幸鮨屋 (已結業)

日本野黎講我覺得呢間都算抵食。平時食開$108揀三樣野食嘅set，今次想食啲熱野，就揀左個芝士泡菜豚肉鍋烏冬。價錢唔貴，啱曬我呢啲窮學生食。成日出街食飯，好少食菜，呢個有好多菇好多菜，即刻感覺健康左。豚肉有好多塊，每塊都好有肉味。個湯味道好濃郁，好有芝士味，差啲飲曬個湯，但怕肥所以放棄左。

今日收左工同朋友去西環行下海濱順便食飯睇openrice 見到新開左一間日本店， 有我最中意既左口魚， 於是就入去試下。一入去好有居酒屋既感覺， 最吸晴就係店主一排高達，以及上面既黃口罩。地方小小 , 但五臟區全， 有壽司區， 水吧區等等， 一就坐店員都好有心馬上遞上濕紙巾每個座位亦有隔板， 夠哂衛生。未叫野食個時， 店員送上前菜， 估唔到都有前菜食， 問過先知原來係小丸子棒， 食落果然同章丸小魚子味道一模一樣。望下餐牌， 掙扎於叫石燒牛好， 定係食壽司， 因為想食左口魚關係， 兩個人都叫左壽司set.再加多個木魚炒雜菜我叫既一份係火炙set + 天婦羅+ 火炙銀鱈魚左口魚飯火炙壽司包括火炙三文魚， 火炙左口魚邊，火灸芝士熟蝦，沙律醬燒蟹棒，蒲燒饅頭同焦糖三文魚左口魚不負眾望， 油脂分佈適中， 入口即溶一開始望焦糖三文魚有d 怪， 以為咸加甜， 又比想像中好食， 上面一陣燒焦糖令到三文魚更有脆口。其他火炙系列配上調味， 認真唔錯。天婦羅都炸到好香口， 特別係蕃薯， 好甜好軟。另外個碟木魚炒雜菜份量一d 都唔少，炒得好惹味， 唔太咸唔太油朋友呢碟係一樣的火炙系列， 但配上刺身同拖羅蓉飯，

Shiawase Assorted Sushi Platter❤️ Love it🥢💫..去左港島一天遊，來到西環，西營盤既一間日式居酒屋🏮，雖然屬小店經營，但都有各款日式料理可以吃呢。有：自選壽司拼盤套餐、石燒牛、日式料理定食。壽司刺身日料，都一應俱全。.其中必試一定係l壽司拼盤🍣 Assorted Sushi Platter]l $108，就已經有齊壽司、丼飯、刺身/天婦羅，隨意配搭，真的超級豐富呢。.A4. +$10 三文魚、火炙三文魚腩、沙律醬燒三文魚、焦糖三文魚、芝士燒三文魚、辣味三文魚、三文魚籽(Salmon, seared salmon, with mayo, with caramel, Grilled Salmon with Cheese, Spicy sliced salmon, salmon roe)對住火炙壽司，我完全係愛上❤️，燒過既刺身，多一份魚油香，而且係我最愛既三文魚😍，7款口味，真係來一次大滿足。.B4. +$15 炙燒鮮銀鱈魚、左口魚邊丼Seared coolfish, engawa donburi而丼飯🍚 亦有我愛吃既左口魚邊🐟，同樣經火炙過後，油脂那份

