度小月 (砵蘭街) (已結業)

見下午茶好似幾平，午餐70幾蚊仲有八五折，所以試吓，套餐有一個主食、一個小食，加幾蚊有嘢飲，小食叫咗鴨血，正正常常，至於最難忘就係嗰碗肉燥飯，得個死咸完全冇油香，都真係食過數一數二難食嘅肉燥飯，同台灣嘅爭好遠，至於鹽酥雞扒啲肉係幾滑幾多汁，但係出邊嗰層炸粉唔夠酥脆同埋偏鹹，但係雞肉裏邊又冇調味，至於杯奶茶算幾淡味，以為台灣過江龍應該會幾好食，點知完全大失所望，最後埋單65蚊，算幾抵食但係真係唔好食。

晚餐入得黎真系要出返去搵其他野食，純粹見佢裝修唔錯，無睇評價，諗住台灣野唔會幾差，點知可以咁差，價錢唔貴但真系預百幾蚊食二三十蚊質素都無問題既，呢間野真系性價比低同非常難食，入得去食就預咗唔會食得飽同諗住好食，三個字伏到嘔同真系一試就難忘，「系唔會忘記點解可以難食到咁」無一樣野系好食既！特別系杯野飲，真心世界級難飲仲要加八蚊加杯珍珠奶茶，淡而無味，珠珍仲衰系淋啤啤既，真心唔知咩挽法，鹽酥雞就乾柴烈火，食落完全無雞味，只有調味料嘅味道，打完嘅咕嚕肉真心系$35雙餸飯嗰啲質素！紅燒牛肉面牛肉系無味，湯就更加無味，仲衰過茶餐廳嘅質素，四季豆就凍嘅！呢間嘢沒有最伏只有更加伏！無

昨晚突然懷念多年前台灣街頭的炒米粉油飯檔子。朋友說在度小月吃過不錯，就一試吧。先來擔仔麵，還原度不錯。朋友叫了豆腐乳炒羅漢齋⚠️，菜單說是娃娃菜，我怎看怎吃都是紹菜🫤，這個根本是南乳炆粗齋嘛，而且還屬於不好吃的類別。幸好來一個炒米粉，面頭上大量烤過的櫻花蝦， 切得豪邁的椰菜條，還有大大件的雞柳，配上新竹米粉。米粉炒得略濕，整體味道是可以的，但仍然不是那回事，「櫻花蝦高麗菜雞肉炒米粉」，每樣材料都是分開的，呀，還有蛋，是濕潤細碎的。每樣東西分開吃，味道都不錯，但就是有點貌合神離。看來還是快點飛一轉台北好了。

最近幾年食度小月次數加埋應該超過幾十次實在太喜歡佢地d野食了我個人最愛係三杯雞/ 溫泉絲瓜蛤蜊另外佢地炸大腸都好好味如果大家平時經過都可以試下旺角分店我覺得都幾舒服

原先對「度小月」在臺灣是享負盛名的百年老店，對其美食抱有期望，所以知道它在旺角開了分店，便想一試。那天我們要了雞扒肉燥飯套餐和牛肉麵餐，先說肉燥飯套餐，送來時肉燥沒有很多汁，肉比較瘦，沒有肥肉，已跟往常在臺灣或香港臺菜館食的不一樣，一試味道頗鹹，沒有預期的醬香味（可能比罐頭肉燥更差），整個飯偏乾偏鹹，沒有豐富的滋味，是水準以下的表現。雞扒炸得比較油，炸功一般，未能把多餘的油逼出，頗為油膩，雞肉偏乾偏硬（不是脆），味道一般，甚至比「豪大大雞扒」更難食。牛肉麵餐的牛肉麵，湯底是一般的味道，比很多坊間的臺式牛肉麵遜色，麵是寬條麵，但煮出來比較碎，掛湯能力一般，麵和湯是分離狀態，牛肋條煮得軟腍，味道尚可，配搭的牛丸，比較一般，配麵的酸菜不是臺式的，是一般潮式酸菜，鹹甜適中，也可以，但整體來說不是一個合格的臺式牛肉麵。跟牛肉麵餐的鹽酥雞，也是油膩和乾硬的呈現，內中更有不少炸到乾硬的雞皮（是，沒有雞肉的雞皮），當然也沒有肉汁。以一間百年老店的水準來說，這次體驗可謂大失所望，不知是新開店的水準失誤，還是其他原因，但肯定這水平是合格以下，希望它能改善，以免百年老店的名聲蒙塵！

第一次亦是最後一次食呢間野外賣奶茶杯係爆既，我返到屋企已經倒瀉一半另外盒飯入面竟然有條毛仲要有毛囊既！當場已經無胃口再食，價錢都唔算係便，質量可唔可以執好少少，難怪咁多差評，中伏！！！

旺角終於開間台灣過江龍- 度小月啦！ 一直都想試下， 今日見冇乜人仲要到左下午茶2:30 pm 全單有85折，抵食 👍🏻1. 櫻花蝦高麗菜炒竹絲米粉 套餐 $68 下午茶85折 = $57.8 叫左個下午茶套餐 包一個小食加主食，我就叫左個小食-滷水豆腐，而主菜就叫左櫻花蝦，高麗菜，雞肉粉竹絲米粉！ 滷水豆腐超滑溜，濃濃既豆香味，一磚豆腐加上蔥粒，賣相不錯👌🏻櫻花蝦鋪滿竹絲米粉上，好有蝦味🦐🦐而且蝦好脆，竹絲米粉加入高麗菜同雞肉一齊炒，超級惹味 每一啖都食到櫻花蝦 ！ 份量都算多，美中不足是如果選擇小食就不包飲品！

