幸福巷子 (啟德零售館1)

喺啟德幸福巷子試咗佢哋嘅炸雞髀滑蛋飯，真係好正！炸雞髀外皮炸得金黃香脆，一咬落去「喀嚓」一聲，雞肉嫩滑多汁，醃料入味，帶點微辣同香料嘅風味，食落超滿足。滑蛋飯更加係點睛之筆，蛋液滑到好似絲綢，蓋住粒粒分明嘅白飯，蛋香濃郁，混雜淡淡嘅醬油味，簡單但好有幸福感。兩者一齊食，雞髀嘅濃烈同滑蛋嘅溫柔口感完美平衡，每啖都係享受。份量好夠，雞髀大舊又厚肉，絕對係肉食愛好者嘅福音。店舖環境乾淨企理，坐得舒服，服務員仲好親切，落單後食物好快上枱，感覺好有誠意。不過有時雞髀會稍為油咗少少，搭杯凍檸茶或者青檸梳打會更爽口。價錢合理，CP值高，無論係中午快餐定夜晚慢慢食，都好值得試。整體黎講，幸福巷子嘅炸雞髀滑蛋飯真係好食到令人回味，喺啟德搵食嘅話，呢度係一個唔會失望嘅選擇！強烈推介畀鍾意香口同慰胃美食嘅朋友！…查看更多

呢間餐廳喺啟德，food court裝潢簡單但有種運動時尚感，坐低已經聞到廚房傳嚟陣陣牛油香。 今次試咗佢哋嘅肥牛蛋包飯。金黃色嘅滑蛋包住熱辣辣嘅炒飯，真係好吸引。肥牛片切得厚薄適中，油香同甜味都滲入咗醬汁，拌埋飯一齊食，每啖都係濃郁牛香，加上蛋嘅嫩滑，口感層次幾豐富。醬汁方面偏甜帶小小鹹味，味道剛好唔會搶晒蛋同牛嘅風頭，反而係好好咁將三者黐埋一齊。 雖然只係一個蛋包飯，但份量足夠，食到最後仍然覺得滋味冇膩感。成體驗就好似食緊一份用心整嘅家常料理，溫暖又滿足。想喺繁忙都市中心搵返啲細膩舒服嘅日式味道，呢度值得嚟一趟。…查看更多

今晚食飯一肚氣🥹叫咗個叉燒蛋飯配紅豆冰紅豆冰打撈極都係得一兩粒紅豆點餐嘅時候已經要求紅豆冰小冰店員居然同我講”盡量啦”點知杯紅豆冰嘅冰係一排排都唔緊要紅豆冰紅豆份量極小事大咁我攞返去同個店員理論佢話我哋有落紅豆㗎叫我可以用隻羹去撈底去睇下（其實佢係冇畀匙羹我嘅）咁我話麻煩你撈畀我睇啦佢喺我面前撈咗六粒紅豆上嚟咁我話你哋紅豆冰嘅紅豆份量係咪就係咁多先, 如果係嘅我冇所謂（心諗至多我唔會再下次幫襯啫）跟住佢馬上搶咗我杯紅豆冰去加返一小湯殼嘅紅豆畀我.當時我終於明白,點解香港嘅飲食業搞到今時今日咁嘅地步, 人人返曬上大灣區消費,真係唔係冇原因嘅.…查看更多

一入到去即刻俾佢Menu上邊煎蛋叉燒飯吸引到🤤本身諗住金黃色嘅太陽蛋再加埋紅卜卜嘅叉燒但入口就覺得有啲乾又唔夠燶😢都係隻蛋煎得好靚～ 份量都幾多下🙌🏻有兩塊雞扒整體嚟講CP值都正常放工返到屋企唔想煮飯可以過嚟食🙌🏻…查看更多

大熱天時，本來冇乜胃口，喺零售館一food court見到呢一間都多人排，好似啟德airside嘅food Court都有一間，隨便嗌咗個叉燒肥牛，以為啖啖肉之外，肥瘦相間做得好好食燒得好入味，每啖肥牛，同埋叉燒入口都好嫩滑，唔會太甜，驚喜嘅係肥牛，唔會吉x家嘅咁薄，個汁我都覺得啱啱好唔會太過甜，$68佢對得住個價錢，會再encore👍…查看更多