石塘咀有好幾間日式料理餐廳今晚就試吓依間幸鮨屋揀左兩個套餐「極上壽司盛·鮨」（$145）同「自選壽司拼盤」（$108）再比左$20追加雞肉串同芝士豚肉餃子雞翼依間餐廳上餐速度好快就咁睇已經好豐盛雖然餐牌寫左午市先附送麵豉湯、沙律、小食但今日晚市都有附送沙律菜都新鮮清爽，食完好開胃小食係方形嘅章魚丸子，外層跪跪地追加嘅雞肉串同芝士豚肉餃子雞翼都燒得好香口如果配啤酒仲一流！極上壽司盛.鮨落左單先知今晚冇海膽同活赤貝職員就同我講可以轉同Set 裡面其他款既壽司咁我就嗌多件帶子同三文魚籽件件壽司都好出色！特別係蟹肉蟹膏、拖羅蓉、赤蝦、池魚、同三文魚籽刺身肉質結實爽口，蟹膏味重香濃大大粒嘅三文魚籽放入口好似爆珠，海水味重自選壽司拼盤依個包左壽司，迷你丼同一款小食揀左A3+蔥拖羅蓉丼+天婦羅件件魚生都係咁新鮮蔥拖羅蓉丼連豉油都冇落，啖啖拖羅蓉有魚脂香味，完全冇魚腥味，大讚天婦羅嘅皮好薄，食落清跪，無好油膩嘅感覺整體嚟講，今餐好高質係連鎖迴轉壽司以外嘅好選擇！兩個套餐連兩款追加小食加埋一都係三百蚊左右，好抵食！另外餐廳仲有提供黃口罩賣，值得支持！

近排天氣咁悶熱，放工食飯就想食得清新少少，經過呢間日本嘢望左兩下個餐牌都幾吸引，就決定食壽司～中午已經食左粉麵飯所以唔太想食熟食，我地最後揀左餐牌上面推介嘅極上壽司盛（鮨）同自選壽司拼盤。壽司盛包括左12件壽司，分別係三文魚、帶子、油甘魚、八爪魚、赤蝦、甜蝦、赤貝、深海池魚、海膽、魚籽、蟹肉蟹膏同拖羅。餐牌上面只係寫午市附送麵豉湯、沙律同小食，本身以為晚市只係得壽司，點知原來晚市都有附送， 結果成個餐嘅份量一個女仔有d多XD附送嘅麵豉湯偏家常味道，配左d豆卜都幾得意，而小食係有d似係雪條形狀嘅大阪燒～壽司嘅魚生都幾新鮮，口感爽滑，海膽亦都唔會覺得腥，d蝦都好鮮甜。另外個$108壽司拼盤有得ABC選項各揀一款。A係壽司， B係迷你丼，C係刺身/天婦羅。因為個極上壽司盛已經有唔同款嘅壽司，所以我地最後揀左A4三文魚拼盤，有三文魚、火炙三文魚腩、沙律醬燒三文魚、焦糖三文魚、芝士燒三文魚、辣味三文魚同三文魚籽。其中辣味三文魚同焦糖三文魚比較特別，口感同層次多樣，味道唔錯!B我地揀左蟹肉蟹膏丼，味道清淡，但都嚐到蟹嘅鮮味。因為唔想食炸野，所以C我地揀左刺身，佢有三款刺身，每款兩塊，雖然係配菜，但

放寬左堂食時間後, 同朋友仔食晚飯時間都多左今日同朋友仔去到地鐵站香港大學站搵食,自己第一次到呢區,冇諗過,街上甘多食店路過被門口的餐牌吸引了價錢不貴, 加上方便就腳,就選佢喇, 入去後, 發現有我最愛既香港製造的口罩,黃、黑、白色有Level 1, Level 2, Level 3 $150-180雖然口罩供應穩定但店主好有心, 依然把放罩放當眼位置因為香港人依然需要配帶口罩,1.方便必要時購買2 . 亦提醒大家入內必須配帶口罩，      及為每位客人量度體溫       確保大家安心進食.3.各座位之間都有間板隔開。店主做多一點，食客更安心。先來一個前菜，串式章魚燒及沙律。之後點了一個幸鮨剌身烏冬套餐, , 蔥拖羅魚腩飯熱食,有串燒雞軟骨,燒日本蕃薯仔, 一口芝士幸鮨剌身: 有三文魚, 油金魚, 海蝦, 大蝦及玉子燒,以百多元來計, 真係好抵,因為魚肉色澤夠鮮, 三文魚魚脂分佈均勻我沒有沾上醬油,慢慢享受油脂於口內打滾,自己比較喜歡大蝦, 肉爽味甜, 其實自己對烏冬 不是太鍾情,但今日後, 絕對改觀,冷烏東配上芝麻醬, 好似好普通但估不到, 彈牙爽滑就係烏冬既靈魂不黏牙, 配上簡

