康和車仔麵茶餐廳

營業中

休息中

成日大圍出沒，麵未試過呢間車仔麵，我車仔麵控，食車仔麵來講心中都有個排名。我覺得有時出名既唔一定好食。今次試左大圍呢間康和車仔麵，數數餐牌，成50幾個選擇，我今次選了：豬紅、牛柏業、墨魚條和麻辣豬肚。豬紅：above average, 好食的豬紅是有湯汁味的，呢間做到。牛柏業：係爽脆透白、大大塊果款，食開車仔麵都知唔係間間牛柏業都爽脆，有些霉霉地顏色偏黃，通常果款係無咁脆，脆的這款壞處是鹼水味會重少少。我個人偏愛脆的呢款，如果湯底夠濃和入味，鹼水味就冇咁出。墨魚條：呢一間嘅墨魚條絕對推薦，雖然佢切到薄薄地得兩片，但係味道真係好爽甜，同埋有墨魚嘅鮮味。麻辣豬肚：呢間嘅豬肚正正常常，因為係麻辣汁所以都算入味，不過下次食我未必會再揀。偷聽到隔離枱嘅食客，話呢間嘅酒豆漿好好飲，好可惜我食嘅時候已經賣晒。最後，睇返之前嘅食評，好多都話呢一間優勢係大碗抵食，但係個人又唔覺得好大碗，每款餸大約得兩至三份，我食完一碗都未夠飽，好有衝動想叫多一碗。整體來講，下次會encore，不過就唔係最鍾意嘅頭三位🙈🙈

話說住左大圍咁耐都無試過呢間店可能係位置問題吧今日屋企人想食車仔麵佢勁力推介呢間我就一齊試呀點左~粗麵, 豬紅, 生菜, 鮮腐竹, 尤魚 (腩汁)要讚下個鮮腐竹煲到好淋好怕硬崩崩果D好少見車仔麵店有呢隻鮮腐竹豬紅就夠入味唔會淡茂茂呀尤魚略嫌切到好細但其實質感幾好的菜同粗麵就正常呀試左屋企人點既炸海鮮球同蘿蔔真係好得呀蘿蔔堅好甜同無渣呢個都係比較少食到呀炸海鮮球應該係自家炸既咬落質感幾好唔會浸到淋晒總括黎講今餐好滿意呀

而家6點後無堂食搞到要四岀揾外賣食今次喺大圍見到有車仔麵就試下開頭叫完全無睇價錢點知原來都幾平$40/4餸+麵底再加熱飲/汽水都係$43炸墨魚條+豬紅+魷魚同時菜加左$6轉做手打魚麵墨魚條即炸 好好味豬紅都入味不過魷魚好爽 感覺唔多淋時菜就生菜🥬要咗辣汁係好惹味凍凍地好暖手另外朋友叫嘅係乾撈都唔錯而雞翼尖就好入味性價比幾高 所以可以encore 希望下次係黎堂食啦🤦🏻‍♀️🤦🏻‍♀️🤦🏻‍♀️

又一間位於大圍的小店，經常被人批評服務態度差劣的小店，但其實食物的質素相當有保證。一間車仔麵最重要快，入味，多選擇，它全部都做到了。尤其是蘿蔔，用牛腩汁浸住，十分冧和甜。其次，康和車仔麵的麻辣小食也想到出名，好似麻辣魚蛋和麻辣豬耳等等。對於一直在減少澱粉質吸收嘅我，康和最好係有全菜底（當然以這一個價錢來說不太划算），但這是奇優勝和較特別之處。最好可惜嘅係，豆漿永遠好早就賣完。餐廳另一個主打係芝士撈丁，男朋友都幾鍾意食，但可惜性價比唔高，所以就唔喺度推介俾大家了。

很久沒有來了，今日跑步到大圍經過，今日有少少想食，出發：魷魚鬚必食，味道保持到，汁帶少少甜、魷魚鬚沒有太un，不錯，但魷魚鬚就細條左，以前大大條但佳，碗仔翅一般，從來不會要求過高，我掛住車仔面到啦；湯底味道ok，沒有太多味精，配料選擇款式多，係我自己指定某幾款，其他都吸引唔到我叫，面的淋度Ok，加上至愛辣椒醬就係咁同時間滿足左我早餐加午餐🥣謝謝

