幸圓 (已結業)

朋友最近心情唔好，約咗我出嚟吹水食飯，話幸圓嘅嘢食又多又好食，就帶我嚟試吓！啱啱行入店入面，我就feel到特別溫馨嘅氣氛，呢度嘅裝修偏日式風格，燈光設計柔和，唔刺眼仲好舒服，我個人特別鍾意呢類型嘅裝修😘侍應服務態度好好，向我哋推介咗午餐套餐，日本鮮藍旗吞拿魚一番丼同A4一本和牛丼，我哋決定試吓，點知呢兩道菜都驚艷咗我哋！日本鮮藍旗吞拿魚一番丼包大拖、中拖同赤身！大拖係吞拿魚嘅肚臍部分，肉質最鮮美，入口即溶！中拖就係吞拿魚嘅中間部分，有適中嘅脂肪，口感一流🫰仲有我最鍾意嘅部分係赤身，肉質比較瘦，但係特別有彈性，咬落去特別爽，真係回味無窮😍仲有A4一本和牛丼有金黃色嘅蛋黃，未食到已經令人垂涎三尺，和牛鮮美多汁，配埋蛋黃之後更加滑溜可口，簡直係味蕾上嘅享受😋而且，同配菜一齊食更加香味無窮，特別爽口！！我哋兩個都食得好滿足，朋友都因為好食嘅嘢食心情比較愉快😆我哋都食得好開心🥳

呢間【幸圓】主打日式料理，試咗刺身、燒物同幾款小食，整體OK，冇太大驚喜，但味道穩陣，魚生新鮮，燒物幾有水準。羊扒燒得幾香，啲肉唔鞋，仲有少少焦脆口感，內裡仲keep住juicy，配埋個果仁醬，帶少少堅果香氣，幾特別。刺身定食有三文魚腩、油甘魚、真鯛、深海池魚、赤蝦、日本蠔同赤貝，全部都夠新鮮，特別係赤貝，口感爽脆帶少少甜味，幾好食。魚生他他多士算係幾惹味，上面有海膽同魚生，味道濃郁，一啖落去可以食到魚生嘅鮮甜，加埋底下嘅脆多士，口感幾豐富。八爪魚炭燒味幾香，咬落去彈牙唔韌，唔會煮到乾曬，加埋個蒜味噌醬，味道更濃郁👍🏻飲品叫咗士多啤梨橙汁梳打，酸酸甜甜幾清爽，另一杯係藍色雞尾酒加雪糕奶，甜甜地好似飲緊甜品咁，適合鍾意甜嘅朋友。環境幾舒服，食物水準OK，魚生新鮮，燒物值得一試，價錢合理，想搵間唔伏嘅日料店可以考慮呢間～

好耐冇同老公一齊食日料啦，特登嚟鰂魚涌呢間西日式料理嘅餐廳試吓新口味。餐廳裝潢好靚，好有日式嘅感覺。人潮都唔算多，我哋等咗一陣終於入到去啦。餐牌上面嘅選擇都好豐富，有傳統日式料理啦、西餐，仲有啲創新嘅fusion菜式。幸圓海膽五色丼丼飯睇落去賣相好澎湃，海膽嘅味道好甜，仲有甜蝦好鮮甜，撈埋個生蛋黃一齊食，啲刺身喺口裏面爆發嘅感覺真係好難忘！刺身盛八點因為丼飯實在太好食，我哋又叫咗刺身，一次過滿足晒鍾意食刺身嘅願望。呢碟有三文魚、油甘魚、帆立貝、赤蝦等等，每款都切得好厚同好肥美，大滿足！魚蝦蟹好多士成塊多士好厚，份量都好足，入面夾住咗好多蟹肉，上面仲鋪咗魚塊同蝦子，仲有啲三文魚籽輕輕一咬就會「啵」一聲喺口裏面爆開，成個配搭都幾有創意！燒八爪魚配蒜味味增蛋黃醬八爪魚俾燒到外皮好香脆，但入面仲好嫩口！撈埋間餐廳自己整嘅蒜味味增蛋黃醬，令成個口感更加豐富！