最近限聚令有所放寬，心情好一些，找個餐廳食好d。來到香港大學站原來一整條街都充滿食店，唔愁冇野食。走進一家價錢親民的日本餐廳。即使疫情關係，不論堂食外賣，仍有好多客幫襯，可見它的吸引力。自選壽司拼盤 $108$108一個套餐，但就有好多唔同既野食，壽司，丼飯，天婦羅，仲有沙律同麵豉湯，非常抵食。壽司壽司揀左以火炙做主打，有火炙三文魚、火炙左口魚邊、火炙芝士熟蝦、沙律醬燒蟹棒、蒲燒鰻魚、焦糖三文魚，全部火炙，香味撲鼻。焦糖三文魚配搭創新，味道有驚喜。迷你丼雖然叫迷你丼，但葱拖羅蓉丼一點也不迷你，而且有滿滿的葱拖羅蓉。炸物有蝦天婦羅同日本番薯仔天婦羅，炸粉唔厚又夠香脆。刺身拼盤 +$20加個刺身拼盤，有大大隻三文魚，又有甜蝦。美國安格斯西冷200g $138安格斯西冷有200g，其實都大塊，而且肉質也嫩口，配埋加料的飯，都好豐富。最重要係放在熱力十足的石燒上，食晒都仲保持到溫度，值得一讚。想平平地食吓日本嘢，呢度都唔錯。

今日返咗學校溫書 放學之後突然好想食壽司就上OpenRice 求其搵咗間🍣 最後決定食「幸鮨屋」，入面仲有黃口罩賣，呢間果然係一間黃店！ 可能因為6點就到 仲早 所以都冇咩人 唔洗等👍🏻 我叫咗一份$108自選壽司拼盤套餐 加兩件海膽壽司 壽司都幾新鮮 一百幾蚊食到咁有質素嘅壽司真係冇得彈 性價比極高！好鍾意佢嘅自選拼盤 最啱我呢啲揀飲擇食嘅人😂 套餐入面有6件壽司之外 我仲揀咗一個蟹膏肉蟹丼丼飯 加一杯提子味梳打壽司上面嘅魚生好綿 完全唔猩 另外火炙壽司亦都做得好好 好入味 而係蟹膏飯嘅味道更為濃郁 配壽司飯真係一流 好開胃 份量亦都算多 絕對係物超所值而我朋友因為唔想食壽司就叫做石燒牛 雖然比我想像中細 但勝在味道唔差 一上菜就聽到「咋咋⋯」聲 我偷偷地試左一舊 都唔錯 有肉汁juicy juicy的 完全唔韌 好易就咬開估唔到壽司舖有石燒牛之外 品質又高 性價比來講絕對值得再食多次

疫情期間一直無出街無約人食飯，咁岩要去薄扶林做野，所以夜睌就約左朋友落西營盤幸鮨屋食返餐好！幸鮨屋位於西營盤皇后大道西509號地舖，因為防疫關係，每張枱都有個隔板。唯一需要提點嘅係：order食物要用order紙，但如果紙上無你想要嘅就係空白位置寫上。呢點店舖並無寫明，都係我地詢問之下才知道，在場時都聽到有好幾人詢問。一開始會奉上味噌湯及沙律，味噌湯幾特別，入面仲有豆卜，入口滿滿都是味噌湯，不過無平時飲嘅味噌湯咸，淡淡的～我同朋友各點了店舖主打的$108套餐，A壽司B迷你井C刺身/天婦羅各一款。我點了A4（三文魚、火炙三文魚腩、沙律醬燒三文魚、焦糖三文魚、芝士燒三文魚、辣味三文魚、三文魚籽）。雖然並唔係三文魚愛好者，但相同嘅食材，唔同嘅味道，還滿享受的～除了焦糖三文魚苦苦甜甜，好似甜品咁，其他都屬於正常水準～B2蟹肉蟹膏丼，超級推介！雖然蟹膏外形不太討好，但當將個井混合之之後，滿口鮮甜蟹肉蟹膏味道，而且蟹肉份量亦不少～C1蝦天婦羅日本番薯仔天婦羅，因為熱食關係，分開上了。估計因為無沾太多粉及剛炸嘅原因，咬落去仲係脆卜卜～另外點了明太子餃子雞翼（2隻），咬落去時發覺明太子只在雞翼的一邊，

