康年餐廳

營業中

休息中

哎喲，今晚㨂嚟個肚餓，咪走咗入佢家老字號嘅茶餐廳，準備整啲乜好㨂來嗌一嗌。頭先叫咗碗腩肉煲仔飯，我嘅媽呀，個肉好到冇朋友，煮得啱啱好，夠腍而且味道豐富，飯底啲焦香香口口都企硬，夾一啖入口嘅時候，個舌頭都快喊出嚟喽！😍再嚟個招牌鴛鴦，啖啖奶茶咖啡香，苦中帶甜，過癮！邊款嘢飲都做得幾有水準，啱晒平民口味，一啲都唔做作。而加咗煉奶嘅絲襪奶茶啊，柔滑得嚟帶點迷人甘香，真係啱哂來塌實一下下午茶嘅心情。食物賣相都普普通通，但就係嗰種地道香港茶餐廳嘅家鄉味，食落去親切得滯。跟足香港人嗰種急急腳生活節奏，上菜快閃，幾分鐘就搞掂，食物熱辣辣送上枱。揾個位坐定定，啲阿姐兄弟服務都好親民，唔洗你搭多兩句，佢哋都知你想點。🤤🥢總結嚟講，拎隻筷佢就係咁keep住簡單，啖啖地道，又唔洗太多嗌嚟尋味。下次仲會拖埋班友，再嚟掃街食飯，真係過癮！哩度啱晒我哋呢啲愛食街頭味嘅人。👌

2023年12月3日我同事太太坐架林寶去旺角入完油之後泊喺始創中心去行下金魚街 顺便訂個60寸ADA魚缸⋯⋯但太太話肚餓要食食完午餐先去買魚缸！好吧 咁我話不如揸去半島酒店食啦⋯⋯佢話想食茶餐廳！咁我就諗起呢間：康年餐廳⋯⋯始創中心行去康年五分鐘內⋯⋯去到門口要排隊 現場都有6-8人排隊，等咗一陣到我地了入去坐低即叫：蝦球撈面、炸醬麵、麥西哥包、雞尾包、2個旦撻及2杯凍奶茶🧋⋯⋯食物好快到齊，蝦球撈麵蝦球彈牙（但冇挑去蝦腸）撈面亦出色、炸醬麵比較多少少油 、至於包類絕對出色 因為經常有新鮮出爐供應 旦撻又鬆脆、夠哂熱⋯⋯我覺得真係90分 10分是座位比較逼同埋要搭始枱😆😆😆😆埋單$200多元 真係超值 我地食得好開心漏咗生炸雞翼 絕對好味

每次打電話嗌外賣，收銀第一句就「講啦！」得埋嚟。落完order永遠無同你講句「收到/ok」，就咁就cut線。更加唔會講多謝！執漏野就老馮要你自己行多次！今日重賤！打去同佢落單，全程唔覆單，粒聲唔出就cut線。我開車前同佢reconfirm佢收唔收到竟然比佢鬧！呢個收銀阿姐，我唔知佢係唔係事頭婆？我見佢喺公司就同伙記嘈、收銀就媽比銀客人、聽電話就媽落單客人…其實我想講，佢個早餐A啲通粉份量愈來愈少，少到得大概四茶匙，實在好離譜⋯⋯一間餐廳態度差、又小家、同埋唔係特別好食…佢遲早聽執笠！同埋阿收銀阿姐唔該唔好將自己生活怨氣發去其他人身上！一句講晒，永不光顧！

諗住好好地食1餐。點知。。。d伙計一見到大陸人就發咗癲咁，我只是1個人黎食就搬咗3次枱。就係為咗佢地做生意。就算d嘢有幾好食都假啦～侍應嘅服務質素劣平。唔會再去

自己一向都中意食菠蘿油🫶🏻，今次食這間康年餐廳都算整得好出色，$12價錢也算優惠，😋菠蘿包是熱辣辣的，而牛油是十分冰凍🥰外觀上可能不算好吸引，但食落就非常好味🤓抵食💕👍🏻

身為一個香港人 菠蘿油依個小食 真的由細到大都很喜歡食 當然長大後才知道食一個的卡路里真的好高 哈哈 不過間唔中食下係ok嘅旺角的茶餐廳 好像是每次去都滿座 店員依舊係無禮貌（嗯 係香港茶餐廳的特色 大部分的態度都係咁上下🙃）但這間的菠蘿油的確好鬼大一個 $32的套餐就有一個菠蘿油+一杯紅豆冰 這價錢在旺角算是可以接受的了👍🏻（岀去食野好似愈黎愈貴 真係搞唔掂）· 蛋撻 好漏一個😬酥皮其實真係好漏 食完一個真係可以唔洗食晚餐😂