幸圓 - 清新日系茶室今日介紹一間位於鰂魚涌區近太古城嘅日本餐廳，半開放式嘅格局，設計帶着木系嘅元素，非常清新日系感覺。餐湯 蒸蛋 前菜 紐西蘭活青口配干貝白酒香草汁扁意粉 $168總共有六隻大大隻嘅紐西蘭青口，厚肉啖啖肉，配上非常濃郁嘅白酒香草汁，扁意粉嘅軟硬度剛好，非常掛汁。幸圓自選雜錦魚生丼 $178三文魚同帆立貝既經典雙色魚生，Base可以選壽司飯、田園沙律、讚岐烏冬；醬汁就有日本大葉油醋汁、幸圓香辣蛋黃醬、明太子彩椒醬。士多啤梨芭菲 $58甜品亦都相當夢幻，有好多唔同嘅層次，士多啤梨雪糕、士多啤梨忌廉、脆米、果醬同埋士多啤梨粒。特飲 +$30Blue bliss 藍柑橘酒、雲呢拿、牛奶再加上忌廉，非常夏日色彩嘅一杯特飲。📍幸圓(香港)地址: 香港鰂魚涌英皇道1001號1樓1-2號舖

坐落喺怪獸大廈對面，選址非常之方便上班族的一間餐廳，今晚同朋友去食飯傾計，環境好舒適，係日系嘅感覺，最開心職員仲安排左卡位比我同朋友。我地叫左2個 set dinner，前菜有餐湯、薯仔沙律同日式蒸蛋，都算幾豐富。❤️ 北海道牛油味噌松葉蟹膏蟹肉湯烏冬 hkd 148食材都算豐富，除左真係有牛油之外，仲有松葉蟹膏蟹肉、蛋、粟米同埋筍，不過如果可以熱啲更好！❤️ 烤紐西蘭羊扒配開心果香草醬 hkd 228羊味都幾重，我地叫左5成熟，今次咁岩我地啲羊比較肥，所以配有開心果香草醬比較可以解肥膩感，覺得配菜個薯蓉都幾滑～❤️ 宇治抹茶芭菲 hkd 58配有雲呢拿同綠茶雪糕，仲有脆脆係底，仲有蕨餅，提升整體口感和層次。個人推薦這個。❤️ Royal Sunrise +hkd 30由士多啤梨和橙汁配上梳打水，個花食得又整得靚，好岩打卡整體不俗，適合同朋友聚下同打卡

放學之後又同媽媽撐枱腳，近近哋喺屋企附近睇下食咩好先，見到呢間以和風木系為主嘅西日Fusion餐廳環境唔錯，坐位夠寬落，重點係有落地中玻璃可以邊食邊睇景我同媽媽一人一個餐，包埋前菜、蒸蛋同餐湯餐湯係牛腩蕃茄雜菜湯，味道少少酸甜夠開胃每月精選湯烏冬今期係關東煮湯烏冬，爽彈粗烏冬份量多，配料完全吸收到甜甜哋嘅關東煮湯汁仲配搭多款配料：芝士竹輪、蛋、帆立貝、白蘿蔔、鳴門卷、黑輪卷、油豆腐幸圓極上刺身定食有8款刺身：三文魚、油甘魚、帶子、海膽、深海池魚、昆布鯖魚、魚子醬甜蝦、赤貝全部刺身都一樣鮮甜，配壽司飯一流我媽特別鍾意充滿油脂感嘅油甘魚同帶有青檸香嘅爽彈赤貝宇治金時牛角包窩夫煙韌抺茶白玉同微甜紅豆醬下層係淋上抹茶芝士醬嘅香脆牛角包窩夫另一邊係抺茶味蕨餅加清新微甜豆腐雪糕，隨碟附上黑糖醬比利時朱古力醇厚比利時朱古力混入幼滑忌廉，口感細膩順滑，加埋杯面嘅一塊朱古力薄片簡直完美

