54
3
0
電話號碼
24669313
開飯介紹
中式海鮮中菜館，裝潢簡約雅致，設有大魚缸養殖活海鮮，生猛海鮮料理、點心及風味小炒也有供應。
繼續閱讀
營業時間
今日營業
08:30 - 22:30
星期一至日
08:30 - 22:30
公眾假期
08:30 - 22:30
*截單時間：21：45
以上資料只供參考, 請與餐廳確認詳情
有關獎賞計劃
🫣入錦田食岀名的下午茶🫖每碟點心都係即叫即蒸，熱辣辣上枱🫶🏻每碟點心都係全人手包製🫲餡料豐富，食到用心❣️價錢偏貴，但真心好好食😋仲有得免費泊車🆓
繼續閱讀
其實book mark咗呢間茶樓好耐，但係實在太偏僻，所以冇打算嚟。今日仲爭冇私家車添，但係突然間屋企人心血來潮話去，咁就喺上水搭車過嚟。咁喺上水搭車過嚟又唔算太耐都係半個鐘頭到，落咗車行過天橋都係5分鐘就到啦。入到酒樓見到佢個格局，突然間諗起三聖邨嗰間廣東名門，咁我就覺得應該同一個老細啦。因為裝修同嗰邊相差無幾。講返啲嘢食先，個燒鵝雙拼套餐幾抵食二百幾蚊有燒鵝叉燒一碟炒青菜同埋一鍋奶粉，個叉燒勁腍滑好有咬口肥瘦均勻。個燒鵝都唔差，仲要係燒鵝髀。整體點心夠熱又好食，個蝦餃皮薄多汁又多蝦肉夠爽口。個魷魚鬚都幾入味個流心奶黃包超爆汁，但係個壽桃就冇想像中咁甜偏淡。當中比較差少少嘅就係隻糯米雞啲餡料真係比較遜色咗少少。所以唔好俾佢點心紙張相呃到，可以唔叫。蛋散夠鬆化，嗰椰皇都幾清甜，值得一試。咁樣食吓，都九百幾蚊埋單，係有少少貴，但大部分食物水準都值得嘅。
繼續閱讀
廣東名門位置較隱世， 要從元朗港鐵站再坐小巴入去或者有自己車嘅朋友就會方便啲， 見餐廳嘅停車場都幾大，晚飯時間會泊滿車！一去到門口就好有私房菜feel, 餐廳裝修不俗配以各種擺設，環境舒適不失格調。另外見到門外都有位置可以坐，相信依家太熱，涼啲先會開馳名燒汁牛肋骨成條牛肋骨放咗上碟，好誇張啊！牛肋肉細嫩順滑，相信已經燉咗一段長時間。 本身牛味十分濃郁， 燒汁稍甜但伴以洋蔥等配料同牛肋肉味道出奇地夾。薑蔥豆鼓滑雞煲滑雞半身滑溜有底味，食得出係有走過油，香口而不會有膩感。配料同樣好味，彩椒，豆鼓，蔥蒜等令整道茶式融合，送飯之選！名門太子炒飯通常炒飯就食到師博功架， 呢個炒飯絕對係水準之上。金黃色炒飯中輔以菜粒，松子仁，蟹子，馬蹄等令炒飯香口又有口感。 本身炒飯炒得非常乾身，粒粒分明。特別一提炒飯入面有幾粒青豆，唔食就要提前講啦！
繼續閱讀
假期踩單車經過，見到門口幾有特色。於是就同朋友試吓。食物估唔到都幾有驚喜，特別要提係香蔥蝦米腸粉同埋香芋南瓜煲。個蝦米腸真係勁滑，而且有咬勁。蝦米加埋D蔥好香，一致認為係最好食嘅👍👍另外個香芋南瓜煲，芋頭好粉南瓜又好甜，用個瓦煲上，出到黎支支聲。非常之香。下次一定會再試埋其他野。
繼續閱讀
🚗💨昨晚我同屋企人揸車去咗元朗，經過一家廣東名門酒家，見到佢氣派的門口就忍唔住入左去食晚餐，真係驚喜到爆！啲菜真係好有特色，令我食完仲想再食！🤤🍍🍖我哋試咗鳳梨咕嚕肉，啲鳳梨肉香甜，帶有微微酸味，同埋啲咕嚕汁好濃郁，肉質嫩滑。京蔥大連鮑魚煲啲鮑魚燉得好腍，肉質鮮嫩，啲蔥仲帶有啲辣味，味道好豐富，好啱嚟食！椒絲腐乳炒通菜啲通菜炒得爽脆，椒絲味道好濃郁，腐乳令啲菜更加有層次，好有嚼勁，好好味！蒜蓉蒸海中蝦啲蝦好新鮮，肉質鮮甜，蒜蓉味道正，蒸得剛剛好，啖啖都係鮮味！同埋黑椒茄子牛仔骨煲啲牛仔骨燉得好腍，啲茄子仲留得啲口感，加埋啲黑椒醬汁，好香濃！每道菜都有佢獨特嘅風味，好好食！👌🌳雖然元朗廣東名門酒家位置唔係好好，但係呢度嘅環境真係好舒服，裝潢好有氣派，好啱嚟開party同埋同親朋好友食飯！酒家嘅服務都好好，好細心，令人感到好舒服。👍👏元朗廣東名門酒家真係好驚艷，啲菜好有特色，環境又好舒服，服務又好好，絕對係一個值得推介嘅中菜酒家！如果你鍾意中菜，又鍾意舒適嘅環境，就一定要嚟呢到試下啦！#廣東名門 #香港廣東名門 #香港美食 #香港中菜 #中餐廳 #元朗美食 #香港探店 #元朗探店 #香港必食餐廳
繼續閱讀