佢分配坐位混亂，同我同行嘈左兩句，有位時仲用埋單黑色簿仔拍枱問係咪兩位，「一陣間又嘈喇」，我回佢亞姐洗唔洗咁，佢回我係吖嗎。態度傲慢，吾蝕底。我哋坐低左起返身走。點解要幫襯佢真受氣！

茶餐廳特點就係上菜快，問題係我點咗個麵等咗20分鐘都仲未上，人哋隔離台遲過我嚟都已經食完埋單走啦，我就乜都冇！催咗兩次就係求其應咗我一聲咁就算數，服務態度有啲差law呢篇嘢只針對佢地服務態度，菜式不做評價

之前同朋友出左去旺角逛街，先食一個早餐！隨隨便便就搵左這間茶餐廳！叫了2份早餐！早餐質素就基本茶餐廳的質素！凍檸茶也很普通！但勝在環境不算太嘈！可以靜靜地享受一個早餐！

趕客嗎。食物沒特別，叫了特餐，茄牛通，炒蛋，奶豬，凍飲，48元， 迫，連袋也沒地方放，碟上有食物，阿姐都黎收，服務全沒有，似趕客，不會再來，浪費我的quota, 完。

朋友話太子旺角一帶，有兩間菠蘿包顏值極高，絕對係值得一試的，今日下午茶去了康年，原來全港目前只剩番一家分店。這家店幾乎每360秒就有一款麵包或蛋撻出爐，等了飲咗半杯奶茶的時間，終於遇上出爐的菠蘿包了。菠蘿包上方的一層，正正是這款麵包的靈魂，麵包外表色澤金黃，頂部的烈紋真的似一隻菠蘿，那層脆脆的菠蘿皮充滿奶油的香氣，脆皮的下則是柔軟的麵包體，口感非常綿密彈口，相信這家餐廳其它麵包款式也不俗。整個菠蘿包口感非常平衡，不會太甜或太油膩，非常適合當作早餐或下午茶作點心。菠蘿包是香港非常受歡迎的美點，由於其香甜的口感和獨特的外形，已經成為了許多人的最愛。大家不妨嚟呢家餐廳品嚐一下，相信它的味道和口感，定能留下深刻印象和回味，也絕對是食客一個不錯的選擇。朱扒炒烏東😋有兩件大大朱扒，真夠鑊氣！至於蛋撻…建議視乎情況先好落單。

唔怕話俾大家知，我係為咗個奶油豬先嚟康年食早餐🤣🤣因為離屋企真係有段距離……但已經隔咗好耐冇食喇！我決定再去會一會佢😎平時茶餐廳嘅早餐通常配炒蛋多士我真係唔鍾意但呢間就唔同呢，佢有三個選擇俾你揀小編揀雪菜肉絲米粉+奶油豬配凍奶茶（+$3）個米粉OK, 唔會一夾就斷個湯唔會太咸或者唔夠味如果佢可以轉榨菜就更好喇☺️奶油豬方面，佢落咗好多煉奶😍😍好開心！哈哈！凍奶茶我叫咗少甜，但都好甜但勝在好香濃同夠凍仲有唔知係咪假日太多人呢服務係零，啲野又黎得慢，唉😮‍💨希望佢可以加返多啲人手啦我都想再次幫襯

5點幾去食下午茶，友人叫炸雞脾沙律，好快到左。我叫乾炒牛河，佢食完我那份都未到，催單時阿姐說等兩分鐘，當然是假的，結果是很多個兩分鐘，最後超過35分鐘才到，太誇張，職員說拎了上來但找不到單，又拎了下去，最後要再炒過，完全不知說什麼。乾炒牛河和紅豆冰味道不過不失。

因為呢日喺旺角太子呢邊，但唔夠時間行過去金華買菠蘿包，於是見到康年這個菠蘿包的賣相和金華的都差不多，於是見佢亦都唔比金華貴，就試一試。雖然這個菠蘿包看來挺大個，不過它的外皮，的確軟得多，沒有金華那種硬身的菠蘿包脆皮，很容易剝落的脆皮。而且，內裏結實得來不算味香濃，即使我加了牛油在中間，也不太像是香味濃郁的菠蘿包。印象中康年的午餐或是晚餐，都是比較求其，現在都不太便宜的餐廳，以它的菠蘿包來說，其實算便宜，不過質素與金華比較，金華的菠蘿包就充分顯示出實力了。

個特餐蕃茄通粉牛肉, 蕃茄湯淡味牛肉冇味未去到臭應該唔新鮮, 豬仔包唔脆,奶茶難飲奶! 以後唔會再來! 還有服務非常差! 當啲客人好似乞衣咁,大畀錢㗎! 好似我來求食唔使錢咁! 還有個廚房非常之污糟建議食前千祈唔好去廁所,你睇完之後會反胃!