試新嘢總係好刺激，今晚就帶男朋友去鰂魚涌的「幸圓」食晚餐。呢度係一間有情調嘅西式咖啡店，感覺好relax，同朋友或者另一半嚟都好啱。😊🍴首先當然要試下佢哋嘅「A4和牛沙律配松露油酢汁」！高級A4和牛切片鋪喺新鮮沙律上，配合一陣陣松露香，真係入心入肺，味道超讚！⭐️朋友們全都大讚好味😀再嚟一份「烤香茅椰青西班牙五花肉」，椰青淡淡嘅味道配合椰香燒得啱啱好嘅五花肉，一咬落口，肉質juicy得嚟香口，非常滿足🌱🍤 想食少少特別嘅，可以試下「燒八爪魚配蒜味味噌蛋黃醬」，八爪魚燒到微微啡色，外脆內嫩，用蒜味味噌蛋黃醬蘸嚟食，鹹香滿分，一試難忘！💖最後嚟啲「魚蝦蟹好多士」，多士烤得金黃酥脆，上面鋪滿魚蝦蟹肉，輕輕一咬，鮮味就喺口腔內爆發，非常過癮！「幸圓」呢間咖啡店真係無論環境定味道都一流。係鰂魚涌絕對係一個不可錯過嘅好地方，絕對值得一試！"

👉🏼大葉醬魚生他他上面擺咗刺身仲有海膽好吸引，下面係烤到金黃酥脆嘅多士，軟嫩新鮮嘅刺身同酥脆嘅多士口感好特別！👉🏼油甘魚薄切米紙卷油甘魚嘅肉質鮮嫩，店家用咗米紙嚟包裹住壽司，入面仲有爽脆嘅蔬菜，入口好清新。👉🏼烤香茅椰青西班牙五花肉西班牙五花肉肥瘦相間，經過燒烤之後外皮變得微焦，肉味飄香。肉入面仲帶有香茅同椰青嘅香味，好好咁平衡咗肉肉嘅油膩感，好開胃呀！👉🏼唔係寶雲酥伊比利亞羊肋排伊比利亞羊肋排經過燒烤之後口感焦香，羊肉味好濃郁，外皮仲有非常脆嘅外殼，口感好豐富！餐廳好好就係佢哋已經切好畀我哋，只需要直接擺入口咬就得。🤤🤤

今日放工約咗個好朋友食飯，突然諗起鰂魚涌嗰間「幸圓」，嗰間餐廳地方舒適，靜中帶旺，我哋叫咗：紐西蘭活青口配干貝白酒香草汁扁意粉食物一送到嚟我已經俾佢個外表深深吸引住，擺盤非常精緻，青口大隻鮮味，扁意粉煮得軟硬適中，醬汁好入味。時令刺身丼依家餐廳真係好特別，叫個刺身丼都可以自己自由配搭，揀到一啲你自己鍾意食嘅材料，非常體貼客人嘅需求。咁我哋呢就揀咗壽司飯，醬汁就揀咗明太子彩椒醬，之後就配咗三文魚子同海膽。仲會配上玉子，粟米，青瓜，牛油果同蟹籽，呢個配搭食落非常清新，每一啖嘅味道都好特別，海膽同三文魚子好鮮味。Bleu Bliss依杯飲品真係非常非常之好飲，佢嘅味道好似日本嘅波子汽水，加埋雲呢拿雪糕，味道非常之夾，一試令人難忘。Strawberry Parfait芭菲嘅口感好特別，好似溶緊嘅雪糕，食落好過癮。再配上一啲士多啤梨，酸酸甜甜，非常刺激味蕾，再加上一啲麥片，增加口感。