話說我係呢間車仔麵既長期街坊客仔，有一晚幫媽咪買外賣，返到屋企發現俾左左第二碗麵我媽咪，咁我好聲好氣打個電話過去同佢講比左錯，希望佢可以換返岩過黎。點知個店員話叫我行返過去換，我當堂覺得唔合理，同佢講呢家係你哋出錯唔係我出錯，碗麵又唔係我食，梗係你哋搵人送返上嚟。跟住個店員話唔得，話冇人行唔開，仲我可唔可以唔好咁“浪”黎，之後仲cut埋我線。呢間咁惡劣態度既車仔麵以後真係要同佢講再見。

車仔麵店嚟講我最鍾意就係大圍呢一間， 四個餸加杯豆漿先43蚊重要勁足料重送條生菜， 好多時喺出面叫一個麵底根本就唔夠飽， 加多個麵底加幾個餸可能就已經5字頭重冇野飲。 呢一度係絕對食得飽你嘅份量。佢樣樣餸都做得唔錯其實呢埋眼篤都可以， 不過如果鍾意食辣嘅人 我都會推薦佢哋試下個麻辣豬耳 我今次叫咗豬紅，麻辣豬耳，牛筋腩，同埋鮮腐竹。除咗車仔麵之外佢嘅芝士撈丁都係必食㗎！ 又係食食下先記得影相， 個雞扒煎得好香脆juicy! 個面都烚得啱啱好非常爽彈！芝士濃！仲有佢啲小食都好正㗎特別要推薦個炭燒豬頸肉， 不過因為今次太飽冇食到 但見寫開食評都講埋啦。 燒得外脆內嫩。 諗起都流口水另外佢仲有得食魚麵， 係魚肉整成嘅麵條 ，我覺得都幾特別，好彈牙。

曾幾何時有朋友推介過我，大圍康和車仔麵係大圍街坊必食既，難得今日路經大圍，甘就必然要扮下街坊門口入面就係廚房，要經過一條相當窄既走廊先入到去坐低，大人入去都仲好地地，如果有小朋友入去就顯得相當有難度，因為距地既侍應姐姐会係廚房度攞啲麵出去，而顧客埋單俾錢都係同一位置依度都係要小心處理依條就係果條好窄既走廊，不過距地後面仲有一個門口可以進入既，香港地小人多，無辦法啦依間車仔麵，揀食咩都相當有挑戰其實係講梗距地食物既選擇真係多尤其係小食，仲有撈麵，撈麵又分有無芝士.......我嗌左個豬頸肉撈丁，依度啲撈麵全部都係撈丁除左邪惡之外味道都唔錯既其實碗車仔麵最大既敗筆之處係個魚皮餃有啲變酸左，两隻都係，豬肉室溫擺得太耐一定酸架依度扣最多分整體都ok，不過係俾個魚皮餃扣哂分

抵食車仔麵有好多料揀四個餸都係40幾蚊，平靚正👍🏻👍🏻 推介豬耳! 爽脆之餘好入味加左辣汁，離遠已經聞到好香喇!!!不過 真係幾辣下，大家要量力而為蜜汁龍鬚 甜甜地好開胃，而且幾爽脆 都幾大碟幾個人share做小食啱哂 

之前響附近做完facial幫襯過一次之後耐唔耐都會再食，因為好抵食，味道又唔錯！介紹過幾個住大圍嘅人黎試落單紙。餸方面有好多選擇，基本上車仔麵要有嘅呢度都會有，而且份量比出面多。今次叫左雞翼、酸齋、牛筋腩同時菜，好大碗同足料，有時會食唔晒！不妨試下加辣汁同麻辣汁，香口好多。每個人連埋野飲，四個餸埋單$50有找，一啲都唔貴，平靚正👍🏻👍🏻 不過呢啲地方，唔好預服務周到或者環境優美喇，因為地方細客人多嗰陣，啲姐姐係唔會點理你，自己搵位啦！

