幸福班戟 (新城市廣場) (已結業)

等左好耐呢間大名鼎鼎既日本班戟開黎沙田，一開檔果陣超多人排隊，試過夜晚過黎，因為人太多而要截人龍而食唔到。熱潮過後，終於可以趁早收工，唔洗排隊就食到。因為唔偏好甜野，所以揀左試佢既兩款鹹班戟。班戟非常鬆軟，滲有超級濃郁既蛋香味，極高質。厚切煙肉亦都好特別，其他地方唔易食得到，而且佢將塊煙肉煎到超香。個人覺得個炒蛋唔算好特別，但芝士蘑菇奄列就好D，芝士香得黎，但又唔會太重味，同蘑菇奄列既味道出乎意料地夾。因為小弟始終唔太偏好甜野，所以下次黎都應該會揀番鹹班戟，而唔會嘗試佢既招牌甜班戟。

🎾 #一粒波食好西沙田新開左幸福班戟🥞咁近冇理由唔食返次🤪沙田店係採自助形式，係店外面排隊到你就可以去counter order先，然後就可以坐低等，有pancake就可以去出面拎🤩注意每人最少要叫一個item!!-⚾奶茶班戟配自家製穀麥 $98由日本黎都冇遜色到🤩個pancake超fluffy 超香蛋味🥞佢既奶茶係伯爵奶茶味，個醬稍微有少少太甜膩，但都好濃茶味既🍵仲有穀麥增加口感，幾好食🤪.⚾️日本士多啤梨宇治抹茶煉奶班戟 (期間限定) $108見佢期間限定就叫黎試下，估唔到呢個又幾出色🤩抹茶醬好香，再加埋抹茶粉有少少苦，夾埋pancake一齊食好正🤤🤤士多啤梨微酸配埋一齊即刻冇咁漏，正👍🏻👍🏻輕鬆可以自己完食一個😋.⚾️Vanilla Latte (Hot) +$28正正常常既latte，唔會太苦/太甜☕️但就冇咩vanilla味🤨🤨-⚽總評⚽雖然性價比唔算太高，但佢地既pancake真係做得幾出色既🥞偶爾食一次非常之可以🤩但佢堂食都係用外賣既紙兜，就好似有啲唔環保😢-🏐幸福班戟沙田沙田正街2-8號新城市廣場3期3樓A326號舖10:00 - 22:00-#一粒波ARollingBall

這天在沙田終於吃到一直好想吃的幸福pancake，之前好幾次到銅鑼灣店想吃，但每次到達後見到條長長的人龍，都不禁令人卻步，實在太多人排隊。當知道沙田新店開幕，便想來碰碰運氣，lunch時間不算太多人，不用排長龍的情況下，立即要試下！點的是原味pancake，名為幸福班戟，Happy pancake，入口暖暖的而且鬆軟，pancake 蛋味好香，有蜜糖伴碟甜甜的，好好味吃過後令blue Monday添上了色彩。價錢不算便宜，$80一份班戟，但味道真的很好，滿足！

商場重開，整合左之後引入左好多人氣食店。旅行個陣去過表參道排大隊食，今日黎呢間又唔算多人喎。日本pancake講究食材、用心製作，望到其他客人枱上pancake似乎都好鬆軟，就自助order一客全麥pancake配芝士磨菇奄列。收銀處買完就可以帶埋電子牌返位等攞野食，攞pancake個陣Pancake搖下搖下，已經好想一啖咬落去！Pancake麥味好重，空氣感十足，鬆鬆軟軟；芝士磨菇奄列都幾好食，夠滑，上面仲有少少鮮番茄蓉；菜沙律好fresh，營養又好味。順帶一提呢度咖啡相當唔錯，不過百幾蚊食呢餐就有d貴。

雖然係平日下午，但依然幾乎滿座。班戟種類唔算多，有咸亦有甜既班戟可供選擇。於是我同朋友點左抵個朱古力香蕉班戟同一杯木薯皇家奶茶。店員都好有禮貌咁安排落單，付款同入座。一邊坐係度等一邊睇住其他店員制作班戟認真又專業，感覺都幾享受。好快珍珠奶茶已經準備好，有點細杯，奶味較重而珍珠裏面有點點過硬，唔夠煙韌，價錢又偏貴，唔試都唔會有損失。過多5分鐘左右，到主角班戟出場，賣相唔錯，打卡一流。暖暖既班戟蛋味十足而且非常鬆軟配上濃濃朱古力醬，新鮮香蕉同忌廉，非常合襯又唔會太甜太膩，值得推介！有機會要去日本潮一潮聖食最地道既班戟！

一場黎到沙田。知道開左之前係大阪食過既幸福pancake ，緊係要再朝聖，睇下香港嘅水準有冇差過大阪啦！臨近聖誕節，人們開始放假，人流岩岩好排到我地就要等 不過算啦之後一點幾仲多人，好彩排早一步咋！職員見到有位比我哋入就會叫我們點左餐先，我哋就點左一咸一甜，咸係煙三文魚配牛油果🥑燕麥梳乎厘。點完就就坐等pancake到另外甜既都到埋，嗌左藍莓芝士pancake，基於上次大阪食完覺得好味於是翻尋味藍莓sauce酸酸甜甜好開胃，本身食咁多個pancake都膩膩地，好彩嗌左呢個冇甜上加甜 但諗住食甜野既人嗌原味都Ok !反而個咸既比我驚喜更大 原味Pancake比較滑身，呢個燕麥有啲𡁻口，唔會食左一陣風咁同埋個球野係咸的，整體都好Match