呢度每一道菜無論系視覺上定系味道上都非常驚艷，無論系同伴侶嘅紀念日慶祝定系閨蜜聚會，帶佢哋嚟呢度就啱曬~ 一定可以畀佢哋帶嚟前所未有嘅體驗！😲💓日系暖色系嘅裝橫，環境優雅舒服，服務員態度亦都非常好~ 依家要搵到咁用心經營嘅餐廳真系難得啊！唔講咁多，大家睇下我點嘅幾道菜：⊱烤香茅椰青西班牙五花肉⊰⭐⭐⭐⭐⭐打開我新世界嘅一道菜，五花肉色澤誘人，烤到肉質香脆可口，香茅嘅香味亦都完美滲入肉中，食起來非常酥爽。⊱大葉醬魚生他他⊰⭐⭐⭐⭐新鮮粉嫩嘅刺身同金黃色嘅海膽放喺脆度剛好嘅烤吐司上，搭配特調嘅他他醬碰撞出獨特嘅口感，十分過癮。⊱柚子瀆蕃茄⊰⭐⭐⭐非常清新可口嘅小菜，從未想過柚子同蕃茄嘅混搭可以咁特別，晶瑩剔透嘅蕃茄單睇都已經非常有食欲。⊱燒八爪魚配蒜味味噌蛋黃醬⊰⭐⭐⭐⭐超肥美嘅八爪魚，每一口都非常香烤，飽滿且充滿韌性，喜歡嚼勁嘅朋友們必點呢道。

今日到幸圓午飯，餐廳主打西日料理，日式和風裝修優雅，窗邊梳化直望怪獸大厦，舒適休閑。 Lunch set 性價比高，主菜外有味僧湯及飲品，今次點了法式油鴨肶🍗沙律配番茄🥬🍅🥒，金巴利汁，份量算多，唔鹹肉嫩味道不錯，特飲點了Americano Orange 香橙美式咖啡🧋，好好飲。😋 #hongkong #hongkongfoodie #hkfoodie #foodie #hk #food #yummy #hkig #ig #eater #eat #hkeater #photo #delicious #deliciousfood #fusion #cafe #coffee

側魚涌放工唔知食乜好，雖然真係有好多野食，不過見到呢間食日本嘢都幾吸引，雖然位置唔係好多但係每個位都幾闊落！一於決定入去試試佢！入面食物包羅萬有，我地今日就決定叫左2個set dinner! 🌻前菜, 餐湯，蒸蛋 7/10由於本人唔太喜愛蕃薯嘅關係，我就覺得呢款前菜有新鮮感而且唔會好似一般前菜咁咸!蛋花湯同埋蒸蛋非常好食，一定唔會令你失望 🌻幸圓雜錦魚生飯 (松葉蟹肉，三文魚)🐟 8/10非常清新特別嘅魚生飯!未必會見到好似平時咁一大堆魚生鋪滿成碗飯，但係千其唔好以為唔好食，大量嘅蟹子，玉子，青瓜再配上牛油果完全可以令你唔會覺得好漏，食多多都唔怕!加埋豐富肥美嘅三文魚同埋清甜嘅蟹肉，正！🌻俄羅斯黑安格斯肉眼扒🐂 9/10牛味非常濃郁！肉質鮮嫩，肉汁亦都鎖晒喺入面非常Juicy，值得一提，佢個蒜蓉醬配上肉眼簡直係驚為天人，叫呢款嘅同志們記得唔好錯過！ 🌻士多啤梨芭菲 6/10甜品相對有少少失色，味道偏向非常甜，不過都可以一試! 🌻芒果天堂8/10唔好比佢個名呃到，其實除左芒果仲有好多味道喺入面! 包括菠蘿，柑橘等等。口味清新唔漏，雖然天寒地凍但係呢杯野一定都係必點之選!

