康和車仔麵茶餐廳

營業中

休息中

康和車仔麵茶餐廳位於大圍積富街，為街坊熟悉的小食式茶記，主打各類粉麵、小菜與常見港式快餐組合。餐廳座位設於狹長格局之內，靠牆設有單人位，中央為雙人至四人枱，運作模式以快進快出為主。是次用餐時間為平日下午約1時，店內七成滿，點選餐點為雞扒芝士撈麵配凍檸茶，屬熱門組合。五分鐘後主食送到，雞扒芝士撈麵為乾撈形式，底層為即食麵條，雞扒預先香煎至微焦邊緣，無骨處理，覆於麵上，並有厚身芝士鋪面。芝士集中於麵中央位置，味道分佈平均。桌面簡潔，設有基本調味料（辣椒油、醬油）與紙巾，均為自取。現場座位翻枱節奏快，顧客多為一至兩人同行，整體用餐時間約為20分鐘，適合短時段補充餐點需求。餐點設計具高度識別度，雞扒＋芝士＋即食撈麵屬視覺與操作感兼備之快餐形式

對我來說，現在吃車仔麵已經不再經濟實惠，甚至可以說是奢侈，稍為企理的車仔麵店，吃四餸已經動輒超過五六十元，如果比較有特色的車仔麵店，叫一些貴價少少的餸，七八十元一碗一定走唔甩。呢間喺大圍好多年嘅傳統味道車仔麵，價錢尚算合理。蘿蔔冇渣清甜，有四大件。鳳爪兩隻，滷水鳳爪，比較難「𠹹」骨。難得有柚皮兩塊，炆得好腍，早知叫雙份都唔叫魚肉，因為魚肉份量離譜，得個五條（見圖）。總括而言，正正常常，可以一食，但座位比較逼夾，繁忙時間坐得比較辛苦。

康和車仔麵我最鍾意佢嘅蘿蔔，墨魚條，魷魚同埋豬皮搭個湯底好好味，佢嘅蘿蔔好入味非常淋又甜，魷魚夠爽脆，豬皮夠淋夠入味，湯底要加辣加腩汁真係不得了，如果唔想食麵嘅可以轉蘿蔔底加餸都係一個好好嘅選擇不家可以試試。

車仔麵真係好正！你可以隨心所欲選擇配料，豬皮滑滑的，咬下去好有口感；蘿蔔煮得剛好，吸收咗湯汁，味道超級入味；雲吞皮薄餡多，咬一口就有肉汁流出，真係好滿足！再加上牛筋腩，軟嫩得來又有嚼勁，搭配上香濃的湯底，簡直係人間美味！

本身叫五樣野加米線,俾我之前已經問多次係唔係米線 ,個員工話係到我回到家一打開,除左一樣,其他全部野都錯連麵底都錯,都唔知咩事,眼見餐廳本身不是太忙以後買外賣真係小心D,叫佢打開睇睇先走

點咗間店嘅招牌菜——芝士撈麵同埋豬頸肉，跟住餐廳嘅建議，配咗杯豆漿。我哋選咗2餸麵嘅豆卜同墨魚丸，真係一個驚喜嘅發現！😯🍜 芝士撈麵真係一試難忘！嗰芝士醬滑溜溜嘅，包住晒每條麵條，入口即溶，咸香之餘又帶少少甜，令人一啖啖都愛不釋口。至於嗰豬頸肉啊，外層煎得啱啱好，入面嘅肉汁保持得宜，每一口都咸香可口，肉香四溢，正宗港式滿足感！😋另一邊廂，嗰2餸麵，豆卜同墨魚丸，都算唔錯。尤其係墨魚丸，有咬口，夠彈牙，麵條又無太腍，真係值得一讚。 ☺️食物之外，坐喺茶餐廳嘅角落，環境舒服、人流又唔多，真喺好適合同三五知已慢慢嘆、傾吓心事。雖然話呢度唔算係啲咩高級餐廳，但係提供嘅美食，味道同享受係絲毫唔打折。有得食、又有得聊，港式茶餐廳文化真係得其所！👍🏼

見放假落街食個晏，去左附近康和車仔麵食，叫左幾個餸都係凍既，其中個韮菜餃係生既，店員聲稱冷藏完嘅豬肉係咁既色，點信佢？但如果係真咪仲恐怖過啲殭屍肉。 以後唔會再幫襯，啲食材太唔衞生。

📎餐廳類別：車仔麵⏰用餐時段：晚飯9pm👉🏻👉🏻適合：糧尾必食🌝💸🍽餐廳環境：🧡🧡💛💛💛🙋🏻‍♀️餐廳服務：🧡🧡🧡🧡💛👨🏻‍🍳👩🏻‍🍳味道🧡🧡🧡💛💛💲性價比：🧡🧡🧡🧡💛(5🧡最高)今日好夜收工 同啲同事dinner 住大圍嘅朋友介紹呢間車仔麵天氣涼左 食熱辣辣嘅車仔麵覺得好正九點入座 都七成滿座率睇嚟真係幾受歡迎車仔麵餸選擇好多價錢赤好優惠 印象中$48/4個餸🤪真係平靚正 我自己揀咗麻薯辣湯底嘢食上枱聞到好香

