待一會兒才可放入口，環顧身邊食客，蛋撻麵包都有很多捧場客。平時只有光顧集團麵包店的我，食完特別覺得幸福滿滿🤗。 蛋撻$6一個

坐低見到餐牌都某某連鎖茶記好似，更可以話係更多元化㖭。先來一杯冰凍檸茶叫咗兩個餐，一個要忌廉湯，一個要羅宋湯，兩款湯都勁多料，味道都幾好，唔似好多忌廉湯淡如水。除咗兩個餐外，仲叫多個波蘿油，朋友話牛油好冰，包就外脆內軟微暖，唔錯。跟鐵板餐的沙律同餐包，沙律就成碗雪櫃長期雪住，所以表面好乾，雖然入面仲濕潤，但哩隻沙律真係頂唔順陣沙律醬味。餐包都係正常軟熟的。鐵板雜扒跟黑椒汁，豬扒不錯呢，挺鬆化的。雞扒都唔差，不過就咸小小。朋友話牛好食，但係咁話好咸。黑椒汁都辣辣地的，配埋旁邊個水煮薯仔扮焗薯都幾好。咖哩羊架有三大件，咖哩底都香但比較水。羊架好大件但肥膏都多，羊味都好足。

本人咁大個第一次寫食評大年初一食左個炒公仔麵！埋單個收銀一邊傾計一邊收錢$70比左$100找$30！去到街頭上的士當街叫住我唔好走話我未埋單！叫返我落車！入去對質！問佢點無比錢法！頭先係咪收100找30？佢就話唔係好記得之後就同同事講野扯開話題！大年初一我唔係12點幾去走你個70蚊數呀！對唔住都無句！好野！洗唔洗封堆封利是比你地?!最差既一次食飯經歷！餐廳無預你有禮貌！但你大庭廣眾大叫我無比錢咁落我面對唔住都無真係你地先做到！

每次行過都畀康年餐廳的麵包香味吸引住， 康年向太子嚟講都算係一間幾出名嘅茶餐廳， 對於港式茶餐廳大家都會諗起常餐，早餐，炒粉麵飯， 這裏還有新鮮熱辣的麵包蛋撻。 我對於康年新鮮出爐的蛋撻麵包真是特別喜愛， 今次買了三件蛋撻＆一件葡撻。 蛋撻的皮做得很鬆化，蛋又滑又香。 椰撻甜度適中，入口跟蛋撻一樣都係很鬆化的！ 平時我會飲埋佢哋嘅熱奶茶， 茶香奶滑， 仲有要提一提佢哋嘅菠蘿油， 將新鮮出爐的菠蘿包夾住一嚿凍冰冰的牛油又凍又熱的口感，簡直冇得輸！因為都幫襯過好多次的關係，所以對這間茶餐廳的印像都很深刻！

康年都算係幾出名既茶餐廳，可惜我一路都冇機會試到入面堂食既早餐午餐，不過我就會成日買佢既麵包做早餐。康年好醒目，入面堂食港式茶餐，出面有個麵包部，簡直兩門生意齊齊做。未試過真係唔知，佢既麵包真係係好新鮮，一接上手仲熱騰騰，但又唔係熱到好快扁左一舊野，因為佢唔係空氣麵包，係有口感又新鮮既麵包。我買左好有營養既提子包，都係六蚊，因為唔想一朝早食油淋淋既波蘿包或雞尾包，但基本上佢地都係好食好出色既。唯一美中不足係人多又冇得排隊好亂，姐姐分唔到邊個等緊先，所以要鬥大聲同霸氣

太子康年其實已經扎根左一段頗長嘅時間，食物水平係太子區黎講真係算唔錯，每次行過都見到好多人買佢地嘅包👍🏾但係麵包唔係今次我要介紹嘅重點😆康年有兩個餐係我都好鐘意食！第一個係咖哩飯，今次我揀左咖哩牛腩飯，佢地嘅咖哩唔係一味淨係得個辣字，而係有少少甜甜地😍，所以特別好食，係出面嘅餐廳暫時食唔到呢隻咖哩味，而且牛腩唔會話咬唔開，兩者配搭得相當好😋第二樣我叫左嘅係干炒雞扒烏冬，無錯呢樣比較多油，但味道真係好食，雞扒份量相當足夠，烏冬夠獲氣，味道100分💯👍🏾黎得康年當然唔少得叫番個菠蘿油🤤由於係新鮮出爐，㷫烚烚🤭，搭埋舊凍嘅牛油，又凍又熱，揀直係一流享受🤪，康年菠蘿油我認為係無得輸😎最後係蛋撻，皮都算係脆脆地，蛋味足，水準之上，一試無妨！不過我見到雞尾飽係呢度都幾搶手，大家都可以試下👍🏾總括黎講，雖然康年價錢比較貴，但偶爾食下都幾滋味！🤪太子區餐廳黎講，康年絕對係名列前茅👍🏾