4餸車仔麵($40連豆漿，轉手打魚麵+$5)🍜餸要左蘿蔔、鮮菜餃、豬紅、滷水蛋，轉手打魚麵配清湯啲蘿蔔好稔，口感係好味的，但係！佢甜到一個點！🤢絕對唔係天然嘅甜，我諗係浸左糖水鮮茶餃好重胡椒粉味，內餡偏鹹，但啲菜幾爽，個皮帶少少煙韌，都唔差豬紅入味又唔太鹹，而且都有好多嚿😏滷水蛋同樣入味，但就鹹左啲，推薦比鍾意濃味嘅人😚至於個手打魚麵，口感彈牙，冇魚骨/魚腥味，但都冇乜魚味XD整體嚟講，除左個蘿蔔太甜之外，整體都唔錯，分量多，價錢亦合理，會再次幫襯🤗

今天下午去食碗車仔麵，叫了牛筋腩丶豬皮、韭菜餃及時菜，點知「牛筋腩」並沒有牛筋，我便問侍應為何沒有牛筋，她話這是廚師正常地隨手忽出來的，咁不如就叫牛腩就算啦！半條牛筋都無，她就行開了，完全無跟進，也不打算拿出少少牛筋給我，而且牛肉好硬。豬皮就整得幾好味，韮菜餃只有兩隻，入面只是韮菜，沒有其他肉之類，時菜是生菜，只有幾條。湯底味道太濃，味精也不少，食完口乾。全碗份量也較細，不抵食。我對面的夫婦都話細碗，十分鐘內就食完走得。

今日又來到大圍工作，一早已想好再來這間店食午餐。因為上次食完個蜜汁龍鬚，覺得好好味，好想回來時再過來回味。他的套餐都幾優惠，四個餸加一杯豆漿只係38元。餸的款式都佷多，如果要凍飲都只係加多幾元。朋友叫了辣汁，他都覺得很惹味。腩肉分了幾層，有膏有肉，唔錯。我叫左酸齋、牛根腩、雞翼和紫菜。今次只叫了腩汁，但已經夠味。重點推介的是蜜汁龍鬚，啲蜜糖好濃縮，魷魚一啖一口，好夾好好味。大家都食得好滿足，因為餐廳價廉物美。

上網見到這間車仔麵的評價好像不錯 #🍋👧🏻 這天經過附近決定一試-中午時間要搭枱 環境一般 見到上網有推介呢度嘅 豬頸肉芝士撈公仔麵🧀🍜不過👧🏻怕自己一個食會好膩 所以今次就先吃車仔麵🍜-🔻四餸車仔麵 配凍飲 （$43）蘿蔔牛柏葉魷魚麻辣豬耳 粗麵 加腩汁豬耳👂🏻煮得很軟唸 不算麻 辣味慢慢滲出🌶蘿蔔😉冇渣煮得夠林 不會苦魷魚很一般 無味☹️但是夠爽口😕牛柏葉煮得太耐😓好似煮到爛晒 軟晒 完全唔爽🤥粗面都係同樣問題😥所有野都煮太耐😔腩汁吾濃 基本上無乜🤷🏻‍♀️同埋個面好奇怪🙇🏻‍♀️唔知點解面頭好似好多油🤦🏻‍♀️定係豬耳煮出嚟嘅膠質⁉️ 可能是👧🏻見識有點少了🙍🏻‍♀️⭐️評分：3/10-🔻凍奶茶少冰 茶味都OK 唔鍾意太甜嘅人可以叫少甜⭐️評分：5/10-總括嚟講 覺得名過於實👁－－－－－－－－－

係大圍想食到車仔麵，除左康和依間之外，好似真係冇乜了。店裡除了車仔麵食之外，仲有芝士撈麵同小食。今日點左個4餸車仔麵連凍飲，湯底唔錯，可以揀清湯，牛腩汁麻辣汁等....韭菜餃好適合我口味，入面只有少許肉碎，基本上全隻都係豐滿韭菜。蘿白入晒味，必叫之選，雖然紙上面魚蛋只有辣的選擇，但我刪除辣這個字，他們也會給我一份不辣的唯一失望就係墨魚條...一條開兩邊就當一個餸，有啲唔抵叫。環境有啲迫，加上服務員講野太太太大聲了，好嘈吵，會令你想快啲食完快啲走既感覺