幸福堂 (已結業)

上年去高雄玩，夜市試過幸福堂的黑糖珍珠鮮奶茶就難忘！真係好好飲，唔會飲到膩知道台灣幸福堂來港開業，先避開開業人潮，諗住終於今日一嚐那念念不忘的滋味香港的店不同夜市風味，門面光鮮，高雄夜市就簡單一個夜市攤擋採用即炒黑糖珍珠用料雖然見到佢地都係即炒咁，但感覺唔夠熱唔夠耐，因為珍珠入面煮得唔夠軟，有d硬，味道同台灣的差不多，但重點在珍珠吖！😑 台灣的煮出黎好Q彈，粒粒都好有咬口🥰 尖沙咀呢間就做唔到，希望其他分店試完會有好感🥺

復活節假期的喜悅被連日大雨去了一半，難得一次出街來一口幸福堂。店面細細間，行近原來內有乾坤。右邊落單區，除傳統黑糖珍珠奶茶外，水果茶名稱都好有特色—再一次心跳（玖瑰花水果茶）。左邊係可以憑收據抽籤，籤文幾有趣。等緊茶個陣可以玩下🥤

我上個月去台灣有係基隆夜市飲過幸福堂既黑糖珍珠鮮奶，諗住開番間真野係尖沙咀，就馬上去試，因為在台灣飲過幸福堂既黑糖珍珠鮮奶係好好好飲既！諗住香港呢間一定用番原材料同調法，一定都係一樣味，點知一飲個奶味係唔同，又多冰死甜，個奶味真係好難飲所以飲左一啖都唔想飲落去。初頭以為只係我咁唔好彩果日整得難飲，但連我公司同事第2日都貪新鮮去幫襯都一樣覺得同台灣店有差別，希望有待改善，真心飲唔番台灣店既味道，好失望！

難得落尖沙咀，見正版幸福堂開業，一心諗住試下味飲「黑糖珍珠鮮奶」，因為之前飲幸福周末都幾好味，諗住正版幸福堂應該更好😅，明明隔離老虎堂多人買，見幸福堂冇乜人都照試下。睇佢工作人員係鑊Keep 住炒黑糖珍珠，以為會好香黑糖味，結果第一啖飲落去，只有「死甜」，其他珍珠奶茶超甜都總有少少黑糖香味，呢間「幸福堂」（台灣陳家）真係乜都冇🥺🥺🥺⋯⋯以為鮮奶會有基本奶味，反正好多間用日本明治奶，但我冇留意佢用乜嘢牌子鮮奶，總之就冇奶味，只有大大舊冰，配硬得嚟冇乜味又唔算好食嘅「珍珠」，平日我好少浪費食物，但今次我好努力咁飲咗半杯，真係頂唔順⋯⋯掉咗🤦🏻‍♀️

第一次接觸到這麼好飲的飲品，第一次飲完之後，而家日日都要飲，好健康，所有嘢真的真材實料，唔會好似其他牌子咁用粉溝出嚟，其他牌子簡直冇得比覺，所有飲品所使用的材料真的原汁原味，尤其是黑糖鮮奶，我見到這些員工真的用黑糖去炒珍珠，鮮奶又是日本牌子，一杯飲品飲出不同的味道，如果你未飲過尖沙咀的幸福堂，簡直稱不上真正的黑糖珍珠鮮奶! 我去過好多次，唯一嘅缺點就係太多人，排隊條龍太長，每次賣完珍珠之後都要等15分鐘炒過，我都問過當場職員，點解唔一早炒定呢，佢哋話這樣做唔夠新鮮，所以一定要即炒即賣，這樣才可以保證到品質！我聽完之後，簡直不敢相信，現在做生意好多都係為錢，估唔到佢哋咁有良心！

今日行街，見到有幸福堂🙆🏻🙆🏻🙆🏻心諗開咗咁耐都未試過🤦🏻‍♀️🤦🏻‍♀️都好想去試諗下😋😋睇下係咪真係咁出名😬😬所以就叫咗一杯黑糖珍珠厚奶黎飲😬😬😬牌面同台灣嘅幸福堂一樣😍😍我睇住佢一路甘炒緊啲黑糖珍珠😍😍😍整体感覺好新鮮😍😍😋😋價錢仲好平😯平過其他品牌好多😯😯都係$30一杯👏🏻👏🏻👏🏻店員仲好細心咁提我哋，要搖好先飲👍🏻👍🏻一飲落去，果然係台灣遠近馳名嘅正貨店，好過幸福週末多多聲😂😂😂😂啲珍珠係好軟糯好有咬口😍😍😍同埋唔似得老虎堂嗰啲甘硬🤔🤔🤔真係一流，值得大家去試！

最近 黑糖波霸奶茶 風氣橫行間間茶飲店都好hit經過見到新開張 人龍唔算長 就買杯試試奶味一樣好濃郁 好厚配埋黑糖都好襯既珍珠咬落有黑糖味 依樣幾驚喜略為偏甜左少少 可能個人比較怕甜 下次會試試少甜

新開張。。見到唔多人，咪屎忽痕過去幫襯 點咗個 冷門飲品 什麼什麼葡萄柚。。 雖然我知道唔係招牌菜但冇諗過咁難飲。。 超級失望 ， 一個酸字， 一啲都唔甜， 超多冰。。。。 諗唔到有咩優點 好難幫襯 第二次

知道幸福堂重開喺尖沙咀，身為珍珠奶茶愛好者，一定要試下啦！Lunch時間黎到都唔洗點排隊，好開心我本身係非常鍾意焦糖嘅產品，由其係真係用火燒嗰隻，所以揀都唔洗揀就叫咗焰遇幸福黑糖珍珠鮮奶。等咗幾分鐘，好快就有得飲！一拎起杯珍奶上手，啲珍珠好熱，所以相對上佢落咗好多冰，飲咗一啖，超甜，珍珠size比平時食開嘅波霸細，但又比細珍珠大，但口感就一般喇，我本身對珍珠要求好高，幸福堂嘅珍珠比唔到一種qq嘅口感，而奶味又唔出，就算加咗好多冰，杯奶都係有超甜嘅黑糖味，而燒過嘅焦糖，sorry，一啲都飲唔出，所以飲過一次，打過下卡就算喇

呢間幸福堂今日好似啱啱開張 平時係出面飲開黑糖珍珠鮮奶 今次咪諗住轉下黑糖珍珠奶茶 點知隔咗幾分鐘已經覺得啲珍珠開始變硬 啲奶味又唔夠 搞到成杯野苦苦地 希望有待改善幸好嘅係員工態度幾好 值得加分

一心諗住幸福堂重開就支持下,原來佢呢兩天有打卡免費派發2xx杯，而我當然比錢買,因為好多人排隊吖由於到我付錢後剛剛要再炒黑糖珍珠，唯有等15mins，好彩係比錢買，所以都好快一拎到公司即刻飲，點知好失望珍珠無黑糖味又唔煙un,D奶同平時飲牛奶一樣普通,好茶珍珠一樣唔得，無奶味無茶味無下次

I’m not a particular bubble tea fans, but I was quite impressed with this brand a few months ago in Causeway Bay. Unfortunately, it was closed due to franchise issues. New shop opens in TST, NOT as good as previous franchise shop. 同之前銅鑼灣嗰間差天共地，可以唔洗嚟。