聽同事講西寶城附近新開左間日本野食星期五放lunch就去左啦新開張好多人等位其間見到門口位竟然有盒黃廠口罩好感度即時大增我叫左個壽司自選餐ABC全三文魚套餐特別要講芝士三文魚，好濃芝士超好味再揀左天婦羅小食，見到平時好多日本餐都係天婦羅蝦搭南瓜或者茄子，呢間竟然有甜蕃薯仔，非常好夠甜，天婦羅蝦都夠脆同幾大隻，食完壽司都有d飽，慢慢食個拖羅蓉飯，好新鮮好滿足而同事就食左個牛小排，肉質都幾淋，中意配搭個款醬汁，好襯牛肉之後再叫左個小食，雞肉串，醬汁調較得幾入味，食哂所以野超飽，可以有下次

今日同同學上完堂之後，諗住喺學校附近試下一啲平時冇食過嘅餐廳，所以當我哋見到幸鮨屋呢間日本菜小店嘅時候，就決定入去幫襯。 我哋當時幫襯嘅時間大約係下晝六點，人流尚未算多，地方雖小但係都整齊有條理，而令我最印象深刻嘅係門前嘅各種高達擺設，可能因為店入面全部都係後生仔，所以先喺店入面增加一啲男仔玩意嘅設計，但係正正就係因為呢啲設計，成個進食環境比到我一份親切、溫暖嘅感覺。 咁係食物方面，我就叫咗一份自選壽司拼盤、美國安格斯牛小排同埋一杯梳打。首先，成份自選壽司拼盤入面有一份六件嘅 壽司、一份刺身同埋一碗丼飯，整體份量其實都幾多幾抵食壽司材料同埋刺身都幾新鮮，而我揀嘅嗰碗蟹肉蟹膏飯，啖啖都係鮮甜嘅蟹肉以及濃郁嘅蟹膏，食落非常滿足。至於嗰份美國安格斯牛小排本人都比幾高嘅分數佢，首先佢哋所用嘅石板令到上面嘅牛肉唔會太快熟，避免左牛肉擺太耐而變老變柴變靭嘅情況，再加上佢哋所選嘅牛小排品質唔差，粉嫩嘅牛肉入面有足夠嘅牛味，鍾意食牛嘅朋友一定唔可以錯過。

今天路過一間日本小店 想嘗試一下新店就同朋友入左去嘗嘗鮮佢有大概2頁的定食 有壽司組合，丼，炒飯和拉麵等我叫了108的壽司套餐和鰻魚飯套餐有套餐就會有前菜 有沙律，味噲湯和小食感覺頗有誠意味噲湯很有家庭味道有種親切的感覺沙律中的菜也很新鮮不是溶溶爛爛的菜食主食前先吃點清新的也是很好的選擇壽司套餐中的壽司 魚生很有光澤感 而且很適合三文魚狂熱者因為他這是有不同部位和不同特色所組合而成的 一碟滿足好幾個任務魚生部份亦很新鮮蟹肉蟹膏小丼飯蟹肉蟹膏多到傻左是滿滿的 而且仲有個蟹鉗仔整個好可愛好迷你成個套餐有岩岩好的飽足感饅魚飯份量很足夠 而家饅魚是佈滿飯面的令人感覺很舒服 而且仲有一小撮紫菜作點綴飯的份量和饅魚配合是剛剛好的雞串上桌仲係熱辣辣的 令人感覺良好少少芝麻添了少許香口感覺芝麻雞翼簡直香脆可口上桌一樣脆卜卜雞皮炸到脆口 再加上有少少既肉汁 係一大既享受阿最後仲有酷像章魚小丸子的小食但竟然以炸物串燒形式出現佩服店家的創新