肉做的又老又柴 像是在快餐館做好大半日的那樣。乾巴巴 太失敗了。從來都沒吃過那麼難以下嚥的爌肉飯。還有那個台灣滷腸。是用來開玩笑的嗎。！？吃過一次基本就不會再來。還有就是米飯硬的太離譜。阿嫲吃完了幾天都難以消化

份量細，味唔好食，鳳里肌肉益益地，三色椒好生，好似就咁切完放上碟咁。套餐加18蚊貢丸得兩粒。珍珠奶茶少甜變咗凍水。鹽酥雞稍為正常少少。唔係好飽，不過唔敢再叫其他野食。

今日係旺角午飯。經過依間裝修都幾精緻既台灣餐館就入去試試，點知中曬伏。我叫左鹽酥雞扒配肉燥飯再加杯凍燒仙草奶茶。鹽酥雞扒其實都唔太差。塊皮非常厚但都好脆口。感覺正正常常。但杯飲品無奶味，無茶味和無糖。 好飲飲緊水一樣。

度一齊苦難旺角度小月話說看到這一間台灣連鎖店，以為品質會有少少保證，可惜原來我太天真叫了一個炸豬扒、菠蘿咕嚕肉、同普通的鹽酥雞，蔥油雞肉質比炸粉更硬炸粉的硬度，媲美骨頭四樣嘢有三樣嘢完全中伏白飯是微溫，唔知以為係壽司飯菠蘿就係冇煮過嘅罐頭菠蘿好明顯罐頭菠蘿溝埋超硬炸豬扒，就以為係菠蘿咕嚕肉最後店舖的經理還是主任行過來say sorry 我極度懷疑佢從來都冇試過行自己店入面食嘢

看到了那麼多人排隊以為有什麼好吃，簡單叫了一個鳳梨咕嚕肉及炸豬扒。炸粉比豬肉更加硬，中間嘅骨頭基本上同查粉硬度一樣，另外有個雞肉就比較正常可以入到口一碗飯比起正常茶餐廳更加差。不要叫做度小月應該叫做度一切苦難

行開旺角唔知食乜，見佢新開就試吓啦😃知道佢有其他分店，但都係第一次食🥢.中午有lunch set揀，揀左鮮蚵仔肉碎泡飯（配熱珍珠奶茶）、鹽酥雞排湯麵（配滷台灣香腸，另加購熱阿拉比卡咖啡）🧋🍜🍚見到素食類選擇都算多，值得一讚👍🏻.✨鮮蚵仔肉碎泡飯✨咁岩果日天氣潮濕，想食d熱辣辣暖笠笠既野，就揀左泡飯😚上面有十幾粒蚵仔，雖然唔係粒粒都飽滿，但食落都算新鮮🦪至於湯底屬於比較清淡果隻，第一下飲覺得好淡，但食吓食吓就會變到岩岩好，飲完亦都唔口渴😬泡飯入面仲有d冬菜，標準配搭啦😛✨鹽酥雞排湯麵✨當日因為廚房壞爐，等左好耐先有得食，雞排岩岩炸起好香脆，不過調味都係比較淡，無平時食果d咁惹味🤪至於麵就好似上海麵咁既質感，湯底就有少少魚&豉油味，麵上有肉燥🫶🏻✨滷台灣香腸✨台灣香腸食得多，但滷台灣香腸就無食過🤣食落有滷水香，而質感就似港式臘腸mix潤腸🤣都幾得意，不過得果一條有d失望✨熱珍珠奶茶✨奶茶幾好飲，不過珍珠就無乜味，得面頭少少甜味，咬落係無味道的.✨熱阿拉比卡咖啡✨咖啡唔算好香，叫左少奶，但飲落都仲係好多奶🙈一般般姐.🤵🏻服務方面，可能係新開關係，店員好似唔係好熟手，枱面唔大但又唔會收起d碟先

見到新開 望落都唔錯 入邊都坐左一大半客 就試下啦點知伏到嘔嗌左2個Lunch set 紅燒牛肋條牛丸麵+麻辣鴨血·紅燒牛肋條正常野·牛丸表面滷水咸味 食落有陣甜味·鴨血 完全一啲麻同辣都無係嗌貨返黎加熱就出得餐既感覺已經覺得個麵唔好食無諗過另一樣仲難食鹽酥雞扒肉燥飯+滷台灣腸·鹽酥雞扒 由內到外都完全冇味 ·肉燥勁咸 剩係食到醬油既咸味only 超難食·台灣腸 不過不失 但滷完無咁好食珍珠奶茶·無奶味 無茶味 水浸珍珠咁飲左一啖已經飲唔落 勁難飲冷泡茶·好淡 真係未食過一間咁難食既台灣野

第一次嘗試香港度小月行過見到新開張台灣美食一向係我既心頭好就決定入去試下我係叫左一個午餐set套餐可以叫小食或飲品叫左雞排肉燥飯加飲品酥炸口唔錯 肉燥都夠多而且份量都好夠，一個女仔會食唔哂珍珠奶茶係合格，甜度正常珍珠都有咬口係點餐系統無得較甜度同小冰希望可以改善下第一次去 總結係滿意既