我唔係第一次嚟食呢到都好多人特登嚟潮聖，我成日喺附近就更加唔例外。呢到餸款多，而且一D特別d例如：柚皮🍊都可以食到。如果你係唔食澱粉質🙊，或者減肥🧘🏻‍♀️嘅朋友，仲可以揀菜底添！不過選餸要精明🤣事關佢餃類同丸類比較貴。佢一份餸要8蚊，但餃類同丸類只會比兩粒，如果滷肉都係兩片，牛筋腩就大約兩筋，然後一大一細肉咁啦…但比如冬菇、蘿白果d佢又比好多嫁喎🤷🏻‍♂️小食呢就都係偏貴嘅，成40嘅雞亦有4隻，龍鬚就真係得幾條，不過其實味道好食，所以有時都忍唔住會食🤭所以整體嚟講只係不過不失，味道都唔錯嘅車仔麵

我住附近，呢間車仔麵成日都幫襯食物係確實好食先會成日嚟但睇住佢加價，但野食就愈嚟愈細份。今日嚟到，本來A餐43蚊，4款餸配豆漿，但話無豆漿供應，咁都無計，唯有要B餐46蚊嘅要汽水。因為蜜汁龍鬚同瑞士雞亦要等，所以一坐低就叫咗先。今次食真心失望💔佢嘅麻辣本來對我嚟講係好辣，但以前辣得嚟係有香味，所以我總會叫一款麻辣餸。但今次食就只係得返辣，甚至有d辣到苦，食唔到香味。蜜汁龍鬚要4x蚊一碟，同一個麵餐價錢一樣，但就縮哂水，得幾條，而且每條仲細size過以前好多。以前真係「龍鬚」🐲，今次得返蝦鬚🤷🏻‍♂️車仔麵入面每款餸都唔同咗，比如滷肉只係得2片，滷水豆腐只係比炸豆腐，根本都無滷過，柚皮無以前炆得咁淋咁入味。幫襯咗咁耐，希望有所改善啦！都想繼續有得食返以前好好味嘅風味😔

已經食過好多次，好好味！最鍾意係食羅白，堅好食！又甜又新鮮！滷水豆腐都係我至愛！其次係豬皮都好正！最開心係佢有得唔要麵底，而要菜底！戒碳水減肥真係正❤️揀埋杯檸茶走甜！真係減肥最愛嘅餐廳，正！

有去過或者聽聞過《大埔老地方）🙋‍♀️-如果大家吾知既就等小編黎介紹下啦😋，雖然老地方已經光榮結業，但係佢地最出名既就係芝士撈丁，當時好多人都係衝住佢哋既芝士撈丁過嚟🧀，佢哋既芝士吾會膩，雖然係1款普普通通既撈丁，但係就成為左好多人小時候既回憶🌌-呢間係無意中係openrice search有咩好野食，就見到呢間都幾高評價就去左試，去到就叫左佢哋既招牌菜芝士撈丁，味道就不過不失既，芝士吾算膩，有啲似忌廉芝士，🐷頸肉都吾錯既，係蜜汁🐷頸肉黎-另外都叫左麻辣湯底既車仔麵，佢哋嘅麻辣湯底味道十分香，超級吸引味蕾🤤亦都有好多吾同選擇既餸菜👍讚讚

個人認為要數大圍好吃的車仔麵，康和都係一個很不錯的選擇！康和喺大圍已經開咗好多年，差唔多樣樣野都比我試食了，不過我嘅至愛都係呢一碗豬紅：入味而無臊同腥味，亦不會一咬就散酸齋:口感煙韌，味道不會太酸，吃後也不會因酸醋太多而喉嚨唔舒服紅腸：煎過後皮脆，正麻辣豬耳：不會切得太幼，口感又爽又煙韌！而且不會太辣，應該譚仔五小辣的人也可嘗試幼麵也不會淥得太耐，能保持口感爽彈最正嘅係佢嘅麻辣汁，又香又麻，而且夠辣，食得好過癮老闆也很Nice，有禮貌，做咗咁多年實屬難得

下午5點過尼叫左個芝士雞翼煎蛋撈公仔麵 隻蛋煎到濃哂 個芝士汁勁淡 又小，得份量多有3隻雞翼，算大隻 ，中意頹食冇咩要求既人岩哂另外我老公叫左碗車仔麵，要麻辣汁 又係淡過水勁似清水就咁落小小麻辣落去 可能店長都知自己間時冇乜味，所以每枱都會放個調味架係到，有齊哂調味咁制。全場最好味我諗係佢調味架上面個辣椒油唔會有下次

成日大圍出沒，麵未試過呢間車仔麵，我車仔麵控，食車仔麵來講心中都有個排名。我覺得有時出名既唔一定好食。今次試左大圍呢間康和車仔麵，數數餐牌，成50幾個選擇，我今次選了：豬紅、牛柏業、墨魚條和麻辣豬肚。豬紅：above average, 好食的豬紅是有湯汁味的，呢間做到。牛柏業：係爽脆透白、大大塊果款，食開車仔麵都知唔係間間牛柏業都爽脆，有些霉霉地顏色偏黃，通常果款係無咁脆，脆的這款壞處是鹼水味會重少少。我個人偏愛脆的呢款，如果湯底夠濃和入味，鹼水味就冇咁出。墨魚條：呢一間嘅墨魚條絕對推薦，雖然佢切到薄薄地得兩片，但係味道真係好爽甜，同埋有墨魚嘅鮮味。麻辣豬肚：呢間嘅豬肚正正常常，因為係麻辣汁所以都算入味，不過下次食我未必會再揀。偷聽到隔離枱嘅食客，話呢間嘅酒豆漿好好飲，好可惜我食嘅時候已經賣晒。最後，睇返之前嘅食評，好多都話呢一間優勢係大碗抵食，但係個人又唔覺得好大碗，每款餸大約得兩至三份，我食完一碗都未夠飽，好有衝動想叫多一碗。整體來講，下次會encore，不過就唔係最鍾意嘅頭三位🙈🙈