朋友介紹話 呢度有間餐廳好好食，於是就過咗嚟呢度試吓!呢度嘅晚餐真係超高質，西式咖啡店嘅氛圍好有格調，食物亦非常精緻，每一道菜都好值得推介。🍴首先，我哋點咗個A4和牛沙律配松露油酢汁。個和牛真係啖啖肉嫩，入口即化，配上松露油醋汁，香氣逼人，真係好滋味🥩🥗。🍣接住我哋試咗個大葉醬魚生他他。新鮮嘅魚生同埋大葉醬完美結合，口感滑溜溜，味道鮮甜，又唔會太重，真係好似喺日本廚房即刻整出嚟咁。🍚最後嘅重頭戲就係幸圓海膽五色丼。海膽鮮甜，配上三文魚籽，爆漿又脆口。其餘三款由廚師發辦，每一款都好有驚喜，味道層次豐富，令人大飽口福。呢度嘅環境好舒服，啱晒一家人嚟慶祝特別嘅日子，而且嘅菜色亦都係水準之作，每一啖都有唔同嘅驚喜同滿足感，媽媽都非常開心😄。所以，如果你搵緊一個好地方慶祝或者同親愛嘅人用餐，幸圓真係不容錯過🎂🍤🍣

今晚想嚟一場無與倫比嘅西式美食之旅，就嚟到位於鰂魚涌嘅「幸圓」食晚餐啦！✨ 【幸圓海膽五色丼】（海膽、三文魚籽、另外三款由廚師發辦）。要講，真係一流！🤗🤗 海膽非常新鮮， 我係一個超鍾意食海膽嘅人，呢一度嘅海膽完全符合我嘅心水，好甜好好食!!三文魚籽亦超鮮甜。加上另外三款由廚師親自挑選嘅食材，每一口都係味覺嘅享受！每啖都好滿足！🤠✨ 【燒八爪魚配蒜味味噌蛋黃醬】。呢道菜真係不得不讚！🤭 八爪魚燒到外層金黃酥脆，內裏鮮嫩多汁，伴隨住蒜味味噌蛋黃醬嘅香氣，味道一流，每一口都好滿足！😣😣 超好味✌🏼✨ 【脆皮半熟鴨胸配奶油胡椒汁】。呢度嘅鴨胸真係一絕！🤩 鴨胸煮到剛好半熟，外皮脆口，內裏嫩滑，配上奶油胡椒汁，味道融合得天衣無縫！😋「幸圓」真係讓人眼前一亮，無論係食材嘅質素定係創意都可見廚師嘅用心。😝 每一道菜都係味覺嘅享受，實在值得再嚟一試！🤛🏻總括嚟講，呢間西式咖啡店整得非常用心，食物新穎獨特，價錢公道，份量十足，實在值得大力推薦！

最近喺鰂魚涌搵到間幾舒服嘅餐廳——幸圓，tea set選擇幾多，環境都幾靜，啱晒放假hea住嘆杯茶。燉牛肉配白飯，味噌味幾濃，帶少少甜味，牛舌彈牙，牛筋炆得夠腍，配埋白飯幾滿足。鍾意食牛肉嘅話應該會幾啱口味。魚生丼有三文魚、吞拿魚同赤蝦，魚生睇落幾新鮮，入口冇腥味，醋飯酸度剛剛好，食落幾清爽。飲品試咗奇異果果汁同伯爵奶蓋特飲，果汁幾清新，酸酸甜甜幾開胃，另一杯伯爵茶加cream cheese 奶蓋，仲有淡淡酒味，味道幾特別，鍾意試新嘢可以一試。最後試咗抹茶牛角窩夫，外層香脆，內裡軟熟，抹茶味幾濃，唔會過甜，配埋糖霜，幾滿意。呢度tea set選擇多，味道唔錯，環境都幾舒服，想搵間靜啲嘅地方嘆下午茶，呢度都係唔錯的選擇。😌