🌲假要繼續食甜品. 醒起沙田新城市間幸福pancake開左. 2點幾走去商場，諗住過左午餐時間唔使等好耐. 未到3點條隊有幾個人排隊等位. 等左二十分鐘有位. 兩個人叫左個熱朱古力醬pancake🥞同一個牛油果煙三文魚. 朱古力醬配左脆脆穀米好味同埋朱古力醬都算夠多醬可以點埋牛油果同咸pancake食.個咸🥞啲鹽打唔夠均勻，有啲位偏咸. 個🥞夠鬆軟又唔會好快扁曬.午餐食一份絕對夠飽.新店幾時轉返做餐碟、杯. 用呢啲紙杯紙盒好唔環保.

沙田開分店，同朋友去試下兼聚舊，朋友排隊落order後入座等候，如果你有朋友遲D來，唔該一定要幫佢買埋，因為無得加單，要從新排隊俾錢落order。 賣相都算OK，味道沒有太大驚喜，可能由於本人之前都是在日本東京和金澤試過，所以去到香港店第一個感覺就是唔幸福的幸福pancake，因為沙田店環境比較open，像快餐店，另外係用紙盤，而日本店會比較有privacy，用瓷碟及鐵刀叉上，食得舒服D。由於有比較，所以都唔打算再來，如果未試過就一試無妨。

排隊等咗陣，買完先有位坐。可以另外買野飲，有咖啡、珍珠奶茶。 咖啡一早出到黎，味道普通，冇拉花。然後滿心歡喜咁等，應該係未整到合符standard ge pancake，落完order坐底等嘅時間高達一個鐘。出到黎靚係靚，但味道同雞蛋榚差唔多，好失望。 全場十幾枱客，得果2個爐。一個爐煎9個，一盤要煎20分鐘。全世界一齊等，入面員工每人只做一個工序，其中一個fail就會成條生產線等曬。多次見到佢地扔啲pancake走。無論如何，等一粒鐘食個pancake，仲要受氣，唔怪得唔收服務費，因為真係冇服務可言。 唔會再幫襯。

沖繩排隊一個半小時。尖沙咀店 長期都排一小時以上。 我沒有排隊食嘢既習慣，所以我從未食過。剛巧沙田店新開，暫時未引大批人龍，我就試一試。日期： 平日 早上11:00 服務： 無加一。所以無服務？ 🧐🧐如快餐店一般，先收銀買餐，給一部機，响時 自己去拎 好有大家樂既感覺 。價格：$80-108 偏貴 味道： 賣相都相當好，但竟然用紙碟，膠餐具。一入餐廳感覺都挺好，舒服，價錢亦唔算平，但氛圍竟令我覺得似快餐店😵😵這個幾扣分，食野賣相 感覺......😞😞都影响了，有點失望。份量比我想象中細，pancake 直徑大約8cm x2 塊 配三文魚 沙律菜 少量牛油果 （一心以為pancake 好大😓😓一場誤會） Pancake 幾鬆軟，好香麥味，用料唔錯，幾香。 總結： 無人排隊，可一試，質素都仍有的， 但如果要排一小時，絕對唔值。

雖然有少少雷聲大雨點小，排隊的人也不算多，但食後感是幸福的！開店第三天我們去朝聖，8:30pm去到排了幾分鐘入去，先去下單，再安排坐下！座位近門口較迫，但其他位都還可以啦，全場都不是寬敞！我們叫了一個tiramisu pancake 加一杯奶茶，Pancake非常鬆軟，配合醬汁好好味，甜但不漏，我會再encore!

沙田開咗幸福班戟，梗係要睇食吓啦！新店開張但唔算多人排隊，閒日食完晚飯排幾分鐘就安排到入座。由於兩個人的關係，店家一定要點選兩款食品（班戟同飲品都可以）。入座後會比埋機仔你，一響就去拎班戟一般話等廿分鐘左右。不過等緊嘅時間，可以睇住店員認真地整，都係一種享受。（佢哋成日都拎住測溫度計測溫，又目擊到佢哋試過將成盤失敗班戟掉咗，可以話製作認真，但其實都幾浪費。）即叫即整，製作幾認真咁！跟餐加28蚊的焦糖咖啡，但味道好普通奶茶班戟 味道唔錯幾夾！！！！

第一日開張便去試……試完價錢唔算平pancake 垃圾咖啡垃圾、冇拉花用紙杯紙碟全自助相比日本、相差太遠太遠…………輸左百幾銀當支持日本分店……不会……不会再來……WASTE time, WASTE money味道 一粒星低食 一粒星其它…………算吧！好……好……好失望願望……希望不会影響在日本的品牌！