度小月 (砵蘭街) (已結業)

諗住中午入去食個lunch,叫左個蚵仔湯飯同一個豬軟骨麵另外加左個滷豆腐，首先2個餐等左差唔多40分鐘先見到一個豬軟骨麵，個麵完全無味，豬軟骨同平時食既排骨一樣感覺。跟住店員再拎住件白色豆腐過黎話件豆腐未上到色，立即取消order,佢再將位豆腐放去格離枱…..成個餐食完，個蚵仔飯仲未到…..谷鬼氣，取消埋佢。搞左成粒鐘附近幾張枱既野食都係食左1-2啖，大部分都係唔夠一半就走人，可想而知係………絕對無下次

旺角台式兩餸飯專門店度小月尖沙咀分店水準尚可，旺角店新開張眼見環境唔錯，一戰。一試就出事，珍珠奶茶係走茶，全杯水味，係有珍珠嘅水另一半飲芒草乳酸，實情係芒草藥水主菜30分鐘送到，懷疑係係隔離兩餸飯買返嚟咕嚕肉，仲要得一餸。追加小食嘅四季豆都係凍，絕對係職員午餐食剩嘅四季豆，加埋都冇10條唯一正常係花枝丸，有兩大粒。服務環境正常，如果唔係露宿者，可以選擇買個40蚊兩餸飯返屋企食，應該會更加好食同開心

見新開張所以幫襯，點知中哂伏，宜家先醒起一定要寫負面食評，希望其他人睇路。2個人去食，叫左4樣野，原本諗住一定唔夠再叫，但食完第一啖已經好彩冇一次過叫，食完完全唔飽都嬲到即走轉場。叫左擔仔麵，小籠包，蚵仔酥同肉燥飯，全部一句總結：難食又相對貴嘅垃圾。1. 擔仔麵話係最出名，一黎size勁細碗得2啖，仲要係滾水煮麵黎，湯底完全冇味，肉燥勁少根本係一碗齋麵，$38你話唔貴都唔係咁質素。2. 小籠包一食就知係超市買現成嘅整返熱，$43四粒，皮又厚又硬，味道仲衰過超市買$10十粒既南翔小龍包。3. 蚵仔酥又話係推介，$78得10粒左右，蚵仔完全冇揀過就沾粉拎黎炸，食落根本就係食緊成啖炸粉，有啲細粒到根本唔覺得得入面有野。4. 肉燥飯應該係直接加熱度小月出嘅肉燥罐頭，再倒少少落飯比你，勁鹹，跟住又係勁細碗，兩三啖食完。同擔仔麵一樣，$38都唔係話咁質素比到人。唯一可以讚係環境同啲服務態度算好，但作為一間餐廳你食物做到咁求其，我真係完全唔明點解要開餐廳，真係早執早著。PS. 後來同朋友同事講起，原來香港所有度小月都係咁伏，台灣總公司方面真係要考慮下個名變臭。

星期日夜晚周圍都鬼咁多人，行過見到有間台灣小清新感嘅感覺。入到去裝修好舒服，啲位都幾闊落。因為假期夜晚，就冇套餐，就只能散叫，感覺有少少貴。有個炒蛋要成七十幾蚊。黎到杜小月一定要試下佢個面，因為佢其實係有個小故事嘅，大家可以留意下佢嘅餐紙。先呢上個鹽酥雞，ok脆口我覺得淡味咗少少，可能我個人偏重口味。另外叫咗個鹹豬肉炒飯都幾好食。再嚟就係佢嘅次名度小月擔仔棵麵，餸就冇乜㗎啦，有一隻蝦，同埋少少嚕肉同埋芽菜。口感唔錯，味道都幾好，但係就肯定食唔飽。最後個小籠包皮厚咗啲味道都ok

剛好有點餓，看到新開的度小月，諗住試下，點知所有野都是凍的🥶一坐下店裏感覺舒服，人不多，不知道是否新開，餐牌裡不是每樣餐點都有。用手機下單後，等了一會食物便上桌，我們點了兩個餐，一個是紅燒雙盛湯麵，另一個是鹽酥豬排肉燥飯。紅燒雙盛湯麵肉丸是暖的，但牛肋條是凍的，肉的脂肪部位還是白色的，麵條較硬身。之後鹽酥豬排肉燥飯的賣相不錯，但飯同肉燥都是凍的，雖然肉燥味道不錯。鹽酥豬排炸粉很脆但肉非常乾身沒有肉汁。珍珠奶茶味道較甜，但感覺很稀，比一般其他台式飲品店的味道還差！整體來說不論食物或飲品的質素都不好，這麼知名的台灣老店卻出現這樣的質素，很令人失望。

中午想隨便吃點東西，剛巧看到旺角有一間新開的台灣菜，然後就去試了我起初以為會配送小食和飲料，可是後來店員告訴我只能小食和飲料選一項，那麼電子落單方面會令人誤會肉燥飯配鴨蛋🥚 $58午餐的份量不多，而且我看到其他客人點肉燥飯的肉燥份量參差不齊，而且肉燥是大有死咸味，大概只有鴨蛋是最好吃吧，配菜是萵筍，可是也是偏咸😖之前新開張看到很多人在排隊，可是吃過號感到失望，所以不推薦喔😖度小月 (砵蘭街) (旺角)旺角砵蘭街185號地舖