事耐半年先有機會同夠膽係堂食壽司，今次點左好多食物，算唔算係報復式消費呢。好多女同事鍾意食日本野 ，男同事通常食茶餐廳就算，可能男人真係來自火星， 女人來自水星。 自選壽司拼盤套餐選左心愛既壽司拼盤，再加$20要了海膽飯。超級好食，日本米軟QQ的，人生一大享受。天婦羅烏冬有幾多人係鍾意食天婦羅蝦所以點天婦羅黎食呢？ 我就係咁。除左兩隻蝦，仲有蟹柳，南瓜同紫薯粒 ，味道不錯。烏冬都幾大碗的。追加饑燒鮑魚，爽 ，彈牙再加個炒雜菜。無論壽司定熱食水準很高。補前菜相

大部份的日式定食都是有固定的主菜和配菜, 今次經過西環，發現這間居酒屋有壽司自選套餐😍，主菜配菜可任意自己選擇! 壽司自選套餐108: (A+B+C) 配小食, 麵豉湯, 和沙律。A是壽司類別, 有五組壽司可供選擇; B是迷你丼類別，有六款可供選擇; C就是刺身或天婦羅。每個組合都好吸引，經過一輪心大心細後，決定選擇以下組合。😋(A: 火焰三文魚，火焰左口魚邊，火焰芝士熟蝦，沙律醬燒蟹棒，紅燒鰻魚，和焦糖三文魚)最喜歡食火焰壽司的我，這個組合最合我口味! 經火焰灼燒的刺身，魚油令壽司更加肥美, 一口接一口，好味道停不到口。(B: 蔥拖羅蓉丼)拖羅蓉很鮮甜，配上蔥花和粒粒珍珠米非常開胃~(C: 蝦天婦羅)食完壽司拼盤和拖羅蓉丼後，當然要來點炸物~ 天婦羅是即叫即炸，有我最喜歡的蝦天婦羅和日本甜小番薯。蝦大大隻而且炸粉不厚，脆卜卜非常惹味! 小番薯也非常鮮甜。另外還叫了石燒美國安格斯牛小排168，牛肉非常嫩和juicy, 雖然配有燒汁, 不過不沾燒汁也好好味。由於是石燒上，所以食到最後牛肉都是有熱度的。另外還配一碗飯，小食，沙律，和麵豉湯。食完之後真是感覺大滿足，每種類別都可選擇自己喜歡的

今日去咗西環探朋友，見到呢間門面好有日本風又好似好多種類咁就入去試吓入到去都好有日本風味仲有啲高達模型，牆上亦有掛一啲壁畫，大家都可以欣賞一下入到去個侍應都好好，見到下面好逼都叫我地上留上坐有梳化位又舒服啲仲推介啲野食比我地我哋就叫咗$108自選壽司拼盤套餐+$168美國安格斯牛小排石燒牛。自選壽司拼盤套餐確實有好多選擇,我就簡左A5,B5同C2,海膽勁鮮甜，啲刺身蝦都好彈牙，其他壽司刺身食得出好新鮮鮮味呢個價錢呢個新鮮度我覺得物超所值，好過好多連鎖店跟住講下個美國安格斯牛小排石燒牛，我揀咗佢個黑椒汁甜甜地確實唔錯，啲牛都幾有牛香，一啖牛一啖茶漬飯簡直滿足而我覺得有時食牛佢把刀都好重要，因為一把刀其實都幾影響我食牛扒嘅心情，而佢用咗一把靚刀，令到成件事更加錦上添花